محتاج مساعدة من فاعل خير
 

من حبي في موضوع الصيد كان معايا 400 جنيه بس بس الأسعار عاليه جدا بالصدفة كنت بكلم واحد صاحبي قالي إن هوه من 4 سنين كان مشتري بندقية ب 250جنية وهوه مش عايزها المهم وافق يدهاني على 400 وافقت وأخدتها هيه صيني ومكتوب عليها westlake وكنت عاوز لو حد هنا من المنوفية يشوفهالي لأن معرفش أي حاجة في أي حاجة

رد: محتاج مساعدة من فاعل خير
 

طيب يا ريت لو أي حد يفيدني بأي معلومات عن البندقية وأكون شاكر جدا

رد: محتاج مساعدة من فاعل خير
 

معلومة لوجه الله

رد: محتاج مساعدة من فاعل خير
 

للرفع والتذكير
ربنا يوفقك وتلاقى غرضك :)

رد: محتاج مساعدة من فاعل خير
 

ان شاء الله يفيدك احد خبراء المنتدى
بس لو ترفع صورتها هتسهل كتير التعارف عليها وعلى مواصفاتها

رد: محتاج مساعدة من فاعل خير
 

شكرا يا دكتور وربنا يتقبل دعوتك

رد: محتاج مساعدة من فاعل خير
 

المشكلة إن معنديش صورة ليها حاليا

رد: محتاج مساعدة من فاعل خير
 

أخى العزيز مرحبا بيك بين أخوانك.
شوف ياسيدى الفاضل البندقية الWestlake هى نفس البندقية الشنغهاى b2 لأن البندقية دى نزلت بأكثر من أسم.
شوف الرابط ده وهتلاقى كل البيانات المطلوبة.
http://www.egyhunt.net/showthread.php?t=36446
تحياتى.

رد: محتاج مساعدة من فاعل خير
 

ان شاء الله يفيدك احد خبراء المنتدى

رد: محتاج مساعدة من فاعل خير
 

بجد مش عارف اقولك ايه ولا أشكرك إزاي أستاذ adel152

رد: محتاج مساعدة من فاعل خير
 

لا شكر على واجب يافندم. وانا تحت أمرك فى اى استفسارات أخرى.
خالص تحياتى

رد: محتاج مساعدة من فاعل خير
 

طب إزاي حضرتك هو إشتراها ب 250 و حضرتك أخدتها مستعملة ب 400؟

رد: محتاج مساعدة من فاعل خير
 

ياباشا كانت من 4 سنين ب250 زى التل المجرى والسلافيا ماكانوا من 4 سنين سعرهم أقل من 1000 جنيه جداد والان بيتعرضوا للبيع مستعملين ب1500 جنيه واكثر.
رى ما قلت قبل كده ياباشا الغلاء مش من التجار فقط لكن دى حلقة فيها التجار وغير التجار بمعنى أن اللى معاه بندقية شاريها من 10 سنين مثلا ب100 جنيه لما بيجى يبيعها مستعملة بيشوف سعر السوق الحالى عند التاجر وصل كام فلو فرضنا انه لقى البندقية جديدة وصل ثمنها جديدة عند التاجر 800 جنيه هو بيطلب فى بندقيته المستعملة 400 او 500 جنيه. وطبعا التجار عارفين الكلام ده فبيزودوا سعر الجديد من 800 الى 1000 ويقولك ده ثمنها مستعمل النهارده 500 وتفضل الحلقة دايرة أحنا نغلى على بعض والتجار يغلوا علينا بضاعة جديدة مركونة عندهم فى المخازن من سنين.
ربنا يرحمنا برحمته. (إِنَّ اللَّهَ لا يُغَيِّرُ مَا بقَوْمٍ حَتَّى يُغَيِّرُوا مَا بأَنْفُسِهِمْ).
تحياتى للجميع.

رد: محتاج مساعدة من فاعل خير
 

و الله حضرتك لخصت الموضوع كله في الأيه القرأنية.. فعلا حلقة دايرة مغلقة ..
تحياتي لك يا أستاذ عادل :)
و كمان تقييم علي الرد الجميل ده

رد: محتاج مساعدة من فاعل خير
 

لو هى شنغهاى زى الاستاذ عادل ما قال لحضرتك فانا معايا نفس النوع وشغاله معايا زى الفل مع انى لا محترف صيد ولا غيره :) انتا بس تمسكها تنضفها كويس وتزيتها واطلع بيها اتعلم عمليا هيكون افضل من النظرى بكتير زى مانا عملت :)


تحياتى

رد: محتاج مساعدة من فاعل خير
 

علم وجاري التنفيذ يا فاندم

رد: محتاج مساعدة من فاعل خير
 

شكرا يافندم على تقييم حضرتك.
وشكرا على رد حضرتك المحترم.
خالص تحياتى.

رد: محتاج مساعدة من فاعل خير
 

كلام حضرتك سليم %100 وياريت بالمرة تغيير الجلبة بتاعة البستم لأنها جلبة جلد زفرة ومع الركنة بتتفتت وفى نفس الوقت تأكد ان السوستة بحالة جيدة ومتنساش تتأكد من جلبة بيت الرش.
تحياتى للجميع.

رد: محتاج مساعدة من فاعل خير
 

موفق ان شاء الله

رد: محتاج مساعدة من فاعل خير
 

يا ترى لو جبت الحاجات دي كلها جديدة تكلف كام؟

رد: محتاج مساعدة من فاعل خير
 

بالتوفيق ان شاء الله

رد: محتاج مساعدة من فاعل خير
 

جلبة البستم الجلد الزفرة وجلبة بيت الرش مش هيزيدوا عن 5 جنيه.
سوستة البندقية دى ماعنديش فكرة عن سعرها لكن لو أتعملت بلدى من حديد خامتة كويسة لن تتعدى 30 جنيه.

رد: محتاج مساعدة من فاعل خير
 

والله شويه عليك منصب مشرف قسم الاسلحه .... أنا بجد شاكر جدا لحضرتك ولكل من شرف موضوعي بالرد

رد: محتاج مساعدة من فاعل خير
 

يافندم ده كثير عليا قوى كل الكلام الكبير ده.
كل سنة وحضرتك طيب وأنا تحت أمر حضرتك فى أى أستفسارات أخرى.
خالص تحياتى.