|
طلعه ممتعه ( مذبحة العمالقه )
بسم الله الرحم الرحيم
طبعا كلو مستغرب من العنوان اللى هو ( مذبحة العمالقه) بس لما تقرى الموضوع هاتعرف انا قلت كده ليه ندخل بقى فى المفيد من كام يوم كده كان فيه زميل معانا عالمنتدى اسمه عابدينوف بيقول ان فيه طائر ممكن يهاجم الصياد لو كان لسه فيه الروح ومنزلش مقفول وانا مكنتش مصدق الكلام ده وقعدت اضحك على الكلام لأنى عمرى ماسمعت ان مصر فيها طيور شرسه من اللى بتهاجم الانسان دى هههههههههههههههههههه المهم اخدت كايداهم http://www2.0zz0.com/2012/12/29/14/504622912.jpg علبة رش ديابلو المانى http://www2.0zz0.com/2012/12/29/14/947123733.jpg وركزو بقى فى اللى جاى ده وخرجت للصيد يوم الجمعه صباحا وقابلت واحد معرفه هناك اسمه يحيى فى المكان اللى باصطاد فيه وبدأت صيد والحمد لله اليوم كان ماشى كويس وكان فيه مجموعة ضربات على مسافات طويله وزعلت اوى انى ما اخدتش الكاميرا الديجتال معايا اليوم ده لكن جتلى فكره كده حلوه وقمت رابط المحمول على البندقيه وصورت بيه كام ضربه فيديو وفى بداية الصيد لمحت طائر عملاق واقف على شجرة جزورين على ارتفاع حوالى 18 متر ونشنت فى الصدر اسفل الرقبه وبوووووووم طار حوالى 10 متر وبعدين نزل زى الطوبه وسط الزراعه وشكيت انو طائر البلشون لكن مش متاكد عشان الوانه ووزنو مختلف شويه عن البلشون اللى اصطادته قبل كده جرينا عليه انا ويحيى ولقناه خلصان وميت ومحطش منطق صديقى مسكو وفضل يقلب فيه شمال ويمين وقال ده مات خلاص وبعد ثوانى اتفجأنا بالاتى ابن اللذينه كان عامل نفسه ميت لكن هو لسه صاحى وبكل صحته لقينا الطائر فتح عنيه فجأه وقام مهاجمنا بمنقاره وبمخالبه بضراوه شديده جدا وطبعا انا كل ده موجه البندقيه ناحيته عشان باصور بيها والموبايل عليها وكل ما اقرب منو يقوم ماسك البندقيه بمنقاره بمنتهى القوه وبعنف ساعتها افتكرت كلام عابدينوف اللى قعدت اضحك عليه بخصوص ان فيه طائر بيهاجم الناس فى مصر ههههههههههههههه المهم صورته شويه بالفيديو وجه وقت الذبح بقى والتزكيه ولسه يحيى بيمسكه عشان ندبحه وانا لفيت باطلع السكينه من الشنطه سمعت صوت صرخه الم قويه ورايا لفيت لقيت الطائر ماسك صوايع يحيى بمنقاره بكل قوه ويحيى قاعد يصرخ و يتألم ومش قادر جريت عليه وقمت مساك منقار الطائر وحاولت بكل قوتى انى افتح منقاره واخلص صوابع يحيى منو ولكن الطائر كان قوى جدا ومنقاره اقوى زى ميكون مصنوع من حديد وبالفعل بعد عناء طويل تم تخليص يد يحيى ومكافأة ليحيى على العض ده كله اديتو البلشون هديه بعد ماخلصنا صيد وبعد ذبح الطائر وعمل بعض المعاينات على جسمه اتاكدت انو طائر البلشون لكن مختلف فى الوزن والسن عن اللى انا اصطادته المره اللى فاتت ده وزنو حوالى 1400 جرام وبعد فرد الاجنحه كان طوله حوالى 90 سنتى يعنى تقريبا ديناصور هههههههههههههه ومن ضمن الرحله شوفنا صقر شكلو جميل اوى واقف على بعد 40 متر تقريبا وارتفاع حوالى 20 متر وصديقى قالى اصطاده عشان عايزه يحنطو وبالفعل نشنت وسميت والحمد لله نزل وبعدها بشويه صغيريين تم قنص غراب من على شجرة جزورين برده مسافه كبيره حوالى 45 متر وارتفاع حوالى 20 والغراب كان حجمه كبير وغريب وبالفعل كانت رحله لقنص عمالقة الطيور وكل ده مسجل فيديو واخيرا تفاصيل الرحله 26 رشه تم ضربهم 12 يمامه 1 بلشون عملاق 1 صقر 2 عصفور 1 بلبل 3 سرقة طير 6 عماشه فى الادغال ده فيديو لقنص البلشون والصقر والغراب وانا اسف ان الفيديو مش بجوده عاليا لان التصوير كان بالموبايل وعلى مسافه بعيده http://www.youtube.com/watch?v=5cCxk...ature=youtu.be صور البلشون http://www2.0zz0.com/2012/12/29/14/437869164.jpg http://www2.0zz0.com/2012/12/29/14/289318775.jpg يحيى مع البلشون http://www2.0zz0.com/2012/12/29/14/797441399.jpg الصقر http://www2.0zz0.com/2012/12/29/14/709311442.jpg http://www2.0zz0.com/2012/12/29/14/328060697.jpg الغراب http://www2.0zz0.com/2012/12/29/14/395095742.jpg http://www2.0zz0.com/2012/12/29/14/159375799.jpg باقى الحصيله فى البيت http://www2.0zz0.com/2012/12/29/14/774611555.jpg http://www2.0zz0.com/2012/12/29/14/309622296.jpg http://www2.0zz0.com/2012/12/29/14/466695816.jpg البلبل http://www2.0zz0.com/2012/12/29/14/255213710.jpg http://www2.0zz0.com/2012/12/29/14/240688655.jpg ارجو ان تنال الطلعه اعجابكم اخوكم المسكين الغلبان اللى ماشى جنب الحيط القبطان المصرى ههههههههههههههههههه |
رد: طلعه ممتعه ( مذبحة العمالقه )
يسعدنى ان اكون اول من يرد على هذا الموضوع الاكثر من مثير و موشوق و اية الجديد من القبطان المصرى و الف سلامه على يحيي و مبروك عليك الحداية و الصقر و البلشون و اليمام و بالهنا و الشفا و كان نفسى تاخد الكاميرا معاك بس يا خسارة الحلو مبيكملش
|
رد: طلعه ممتعه ( مذبحة العمالقه )
اقتباس:
وفعلا انا زعلت والله انى مكانش معايا الكاميرا عشان اصور كل الضربات لكن تتعوض ان شاء الله مسائك زى العسل |
رد: طلعه ممتعه ( مذبحة العمالقه )
الله يخليك ان شاء الله فى شهر 8 هشترى انا و واحد صحبى مورى 2 كرال و متنساناش من نصايحك القديرة فى الكرال
|
رد: طلعه ممتعه ( مذبحة العمالقه )
مغامرات القبطان كده بقت غابة ذئاب وثعابين وحداية و الصقر و البلشون و اليمام طول مغامرات جامده والف سلامة على صاحبك وطالعه موفقه والف هنا
|
رد: طلعه ممتعه ( مذبحة العمالقه )
اقتباس:
وانا تحت امركو فى اى وقت |
رد: طلعه ممتعه ( مذبحة العمالقه )
اقتباس:
هى مغامرات وبس ياطارق بيه دى مغامرات ومواقف ومقالب وكل اللى نفسك فيه تحياتى ليك يا افندم |
رد: طلعه ممتعه ( مذبحة العمالقه )
مواضيعك كلها جامدة وشيقه
|
رد: طلعه ممتعه ( مذبحة العمالقه )
ماشاء الله عليك ياقبطان مميز ومنفرد دائما تسلم ايدك بسسسسسسس ضرب الصقور جديد عليك!!!! سبهم يعيشو يا قبطان ربنا يباركلك.
|
رد: طلعه ممتعه ( مذبحة العمالقه )
ممكن يا قبطان طلب صغير منك
حط صورة ليك علشان لما اخش مواضيعك واندمج معاك اوي في الحكاية الشيقة الجميلة ابقي عارف شكل الشخصية الي بتحكي وبتكتب الموضوع والله ينور عليك ماشاء الله برنس البرنس |
رد: طلعه ممتعه ( مذبحة العمالقه )
بسم لله ما شاء الله
الله ينور عليك يا قبطان طول عمرك قناص صقور غربان بلشون و ان شاء الله المره الجيه وز عراقي + انت يا قبطان حببتني في الكرال و لله شكلي كده هجيب وحده بس انت قول يا رب |
رد: طلعه ممتعه ( مذبحة العمالقه )
اقتباس:
|
رد: طلعه ممتعه ( مذبحة العمالقه )
الله ينور يا قبطان دايما مميز فى طلعاتك ومواضيعك الى الامام
مع خالص تحياتى |
رد: طلعه ممتعه ( مذبحة العمالقه )
بسم الله ما شاء الله عليك يا قبطان
طلعة جميلة جدًا وموفقة والله ينور عليكو وبألف هنا وشفا |
رد: طلعه ممتعه ( مذبحة العمالقه )
مااا شااااء الله تسلم ايدك يا قبطان موضوع رائع جدااااااااااااا ومفيد جداااااا
جزاك الله خيراااااااااا وابقا صور اليمام بهدومه ياعم عشان شكله بيبقا وحش وهوا من غير هدومه (ريشه ) كده ههههههههههه خالص تحياتى أحلى تقييم لأحلى الاعضاء :) |
رد: طلعه ممتعه ( مذبحة العمالقه )
الله عليك يا قبطان وأحلى تقييم لكيداهم هههههههههه
|
رد: طلعه ممتعه ( مذبحة العمالقه )
صراحة طلعة عملاقة .. مش عارف انق عليك ولا اقر .... ولا احسدك ....هههههههههههه الف هنا ياهاني بك .. بس شوفت البلشون كان قرفان ازاي وهو بيمد مقارة على الكرال .... المسكين نهايته على ايد كرااااااااااااااااااال هههههههههههههه .... بقلك ايه ياهاني احتمال احتمال يعني اشتري كرال من غير ما اقلك ههههههههههه.. بس لو حصل صدقني انت اخر واحد قصدي اول واحد هقوله ههههههههههههههههه ..... موفق يا حبيب قلبي يا قناص بدرجة سفاح
|
رد: طلعه ممتعه ( مذبحة العمالقه )
سوال مكنش ينفع انك تدبحه وتخلص عليه وهو ماسك فى صباع يحيى على اساس تقلل وقت العض ؟ ولا كان صعب؟
|
رد: طلعه ممتعه ( مذبحة العمالقه )
اقتباس:
|
رد: طلعه ممتعه ( مذبحة العمالقه )
اقتباس:
وانا فعلا مش متعود اضرب حاجه مش هاستفيد بيها الحاجه الوحيده اللى ممكن اضربها اثناء الصيد هى اليمام والعصافير واى حاجه بتتاكل لكن من الحجات التانيه ممكن غربان وفران بس |
رد: طلعه ممتعه ( مذبحة العمالقه )
اقتباس:
ماشى ياكبير حاضر هابقى احط صوره مع انى مش من هواة رفع الصور الشخصيه عالنت كنت باعمل كده الاول لكن بد كده بطلت |
رد: طلعه ممتعه ( مذبحة العمالقه )
اقتباس:
وبينى وبينك اهم حاجه التدريب وفهم منحنى الرمايه كويس وبعد كده مش هاتفرق اتى بتصطاد ببندقي نوعها ايه |
رد: طلعه ممتعه ( مذبحة العمالقه )
عجبنى اقوى الموضوع ده
|
رد: طلعه ممتعه ( مذبحة العمالقه )
اقتباس:
مشكور على زوقك وكلامك |
رد: طلعه ممتعه ( مذبحة العمالقه )
اقتباس:
ربنا يبارك فيك |
رد: طلعه ممتعه ( مذبحة العمالقه )
اقتباس:
بعد كده التصوير بالهدوم هو انا بس لما بيكون معايا حد اثناء الصيد باخليه ينضف اليمام وعلى فكره مفيش تققيم وصلنى انت هاتنصب ولا ايه ههههههههههههههههههههههههه |
رد: طلعه ممتعه ( مذبحة العمالقه )
اقتباس:
ههههههههههههههههههههه |
رد: طلعه ممتعه ( مذبحة العمالقه )
اقتباس:
ياعموووووووووووور ده انت لو جبت الكرال يبقى اكيد السفاحين هايزيدو واحد بس لو معندكش فكره عن فك وتركيب وصيانة البنادق يبقى هاتتعبك ربنا يكرمك ان شاء الله |
رد: طلعه ممتعه ( مذبحة العمالقه )
اقتباس:
والله هو ساعتها الواحد ملحقش يفكر فى الموضوع ده كل همى ساعتها انى كنت انقذ صوابع الراجل من الوحش ده لأن الموضوع حصل بسرعه كبيره ومنقاره كان جامد جدا ومكنتش اضمن لو دبحتو فى الوضع ده ممكن العض يزيد يوبقى اعنف |
رد: طلعه ممتعه ( مذبحة العمالقه )
اقتباس:
|
رد: طلعه ممتعه ( مذبحة العمالقه )
أحلى حاجه في الموضوع دا كله 6 عماشه في الادغال ههههههههههههههههههههههههههه
وسلملي على فؤاد ههههههههههههههههه |
رد: طلعه ممتعه ( مذبحة العمالقه )
اقتباس:
ههههههههههههههههههه معلش يا هانى انا عملت تقييم للموضوع الاول وبعدين جيت اعمل تقييم ليك مارضاش يعمل :rir: بس من عنيا حاضر حالا يوصلك احلى تقييم يا قناص :) :lov: |
رد: طلعه ممتعه ( مذبحة العمالقه )
اقتباس:
ودى اهم نقطه طبعا الموضوع مش هايبقالو طعم من غير عماشه |
رد: طلعه ممتعه ( مذبحة العمالقه )
اقتباس:
انت حبيبى يابو سلم والله انا باهزر ومرورك دايما على مواضيعى هو ده احلى تقييم بالنسبه لى |
رد: طلعه ممتعه ( مذبحة العمالقه )
اقتباس:
والله انا كمان بحبك ف الله هانى من غير سابق معرفة :):lov: انا عملت شكوى للادراة وقالولى مينفعش اعمل تقييم مرتين لشخص واحد :punnch: بس هى طلعت ف دماغى والتقييم لازم يوصلك النهارده يا كبير :comm::comm::lov::lov::lov: |
رد: طلعه ممتعه ( مذبحة العمالقه )
اقتباس:
والله مش عارف اقولك ايه ياحبيب قلبى لازم تحلف يعنى ههههههههههههههههههههههه |
رد: طلعه ممتعه ( مذبحة العمالقه )
هههههههههههههه تاني انت اللي بيجي معاك في حتة لازم يروح وفية عاهة مستديمة ههههه بس المفروض كنت تصورة وهو ماسك في صبعة ومش لازم تساعدة يعني خلينا نضحك ههههههه :d :d :d :d
|
رد: طلعه ممتعه ( مذبحة العمالقه )
اقتباس:
مع الاسف موقف العض معرفتش اصوره عشان طبعا كنت طفيت الكاميرا وركنت البندقيه على جنب عشان نمسك الطائر مع بعض وندبح |
رد: طلعه ممتعه ( مذبحة العمالقه )
الواحد يحب يقرا مواضيعك دائما
|
رد: طلعه ممتعه ( مذبحة العمالقه )
طلعه موفقه يا قبطان والف سلامه لصحبك والحذر واجب
|
رد: طلعه ممتعه ( مذبحة العمالقه )
العملاق هو من أسقط الضحايا و ليست الضحايا هي العمالقه
لذلك فان صحة العنوان هو مذبحة العملاق للضحايا . و فعلا انت يا قبطان عملاق في عالم الصيد |
رد: طلعه ممتعه ( مذبحة العمالقه )
اقتباس:
والله اخجلتنى بكلامك الجميل |
رد: طلعه ممتعه ( مذبحة العمالقه )
ابو هانى حبيب قلبى...........احترز من البلشون يا معلم عشان هتيجى مرة خارج تصطاد هتلاقة خمسة ستة بلاشون واقفينلك وهيروقوك يا معلم تخيل بلاشون واحد عمل كدة داحنا مش هنعرف نطلعك من وسطيهم هههههههههههه.............
نتكلم بقا بجد..........انا كنت ملاحظ ان نسبة تصويبك او بمعنى اصح ال اكيورسى او معدل الأصابة كان معاك اعلى فى الرش الرماية........كانت اعلى المرة دى لما غيرت للديابلو الألمانى النسبة بقت عماشة فى الأدغال...........يا ترى تفسيرك اية؟؟؟ هل دا سببة اختلاف توقيت الصيد والا سببة نوع الرش والا العضمة كبرت ههههههههههههه قولى والنبى نفسى اعرف......... تحياتى يا قناص واتمنالك الصيد الوفير وربنا يحرمك من عماشة فى الأدغال ههههههههههههه |
رد: طلعه ممتعه ( مذبحة العمالقه )
اقتباس:
ولا بيهمنى من اى بلشون ياطارق بيه ده احنا جاميدين اوى وبالنسبه لمعدل الاصابه فى الطلعات هو مش شرط يعنى عشان الرش كويس يبقى لازم تعمل معدل اصابه جامد كل طلعه وليها ظروفها ومتنساش ان الضرب على مسافات مختلفه بيفرق يعنى ممكن اكون فى الطلعه اللى كان فيها معدل اصابه كبير ان المسافات كانت قريبه لكن عشان تعمل المقارنه بين الرش وبعضه زى مانت تقصد يبقى تضرب على نفس الاهداف وعلى نفس المسافات بنوعين رش عشان تعرف تقييمهم صح |
رد: طلعه ممتعه ( مذبحة العمالقه )
يا قبطان هاني انت بعد كده هتطلع تصطاد الحاجات هتموت من الخوف
مش هتجتاج تنشن و تضرب ووجع الدماغ دا يعني تبقى معدي تحت شجره عليها يمام اليمام يجيله ازمه قلبيه و يموت اول ما يشوفك او يسلم نفسه طبعا انا مش بقر ولا حاجه ههههههههههههه ربنا يوفقك اكتر بكتيييييير يا رب |
رد: طلعه ممتعه ( مذبحة العمالقه )
اقتباس:
والله يامحمد باشا انت بس اهم حاجه وانت خارج من البيت تسمى الله وتدعى بكام دعاء حلوين كده وان شاء الله ربنا هايرزق احلى رزق |
| الساعة الآن 04:26 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir