|
اسمع كلامى وخد بالنصيحه ( ومش هاتندم )
.............
السلام عليكم ورحمة اله وبركاته النهارده هانتكلم عن عدة اشياء مهمه جداااااااااااااا لكل صياد وهى ارتفاع نسبة الخطئ فى الاصابه فى بعض الطلعات وهاقولكم على كام خطوه كده تعملوها قبل الخروج للصيد عشان ربنا يكرم ويبقى اليوم تمام وطبعا من البدايه كلنا متفقين من الاول ان ده فى المقام الاول رزق من عند ربنا وهو اينعم الرزق ده من عند الله ولا حيلة فيه ولكن قال رسول الله صلى الله عليه وسلم اعقلها وتوكل المهم من المعروف لنا جميعا ان فيه صيادين كتير بيطلعو طلعات صيد ومع الاسف معظمها بيفشل فشل زريع مع ان بيكون فيهم قناصين كبار لايشق لهم غبار وبرغم ذالك فيه بعض الطلعات ليهم برده بتفشل وسعات انا كمان كان بيحصل معايا كده زمان لما كنت باخرج خروج عشوائى وساعتها بتكون نتيجة الطلعه بعد عناء طويل بالشكل ده http://www14.0zz0.com/2012/12/20/14/445673834.jpg ليييييييييييييييييه ؟ هاقولك انا ليه الموضوع ده ليه عدة اسباب اولا من المعروف ان كلنا بنقوم للصيد من الفجر وساعتها اقل نسبة تركيز للأنسان بتكون وهو لسه قايم من النوم فى الوقت ده ويفضل مقفل ومش رايق لغاية مثلا الساعه 9 او 10 على مايفوق وينشط وخصوصا لو انت قايم جعان نوم ومنمتش كويس http://www14.0zz0.com/2012/12/20/14/516680625.jpg وساعتها حضرتك بتشيل سيفك ( بندقيتك ) على كتفك وتقوم خارج جرى على اليمام وتقعد طاخ طاخ طاخ وتتفجأ ان معظم الضربات فى الطراوه ( ده لو مكانتش كلها فى الطراوه يعنى) وطبعا انت مستغرب ساعتها ومش فاهم ايه اللى بيحصل واليمام مش بيقع ليه والسبب فى ده بيكون كالاتى بص ياباشا انت تظبط بندقيتك وتطمن على الناشنكاهات قبل الطلعه بيوم مثلا وفى اليوم اللى هاتخرج فيه للصيد اول ماتصحى من النوم اغسل وشك بميه ساقعه واتوضى وصلى الفجر ولو قدرت تلعب اى تمرين رياضى لمدة خمس دقايق بس يكون احسن انا عارف ان التمرين الخمس دقايق مش هايفيدك فى حاجه بالنسبه للياقه لأن خمس دقايق مش كفايه ولكن الخمس دقايق تمرين دول كفيله بانها تنشطك وتنشط جسمك من حالة الخمول تماما ولااااااااااااااااازم لازم تفطر قبل ماتخرج للصيد باى حاجه حتى ولو قليله وتتوكل على الله وتدعى ربنا بالدعاء اللى يعجبك يعنى انا مثلا باقول وانا طالع اللهم ارزقنا الحلال وبارك لنا فيه اعوذ بكلمات الله التامات من شر ماخلق ثلاث مرات واول ماتوصل للمكان اللى هاتصطاد فيه وقبل ماتبدأ صيد اعمل الاتى وماتستهونش باللى هاقولو ده عشان هو ده اللى فيه المفيد والله اولا ادعك كفوف ايدك جامد اوى فى بعضها لغاية ماتحس ان كفوف ايدك بقت دافيه وساخنه جدااااااااااا من الداخل وبعدين حط كل كف على كل عين من عنيك الاتنين بالجزء اللى متعلم عليه بالازرق ده كلوة اليد http://www2.0zz0.com/2012/12/20/15/180046475.jpeg وخليك ضاغط بكف ايدك على عنيك برفق بدون دعك للعين لمدة 40 ثانيه وكرر الموضوع ده تلات مرات والحركه دى هاتنشط الدوره الدمويه لعنيك وتركيزك بدرجه كبيييييييييره اوى وبعد كده امسك بندقيتك وحاول تنشن على اى هدف قدامك ثابت فى حجم اليمامه مثلا على مسافة 20 متر واضرب عليه خمس ست رشات والتجربه دى مش عشان تظبط الناشنكاه عليها لانك انت ظابط البندقيه اصلا قبلها بيوم زى ماتفقنا لكن التجربه دى عشان تزود تركيزك شويه فى الضرب وبعد الخطوات دى توكل على الله وابدأ صيد وان شاء الله ربنا هايكرمك وهاتتفاجأ ان النتيجه ممكن تبقى كده http://www14.0zz0.com/2012/12/20/14/321449407.jpg وساعتها هاتقعد على الكمبيوتر بقى وتكتب تفاصيل الرحله بتاعتك وتغيظ فينا براحتك هههههههههههههههههه ثانيا خللى بالك انت ممكن تقعد ساعه تدور على يمام متلاقيش فى البدايه عادى ماتزهقش اصبر شويه اكيد ربنا هايكرم والدليل على كلامى ده شوف اخر طلعه ليا جبت يمامتين من مكان فى ساعه وجبت 20 يمامه تانين فى اقل من ساعه من مكان تانى الخطوه الاخيره بقى اللى عايزكو تركزو فيها جامد اوى مااااااااااينفعش يخرج مجموعة صيادين حوالى 5 او 8 صيادين فى مكان واحد الا بقى لو هما طالعين رحله يتفسحو فيها مش اكتر لكن لو طالعين طلعة صيد يبقى دى ليها مقاييس تانيه خالص المفروض كل قريه او كل منطقة صيد مساحتها مثلا 10 كيلو مربع مايدخلش فيها اكتر من اربع صيادين فى وقت واحد وده عشان كل واحد من الاربعه يعرف يطاد براحته لكن مع الاسف انت الايام دى ممكن تروح اى مكان وتلاقى هناك بال10 صيادين فى نفس المكان وطبعا اكيد الصيادين الكبار فاهمين الكلام ده وده لأن كل شىء وليه اصول وانا عن نفسى سعات كتير باروح مكان والاقى فيه هناك صيادين وحتى لو اتنين صيادين بس اللى فى المكان بافضل انى اسلم عليهم وبامشى على مكان تانى واحتراما ليهم بارفض اضرب على اى هدف او طائر فى المنطقه اللى هما فيها واخيرا نصيحه لوجه الله http://www14.0zz0.com/2012/12/20/14/677094819.jpg الصيد والقنص مشيا على الاقدام افضل وامتع من الصيد وانت راكب عربيه بملاييييييييين المرات وانا مجرب الموضوع ده شخصيا متحاولش تستخدم العربيه كتير الا بقى لو هاتنتقل من مكان لمكان تانى ابعد وحاجه كمان قبل ما انسى حاول بقدر الامكان تاخد معلقة عسل نحل كل يوم على الريق وده طبعا معروف انو مفيد جدا للصحه العامه والنظر وهايفرق معاك كتيييييييييييير اوى فى النظر وفى التركيز اثناء الصيد والله ارجو ان ينال الموضوع اعجابكم وتحياتى للجميع |
رد: اسمع كلامى وخد بالنصيحه ( ومش هاتندم )
نصائح زي الفل
بس برضه مش هاتنفع لان فيه واحد صاحبنا هنا ( الله يسامحه ) خلص اليمام من مصر اساسا ! هههههههههههههههههههههههههههههههه كل واحد عارف نفسه بقى موضوع جميل يا قبطان تحياتي |
رد: اسمع كلامى وخد بالنصيحه ( ومش هاتندم )
اقتباس:
صح؟؟؟ ماهو الوحيد هنا اللى بيجيب بالخمسين يمامه فى الطلعه هههههههههههههههههههههه مسائك عسل ياباشا |
رد: اسمع كلامى وخد بالنصيحه ( ومش هاتندم )
ههههههههههههههههههههههه
قصدي عليك انت يا عم تحياتي ويا ريت تعمل هدنة مع اليمام علشان المساكين الي زي حالاتي ههههههههههههههه |
رد: اسمع كلامى وخد بالنصيحه ( ومش هاتندم )
موضوع جامد ياباشا ....فعلا انا ايام الامتحانات كنت الصبح فنجال البن المحترم وراه التوم ومعلقتين عسل محترمين (وانا كنت بشرب من البرطمان هههههه) ولزيادة الكفين قرص اميجران او بانادول لو ليك مزاج ...كوكتيل الامتحانات زى كوكتيل البرد كدا
وبالنسبة للصيد سيرا على الاقدام فعلا جامد خصوصا لما الواحد يلبس اخضر ويعمل نقسه شجرة قال يعنى متنكر :) |
رد: اسمع كلامى وخد بالنصيحه ( ومش هاتندم )
اقتباس:
ده انا اغلب واحد فى القناصين اللى هنا |
رد: اسمع كلامى وخد بالنصيحه ( ومش هاتندم )
اقتباس:
بس موضوع الاقراص ده بصراحه مش ياستريحلو وخصوصا ان البنادول ده على ما اعتقد سىء السمعه يعنى بتاع ادمان ههههههههههههههههه |
رد: اسمع كلامى وخد بالنصيحه ( ومش هاتندم )
اقتباس:
|
رد: اسمع كلامى وخد بالنصيحه ( ومش هاتندم )
و لله يا قبطان انا مش عارف اقلك ايه علي المواضيع الجامده دي و دايما احنا بنتعلم منك
بس انا عندي استفسار بسيط انا مثلا لما اروح اصطاد بالنهار الصبح بعد الفجر مبتلاقيش يمام الا في الاماكن السكنيه الجديده الي هي كانت اراضي زراعبه و الناس بنوا عليها اما في الاراضي الزراعيه و فوق الشجر مبتلاقيش كتير و حتي لو اتلاقيت كتير لما اجي اقرب منهم يطيروا ................... فانا عاوز اعرف كلامي ده صح و له اييييييييه ؟؟؟؟؟ |
رد: اسمع كلامى وخد بالنصيحه ( ومش هاتندم )
مواضيعك كلها في غاية الاهمية
|
رد: اسمع كلامى وخد بالنصيحه ( ومش هاتندم )
اقتباس:
السلام عليكم ، الراجل ده بيتكلم صح الصح |
رد: اسمع كلامى وخد بالنصيحه ( ومش هاتندم )
لا املك الا ان اقول لك جزاك الله خيرا اخى الكريم
وارجو قبول تعليقى حيث انى زائر جديد واتمنى ان تقبلونى صديق دائم |
رد: اسمع كلامى وخد بالنصيحه ( ومش هاتندم )
والله العظيم يابنى وبقولهالك من كل قلبى انت شخص صعب التكرار
لانك من اصل طيب وسبحان من اجمع كل الناس على حبك واحترامك والدعاء لك يا هانى باشا انا فخور بتواجدك بينا كصيادين سواءً هنا او عند اخوتنا واستذتنا فى الاماكن الاخرى تقبل فائق احترامى يا قبطان وانتا فعلاً تستحق وبجداره لقب امير الصيادين الكلام ده مش علشان الموضوع الاكثر من رائع واكثر من ممتاز لا . الكلام دا لانى حاسس فعلاً ان الهدف من الكتابه بكل اخلاص هى مساعدة اخوانك من الصيادين . الصغار انا عن نفسى بتعلم منك يا هانى باشا وبقولها وانا فخور انى بتعلم منك ربنا يجزيك حير ويجعله فى ميزان حسناتك يا معالى القبطان اخوك الصغير وتلميذك هشام |
رد: اسمع كلامى وخد بالنصيحه ( ومش هاتندم )
فعلا موضوع أكثر من رائع
و أدعو لك بان يفتح الله عليك من علمه كما أفدتنا من علمك |
رد: اسمع كلامى وخد بالنصيحه ( ومش هاتندم )
|
رد: اسمع كلامى وخد بالنصيحه ( ومش هاتندم )
اقتباس:
لكن اللى لازم تعرفه ان اليمام بيمشى ورا المكان اللى فيه حبوب او اكل يعنى مثلا سعات تلاقى قريه فى وسط اماكن زراعيه ومفهاش ولاااااااااا يمامه وده لأن اكيد الاراضى اللى حوالين القريه مزروع فيها بعض المحاصيل اللى تنفع غذاء لليمام وعشان كده هاتلاقى اليمام كله هناك وممكن بعد فتره صغيره تروح نفس المكان تلاقى القريه مليانه يمام والاراضى اللى حواليها فاضياااااااااااااا خالص والكلام المفيد فى الموضوع ابحث عن اماكن غذاء اليمام هاتلاقى اليمام فيها وطبيعى انك فى الاماكن الزراعيه ان اليمام بيشوفك ويطير من بعيد ولتفادى المشكله دى اعمل زى حلاتى يا اما تحاول تدرب نفسك على الضرب على مسافات 30 او 40 متر يا اما تتعلم ازاى تتسحب وتستخبى وانت ماشى ناحية الشجره اللى فيها يمام لغاية ماتقرب منها كفايه وتضرب |
رد: اسمع كلامى وخد بالنصيحه ( ومش هاتندم )
اقتباس:
|
رد: اسمع كلامى وخد بالنصيحه ( ومش هاتندم )
اقتباس:
ده شرف ليا يا افندم |
رد: اسمع كلامى وخد بالنصيحه ( ومش هاتندم )
اقتباس:
ونرجو ان نكون جميعا عند حسن ظن بعضنا البعض |
رد: اسمع كلامى وخد بالنصيحه ( ومش هاتندم )
اقتباس:
وبعدين هو مين اللى يتعلم من مين ياكبيرنا ده انت الخبره والزوق كله وانا اتعلمت من حضرتك كتييييييييييييييييييير اوى اول مابدات ادخل منتديات الصيد ربنا يخليك لينا ويكرمك ومشكور جدا على كلامك اللى رفع معنوياتى اكتر واكتر |
رد: اسمع كلامى وخد بالنصيحه ( ومش هاتندم )
اقتباس:
ومفيش علم ولا حاجه دى كلها حجات بسيطه وارجو ان تكون فى احسن حال |
رد: اسمع كلامى وخد بالنصيحه ( ومش هاتندم )
اقتباس:
و انا ساعات بتسحب و اخشلهم بس اليمام ابن الخبيثه بياخد بالوا من اقل حاجه هههههههه |
رد: اسمع كلامى وخد بالنصيحه ( ومش هاتندم )
اقتباس:
بص هاقولك على حاجه تريحك افضل حاجه تعملها هى انك تصطاد بالليل حاليا طالما بندقيتك مش مساعده والصيد بالليل مش بيحتاج بندقيه قويه ولما ربنا يسهلك وتجيب بندقيه قويه ابقى قطع الدنيا ياعم واعمل اللى انت عايزه ههههههههههههههه |
رد: اسمع كلامى وخد بالنصيحه ( ومش هاتندم )
اقتباس:
و ان شاء الله علي الصيف الي جاي هجيب بندقيه جديده بس لسه هشوف البندقيه المناسبه و شكلها كده هتكون كرال ان شاء الله :) |
رد: اسمع كلامى وخد بالنصيحه ( ومش هاتندم )
موضوغ جامد
انا هعمل كده بكره و اطلع اضربلي عصفورين ولا حاجه تجربه يعني |
رد: اسمع كلامى وخد بالنصيحه ( ومش هاتندم )
شكرا عالنصائح اوي يا باشا
|
رد: اسمع كلامى وخد بالنصيحه ( ومش هاتندم )
ناس كتير في مكانك ممكن تقول ده شوية حاجات تافهة مش هتفيد حد ومش مستاهلة تعبي واضح ان معدنك أصيل يا هاني باشا ومش بتستخسر حاجة تفيد بيها غيرك تسلم يا قبطان وتسلم جدعنتك |
رد: اسمع كلامى وخد بالنصيحه ( ومش هاتندم )
اقتباس:
|
رد: اسمع كلامى وخد بالنصيحه ( ومش هاتندم )
اقتباس:
|
رد: اسمع كلامى وخد بالنصيحه ( ومش هاتندم )
اقتباس:
|
رد: اسمع كلامى وخد بالنصيحه ( ومش هاتندم )
اقتباس:
يعنى فيه حجات كتير اوى فى حياتنا برغم من صغرها وتفاهتها لكن مؤثره جدا على المدى البعيد تسلم على كلامك ياجميل |
رد: اسمع كلامى وخد بالنصيحه ( ومش هاتندم )
اقتباس:
يسعدنى جدا كلامك وده هايدفعنى انى اعمل كل اللى اقدر عليه فى ايفادة الناس كلها ربنا يخليك ويكرمك |
رد: اسمع كلامى وخد بالنصيحه ( ومش هاتندم )
موضوع رائع كعادتك يا قبطان جعله الله فى ميزان حسناتك وما شاء الله عليك فى توصيل المعلومه بسهوله ويسر استااااااااااااااااااذ تسلم ايدك وجهد مشكور عليه للاسف مفيش سمعات
|
رد: اسمع كلامى وخد بالنصيحه ( ومش هاتندم )
ههههههههههه ما شاء الله موضوع رائع تسلم ايدك يا قبطان واسلوبك جذاب ورائع
ان شاء الله الواحد بكرة يقرأ الموضوع ده والتانى كويس ويطبقهم قريب ف طلعة بالليل ع شجرة كنت معدى عليها من يومين وكانت مليانة يمام :)) بس ع الله مايكنش مشى هههههههههه يستحق التثبيت والتقييم بجدارة |
رد: اسمع كلامى وخد بالنصيحه ( ومش هاتندم )
اقتباس:
صباحك زى العسل |
رد: اسمع كلامى وخد بالنصيحه ( ومش هاتندم )
اقتباس:
ربنا يوفقك يااسلام بس خلى بالك الايام دى ماينفعش صيد بالليل عشان القمر طالع والدنيا بتبقى منوره بالليل اصبر اسبوع كده ولا حاجه |
رد: اسمع كلامى وخد بالنصيحه ( ومش هاتندم )
اقتباس:
بس هعمل ايه عشمت اخويا بقا ولازم اطلع معاه عشان ما يزعلش ومش مشكلة الصيد بدل ما يضربنى ههههههههههه انا والله طلعت العصر مع واحد صاحبى من يومين كده الجو كان رائع والكلام اخدنا لدرجة ان اليمام كان بيبقا قدامنا والله وما نضربوش ونكمل كلام ههههههههههههههه |
| الساعة الآن 06:24 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir