قريبي تعرض لاعتداء .. و اخدوا منه كل حاجه
 

السلام عليكم

اولا الحمدلله علي كل حال و قدر الله ما شاء فعل .. الواقعه حصلت من يومين و عرفت بيها انهارده ف قولت اعمل الموضوع ده و احكي الواقعه عشان الناس تاخد بالها و حذرها .

قريبي و هو ف عمر ال 17 سنه كان نازل من بيته رايح مشوار كان التوقيت بعد العشاء علطول .. وهو متعود ينزل ف الوقت ده زي ملايين الناس و يمشي من الشارع ده زي اي حد .. اللي حصل انه و هو ماشي ف الشارع قرب منه واحد ب موتسيكل و ساله الساعه كام ف قريبي رد وقال مش معايا ساعه ف قاله الراجل طب اديني دقيقه اتكلم ف قريبي رد وقال مش معايا رصيد ف الراجل بالمتوسيكل راح مزنق عليه و طلع المقروطه و حطهالوا ف بطنه و قاله هتطلع صوت هخلص عليك و اول لما زنق عليه و حطله المقروطه ف بطنه علطول راحوا زمايلوا جايين و وقفوا ورا قريبي عشان محدش ياخد باله من حاجه .. الراجل كان في اتنين معاه واقفين بعيد مستنين يشوفوا ايه اللي هيحصل و يراقبوا الشارع و لما زنق علي قريبي قربوا و وقفوا ف ضهره

المهم فتشوه الولد لقوا معاه اتنين موبايل و مبلغ مالي بسيط جدا اخدوا الاتنين موبايل و المبلغ المالي و قريبي كان شايل شنطه كتف فيها لاب توب ف الاتنين البلطجيه بيخبطوا عالشنطه و عرفوا ان فيها لاب ف اخدوا اللاب كمان .. و والولد حالته النفسيه مدمره و منهار تماما .. لا بيكلم حد و مضايق علطول و حاسس انه اتهان بجد . الله يكون ف عونه و يعوضه خير ان شاء الله

ف نصيحه ل اخواني الصغار و هما اولي بالنصيحه و اخواني الكبار .. يرجي الحذر يرجي الحذر يرجي الحذر .. الله يحفظنا يارب و يبعد عنا كل الشر

رد: قريبي تعرض لاعتداء .. و اخدوا منه كل حاجه
 

الحمد لله انها جت على كدة ولم يصاب بمكروة ومقتنياتة تتعوض باذن الله ارجو من الجميع عند النزول من المنزل يقول توكلت على الله ولا حول ولا قوة الا بالله متيقن بان الحافظ هو الله ومن صلى الفجر في جماعة يكون في حماية الله طوال اليوم هدانا الله واياكم

رد: قريبي تعرض لاعتداء .. و اخدوا منه كل حاجه
 

الف سلامة علي قريبك :)

و ياريت تقوله يقول حسبنا الله و نعم الوكيل فهي التي ينجو بها الغريق و بها العهد و الوثيق

رد: قريبي تعرض لاعتداء .. و اخدوا منه كل حاجه
 

الله يكون فى عونه و يعوضه خير ان شاء الله وكفايه ان بخير

رد: قريبي تعرض لاعتداء .. و اخدوا منه كل حاجه
 

رد: قريبي تعرض لاعتداء .. و اخدوا منه كل حاجه
 

الحمد لله انو هو كويس وبخير ياباشا
الحجات دى كلها تتعوض ولو ماتعوضتش تبقى فى داهيه
المهم هو كويس وخلاص
لان الايام دى السرقه بالاكراه معظمها بيكون فيه اذيه
ياقتل
يا اصابه

رد: قريبي تعرض لاعتداء .. و اخدوا منه كل حاجه
 

المهم ان هو كويس
و الباقي في داهيه
بس لو عاوزين العيال دي قبضو مخبر في القسم الي المكان الي حصل فيه الكلام دا تابع ليه و هو يقلكو مين الي عمل كده
طبعا مينفعش انصح حد انه يدفع رشوه بس مش هتعرف تجيب حق قريبك غير كده في البلد دي
و كل مخبر في قسم بيبقى عارف كويس مين بيعمل ايه في دايرته
بس الحكومه مش هتجبلك حق
يا اما تقول حسبي الله و نعم الوكيل و متخليهوش يمشي لوحده تاني

رد: قريبي تعرض لاعتداء .. و اخدوا منه كل حاجه
 

رد: قريبي تعرض لاعتداء .. و اخدوا منه كل حاجه
 

الحمد لله انها جت علي كده و فعلا الحراميه دول لازم نشوف ليهم حل

ده حتي الافلام بقت تشجع علي كده زي فيلم الالماني و عبده موته
طب انا هحكلكم علي موقف بصيت كده انا من هوات التمشيه بالليل في المناطق الزراعيه و المهجوره كان فيه
حنفيه مفتوحه الناس بتوع التكاتك كانوا علي طول بيغسلوا التكاتك و المتسكلات فيها فكنت هتاك عاوز اغسل وشي
و شديت مع واحد فيهم ببص بيقلي( انا عبدو موته ياض ليك شوك في حاجه ) انا مردتش اشد معاه علشان ساعتها كان صحابي كتير و مستنيني و لله انا كنت عاوز اموته ساعتها بس قلت الطيب احسن

و ربنا يستر علينا كلنا

رد: قريبي تعرض لاعتداء .. و اخدوا منه كل حاجه
 

شكرا لجميع من شاركوا بالرد و جزيتم خيرا و الله يحفظنا يارب

فعلا التعدي بقي مشكله و المشكله الاكبر لو الواحد دافع عن نفسه و اتمسك و هو بيدافع عن نفسه هيتظلم مع انه مظلوم

كان الله في العون ان شاءالله و شكرا ليكم مره اخري

رد: قريبي تعرض لاعتداء .. و اخدوا منه كل حاجه
 

الف سلامة عليه ياريس
وفىستين داهية الحاجة اللى راحت تتعوض
المهم انه بخير وكويس
وقدر الله وماشاء فعل

رد: قريبي تعرض لاعتداء .. و اخدوا منه كل حاجه
 

السلام عليكم ، الحمد لله على كل شئ انا فى واحد قريبى برضه كان سايق عربية نص نقل على الزراعى الاسكندانى نزلوه من العربية وضربوه بالنار وخدوا العربية والبوليس قلهم بالحرف الواحد ( استعوضوا ربنا فى الاتنين ) .

فعلا ملناش غيره

رد: قريبي تعرض لاعتداء .. و اخدوا منه كل حاجه
 

أخى العزيز أحمد ربنا انه سليم ولم يصيبوه أزى.
أنا هأقول كلمة ممكن تزعل ناس كثير منى لكن مش قادر أحبسها أكثر من كده فى اللى بيحصل لنا كل يوم.
ولا يوم من أيامك يامبارك. أنا واحد من الناس ما كنتش بأرووح قبل الساعة 3 صباحا يوميا ودلوقت الواحد بيفكر ينزل بعد المغرب ولا يقعد فى البيت أحسن!!!!!!!!!
هل أحنا أسقطنا نظام فاسد أم أسقطنا الدولة بأكملها؟؟؟؟؟؟؟؟؟؟
من سنتين كان فيه سرقة وكان الدولار بكام والنهارده الدولار بكام؟؟؟؟؟؟؟؟؟
من سنتين كانت انبوبة البوتجاز والسولار والبنزين موجودين. فين هما النهارده؟؟؟؟؟؟؟؟؟؟؟
وياريت ما حدش يقولى الفلول. علشان لو الفلول جامدين قوى كده لحد دلوقتى ماكانش الفل الكبير (مبارك) سقط فى 18 يوم!!!!!!!!!
ياخسارة يامصر ياأم الدنيا لما ولادك اللى فى حضنك يتعمل فيهم كده. ايه اللى ممكن يحصل لولادك اللى بعيد عنك بعد كده؟؟؟؟؟؟؟؟؟؟
((كلمتين كانوا كاتمين على قلبى وقلت أفضفض بيهم بين أخوانى وياريت ما حدش يزعل منى))

رد: قريبي تعرض لاعتداء .. و اخدوا منه كل حاجه
 

الحمد لله على كل حال و ربنا يعوض عليه بمقتنيات افضل من اللى كانت معاه

رد: قريبي تعرض لاعتداء .. و اخدوا منه كل حاجه
 

رد: قريبي تعرض لاعتداء .. و اخدوا منه كل حاجه
 

أخى العزيز هاشم باشا بعد التحية.
يمكن من الوهلة الاولى لأى شخص يمكن أن يؤخذ كلامى أنه كلام سياسى. حاول تتمعن فى الكلام ككل وقد تجده كلام وطنى أكثر من سياسى.
صدقونى ياجماعة أنا ولا مع ولا ضد أى حزب ولا أى جهة لكن أنا مع مصر أللى كثير ناسوها فى الهوجة اللى اللى حاصلة. وتأكيدا لكلامى هذا أنا عشت 18 سنة من 1987 الى 2005 خارج البلد يعنى ما ليش فى النظام السابق ولا حتى النظام الحالى أنا من نظام مصر أم الدنيا.
عايز مصر الامن والامان واللى كنت بأفتخر بأمنها وأنا فى بريطانيا ترجع تانى.
لو حضرتك شايف أن دى سياسة لحضرتك مطلق الحرية فى حذف مشاركاتى فى هذا الموضوع.
خالص تحياتى.

رد: قريبي تعرض لاعتداء .. و اخدوا منه كل حاجه
 

يا باشا لاعشت ولا كنت عشان امسح مشاركتك بس انا بتكلم فى نقطة تانية ان شاء الله اوضحها لحضرتك

تحياتى لشخصك الكريم

رد: قريبي تعرض لاعتداء .. و اخدوا منه كل حاجه
 

ياحبيبى مافيش حد كبير على انه يتحذف له مشاركه أو موضوع وصدقنى لو حضرتك شايف أن مشاركتى سياسية أكثر منها وطنية فأكيد فى أعضاء كثير هيشوفوها من هذا المنطلق.
أنا كل اللى بأطلبه من حضرتك التمعن فى محتوى مشاركتى ولو لسه شايفها سياسية أحذفها وصدقنى مرة أخرى أنا مش هأكون زعلان. ممكن أكون أنا غلط وحضرتك صح.

رد: قريبي تعرض لاعتداء .. و اخدوا منه كل حاجه
 

رد: قريبي تعرض لاعتداء .. و اخدوا منه كل حاجه
 

الحمد لله انها جت على كدة ولم يصاب بمكروة

رد: قريبي تعرض لاعتداء .. و اخدوا منه كل حاجه
 

رد: قريبي تعرض لاعتداء .. و اخدوا منه كل حاجه
 

الأختلاف فى الرأى لا يفسد للود قضية. وأنا متأكد أن 99.99 % من المصريين عايزيين الصالح لمصر أم الدنيا لكن كل واحد بطريقته ومفهومه وعقليته.
طبعا انا ماقلتش 100 % لأن فيه نسبة 0.01 % عايزين الحرق لعدم أنتمائهم لهذه البلد.
بس خالى بالك ياهاشم ياحبيبى أن نسبة 0.01 % دى عندنا ممكن تعمل تقريبا 850000 شخص يعنى مش بعيد من المليون. (مليونيات - مليونيات - مليونيات.....).
أحنا شعب طيب جدا جدا جدا ويمكن علشان كده ربنا سبحانه وتعالى لغاية دلوقتى ماخلناش زى ليبيا ولا سوريا أو العراق بس لازم نحترس من القادم ونحافظ على بلدنا الحبيبة بكل جهد.

رد: قريبي تعرض لاعتداء .. و اخدوا منه كل حاجه
 

ربنا يباركلك أخى العزيز وأتمنى أن كل المصريين يحطوا ايديهم فى ايد بعض حتى نخرج بلدنا العزيزه الغالية الى بر الامان يارب.

رد: قريبي تعرض لاعتداء .. و اخدوا منه كل حاجه
 

الحمد لله ان هوا كويس وربنا يسترها والحاجات دي بتحصل كل يوم

رد: قريبي تعرض لاعتداء .. و اخدوا منه كل حاجه
 

شكرا ليكم جميعا ... اللي انا مستغربله بصراحه ان قريبي ده يعني ماشاءالله بيلعب رياضه قتاليه و انا عارف انه يقدر يتصرف ف موقف زي ده لكن لما سالته قالي مكنتش مخون و الراجل حطلي المقرووطه ف بطني ف معنديش مساحه ولا وقت اتصرف فيهم ..

ف الواحد بيفكر يعنيلو حد فينا تاحط ف موقف زي ده هيجيلوا منين وقت يلحق يتصرف ولا هيجيلوا من فين مساحه اذا كان البلطجيه حواليه مش قادر يتحرك يمين او شمال .. ساعتها لو الواحد معاه مسدس ف جنبه مش هيلحق يطلعه و يتعامل بيه

ارجو المناقشه ف الجزئيه دي و شكرا ليكم مره اخري

رد: قريبي تعرض لاعتداء .. و اخدوا منه كل حاجه
 

رد: قريبي تعرض لاعتداء .. و اخدوا منه كل حاجه