الصيد فى مصر - اخر اختراعات القبطان المصرى

الصيد فى مصر (http://www.egyhunt.net/index.php)

- ابتكارات و اختراعات الاعضاء (http://www.egyhunt.net/forumdisplay.php?f=101)

- - اخر اختراعات القبطان المصرى (http://www.egyhunt.net/showthread.php?t=36992)

اخر اختراعات القبطان المصرى

بسم الله الرحمن الرحيم
السلام عليكم ورحمة الله وبركاته
كالعاده
وكما عودتكم دائما بعمل المواضيع اللتى لم يتم عملها من قبل
اقدم لكم هذا الاختراع اللذى ابهر العالم وخلى اوباما يشد فى شعره
وجميع شركات الاسلحه العالميه تتهافت عليا
بس انا مش راضى
وعلى رأى الاديب العالمى الكبير الاستاذ اللمبى اللى بيقول
ابسولوتلى
http://www4.0zz0.com/2012/12/31/13/618726738.jpg
ههههههههههههههههههه
كده وقت الهزار خلص
كفايه علينا ضحك لغاية كده
يلا بقى ندخل فى الجد
طبعا كل الصيادين بما فيهم انا بيتمنى انو يسجل ويصور كل ضرباته اثناء الصيد
ولكن العائق الكبير اللذى يمنعنا هو غلو تمن الاستاند بتاع الكاميرا
وغلو ايضا الكاميرا نفسها
يعنى الاستاند بيعمل حوالى 250 جنيه
والكاميرا بتعمل من 500 وانت طالع
وده مبلغ كبير جدا بالنسبه لناس كتير مننا
طيب لو قلتلكو بقى على فكره مش هاتعدى ال20 جنيه هاتدفعولى كاااااااااااااام؟؟؟
اولا اللى خلانى افكر فى الفكره دى هو انى فى الكام طلعه اللى صورتهم فيديو
كنت بأجر كاميرا ديجتال بــ35 جنيه فى اليوم
يعنى فى كل طلعه صيد 35 جنيه
ولو حبيت تشتريها هاتدفع 550 جنيه
حرام ده ولا مش حرام؟؟
المهم
الفكره هى عباره عن
عمل استاند للموبايل بتاعك يخليه يركب على البندقيه زى الكاميرا الديجتال بالظبط
http://www9.0zz0.com/2012/12/31/12/511875346.jpg
وقبل كل ضربه هاتشغل مسجل الفيديو بتاع الموبايل ويسجلك اللحظه الممتعه دى كلها
مميزات الفكره دى
ان بطاريه الموبايل هاتقعد معاك فتره كبيره ممكن توصل لاربع ساعات متواصلين تسجيل لو عاوز
لكن فى الكاميرا الديجتال كانت اخرها نص ساعه وبعد كده الحجاره ( انرجايزر )تخلص
ندخل بقى على التنفيذ
المطلوب
قطعة صاج مجلفن سمكها 1 مللى طولها 21 سنتى عرضها 7 سنتى بـ1جنيه شكل الورقه دى
http://www9.0zz0.com/2012/12/31/12/779622948.jpg
وقطعه تانيه تكون على مقاس تلفونك وعلى حسب نوعه عشان تعملها جراب للتلفون زى اللى عليها العلامه دى
وهاتفصلها على مقاس التلفون بالظبط وتعمل فتحه للكاميرا بتاع الموبايل من ورا
http://www9.0zz0.com/2012/12/31/12/826808823.jpg
اتنين مسمار10 صلب طول 7 سنتى بـ1 جنيه
http://www9.0zz0.com/2012/12/31/12/893743874.jpg
فردة كاوتش داخلى بتاعة كاوتش دراجه هوائيه ( عجله )من عند اى عجلاتى بـ10 جنيه
http://www9.0zz0.com/2012/12/31/12/245092986.jpg
الموبايل بتاعك طبعا
http://www9.0zz0.com/2012/12/31/12/349439596.jpg
التنفيذ
هاتجيب الكاوتش وتقطع منو حته على قد تلفونك بالظبط وتعملها زى جراب كده للتلفون
عشان لما تركبه على الاستاند مايتجرحش
http://www9.0zz0.com/2012/12/31/12/890476293.jpg
http://www9.0zz0.com/2012/12/31/12/164745262.jpg
وتعمل جراب صاج على قد مقاسات تلفونك بالظبط
قطعة الصاج اللى مقاسها 21 سنتى هاتخرمها اربع اخرام من الاطراف
ومتنساش تلزق فيها كاوتش من الداخل عشان ماتجرحش الدبشك اثناء الربط
وتلحم قطعتين الصاج فى بعض بالشكل ده
http://www9.0zz0.com/2012/12/31/12/518561641.jpg
الموضوع كله باللحام وخلافه مش هايكلفك اكتر من 20 او 25 جنيه
وطبعا انت ممكن تنفذ بطريقه اشيك من كده وبخامات احسن
لكن انا عملت بالمتاح قدامى
لكن المهم الفكره نفسها كويسه
وده الشكل النهائى على البندقيه
وتعمل مقاس الجراب الصاج على قد الموبايل بالظبط
يعنى يادوب الموبايل بالكاوتش بتاعه هينزل فى الجراب حشر على خفيف عشان الموبايل يكون ثابت اثناء الضرب
ومتخافش عالموبايل الكاوتش هايحميه من الاحتكاك بالاستاند ومن رد فعل البندقيه
واخيرا
ولو عاوز تبقى تربط قفيز بلاستك على الاستاند والموبايل مع بعض لزيادة الثبات مفيش مشكله
ومتنساش تبقى ترش الاستاند بشوية اسبراى عشان يبقى لونه حلو
والمفيد
ده تصوير فيديو بالموبايل للاستاند ولأحد الضربات اثناء الصيد
http://www.youtube.com/watch?v=1_6Ul...ature=youtu.be
..
الصور
http://www9.0zz0.com/2012/12/31/12/260100012.jpg
http://www9.0zz0.com/2012/12/31/12/229723882.jpg
http://www9.0zz0.com/2012/12/31/12/391123670.jpg
http://www9.0zz0.com/2012/12/31/12/950585695.jpg
http://www9.0zz0.com/2012/12/31/12/165843461.jpg
ملحوظه
عشان تحصل على افضل اداء وتصوير فيديو لازم يكون درجة نقاء الكاميرا بتاعة الموبايل مش اقل من 3 ميجا بكسل
وطبعا ده متاح فى كل الموبايلات الايام دى
والموبايل الصينى هايصور برده عادى لكن المسافات البعيده اكتر من 30 متر مش هاتكون واضحه فى التصوير
اى خدمه ياقناصين
وعاوز دعوات بقى على قد ماتقدرو
والسلام عليكم ورحمة الله