|
مساعدة
السلام عليكم
معلش يا جماعه انا عاوز افك النوريكا جيت هو فيه 3 بنز فى البندقية خلف مجموعة الزناد منهم واحدة للغطاء البلاستك وفيه اتنين تانيين وكمان فيه مسمار الاستوبر ومجموعة الزناد هل هناك ترتيب فى الفك ! يعنى اصل لو انا فكيت البنزبن بتوع الزناد مش كده هيبقى الضغط على مجموعة الزناد ومش هعرف اخرجهم ! فى إنتظار الرد وشكراً مقدماً |
رد: مساعدة
ممممممم خلاص فكتها وركبتها شكراً :)
|
رد: مساعدة
بالتوفيق.....
|
رد: مساعدة
اقتباس:
ياريت حضرتك تكتب لباقى الاعضاء ملاك الجيت خطوات كيفية حل وتركيب الجيت بالتفصيل وياريت لو فيه صور. تحياتى. |
رد: مساعدة
اقتباس:
|
فك وتركيب الجيتا
طريقة فك وتركيب الجيت بالصور :
بسم الله أولاً فك الدبشك وده سهل جداً فيه مسمارين اماميين ومسمار خلف الزناد ولكن المسمار خلف الزناد مثبت فى الدبشك لا يخرج وصورهم اهم http://imageshack.us/a/img99/1679/dscn4681xxx.jpg http://imageshack.us/a/img825/7356/dscn4682xxx.jpg الخطوة الثانية طبعاً البندقية دلوقتى حديد فقط هنلاقى 3 بنز اللى هو زى مسمار صغير كده ملوش راس اول واحد على اليمين ده اللى ماسك الغطاء البلاستيك ده وده اول واحد هنشيله طريقة فكه هو عن طريق انك تجيب مسمار صغير او مفك صغير وتضعه فوقيه وتطرق عليه بسيط هيخرج على طول ولكن احترس لأن فيه اتجاه معين لدخول وخروج المسمار "البنز" يعنى فى اتجاه لدخوله فى البندقيه وكمان اتجاه دخول البنز نفسه 1)اتجاه دخول البنز فى البندقيه هو اللى موجود فى الصورة القادمة يعنى لازم يكون ماسورة البندقية على الشمال . 2)اتجاه دخول المسمار ده سهل هتلاقى جزء مشرشر كده ده اللى بيبقى فوق يعنى تدخل المسمار بالجنب التانى وديه الصورة http://img854.imageshack.us/img854/5085/dscn4683xxx.jpg وديه صورة بعد فك البنز الاولانى بتاع الغطاء http://imageshack.us/a/img823/8415/dscn4684xxx.jpg http://imageshack.us/a/img580/791/dscn4685xxx.jpg ملحوظة فيه مسمار الاستوبر اللى فوق فى القميص بتاع البندقية متفكوش دلوقتى خالص ودلوقتى بقى فك البنز اللى على الشمال وسيب اللى فى النص دلوقتى http://img84.imageshack.us/img84/1803/dscn4686xxx.jpg هنا بقى لازم تبقى حذر وتوجه وش البندقيه لأسفل وتبدأ تفك المسمار اللى فى النص ده هتلاقيه صعب شوية لأن الضغط بدأ يبقى علي مجموعه الزناد فبتتحرك من مكانها المهم هتشيله وهيبقى اللى موقف السوسته من الخروج هى مجموعه الزناد فقط ومسمار الاستوبر وواضح فى الصورة تحرك مجموفة الزناد من مكانها بسبب الضغط عليها http://img29.imageshack.us/img29/5585/dscn4687xxx.jpg دلوقتى بقى قدامك طريقتين يا تشيل مجموعة الزناد الاول والسوسته مش هتخرج للآخر وهتضطر تفك مسمار الاستوبر او تبدأ بمسمار الاستوبر بس السوسته هتخرج بإندفاع جامد اوى فى الحالتين هتدى وش البندقية او مكان خروج السوسته للأرض ولازم يكون فيه حاجة طريه تحتها زى بطنيه مثلاً عشان الدليل ميتكسرش فى الصور انا فكيت مجموعة الزناد الاول قبل الاستوبر وديه مجموعة الزناد بعد لما خرجت http://imageshack.us/a/img844/2296/dscn4688xxx.jpg وهنا واضح ان السوسته والدليل متعلقين بسبب الاستوبر http://imageshack.us/a/img843/2105/dscn4689xxx.jpg وهنا بقى الاستوبر اهو هنفكه ووش البندقية لتحت زى ما اتفقنا http://imageshack.us/a/img838/4895/dscn4690xxx.jpg وديه السوسته والدليل بعد لما خرجوا هتلاقى فوق الدليل حليه معدن وتحتها حليه معدن حافظ عليهم عشان دول بيحموا الدليل البلاستك ده "ملحوظه الدليل عندى معدن ده عموله" بس انا حطيت صورة الدليل البلاستيك والحلى عشان يبان للناس شكلها ايه http://imageshack.us/a/img715/4971/dscn4691xxx.jpg كده ناقص فقط انك تخرج البستم ده لو عاوز تغير حاجة مثلاً الجلبه انا مخرجتوش لأنى مكنتش محتاج بس طريقته انك بتكسر البندقيه نص كسره كده وبعدين لازم تفك المسمار الكبير اللى ماسك الماسورة بالقميص وبعدين تخرجه عادى طريقة التركيب بقى هنعكس اللى فات هندخل السوسته بالدليل بالحليه المعدن اللى فوق, هنا انت محتاج حد معاك وبمفك عاده من على طرف الحليه المعدن هتزق السوسته بحذر عشان الدليل البلاسيتك ميتكسرش لغاية لما تعدى مسمار الاستوبر يا تركب المسمار بسرعه لآخره يا اما تكمل زق بالمفك وتركب مجموعة الزناد بسرعه انا عملت الطريقتين سهلين ولكن محتاج شخص معاك http://imageshack.us/a/img838/3507/dscn4692xxx.jpg وبعد تركيب مجموعة الزناد هنبدأ بتركيب البنز واحد واحد بس محتاج مفك صغير عشان تظبط اماكن دخول البنز لأن مجموعة الزناد مبتبقاش مظبوطه على الاخرام http://imageshack.us/a/img21/8405/dscn4693xxx.jpg بس كده ركب بقى الجزء البلاستيك والبنز بتاعه وبعدين ركب الدبشك والثلاث مسامير بتاعتهم لو فيه اى تعقيب من الخبراء ياريت فى إنتظار النصائح |
رد: مساعدة
جزاك الله كل خير
|
رد: مساعدة
السلام عليكم ، تسلم ايدك ، ربنا يكرمك واعملها فيديو خاص بيك
|
رد: مساعدة
هحاول اعملها فيديو إن شاء الله وانا بفكها المرة الجايه بإذن الله قريب
|
رد: مساعدة
تسلم ايدك ياباشا موضوع مفيد جدا.
|
رد: فك وتركيب الجيتا
اقتباس:
أحييك أخى الفاضل على هذا المجهود الرائع بس عندى ملاحظة بسيطة أرجو أن تتقبلها. هات ماسورة صغيرة طولها لا يتعدى 10 سم ويكون قطرها الخارجى أقل من قطر الكانون الداخلى بحوالى 2 مم ( الماسورة دى للضغط على الحلية المعدن اللى فوق الدليل البلاستيك بدل المفك). أثناء الحل اولا تحل بنز الغطاء البلاستيك ثم مسمار الاستوبر بعد كده هتدخل الماسورة ال10 سم داخل الكانون (هتحط البندقية بشكل رأسى على ترابيزة وطبعا الماسورة لأعلى ونهاية الكانون بالماسورة داخله على الترابيزة) وهتخلى حد يضغط البندقية لأسفل ضغطة بسيطة جدا هتلاقى البنزين الاخرين بيخروجوا من مكانهم بكل سهولة. حل بنز مجموعة الزناد الاول (وشيل الزناد) وفى الاخر حل البنز الثالث والاخير. ثم صديقك يقوم برفع البندقية ببطأ هتلاقى السوستة والدليل بيطلعوا بهدؤ. سبب هذا الترتيب فى الحل أن حضرتك ماتسبش ضغط السوستة على مجموعة الزناد فى النهاية. والتركيب يكون بالعكس بنز السوستة ثم تركيب مجموعة الزناد ثم مسمار الاستوبر وفى النهاية بنز الغطاء البلاستيك. خالص تحياتى. |
رد: فك وتركيب الجيتا
اقتباس:
ولكن الماسورة كده لازم متكونش كامله يعنى لازم نقص جزء منا لأنها مش هتدخل عشان مجموعة الزناد هتكون هى اللى ظاهره لأنها مختلفه تماماً عن الكرال يعنى بدل ما المسقط الجانبى يكون دائرة لأ لازم يكون دائرة غير مكتملة لأن مجموعة الزناد تكاد تصل لقمبص البندقية من الداخل |
رد: مساعدة
اقتباس:
|
رد: فك وتركيب الجيتا
اقتباس:
|
رد: فك وتركيب الجيتا
اقتباس:
شكرا على التنبيه لأنها فعلا تختلف عن نظام الكرال. تحياتى يافندم وشكرا على المعلومة. |
رد: فك وتركيب الجيتا
اقتباس:
|
رد: مساعدة
طب بما انكو بتتكلموا في النوريكات محدش يعرف ايه نظام السبورت في الفك ؟؟
|
رد: مساعدة
اقتباس:
بس عامة ممكن تدور على النت تحت الاسم ده : Norica Sport Disassembly |
رد: مساعدة
نرجع للجيت تانى :) :
ما هى طريقة فك النشان الامامى لأنه معاكس الاسكوب ؟ |
رد: مساعدة
اقتباس:
|
رد: مساعدة
اقتباس:
|
رد: مساعدة
بالتوفيق ان شاء الله
|
| الساعة الآن 04:13 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir