سوال لدكتور اسنان ضرورى
 

السادة اعضاء المنتدى
من حوالى ساعتين وانا بعانى من الم رهيب جدا فى ضرسى الم لا يحتمل وحاولت انام مش عارف واخدت اربع كبسولات كيتوفان وهو المفروض الواحد ياخد 2 بس انا اخدت اربع وبرضة مفيش فايدة لغايت ما نزلت من حوالى ربع ساعة للصيدلى عندنا وقلتلة الحقينى باقوى مسكن عندك وشرحتلة اللى حصل فقالى مش ادامك بقة الا حقنة مورفين 500 ودية تعتبر اقوى حاجة فى المسكنات للحاجات الجامدة اوى وادهانى واهو الالم خف شوية لكن موجود برضة ودة اللى مخلينى عارف اكتب دلوقتى فياريت لو فية دكتور اسنان يقولى اية اللى حصل عندى دة او لو فية عضو عندة خبرة بموضوع الاسنان يفيدنى وشكرا على مجهوداتكم وتفاعلكم معايا مقدما

رد: سوال لدكتور اسنان ضرورى
 

انا معنديش اي خبرة بالاسنان بس يمكن انت تكون ضغتط بسنانك على حاجة جامدة ذي عين الجمل او الفسدق ودي ساعتها بتكسر حتة صغيرة جدا من السن ذي ما حصل معايا وانت مش ملاحظها او ياما في سوسة وصلت لاخر السن او الضرس ودي المها بردة رهييييييييب وفي الحالتين لازم تروح للدكتور

رد: سوال لدكتور اسنان ضرورى
 

ابدا مكلتش اى حاجة ناشفة
انا كنت كويس جدا ومفيش حاجة وقمت عملت كوباية شاى وبعدها على طول حسيت بالم رهيب زى ما قلت قبل كدة
وانا رحت بصيت على ضروسى كلها فى المراية مفيش واحد منهم مثلا على الجدر بتاع اللثة او مخروم كلهم عاديين مش عارف بقة
على العموم شاكر ليك جدا على ردك على يا استاذ
big man

رد: سوال لدكتور اسنان ضرورى
 

العفو يا برنس وانا مش استاذ على فكرة انا لسة عندي 14 سنة :) وبعدين انا معرفش اي حاجة عن الاسنان انا بحكيلك حاجات حصلت معايا مش اكتر بس ياريت تجيب اي رقم دكتور من الدليل وكلمة عشان ممكن تكون حاجة خطر لاقدر اللة وتتطور والف سلامة عليك يبرنس وطمنا عليك في رسالة خاصة وانشاء اللة تبقى بخير

رد: سوال لدكتور اسنان ضرورى
 

انتا بقة المفروض على كدة تقوليلى يابابا محمد هههههههههههههههههههههه انا 36
على العموم تسلم يا ريس على افادتك لى

رد: سوال لدكتور اسنان ضرورى
 

اكيد تسوس في الاسنان او الضرس محتاج حشو ممكن يكون التسوس و صل لحد العصب

روح لاي دكتور اسنان

رد: سوال لدكتور اسنان ضرورى
 

مهو يا moorey لو التسوس وصل لغايت العصب فالضرس بيكون وصل للثة يعنى هتبص مش هتلاقى الضرس انما بيكون جزء صغير منة فقط لكن الضروس عندى كلها زى ما هى كاملة يعنى