طلعة فقيرة واخر عكننة لاصغر صياد في المنتدى
 

النهاردة خرجت انا وصاحبي وروحنا على نادي اسمة جزيرة الورد ودة معروف جدا ان هو النادي الوحيد الي بيسمح بالصيد في المنصورة المهم قطعنا تذكرتين واستاذنا عادي جدا من الي عالباب وقالولنا اتفضلو عادي واصطادو براحتكو بس حاسبة عالعيال الي بيلعبو جوة المهم شكرناهم واول ما دخلنا لاقينة عصفورة واقفة وقمت منشن عليها من حوالي 8 او 9متر ووقعت وبعد كدة لاقينا شوية عصافير صغيرين ضربنا واحدة تانية والباقي طار وقعدنا ندور وندور ملقيناش ولا يمامة وكل الي يشوفنا يقولولنا تعالو بليل معانا واليمام بيبقا هنا بالهبل قولنالهم طيب وكملنا عادي وصاحبي الغبي عمال وانا مش واخد بالي ينشن على قطط وافضل ازعق لة واقولة حرام وهو لا في الدنيا بس الحمد للة عشان هو اعور ومبيعرفش ينشن مجبش حاجة وبعدين لاقينة قطة قربت اوي مننا وقام الفالح ضاربها في بطنها وسخسخ على نفسة من الضحك لانها قعدت تلف حوالين نفسها بس انا زعلت اوووووي ساعتها واخدت منة البندقية وقولتلة كفاية عليك كدة النهاردة وكل دة واحنا معناش غير عصفورتين وقولتلة تعالى على البوابة مكان ما ضربنا اول عصفورة يمكن نلاقي حاجة والمهم ملقناش حاجة وبعدين جة مسوؤل الامن ودة شكلة كااااااان صعب جدددا يعني اخر اجرام وايدة مشرحة وفي عين عندة رايحة وقام مزعق فينا مرة واحدة انتو اية الي دخلكو هنا وقرب مننا وشوح بادية في وشنا وقال انتو لو مخرجتوش هاخد البندقية واسلمكم المهم قلنالة احنا استالذنا من الي عالباب لاقيت وشة قلب اكتر وبدء ينعر زي البهايم اخرج يلة انت وهو وقولنالة طيب خلاص احنا هنخرج اهوة انت بتزعق لية يعني دة احنا مستاذنين وقام مزعق تاني اخرج يلة وكان جاي يلطش لنا بس احنا خرجنا بسرعة وسالنا الي عالباب ازاي تدخلونا مادام الراجل دة مانع الصيد هنا قالولي معلش احنا اسفين والراجل دة رخم جدا وهوم شوية وهيمشي وتعالو انتو بعدها قولنالهم خلاص شكرا معدناش جايين هنا تاني واخنا ماشيين طلع ورانا الكلب تاني وقالنا هو مش انا قلتلكم اخرجو وبعدين انا وصحبي مسكنا نفسنا لاني كنت مكن اهبدة في دماغة وهنزل علية ضرب لغاية اما اهرية
ومشينا واحنا متعكننين اخر عكننة منة للة

ملاحظه:الموضوع قديم

رد: طلعة فقيرة واخر عكننة لاصغر صياد في المنتدى
 

راجل حمار تيت ولك مني تقيم

رد: طلعة فقيرة واخر عكننة لاصغر صياد في المنتدى
 

شكرا يبيشو :) بس انت لية بتشتم الحمار بالراجل دة
منة للة عقدني في الصيد

رد: طلعة فقيرة واخر عكننة لاصغر صياد في المنتدى
 

ياكبير ولا يهمك
الحمد لله على كل حال
وتتعوض ان شاء الله
بس انا اللى زعلنى فى الموضوع ده كله القطه اللى ضربها صاحبك

رد: طلعة فقيرة واخر عكننة لاصغر صياد في المنتدى
 

نورت الموضوع يا قبطان وشكرا لتشجيعك

رد: طلعة فقيرة واخر عكننة لاصغر صياد في المنتدى
 

ههههههههههههههههههههههههههههههههههههه

انا برضو صحبي كده برضو كل ما يشوف قطه او كلب يقليهضربه و يروح معمر و انا امنعه بالعفيه و لو هو معهوش البندقيه بيضربو باي صوبه يتلاقيها هههههههههههه
طلعه موفقه و بانتظار باقي الطلعات بس يا ريت صور يبقا الموضوع احسن

رد: طلعة فقيرة واخر عكننة لاصغر صياد في المنتدى
 

ههههههه انشاء اللة يعئل بس انا خلاص اتعقدت من الصيد بسبب واحد غبي قالي امشي من هنا لحسن اخد البندقية وسلمكم للقسم وللاسف كنت متعكنن فمعرفتش اصور حاجة

رد: طلعة فقيرة واخر عكننة لاصغر صياد في المنتدى
 

انت غلطان كنت بعدت عنه وضربته رشه فى تييييييييييييييييييت وجريت ههههههههه
معلش فيه ناس كده كاهه نفسها والرخامه طبع فيها
بس هو انت عندك كام سنه

رد: طلعة فقيرة واخر عكننة لاصغر صياد في المنتدى
 

يا عم مش مهم سيبك منه متخليش واحد ابن تييييييييت زي ده يضيقك

انا برضو و انا بصطاد في مره واحد شفني بضرب يمامه راح قايلي ( مش حرام عليك كده لو انت نفسك تاكل لحمه انا هجبلك لحمه ) شوف ده بقا اعمل فيييييييييه ايه

رد: طلعة فقيرة واخر عكننة لاصغر صياد في المنتدى
 

هو كان عايش الدور عليا ابن ال.... بس انا مستغرب جدددددداا وهموت واعرف اية الي خلاهم يحطو واحد بالشكل دة ويمسكوة الامن؟
انا عندي 14 سنة

رد: طلعة فقيرة واخر عكننة لاصغر صياد في المنتدى
 

السفلة كتير وامرنا للة

رد: طلعة فقيرة واخر عكننة لاصغر صياد في المنتدى
 

ماشاء الله ربنا يبارك فيك
وتعيش وتشوف واستمتع باجمل مرحله فى حياتك وياما هتقابل
وسيبك منه متحطوش فى دماغك وابعد عن المكان ده وشوف مكان تانى تصطاد فيه انت وصاحبك بس بلاش ضرب القطط خليها فئران هههههههه
اخوك الكبير ابو بدر ( على فكرة بدر عنده 10 سنوات )

رد: طلعة فقيرة واخر عكننة لاصغر صياد في المنتدى
 

اتشرفلت بمعرفة حضرتك وسلملي على بدر وانشاء اللة هيبقا احسن مني

رد: طلعة فقيرة واخر عكننة لاصغر صياد في المنتدى
 

السلام عليكم ، فى البداية احب انوه على حبك الكبير لهواية الصيد الى واضح من كلامك انك بتعشقة بس اسمحلى الراجل فعلا بيتكلم صح لأنك انت وصحبك من الواضح عدم درايتكم بقواعد الامن بدليل الصيد فى وسط النادى وطبعا ده غلط جدا لأن الرشة ممكن تعمل سكتيرما وتعور حد وانت مش واخد بالك وتانى حاجة انك سبت صاحبك يضرب على القطط وده قمة الغلط انك تقتل مش للصيد لكن للقتل .

نصيحة من اخوك الكبير حاول وانت بتصطاد انك تختار مكان مفهوش ناس او الحد الادنى وده حتى علشان التركيز .

تقبل كلامى بصدر رحب انا بنصح مش بنتقد

رد: طلعة فقيرة واخر عكننة لاصغر صياد في المنتدى
 

شكرا يباشا على النصايح بس يوم الجمعة الي فات رحت جنينة الحيوان عشان استاذن اصطاد لاني بشوف فيها يماام بالعبيط وقالولي ممنوع تصطاد هنا جزيرة الورد مسموح فيها بالصيد وروحنا جزيرة الورد بعدها وبعدين استاذنت من الناس الي عالباب قالولنا خشو عادي بس حاسبو لتعورو حد والمهم دخلنا وكان معايا ابويا وصاحبي بس للاسف النشان كان بايظ ولافف 3 درجات شمال معرفش اية الي عوجة والمهم كنا ساعة العصرية فشفت ساعتها حوالي 200 عصفورة في النادي دة وبعدين روحنا وروحت النهاردة وستاذنت عادي وحصل الي حصل ودة معناه ان النادي دة مش ممانع الصيد وكل محل كافيتيريا يسلم علينا ونديلة ضربة بلبندقية في اي شجرة وكلهم قالولي تعالة بليل الناس هنا بتيجي تصطاد انا مش عارف اية الي خلى الغبي دة يطردنا رغم انهم مش ممانعين الصيد وانشاء اللة الجمعة الجاية هحاول اخلي بابا يجي معانا بالعربية يودينا في اي حتة ارض زراعية وبكرر شكري ليك يا باشا وادعيلي:lov::lov::lov::lov:

رد: طلعة فقيرة واخر عكننة لاصغر صياد في المنتدى
 

السلام عليكم ، جميل انك تحاول تصلح لنفسك وخلى بالك متديش بندقيتك لحد متعرفوش علشان ميهبلش ويسببلك مشكلة وربنا يوفئك لصيد كتير المرة الجاية

رد: طلعة فقيرة واخر عكننة لاصغر صياد في المنتدى
 

ميرسي جدااا ليك يا باشا على النصايح والففف شكر

رد: طلعة فقيرة واخر عكننة لاصغر صياد في المنتدى
 

عادى ولا يهمك يا كبير حصل خير
لازم تتعود ع المواقف دى لان الدنيا مليانة من الاشكال دى فلازم تطل من كل موقف بدرس تستفاده
واعتقد ان بالليل الصيد هناك هيكون اروع واسهل وممكن تلاقى يمام فعلا

رد: طلعة فقيرة واخر عكننة لاصغر صياد في المنتدى
 

روق بس يابج وما تخليش حاجه زى دى تزعلك هتشوف من ده كتير ،،،ان شاء الله متعوضه المره الجايه بس شد على صاحبك شويه لانه ممكن يعملك مشاكل أنتا فى غنى عنها .....

روق بقى وما تضايقش لان زعلك غالى علينا قوى........

رد: طلعة فقيرة واخر عكننة لاصغر صياد في المنتدى
 

روق يا كيرو
ميهمكش من الاخ دا
هو في الاول و في الاخر كان بيشوف شغله بامانه
و دا ميزعلش
المنصوره مليانه اراضي زراعيه ممكن تصطاد فيها
و نصيحه من اخ
عزز سلاحك
اوعى تمسك بندقيتك لحد

رد: طلعة فقيرة واخر عكننة لاصغر صياد في المنتدى
 

شكرا يجماعه على التشجيع بس على فكره الموضوع ده من سنه والحمد لله نسيته

رد: طلعة فقيرة واخر عكننة لاصغر صياد في المنتدى
 

تم الغلق بناء علي طلب صاحب الموضوع