|
مقارنة بين الديانا 54 اير كنج و الويبلي باتريوت
لاحظت في المشاركات الاخيرة لبعض الاعضاء التحيز لما يحبونة من بنادق خصوصا الديانا 54 والويبلي باتريوت فاردت توضيح وجة نظري ايضا عن كلا البندقيتين الرائعتين فنقارن بالارقام
وجة المقارنة ديانا 54 ويبلي باتريوت الدقة في الاصابة 9 /// 5 رد الفعل 10 /// 5 الوزن 7 /// 7 التحكم في امساك البندقية 8 /// 6 ((توازن البندقية)) السعر 8 /// 6 ((في مصر وليس الاسعار العالمية)) الطاقة الحركية المتولدة بالمقذوف 7 /// 10 ((الناتجة عن سرعة المقذوف ووزنة اي قوة البندقية )) الخامات المصنع منها 9 /// 9 توافر قطع الغيار 9 /// 5 الناشينكان 7 /// 9 تحمل التليسكوبات 8 /// 7 تفكك المسامير 9 /// 6 ((تفكك الاجزاء عموما واحتياجها للتربيط الدائم)) اجمالي الدرجات الديانا 54 91/110 الويبلي باتريوت 75/110 اتمني اني اكون غطيت كل اوجة المقارنة بين البندقيتين ..... وجدان |
رد: مقارنة بين الديانا 54 اير كنج و الويبلي باتريوت
ويييييييييييجووووووووووووووو
معلش يا باشا انا عندى استفسار صغنتوتى المقارنه ديه على اساس ايه؟؟ |
رد: مقارنة بين الديانا 54 اير كنج و الويبلي باتريوت
أخي العزيز وبلدياتي الغالي...الأستاذ وجدان...نرجو من سيادتكم التكرم والتعطف والتلطف والرأفة...والتفضل وتقول كمان...ونرجو هذه المرة تعيد ما قلته ولكن بالحروف وبلاش الأرقام دي وحياة والديك...علشان أنا واحد من الناس ثقافتي روسي ومش فاهم لوغاريتمات الأرقام دي...وبالراحة كده...ياواش ياواش...علشان ما أتوهش منك...أو أنام...نبدأ من الأول...أنا مستنيك أهه...ربنا يكرمك...ويبعد عنك المرض...خالص تحياتي واحترامي للجميع...
|
رد: مقارنة بين الديانا 54 اير كنج و الويبلي باتريوت
اقتباس:
|
رد: مقارنة بين الديانا 54 اير كنج و الويبلي باتريوت
بس المفروض المقارنه تتعمل على اساس المعلومات المتاحه من قبل الشركتين عن بنادقهم او عن طريق استعمال كلتا البندقيتين على المدى البعيد
لان المقارنه بينهم صعبه اوى وخاصه شركه عريقه زى الديانا بس ننتظر راى الخبراء لانك بصراحه ظالم الويبلى اوى وانا من عشاقها ولكن الاختلاف فى الرأى لا يفسد للود قضيه |
رد: مقارنة بين الديانا 54 اير كنج و الويبلي باتريوت
اقتباس:
انا اقصد مثلا في الدقة في الاصابة 9 /// 5 الديانا تاخد 9 من 10 والويبلي تاخد 5 من 10 وهكذا ((اول رقم بيكون نتيجة الديانا وثاني رقم نتيجة الويبلي وكل الارقام من 10 فكلما زاد الرقم مقابل 10 كان افضل في النتيجة)) وفي النهاية جمعت درجات كل من الديانا والويبلي وكانت الافضل الديانا.... اي سوال ثاني متتردتش يابلدينا وانا اسف علي الوبي في الكتابة والتوضيح لاني كنت عامل المقارنة دي علي ورقة بالانجليزي وكانت منظمة اكتر من كدة لكن خفت لاتهزق زي اخينا بتاع الكيبورد وكمان معرفتش اعمله بالعربي علشان كانت هتبقي لوغاريتمات ملهاش حل((خطي مبعرفش اقراءة لو نسيت انا كنت كاتب اية و حاولت كتير اني اتعلم اكتب كويس وجبت كراسات خط ومدرسيين ولكني فشلت ))) فقلت انجليزي هتهزق وعربي كمان هتشتم يبقي مفيش غي الكيبورد ومن السرعة مقدرتش انظم الموضوع.. |
رد: مقارنة بين الديانا 54 اير كنج و الويبلي باتريوت
اقتباس:
كمان لو شايف اني تحاملت عليها قولي انا اتحاملت عليها في اية ((اي وجة المقارنة بينها وبين الديانا )) كمان قولي انها تستاهل كام في اي وجة مقارنة انت مش مقتنع بية واخيرا الود باقي |
رد: مقارنة بين الديانا 54 اير كنج و الويبلي باتريوت
حبيب قلبى وييييييجوووووووووو
انا مش هاقدر اقولك انهى جزئيه لانى ما استخدمتهاش بس بردو سماعى عنها انها الافضل على الاطلاق ده بس السبب اللى خلانى احس انها مظلومه لكن طالما انت شوفت وقريت يبقى انت الصح اكيد بس انا لازلت معجب بيها جداااااااااااااااا ما تيجى معايا وانا بخطبها ههههههههههههههههههه ربنا يحفظك يا وجدان ويخليك لينا |
رد: مقارنة بين الديانا 54 اير كنج و الويبلي باتريوت
حبيب قلبى اللى صوابعه من دهب مقارنه اكثر من رائعه
|
رد: مقارنة بين الديانا 54 اير كنج و الويبلي باتريوت
اقتباس:
|
رد: مقارنة بين الديانا 54 اير كنج و الويبلي باتريوت
اقتباس:
|
رد: مقارنة بين الديانا 54 اير كنج و الويبلي باتريوت
اقتباس:
تحياتي ليك |
رد: مقارنة بين الديانا 54 اير كنج و الويبلي باتريوت
اقتباس:
|
رد: مقارنة بين الديانا 54 اير كنج و الويبلي باتريوت
كلامك على عينى وراسى..بس لو هختار بينهم.. بالتاكيد هختار الويبلى باتريوت...من غير ما اجربها كداااا..عندى احساس انها الافضل من الاير كينج..وتحياتى ليك..
|
رد: مقارنة بين الديانا 54 اير كنج و الويبلي باتريوت
اقتباس:
|
رد: مقارنة بين الديانا 54 اير كنج و الويبلي باتريوت
اقتباس:
يا استاذ جلجل ،،، احب اقول لسيادتك انه لا ينبغى لك الا ان تكون سينارست لامع لا لا لا لن اقول سينارست بل اقصد روائى كبير او مؤلف او كاتب عظيم وهذا اقل ما يدل عليه سياق تعبيراتك الاجمل على الاطلاق .... وبعيدا عما اوضحت فى فتره دراستك او فترة التلمذه فأنا فى رأيى انها ليس لها علاقه بلباقة وجزالة الكلام . حضرتك تملك موهبه عظيمه ارجو ان يهبها الله لى او اتعلمها من سيادتكم ووافر تحياتى وخالص اعجابى |
رد: مقارنة بين الديانا 54 اير كنج و الويبلي باتريوت
يا استاذ جلجل ،،، احب اقول لسيادتك انه لا ينبغى لك الا ان تكون سينارست لامع لا لا لا لن اقول سينارست بل اقصد روائى كبير او مؤلف او كاتب عظيم وهذا اقل ما يدل عليه سياق تعبيراتك الاجمل على الاطلاق .... وبعيدا عما اوضحت فى فتره دراستك او فترة التلمذه فأنا فى رأيى انها ليس لها علاقه بلباقة وجزالة الكلام . حضرتك تملك موهبه عظيمه ارجو ان يهبها الله لى او اتعلمها من سيادتكم
ووافر تحياتى وخالص اعجابى أخي العزيز الأستاذ هاربون أتاك...الله يجبر بخاطرك زي ما جبرت بخاطري...فين أولادي يسمعوا الكلام الحلو اللي زي العسل ده من الراجل اللي زي العسل ده...لكن ماذا أقول...زمار الحي لا يطرب...لن يعرفوا قيمتي غير لما أطلع فوووووووووق...ويا عالم ها يبقوا يفتكروني ويترحموا عليا...ولا...ربنا يهديني ويهديهم ويهدينا جميعا سواء السبيل...اللهم آمين...خالص تحياتي واحترامي للجميع... |
رد: مقارنة بين الديانا 54 اير كنج و الويبلي باتريوت
اقتباس:
ياباشا مينفعش نحكم علي بندقية بالاحساس لكن نحكم عليها بالارقام وبالحقائق الموجودة قدامنا وكلامي دة نتيجة لقرايتي لتحليلات خبراء بالبنادق الهوائية في العديد من المنتديات الاجنبية والمواقع التحليلية كمان انت شايف في اي تحامل مني علي الويبلي او تحيز للديانا ال54 ولو فية قولي فين وتعالي نقارن ونشوف ..... |
رد: مقارنة بين الديانا 54 اير كنج و الويبلي باتريوت
بصراحه ياجماعه الاير كينج تكسب وانا كان عندى الويبلى باتريوت وهى كانت حلم انى امتلكها ولكن بعد ما استخدمتها فتره وبعد امتلاكى الاير كينج وذلك بعد نصيحه اخويا الموسوعه اسامه فتحى بعد ان اشتراها لقيت الاير كينج متعه تانيه خالص دقه وجمال ومافيش رد فعل يذكر عشان كده هى دقيقه وعيبها الوحيد ثقل الوزن للمبتداين ولكن عن تجربه معظم بنادق ضغط الهواء ارشح الاير كينج لانها اسم على مسمى وده راى العمده جلال باشا وراى الموسوعه اسامه فتحى اللى احنا ما زلنا نتعلم منهم و فى المرحله الثانيه تاتى البنادق الانجليزى متمثله فى الويبلى والبى اس ايه والتى يتنافس معها بعض موديلات الفايروخ وهى بندقيه منسيه عندنا خالص مع انها تحفه وهذه وجهه نظرى المتواضعه ارجو انها تكون موافقه للصواب وتقبلوا تحياتى
|
رد: مقارنة بين الديانا 54 اير كنج و الويبلي باتريوت
اقتباس:
الاير كينج يعنى ملكة البنادق بس فى حاجه اسمها راحه شخصيه زى ما فى صيادين بيحبوا يضربوا بالرمسيس انا قصدى كدا يا جماعه ومش بجادل ولا حاجه انا بتكلم مع صحابى لانكم فعلا صحابى ارجو من الجميع تقبل الراى بدون غضب وتحياتى ليكم |
رد: مقارنة بين الديانا 54 اير كنج و الويبلي باتريوت
اقتباس:
تمام حضرتك رائيك سليم لكن اذا كان الوزن يعيب الديانا 54 فهو ايضا يعيب الويبلي باتريوت عموما انا رائي ان الوزن الزائد بيساعد في التحكم بالبندقية وقلة اهتزازها في يد الرامي |
رد: مقارنة بين الديانا 54 اير كنج و الويبلي باتريوت
اقتباس:
تحياتي ليك ياصحبي مفيش اي زعل ولا حاجة احنا بنتناقش يعني يتقنعني يقنعك الراحة الشخصية بيتهيالي انة بيجي بعد استخدام البندقية كمان هي علي الورق مش حلوة لانها في الحقيقة مش حلوة وعلي فكرة المثل دة بيتقال لما تبقي بتصمم حاجة ولما تيجي تنفذها تطلع احلي او اوحش طبعا ده لو المثل اتعكس وعلي فكرة انا بحب وبحترم الصناعة الانجليزية اوي لاني شايفها انها زي الالماني مش بس في الاسلحة انما في الصناعة عموما تحياتي |
رد: مقارنة بين الديانا 54 اير كنج و الويبلي باتريوت
اكيد مفيش زعل..وياريت الواحد يمتلك اى بندقيه منهم باذن الله لان زى منتا عارف اسعاهم فى السماااااااااااااااا...
وتحياتى ليك |
رد: مقارنة بين الديانا 54 اير كنج و الويبلي باتريوت
ان شاء الله ربنا ينولك الاتنين وانتظر المنتدى فى ثوبه الجديد مقارنه بالفيديو لجميع البنادق ان شاء الله تعالى
|
رد: مقارنة بين الديانا 54 اير كنج و الويبلي باتريوت
عموما انا رائي ان الوزن الزائد بيساعد في التحكم بالبندقية وقلة اهتزازها في يد الرامي
أخي العزيز وبلدياتي الغالي الأستاذ وجدان...لا تكن أناني وتقيس وتقيم البندقية بالنسبة لك...وفكر في باقي إخوانك من غالبية الشباب الغلابة...فموضوع ثقل وزن البندقية أو حجمها الكبير لا يؤثر في أمثالنا من العمالقة ضخام الجسم ثقيلي الوزن خفيفي الظل...والدم...وأحباب الله...فتجد الواحد منا ماسك البندقية بيده وكأنه ماسك خلة لتنظيف الأسنان...وأي بندقية هذه التي تهزنا أو تهز يدنا...علي رأي المثل العربي الذي يقول...يا جبل...ما يهزك ريح...فلطفا يا أخي وشيئ من الرحمة...بهذا الشباب والذي يمثل القاعدة العريضة والأغلبية والذي يستمع غالبيته ويعشق الفنان عامر حسني....آسف قصدي تامر حسني...وأن يكونوا هم المقياس والمعيار الذي يحسب عليه وزن البندقية وحجمها...مناسب أو غير مناسب...أما نحن...فخارج الحسبة للظروف السابق إيضاحها...هذا رأيي وكان لا بد أن أعبر عنه لأريح ضميري...وأنام قرير العين مرتاح البال...تصبحوا علي خير...خالص تحياتي واحترامي للجميع... |
رد: مقارنة بين الديانا 54 اير كنج و الويبلي باتريوت
يا دي الحوسة يا وجدان إيه ده ياعم
بص أولا أنا محترم رأيك جدا بس إنت كده طلعت عين الويبلي باتريوت وانا بصرحة من أشد المعجبين بيها يا برنس |
رد: مقارنة بين الديانا 54 اير كنج و الويبلي باتريوت
اقتباس:
عمى وعم عيالى شباب مين اللى بتسمع تاموره اصلا دول ملهمش فى اكل الفول فمش هايشيلو بنادق انما ما تجمعش الشباب لانى منهم واشيلك ار بى جيه مش مجرد بندقيه وربنا يرزقك بابن صالح تحسن تربيته |
رد: مقارنة بين الديانا 54 اير كنج و الويبلي باتريوت
اقتباس:
هههههههههههه |
رد: مقارنة بين الديانا 54 اير كنج و الويبلي باتريوت
اقتباس:
|
رد: مقارنة بين الديانا 54 اير كنج و الويبلي باتريوت
السلام عليكم ورحمة الله وبركاته احب اشارك معكم في هذا الموضوع ولي رأي بعد إذنكم اما أقارن بين ديانا54 والويبلي باتريوت لازم اقول المقارنة من أي إتجاه يعني مثلا هل نقارن من ناحية استخدام البندقية في الصيد أم أن البندقية للتباهي والتفاخر وإستعراض العضلات لو قلنا من ناحية الصيد طبعا ديانا54 تكسب لو قلنا من ناحية وسع وسع حاسب يا عم الشيفرولية الدبابة أكيد هتكون الباتريوت الباتريوت لا يميزها إلا القوة فقط لانها فاقت كل البنادق السابقة لها في القوة أي واحد صياد بيبقى نفسه يحقق نتايج كويسه في عدد الطرائد علشان كده الايركنج تكسب الباتريوت لكن هناك نقطة هامه جدا جدا لابد أن لا نغفلها وهي عشق السلاح فلكل منا السلاح الذي يحبه ويعشقه مهما كان تقييمه من خبراء السلاح ، كعشاق السلافيا مثلا مع انها بندقية ضعيفة ورخيصة لكن لها عشاقها ومحبيها ارجو ان اكون أضفت نقطة في الموضوع ولكم تحياتي |
رد: مقارنة بين الديانا 54 اير كنج و الويبلي باتريوت
اقتباس:
2- انت تمتلك الديانا 54 ولا تمتلك الباتريوت فئي رئي شخصي تعرضه 3- سرعه الباتريوت تفوق سرعه الديانا المجنوم التي تفوق سرعه الاير كيج فعلي اي اساس ساويت السرعتين وبالتالي فان الطاقه الحركيه للموقزوف المعلن عنها خطأ وعلي اي اساس وتجربه تم تحديد الفرق في الدقه بين البندقيتين لالا ياوجدان انا شايف ان المقارنه والارقام خاطئه لانها مبنيه علي رئيك الشخصي |
رد: مقارنة بين الديانا 54 اير كنج و الويبلي باتريوت
اقتباس:
علي فكرة حقيقي ثقل وزن البندقية بالنسبة لوزن وقوة الرامي او الصياد له تاثير ايجابي علي اتزان البندقية وثباتها في يد الصياد انما مش تامر حسني هيشيل الديانا 54 لكنهو قوتة ممكن تشيل مسدس خرز لكن علشانموضوع الثبات ممكن ولو انة ضغط كبيرعلية ممكن يمسك بندقية خرز..... شكرا يا غالي علي مشاركتك ((المحببة لي))... |
رد: مقارنة بين الديانا 54 اير كنج و الويبلي باتريوت
اقتباس:
كمان انا مدتش الديانا 54 100 من 100 علي فكرة الويبلي باتريوت لو هنقارنها بمن في مجموعة البنادق ((جامو الهانتر 1250 -ديانا الماجنوم 350........)) هتكسب ولكن لما نقارنها علي انها بندقية للصيد المتكرر ((واقصد اليمام والحمام )) فهي اقل من الديانا 54 تحياتي ليك يا اونكس |
رد: مقارنة بين الديانا 54 اير كنج و الويبلي باتريوت
اقتباس:
مقارنتي كانت بيتهيالي انها شاملةبمعني اني اتكلمت عن الدقة واتكلمت عن القوة وعن اغلب النواحي الفنية بالبندقية واتمني اني اكون اصبت شارا يا غالي علي مشاركتك ... |
رد: مقارنة بين الديانا 54 اير كنج و الويبلي باتريوت
اقتباس:
ا بالنسبة علي رائي الشخصي فهو مبني علي اساس تجربة اناس خبرة وريفيوهات عن الويبلي باتريوت او البيمان كوداك والديانا 54 كمان اشالله احطبالمنتدي ريفيوهات للبندقيتين بعد ترجمتهم للعربية .. 2 زمان لو قلت الكلام دة هيكون عندكحق لكن النهاردة النت وخبرات الناس والخبراء قدام كل الناس وبيساعد انك تختار البندقية الافضل كمان انا لما قريت خبرة الناس قبل ما اشتري الديانا ال54 لقيت كل اللي انا عايزة في البندقية ... 3 بالنسبة للطاقة الحركية اوالسرعات حضرتك قريت الارقام غلط انا اديت الديانا 54 ((7من 10 )) واديت الويبلي الباتريوت ((10 من 10 )) علي الرغم من ان في بنادق اقوة بكتير لكن انا هنا بتكلم علي بندقية بتستخدم السوستة المعدن مش ال pcp 4 بالنسبة للدقة انا هنزل ورق عليه نتائج البندقيتين علي 30 و 50 yard بتوضح الدقة بين الاثنين ياباشا انا كنت اتمني ان حضرتك تعيد المقارنة بالارقام زي مانا عملت ونشوف نقط الاختلاف بيني وبينك في ايه ؟؟؟؟ ونبدا النقاش شكرا يا ا محمد علي مشاركتك |
رد: مقارنة بين الديانا 54 اير كنج و الويبلي باتريوت
وجدان باشا رغم إني من عشاق الباتريوت إلا إني برضه عندي عليها تحفظ وهو إنها تجميعها للراشة مش قد كده ومن فرط قوتها بتعمل ارتداد عالي جدا.
بصراحة فالدقة ... هي مش رقم واحد فالدقة ولا حاجة فعلا زي ما أنت قلت ... أنا اتناقشت مع المتر عَمر أبوالعلا فالنقطة دي ووصلنا إنَّ لو حيطنها في مقارنة مع الماجنوم 350 هتخسر في الدقة بس هي فعلا فتاكة بمعنى الكلمة بعدين راعي إن في ال 54 انتي ركويل وده ميزة جبارة ليها إن شاء الله هابقى اعملك مقارنة بس بعد العيد إن شاء الله عشان مشغول جدا اخوك عامر حسني |
رد: مقارنة بين الديانا 54 اير كنج و الويبلي باتريوت
خالص تحياتي واحترامي للجميع...
|
رد: مقارنة بين الديانا 54 اير كنج و الويبلي باتريوت
اقتباس:
في انتظار المقارنة وجدان |
رد: مقارنة بين الديانا 54 اير كنج و الويبلي باتريوت
اقتباس:
بس حضرتك فهمت غلط خالص دانا جيت هنا البلد وكاهن الكنيسة عندنا اتوفي وهو يديلي صلة قرابة فاديلي 3 ايام في الجنازة وحتي الاكل فطار غدا عشا من برة انشالله انا جاي القاهرة يوم الاربعاء علشان عندي امتحانات يوم السبت كمان انشالله هسال علي الكشك والذي منه لان حقيقي احنا مبنعملهوش هشوف اي حد من الجيران او اصحابي ممكن يكون ليهم حد في القري اللي جنبنا ويكونوا بيعملوه ((طبعا انت هتتريق عليا وتقول ان احنا جيل الفينو والكورن فليكس والبسكويت هاهاهاهاهاها)) .. انت بقي سلملي علي اللي فيالقاهرة كلهم واحد واحد ((نفر نفر )) تحياتي ا جمال |
رد: مقارنة بين الديانا 54 اير كنج و الويبلي باتريوت
فعلا يا استاذ وجدان انا ديما كنت بحط الاتنين فى مقارنة مش عارف لية بس كنت ديما اميل للديانا يمكن علشان هى بعتلة مش كسر عمتا الف شكر على المقارنة الرائعة
|
رد: مقارنة بين الديانا 54 اير كنج و الويبلي باتريوت
تيجى بالسلامه يابرنس وانا اسف يا وجدان والله لسه شايف رسالتك من يومين بتاعه رحله الصيد عشان اخوك ضعيف اوى فى حكايه الكمبيوتر وكل عام وانتم بخير
|
رد: مقارنة بين الديانا 54 اير كنج و الويبلي باتريوت
خالص تحياتي واحترامي للجميع...
|
رد: مقارنة بين الديانا 54 اير كنج و الويبلي باتريوت
اقتباس:
عموما زيي لكن انا برضو بحترم الويبلي باتريوت جدا وكمان نفسي في واحدة نمرة 3 انجليزي لكن لما عرفت انها ب 8000 جنية يعني 1500 دولار فطبعا لالالالالا والف لا |
رد: مقارنة بين الديانا 54 اير كنج و الويبلي باتريوت
اقتباس:
علي فكرة حاولت اكلمك يوم العيد ((وكنت ملتزم @@يرجي الاتصال بعد الساعة 10@@)) لكن طلع حظي وحش حضرتك كنت قافل الموبايل عموما كل سنة وحضرتك واسرتك الكريمة بخير وسعادة. وجدان |
رد: مقارنة بين الديانا 54 اير كنج و الويبلي باتريوت
اقتباس:
مطار .........@@@!!!!!!!!!!!!!!! ده علي اساس ان عندنا مطار في القوصية ((بين القوصية وديروط يعني )) والله انا تخيلت الموضوع لقيت ان ممكن تلاقي موقف طائرات وتسمع واحد القاهرة او مثلا طيار بيقول لزميلة كملت يا كابتن محمد فيرد علية ويقولة فاضل اتنين ونزلني المحطة الجاية ... وحاجات زي كدة ((الكشك والفايش والحرد وعيش الشمس والبتاو وزلعة المش والملوخية الناشفة)) انا فهمت الكشك والبتاو (علشان كان بيجلنا من ناس معرفة علشان بابا بيحبه) والمش ((من اسمة كدة ......!!!!!!!!!)) والملوخية الناشفة لكن ايه الفايش والحرد وعين الشمس..!!!!!!!!!!!!!!!! ((كحريت ولا دحي)) ده با جماعة بيض بالانجليزي.. |
رد: مقارنة بين الديانا 54 اير كنج و الويبلي باتريوت
خالص تحياتي واحترامي للجميع...
|
رد: مقارنة بين الديانا 54 اير كنج و الويبلي باتريوت
ايه ده انت كده بقيت ابن اختى يا وجدان عشان انا اخوالى كلهم من الحوطه شرق يعنى بلدياتى انا كمان
|
رد: مقارنة بين الديانا 54 اير كنج و الويبلي باتريوت
معلش انا شايف ان المقارنة مش عادلة يا أستاذ وجدان لأننا لم نذكر ثلاثة عيوب فى الديانا الأول هو عدم ثبات الناشنكاه الخلفى والثانى هو انها بتخلف النشان مع الضرب المتواصل نتيجة وجود نظام مانع الارتداد والثالث هو وجود الأجزاء البلاستيك بكثرة فى مجموعة الزناد
|
| الساعة الآن 12:33 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir