الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   استفصار عن سكوب (http://www.egyhunt.net/showthread.php?t=3789)

picomico 10-11-07 09:11 PM
استفصار عن سكوب
 
انا عندي بندقيه نمره واحد صيني
و كنت عايز اجيب سكوب بس في محل في شبرا قالي ممنوع في مصر
انا اخترت واحد علي النت سعره حلو اوي بس مش عارف هل ده حلو ولا مش هيستحمل و هيتكسر
http://cgi.ebay.com/4-x-20-4x20-Air-...72869149352108
انا اسمع اراءكم و مقتراحتكم
وشكرا مقدما

ابو الشوق 10-11-07 09:32 PM
رد: استفصار عن سكوب
 
الاول اهلا بيك وسط اخواتك
المنظار الى حضرتك عارضة سعرة ممتاز بس مش هتعرف تدخلة مصر عن طريق الشحن فكبر دماغك من موضوع الشراء عن طريق الانترنت

Consul 10-11-07 09:46 PM
رد: استفصار عن سكوب
 
أخي العزيز الأستاذ بيكوميكو...أولا التيليسكوب بالقانون ممنوع الآن ويحظر بيعه بشكل رسمي في محلات الأسلحة...وكما يقولون يباع دكاكيني من الباطن...وممكن أن يصادر منك لو ظهرت به في مكان عام...ثانيا الذي رأيته علي النت عبارة عن مزاد وهذا ليس سعر أو ثمن...كل واحد يضع سعر أعلي من الموضح في المزاد...والسعر الأعلي هو الذي يرسي عليه المزاد...وهذا المزاد ليس موجودا أو مقاما في مصر...وحتي لو رسي عليك المزاد وقمت بسداد ثمنه سواء بالماستر كارد أو بشيك أو بتحويل فلن تستطيع الحصول عليه لأنه سيتم إرساله إليك بطرد بريدي وبالتالي سيتم مصادرته بمعرفة الجمارك...ثالثا بندقيتك الصيني لا تحتاج الي تيليسكوب...فالتيليسكوب عملي ومطلوب علي البنادق الهاي باور القوية وذات السرعات العالية...أرجو أن أكون قد أوضحت لك وأفدتك...خالص تحياتي واحترامي للجميع...

الجزار 10-11-07 09:49 PM
رد: استفصار عن سكوب
 
هو منظار محترم بس هيدخل ازاي

picomico 10-11-08 12:25 AM
رد: استفصار عن سكوب
 
انا متشكر جدا جدا جدا
بجد كنت بدور علي اجوبه و انتو افتوني جدا بجد
و لو علي الجمارك انا مش هجيبه شحن انا واحد صاحبي نازل و هيجبهولي معاه
انا بس كنت عايز اعرف ان كان سكوب حلو ولا مايستهلش
و يركب علي البندقيه بتاعتي و لا لا هيا فيها الرايلز او الفتحتين دول الي في مكان السكوب
و مره تانيه شكرا جزيلا علي الاهتمام

Mo7a 10-11-08 12:34 AM
رد: استفصار عن سكوب
 
يا جماعة الحاجة الي دي الموجودة علي موقوع ايباي جزء يتجزء من موقوع امزون دة الراعي الرسمي للموقع في الشحن هي شركة ارامكس
1- ارامكس لاتوافق علي شحن السكوب
2- المحل الموجود علي الموقوع يطلب جواب من الجهات المصرية بالموافق علي الدخول
3- رفض نهائي من الجمرك بعدم الدخول
فعلا انا النهاردة كان عندي اجتماع في الشركة وفوجئت ان تم مصادرة دبشك خشب في المطار تم عمل محضر وطلب من العميل اختيارين بأن يتم اعدام الشحنة او يتم اعادة ارسالها الي المصدر مع دف تكاليف مصاريف الحن مرة اخري

picomico 10-11-08 10:55 PM
رد: استفصار عن سكوب
 
طب انا ممكن اجيبه منين في مصر عشان المحلات مش بتبيعه
و ممكن يكون سعره كام لو حاجه زي الي علي الاي باي الي في اول المشاركه

Mo7a 10-11-08 10:59 PM
رد: استفصار عن سكوب
 
كلم القائيمن علي المنتدي ز سوف يتم الرد عليك - او تابع سوق المنتدي هتلاقي انشاء اللةhttp://www.egypthunt.net/showthread....ED%D3%DF%E6%C8

rock 10-11-08 11:54 PM
رد: استفصار عن سكوب
 
السلام عليكم ..... التليسكوب اللى حضرتك حاطط الرابط بتاعه ..... اسمه بوشنيل وموجود بكثره فى مصر وهو تصنيع صينى ..... عامل 150 _200 لو عايزه فى اخوه فى المنتدى ممكن يجيبوهولك .....بس انا عايز اعرف سرعة بندقيتك او نوعها لو مش عارف سرعتها وعلىى الاساس ده ممكن تجيب التليسكوب او متجيبوش ..... تحياتى .

picomico 10-11-09 02:02 PM
رد: استفصار عن سكوب
 
البندقيه صيني رقم واحد بس من الصور في موضوع هنا في المنتدي عن البنادق الصيني تقريبا b2-1
بس لو هيا ب 150 جنيه يبقي الي علي النت ارخص بكتير لو عرفت ادخلها

rock 10-11-09 10:28 PM
رد: استفصار عن سكوب
 
سرعة البى ثرى _3 ...........128 م/ث يعنى ضعيفه ومينفعش معاها تليسكوب لانه معمول للمسافات .... وبعدين مفيش شركة شحن هتقبل تدخل تليسكوب ..... تحياتى .

المستشار 10-11-09 11:03 PM
رد: استفصار عن سكوب
 
كلام الاخ روك كله تمام وسليم 100 %

Consul 10-11-09 11:32 PM
رد: استفصار عن سكوب
 
اقتباس:
المشاركة الأصلية كتبت بواسطة picomico (المشاركة 34870)
البندقيه صيني رقم واحد بس من الصور في موضوع هنا في المنتدي عن البنادق الصيني تقريبا b2-1
بس لو هيا ب 150 جنيه يبقي الي علي النت ارخص بكتير لو عرفت ادخلها
أخي العزيز الأستاذ بيكوميكو...والله صعبان عليا حالك ده...اللي أنا شايفه وملاحظه أنك متردد ومتقلب في التفكير حيران ومحير نفسك...بالرغم من نصائح كل الأخوة الأفاضل وأنا معهم وعدم تأخر أحد عنك في الرأي والمشورة والنصيحة...لا تفكر كثيرا ولا تحير نفسك...بندقيتك لا تحتاج لمنظار...حرام ترمي فلوسك علي الأرض...لن تستخدمة علي هذه البندقية لأنها ليست بالقوة التي تمكنك من الصيد من علي مسافات بعيدة وبالتالي لا تحتاج إلي إستخدام منظار...بل علي العكس المنظار في هذه الحالة سيعيقك ولن يمكنك من إستخدام البندقية بصورة صحيحة ومريحة...حتي لو ثمنه رخيص...ولو أني أشك في هذا الثمن فلا أعتقد أنه يوجد منظار محترم ثمنه 9 أو 11 دولار...إلا لو كان لعبة أو بلاستك وحرام فيه الفلوس...وكما سبق وذكرت لك هذا مزاد وليس سعر نهائي...ولن تستطيع الحصول عليه...ريح بالك بقي علشان أرتاح أنا كمان وأعرف أنام وضميري مرتاح...والإختيار لك فأنت صاحب القرار...خالص تحياتي واحترامي للجميع...

المستشار 10-11-10 12:21 AM
رد: استفصار عن سكوب
 
برضه كلام اخويا الكبير جلجل تمام الظاهر ان احنا هنفضل متفرجين ونستمتع بمشاركاتكم الجميله

Consul 10-11-10 12:55 AM
رد: استفصار عن سكوب
 
أخي العزيز سيادة المستشار محمد بك عبد الرازق...العفو العين لا تعلي علي الحاجب...والله إنتوا اللي متعتونا وبتمتعونا كل يوم...جزاكم الله عنا كل خير...وجعله في ميزان حسناتكم...خالص تحياتي واحترامي للجميع...

المستشار 10-11-10 01:25 AM
رد: استفصار عن سكوب
 
العفوا ياباشا ده من فضلة علمك


الساعة الآن 07:53 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir