|
حـــــــــــــاجة تكسف
السلام عليكم ورحمة الله وبركاته
مساء الخير على جميع اعضاء المنتدى وطاقم الادارة كمان يا جماعة عملت الموضوع ده انهارده لان بجد عندى كام سؤال ونفسى حد يجاوب على بس اولا عايز اعرف هو الواحد لما يكون شايف شىء غلط مش المفروض انه يقول انه غلط؟؟ والمفروض انه كراجل يواجه ويناقش ويتكلم ويدافع عن وجهة نظره اذا هو نفسه مقتنع انها صح؟؟ الا اذا هو اللى غلط !!!باختصار يا جماعة انا جالى تقييم سىء تقييم سلبى فى حد محترم حطلى اضافة تقييم سىء عشان يقلل من تقييمى وبجد يا جماعه انا متضايق جدااااااااااااااااا مش عشان التقييم السلبى لا عشان ان فى شخص مر بموضوع من مواضيعى وفى حاجة مش عجباه !!!!!!!!! ايه هى ؟هل رأيه صح او خطأ هل انا اللى عندى خطأ مش عارف ومش دى القضية القضية ان فى شىء مش عاجبه وهو للاسف ما قدرش يكتب حرف واحد عشان ينتقدنى للاسف ما كنش عنده الجرأة الكافية عشان يناقش ويدافع عن وجهة نظره ان فى شىء سىء بموضوعى !!!!!!!!!!!!!!!! وضايقنى اكتر انه حتى ما قدرش يكتب توقيعه فى التقييم السىء اللى حطهولى وزى ما قلتلكم والله مش متضايق ان تقييمى قل لان انا عارف ان زى ما الرقم اللى بيكون جنب النيكنيم دلالة عن تقييم الاعضاء الاخرين ليك كمان انا عارف ان الرسايل الخاصة وعدد الردود والمناقشات وحتى الاختلافات فى الرأى بينى وبين اصحابى واخوانى هنا على المنتدى هى كمان فى حد ذاتها تقييم لى وتفاعل بينى وبين اصحابى هنا على المنتدى وهو ده التقييم الحقيقى اللى بيعنينى فى المقام الاول تحياتى لكل من تفاعل مع هذا الموضوع ولكل من مر به واما الاخ اللى حط تقييم سىء او سلبى فانا بقله انا مشفق عليك بس لانك ما قدرتش تناقشنى ولا قدرت تسيب توقيعك بجوار تقييمك الذى لا يعنينى بالمرة وبجد دى فى حد ذاتها حاجة تكسف وخلونى كمان اضيف تحية لوالدى الغالى الله يرحمه اللى كان بيعلمنى وانا عمرى 5 سنوات ازاى تتكلم وتناقش وازاى تكون راجل:lov: |
رد: حـــــــــــــاجة تكسف
مسائك عسل ياكبير
والله انا من راى تكبر دماغك عادى يعنى طيب انت عمرك شفتنى زعلت حد هنا؟ ماعتقدش وبرغم ذالك حصلت معايا مرتين قبل كده واتعملى تقييم سيىء وماتكلمتش لانى اصلا مش بافكر فى زيادة رقم التقييم اطلاقا زيك كده بس هى بتبقى حاجه تغيظ فعلا لأنك مش عارف هو عمل كده ليه وايه الاسباب مسائك زى العسل ياصاحبى |
رد: حـــــــــــــاجة تكسف
اقتباس:
مسائك فل يا قبطان وادينى اخدت تقييم لا يقدر بارقام ولا غيره الا وهو تشريفك لى فى الموضوع تحياتى ليك وخلينى اقولك ان بجد انا مش مضايقك من الحوار ده بالمرة بس زى ما انا وضحت انها بجد حاجة تكسف وهل هو مش مكسوف من نفسه؟!!!!!!!!!!!!!! مش عشان التقييم السلبى لا عشان انه ما عندهوش الجرأة حتى انه يسيب توقيعه ودى مرة تانيه تحياتى ليك |
رد: حـــــــــــــاجة تكسف
خذ بناصيحة القطبان وربنا يوفقك
|
رد: حـــــــــــــاجة تكسف
كبر دماغك زى نصيحه القبطان التقييم الحقيقى حب زملائك ليك.
|
رد: حـــــــــــــاجة تكسف
طب انا كنت عايز اسالك سوال لان فية حاجة كدة فى دماغى بالنسبة للمنتدى هنا وعايز اعرف انا تخمينى صح ولا غلط
فانا بسالك الموضوع اللى انتا كتبتة وخدت علية التقيم السىء كان بيتكلم عن اية |
رد: حـــــــــــــاجة تكسف
انت انسان محترم و رائع
احلى 20 نقطة تقييم ليك يا باشا |
رد: حـــــــــــــاجة تكسف
كبرررررررررررررررررررررررررررررررررررررررررررررررر ررررررر
|
رد: حـــــــــــــاجة تكسف
كبر دماغك ياصاحبي فعلا الحب الحقيقي لزملائك هنا اهم من التقييم بس هي بصراحه حاجه تضايق اوي انا حصلت معايا مرة من يجي سنه او اكتر بس بصراحه الراجل كان حاطط توقيعه وبعتله رساله وتناقشنا وطلع في الاخر مش كان قصده انا كان فاكرني حد تاني ههههه واعتذر والموضوع عدى وفات وهو من الشخصيات المحترمه هنا في المنتدى وبكلمه كتير وراجل زي العسل
فكبر دماغك |
رد: حـــــــــــــاجة تكسف
اقتباس:
|
رد: حـــــــــــــاجة تكسف
اقتباس:
واحنا كلنا تحت امر اعضائنا المحترمين |
رد: حـــــــــــــاجة تكسف
اقتباس:
يبنى انت حارق دمان كلنا بالصيد بتاعك ده سيبلنا حاجة بقا . طبعا بهزر استاذ هانى من الناس المحترمة وكلامه صح ، كبر دماغك من التفاهات دى ومادام مقدرش يواجهك يبقى ميستهلش العتاب |
رد: حـــــــــــــاجة تكسف
اقتباس:
نصيحة القبطان على عينى اكيد ووالله ولا ضايقنى اصلا الا ان الموقف البسيط ده بيبين قد ايه فى شريحة فى مجتمعنا المصرى شبت وفيما يبدو انها ستشيب على هذا المنوال الا وهو الضعف وعدم القدرة على المواجهة ولو حتى من وراء شاشة الحاسوب فكتبت الموضوع ده لعل وعسى ان النوعية دى من الاولاد الصغيرين لازم يعرفوا ويتعلموا انه لو بيختبىء من مواجهة الناس فلازم يتكسف من نفسه ويتعلم انه يكون حريص على صورته امام نفسه وليس فقط امام الاخرين مش عارف بقى النقطة اللى بقصدها وصلت او لا تحياتى |
رد: حـــــــــــــاجة تكسف
اقتباس:
شكرا جزيلا استاذ ايمن على النصيحة ومرورك الكريم وهذا بالتاكيد تقييم فى حد ذاته وتحياتى لحضرتك |
رد: حـــــــــــــاجة تكسف
اقتباس:
استاذ فضيل شرفنى مرورك يا فندم وعجبنى تعليقك على القبطان والله حضرتك انسان مهذب بجد وتحياتى ليك وانا مكبر دماغى بس لعل وعسى الاولاد الصغيرين يتعلموا من ردود الناس الكبيرة واسلوبهم المهذب فى الحوار واداب المعامله مع الاخرين وبتكلم بجد ده غرضى من الموضوع مش مجرد تهكم على احد |
رد: حـــــــــــــاجة تكسف
اقتباس:
اوك يا مان هكبرررررررررررررررررررررررررررررررررررررررررر :lov: |
رد: حـــــــــــــاجة تكسف
اقتباس:
والله يا فندم انا عاجز عن شكر حضرتك وعاجز عن وصفك كمان بعدين يعنى هقول ايه ؟!!!!!!! ان حضرتك انسان مهذب وكبير ومحترم !!!!!!!!! لا يكفى لسببين على ا لاقل. واولهم ان حضرتك غنى عن التعريف وثانى شىء ان الكلام يعجز عن اعطائك جزء من حقك واخيرا تحياتى لحضرتك وشكرا جزيلا على مرورك وهو الاهم عندى وشكرا مرة اخرى على التقييم وشهادة حضرتك الغالية فى وصفى تحياتى استاذ محمد |
رد: حـــــــــــــاجة تكسف
وعلى فكرة يا جماعة
فى اكتر من شخص ساب تقييم هنا على الموضوع كمان بدون امضاء تحياتى وبجد يا جماعه يكفى المرور على الموضوع |
رد: حـــــــــــــاجة تكسف
اقتباس:
شرفتنى يا فندم وبالنسبة للشخص اللى حطلك تقييم سلبى انت بتقول انه حط اسمه فى التقييم ودى لوحدها علامة من علامات الرجولة وتخليك تنبسط انك هتتععامل مع راجل مهما كان وجه الخلاف ما بينكم وبمناسبة الشخصيات المحترمة فاكيد انه لا يخفى على احد هنا بالمنتدى ان حضرتك كمان من اكثر الشخصيات زوق واحترام وتحياتى ليك :comm: |
رد: حـــــــــــــاجة تكسف
اقتباس:
|
رد: حـــــــــــــاجة تكسف
ولا يهمك يا بشمهندس مصطفى وزى ما الاخوه الاعضاء وضحوا ان التقدير الحقيقى هو حب الاعضاء وانا عارف ان نية حضرتك فى الموضوع هو الشجاعه ومواجهه اختلاف الرأى والتذكير بانه من حقك ان تختلف معى ولكن السبيل الى الحوار يتطلب مواجهة بين طرفين بالحجة والبيان وليس بالانسحاب والهروب من مواجه الموقف
|
رد: حـــــــــــــاجة تكسف
طول ما انت صح تلقى الى بيعرضك ويوفق فى طريقع استمر وخلى الى يشتم و الى ينتقد ينتقدوانت بجد من احسن الشخصيات بجد
|
رد: حـــــــــــــاجة تكسف
كبر دماغك ياباشا وممكن يكون واحد مش فاهم وبيجرب عادى او ممكن عن عمد وفى الحالتين سيبك منه :)
ولك منى احلى تقييم سئ هههههههههه لأ مقدرش طبعاً ;) |
رد: حـــــــــــــاجة تكسف
اقتباس:
استاذ محمد اخبار حضرتك؟ شرفنى مرور حضرتك بالموضوع وكالعادة ادبك وزوقك فى ردودك على المواضيع تحياتى ليك :lov: |
رد: حـــــــــــــاجة تكسف
اقتباس:
ويكفينى مرورك وزوقك واخلاقك وكلامك الجامد اللى حاسه كتير قوى على حبيبى يا سندباد نورت الموضوع :lov::lov: |
رد: حـــــــــــــاجة تكسف
اقتباس:
وتسلملى يا استاذ عمر بجد مرور شخصية جميلة زيك على موضوعى فى حد ذاتها تقييييييييم تحياتى :lov: |
رد: حـــــــــــــاجة تكسف
اقتباس:
واحنا ملناش نصيب ؟ شكلي هديك تقييم سلبي ههههههه |
رد: حـــــــــــــاجة تكسف
انا تقييمي نزل...ياعيني هما اصلا كانوا 4 بقوا 3.....!!!!عاوز اعرف ازاي نزل و انهي موضوع...حد يقدر يفدني؟
|
رد: حـــــــــــــاجة تكسف
ولا يهم حضرتك يا فندم اى انسان محترم له حاقدين و لحضرتك احلى تقييم
|
رد: حـــــــــــــاجة تكسف
ولا يهمك يا بشمهندس :)
احلي تقييم لحضرتك لانك من الناس المحترمين اللي الواحد يتشرف بوجودهم في المنتدي :) |
رد: حـــــــــــــاجة تكسف
ههههههههههههههههههههههههههههههههههههههههههه
شفت الوكسة ياعم مصطفى انا خدت تقييم بالسالب عشان رديت على موضوعك الواحد بعد كدة يشوفك يجرررررررررري هههههههههههههههههههههههههه ولايهمك ياصديقي فداك وفكك من الغلابة اللى مخهم تاعبهم احلى تقييم لينا روح الود والاخوة اللى بين الناس المحترمين اللى هنا فى المنتدى وحضرتك اولهم .. واحلى تقييم بجد الصداقة اللى بينا ياكبير |
رد: حـــــــــــــاجة تكسف
يا ريت حضرتك توضح تقصد مين عشان متهيألي حضرتك تقصدني عشان أخر موضوع رديت عليك و للتوضيح أنا منتقدش المجموعة ولا اتهمت حضرتك بالنصب أنا بنتقد سياسات البلد اللي تخلي حاجة مرمية برة فالمحلات بتراب الفلوس تتباع هنا بمبالغ أكتر من قيمتها عشر مرات ولما لقيت حضرتك فهمتني غلط و زعلت شيلت التعليق اللي مزعل حضرتك من باب انها حاجة تافهة ومش مستاهلة وبالنسبة للتقييم أنا اه عملتلك تقييم بس ممتاز وأنا لو كنت بعتلك تقييم سالب كنت هتلاقي انو مني عشان كذا وكذا وياريت توضيح من حضرتك
|
رد: حـــــــــــــاجة تكسف
اقتباس:
شرفتنى يا دكتور بعدين تقييمك نزل ولا يهمك احلى تقييم لزوقك |
رد: حـــــــــــــاجة تكسف
اقتباس:
وبجد انت اللى انسان محترم تحياتى |
رد: حـــــــــــــاجة تكسف
اقتباس:
|
رد: حـــــــــــــاجة تكسف
اقتباس:
والله من كتر الضحك اضفت المشاركة من غير ما اكملها تحياتى يا محمد باشا وربنا يديم الود والمحبة يارب بعدين يعنى جالك تقييم سالب ولا يهمك تعيش وتاخد غيرها هههههههههههههههههههههه واحلى تقييم منى ليك:rir: |
رد: حـــــــــــــاجة تكسف
اقتباس:
الجملة دى بجد انا مستغربلها اولا انا ما بقصدكش انا بقصد المحترم اللى ما حطش توقيع ليه ومش عارف على اى اساس افترضت انى بقصدك انت مع ان انت وبامانه ما خطرتش ع بالى بالمرة ويمكن حتى ما فكرتش من اساسه مين اللى ساب التقييم اما بقى ايه الموضوع اللى انا اخدت عليه تقييم سلبى دى حاجة ما حدش يعرفها من الاعضاء وانا ما ذكرتش اى موضوع بالضبط وفى حد هنا سألنى كمان انا ما ردتش عليه فانت بقى عرفت ازاى ان موضوعى اللى حضرتك شاركت فيه هو اللى انا اخدت عليه تقييم سلبى !!!!! او انه اجتهاد وتخمين منك مش عارف بس على اى حال انا ما ذكرتش اى موضوع من مواضيعى وليه انت فرضت من اساسه انى بقصدك ؟ وبالنسبة لانك تنتقد المجموعة او الموضوع نفسه ده شىء لا يمت للموضوع اللى انا عامله دلوقت بصلة لان انا مؤمن تماما ان الاختلاف فى الرأى لا يفسد للود قضية والا بقى كنا نشوف كل يوم واحد بيقتل صاحبه او اخوه او والده لمجرد اختلاف فى الرأى او وجهات النظر وبالنسبة لنقطة انك ما اتهمتنيش بالنصب !!!!!!!!!!! فاولا جزاك الله خير على هذا ثانيا لا ينبغى اصلا انك تتهمنى بالنصب لان ببساطه انا انزه من هذا ده بالنسبة لقناعتى بنفسى وعن الناس اللى يعرفونى اما بالعقل والمنطق فايضا لا ينبغى ان تتهمنى بهذا لان ماليش اى معاملات مادية مع اى حد هنا فى المنتدى وانا مش تاجر انا راجل مهندس ومدير قسم باحدى الشركات خارج مصر اصلا فبعيد تماما عن اى معاملات مادية ومن ناحيه اخرى سورى يعنى مش حابب حد يفهمنى غلط من حبايبى الاعضاء هنا انا فى ناس بتصل عليهم من خارج مصر وسورى برغى معاهم بالساعات ويمكن تمن مكالمة واحده بتمن قطعة او بما يقارب فمش فاهم ليه حطيت احتمال انك ممكن تتهمنى بالنصب ولكن انت لاخلاقك العاليه ما اتهمتنيش وبالنسبة للفهم الخطأ جل من لا يسهو وارجو ان انا كمان ما حدش يفهمنى خطأ ولا يسىء الظن بيا لان انا لما بحب اقول حاجة لحد بقلهاله بشكل مباشر واكتر ناس اختلفت معاهم هنا فى الاراء هم نفسهم على رأس قائمة حبايبى هنا على المنتدى وبالنسبة للتقييم اللى اضفتهولى فعلا انا ذكرت بنفسى ان فى حد اضافلى تقييم فى الموضوع ولكنه ما ذكرش هو مين وانا بنفسى سالت هو مين وسميته الجندى المجهول اما اذا كان الحد ده هو انت فشكرا جزيلا ولك منى وافر الشكر والتقدير على هذا واخيرا حضرتك طلبت توضيح واعتقد ان ردى شافى ووافى وفيه اى توضيح انت طلبته وبالمناسبه انا كمان مستنى ردك وياريت قبل ما اقفل |
رد: حـــــــــــــاجة تكسف
اعتذر للاستاذ real fighter عشان افتكرت حضرتك تقصدني و عامل موضوع من غير ما تسأل اذا كنت انا فعلا ولا لا
و مفيش اختلاف ولا حاجة احنا الاتنين قصدنا واحد بس بطريقة مختلفة و يا ريت حضرتك ماتتضايقش بس انا انفعلت لما افتكرتك بتهاجمني علي حاجة معملتهاش وكلنا اخوة هنا فالمنتدي وعلي فكرة الحركة دي حصلت معايا كذا مرة قبل كدة ++++++++++++++تقييم+++++++++++++++++ |
رد: حـــــــــــــاجة تكسف
انت انسان محترم
|
رد: حـــــــــــــاجة تكسف
اقتباس:
ومشاركتك هنا على موضوعى يا مصطفى بيه تعتبر شهادة تقدير بالنسبة لى تحياتى |
رد: حـــــــــــــاجة تكسف
يا حبيبي أنا حصل معايا اللي أكثر من كده..
أنا إتشتمت بافظع الشتايم اللي ممكن تفكر فيها و متفكرش فيها.. شتايم بالأب و الأم و كل حاجة... عشان إنسان قذر و زبالة ده أقل ما يكن وصفه بيه بمجرد إن رأيه مختلف عن رأيي سياسيا.. و لا عبرته عشان اللي زي دول بيستخبو زي الفئران لما تقوفلهم راجل لراجل... |
رد: حـــــــــــــاجة تكسف
اقتباس:
شرفنى مرورك للاسف انتشرت الاشكال اللى انت بتقول عليها دى وللاسف بيكونوا فاهمين انهم كده صيع ومفتحين هقولك على حاجة زمان واحنا صغيرين كانوا اهلنا يعلمونا الادب والاخلاق والرجولة وكانوا يعلمونا حاجة مهمة قوى ازاى تاخد حقك تاخده من مين ؟؟؟؟؟ !!! من اى حد اتخلق !!!!! وعلمونا ان اخدان الحق حرفة فبالتالى عمرك ما هتعرف تطبق القاعدتين دول الا لما تلف وتشوف وتتعامل فكل واحد فينا طبيعى يعنى انه سورى يتكحرت شوية لكن كل ده شىء وقلة الادب وطولة اللسان وشغل الهطل وشغل العربجية اللى فى بعض الناس بتحاول تعمله ومفكرين انهم كده مفتحين وصيع فللاسف الواحد بيحزن عليهم اولا قبل اى حاجة تانيه تحياتى ليك |
رد: حـــــــــــــاجة تكسف
اقتباس:
ومش عارف ليه انت حسيت انى اقصدك مع انى ما ذكرتكش ولا ذكرت اى موضوع انا جالى عليه التقييم السلبى وبالنسبة لانفعالك فانا ما ما وصلنيش شعور انك كنت منفعل اصلا وزى ما انت قلت كلنا هنا اخوة وانا كنت مأجل الرد على مشاركتك دى لحد ما تكون انت اون على المنتدى لانى مش بلاحظ وجودك كتير تحياتى |
رد: حـــــــــــــاجة تكسف
يا هندسه لا تقلق و لا يهمك و كبر دماغك منا من فتره خدت تقييم سلبي و كان مكتوب جنب التقييم " بالشفا " ههههههههههههههههههههه ... و كبرت دماغي و عااادي يعني و تقييمي اهو زاد الحمدلله و تقييمك يزيد اكتر و اكتر ان شاءالله و تفيدنا ب معلوماتك و خلي بالك يا هندسه في ناس مش بتقدر تواجه ف من طبعها ف الخباثه كده يديلك تقييم سلبي هو قدراته كده مايقدرش الا علي كده هههههههههه و انت اكبر من كده بكتير و ياما بتحصل معانا ... ماتشغلش بالك يا هندسه و خير ان شاءالله
|
رد: حـــــــــــــاجة تكسف
اقتباس:
لك وحشة يا اكسلانس ومش باين ياريت طمنى عنك وبصراحة انت قتلتنى من الضحك بكلمة بالشفا هههههههههههههههههههههه اما انه ندل صحيح ههههههههههههههه عامة يعنى حتى لو شغلت بالى تقييم الناس وتفاعلهم واخلاقهم العالية يخلينى غصب عنى ما اشغلش بالى تحياتى يا بشمهندس سيد |
| الساعة الآن 08:52 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir