الصيد فى مصر - قواعد الامان و التخزين لحمل سلاح نارى

الصيد فى مصر (http://www.egyhunt.net/index.php)

- ادوات الصيد الثقيله (http://www.egyhunt.net/forumdisplay.php?f=66)

- - قواعد الامان و التخزين لحمل سلاح نارى (http://www.egyhunt.net/showthread.php?t=36695)

قواعد الامان و التخزين لحمل سلاح نارى

الموضوع دا انا حسيت انى عايز اكتبو بعد ما حسيت يجهل ناس كتير من حاملى
الاسلحة النارية بالسلاح عموما و دا يمكن لان ناس كتير منهم ما دخلتش الجيش
او مارست رياضة الصيد او الرماية قبل كدا بس لقت نفسها مطرة تشيل سلاح بعد الثورة
حتى لو كان غير مرخص او صوت معدل ( بلى )
المهم ندخل فى الموضوع
من اكتر الاوقات البتحصل فيها حوادث عند حدوث عطل او عند تنظيف السلاح
اولا :
ممنوع نهائى النظر فى الماسورة من الامام و دى حركة بتحصل من ناس كتير بشكل لا
ارادى و خصوصا عند حدوث عطل بالسلاح حتى لو كنت متاكد ان الماسورة فارغة
برضو ممنوع علشان متتعودش عاليها

طيب المسدس حصل فى عطل او الطلقة رطبت او فى مشاكل من اى نوع
اول حاجة لازم تعرفها انو ممنوع انك تضرب تانى قبل ما تشوف فين المشكلة وتعلاجها
حتعمل اربع حاجات
1- توجة المسدس للارض
2- تسحب الخزنة من المسدس
3 تامن المسدس
4- تبدأ تفك الاجزاء علشان تشوف اية المشكلة ولو مش حتعرف تفكها او
تعالج المشكلة تخلى المسدس بحالتة متامن لحد ما خبير يشوفة

ثانيا :
عند التنظيف الهو يستحسن انو يكون بعد كل مرة تضرب فيها
حتعمل اية
1- توجهة المسدس للارض
2- تسحب الخزنة من المسدس
3- تسحب الاجزاء وتضرب طلقة على فاضى فى الارض ولاهى كانت على الفاضى فعلا
يبقى دا العادى كنت ناسى حاجة بقى يبقى ربنا ستر
بعد كدا بقى فك ونظف براحتك و فية فديوهات كتير بتوضح دا بيتعمل ازاى

و نصيحة يعد ما تنظف المسدس و كلو تمام لفو فى قطعة من القماش و عينو بيها دى بتحافظ على المسدس كويس ممكن تلف الذخيرة كمان الانت اكيد مش حتسبها فى الخزنة :d
تتلف لوحدها دا بيحافظ عليها شوية من الرطوبة .

يارب الموضوع يعجبكم واسف لو طولت عليكو