الصيد فى مصر - ينفع تكون اول بندقية ليا كرال

الصيد فى مصر (http://www.egyhunt.net/index.php)

- بنادق ضغط الهواء ومتعلقاتها (http://www.egyhunt.net/forumdisplay.php?f=51)

- - ينفع تكون اول بندقية ليا كرال (http://www.egyhunt.net/showthread.php?t=37880)

A7medFocus

13-02-06 12:41 AM

ينفع تكون اول بندقية ليا كرال

انا بقالى سنة عايز اشترى بندقية بس بصراحة الدراسة مش رحمانى
بس خلاص بأذن اللة هجيب بندقية ياريت حد ينصحنى بحاجة رخيصة اتعلم فيها
فى ناس كتير بيشكروا فى الكرال بس مش عارف تنفعنى و لا لا ؟!

adel152

13-02-06 02:13 AM

رد: ينفع تكون اول بندقية ليا كرال

أستاذ احمد بعد التحية.
لو حضرتك عندك خبرة فى فك وتشحيم وتغيير سوستة او جلبة بستم.....ألخ هتعرف تتعامل مع الكرال.
لو حضرتك مبتدأ جديد فى هذه الهواية الجميلة أنصح حضرتك ببندقية نوريكا او رمسيس او معادى كبداية وبعد فترة ممكن تنتقل لبندقية أخرى. والسبب فى ذلك أن فى البداية حضرتك محتاج بندقية تعمر وتضرب على طول علشان متزهقش من هذه الهواية الجميلة فى البداية وبالتدريج ومع متابعة مواضيع المنتدى المميزة والمفيدة فى التعامل مع البنادق والتصويب هتلاقى نفسك أن شاء الله خبير فى هذا المجال وحضرتك اللى هتقرر تشترى أى بندقية بعد كده.
بالتوفيق وخالص تحياتى.

A7medFocus

13-02-06 03:02 AM

رد: ينفع تكون اول بندقية ليا كرال

متشكر جدا على الرد يا استاذ عادل و معلش سؤال تانى ؟!
طب اية فى النوريكا رخيص و ينفعنى انا بصراحة عايز اى حاجة الا المصرى

A7medFocus

13-02-06 03:03 AM

رد: ينفع تكون اول بندقية ليا كرال

و كمان يار يت اسعار المصرى الجديد و المستعمل

adel152

13-02-06 03:13 AM

رد: ينفع تكون اول بندقية ليا كرال

اقتباس:

المشاركة الأصلية كتبت بواسطة a7medfocus (المشاركة 478800)

شوف ياباشا فيه نوريكا 56 - 61 - 73 ونوريكا يانج دول سعرهم المفروض ما يزيدش عن 750 جنيه وتكون حالتهم ممتازة.
البنادق دى ممتازة فى الصيد حتى مسافة 25 الى 30 متر لأن سرعتهم تتراوح بين 160 الى 180 متر على الاكثر.
بالنسبة للرمسيس والمعادى المصرى تتراوح الاسعار مابين 350 الى 600 على حسب الحالة.
أنا أرجح لحضرتك النوريكا وفيه ساعات بيتعرض بنادق جامو بتكون قريبة من اسعار النوريكا وبرضه دى بنادق ممتازة وخامتها أفضل ن النوريكا من وجهة نظرى.

A7medFocus

13-02-06 03:28 AM

رد: ينفع تكون اول بندقية ليا كرال

350-600 حضرتك متأكد اصل انا بسمع اسعار غريبة اغلى من كدة بكتير و النوريكا بردة بسمع اسعار اغلى من كدة

A7medFocus

13-02-06 03:35 AM

رد: ينفع تكون اول بندقية ليا كرال

حضرتك ما تعرفش تدلنى على حد اجيب منة ؟!!

ehab98

13-02-06 03:10 PM

رد: ينفع تكون اول بندقية ليا كرال

خش سوق المنتدي هتلاقي فية حجات استعمال كتير وكمان هتلاقي عروض الاخوة الاعضاء من التجار وكلة كاتب السعر

ايهاب علي

13-02-06 08:57 PM

رد: ينفع تكون اول بندقية ليا كرال

انا عارض كرال فيبر جديدة بالجراب و ده الرابط بتاع الموضوع
http://www.egyhunt.net/showthread.php?t=37231

adel152

13-02-07 02:27 AM

رد: ينفع تكون اول بندقية ليا كرال

اقتباس:

المشاركة الأصلية كتبت بواسطة a7medfocus (المشاركة 478806)

350-600 حضرتك متأكد اصل انا بسمع اسعار غريبة اغلى من كدة بكتير و النوريكا بردة بسمع اسعار اغلى من كدة

استاذ احمد الاسعار دى من وجهة نظرى الشخصية وفيه اعضاء كتير بتعرض بالاسعار دى وبرضه فيه أعضاء أخرين بيطلبوا اسعار فلكية فى بنادقهم. أنا حددت الاسعار اللى انا شخصيا أشترى بيها لو عايز بندقية من هذه البنادق.

adel152

13-02-07 02:30 AM

رد: ينفع تكون اول بندقية ليا كرال

اقتباس:

المشاركة الأصلية كتبت بواسطة a7medfocus (المشاركة 478808)

حضرتك ما تعرفش تدلنى على حد اجيب منة ؟!!

تابع قسم سوق الاسلحة الهوائية ونصيحتى ماتستعجلش خاصة أن السوق هذه الايام فى حالة ركود تام عموما.

A7medFocus

13-02-07 03:58 AM

رد: ينفع تكون اول بندقية ليا كرال

انا عموما ادامى اسبوع ان شاء اللة و ربنا يسهل و ربنا يكرمنى بحاجة كويسة

ahmed yasser

13-02-07 06:49 AM

رد: ينفع تكون اول بندقية ليا كرال

والله طالما انتا مبتدئ ماتجبش كرال جديدة حاول تجيب واحدة مستعملة ومتعدلة لان الكرال اللي مش بسوستة اسباني هاتقرفك

الساعة الآن 03:19 PM