|
مآساتى مع الخطوبه
يا ريت حد يفيدنى اتصرف ازاى انا فحيره اعمل ايه مع الكائن الغريب المسمى بنت اللى مش بيرضيه حاجه محدش مصدقنى طيب شوفوا انتم اللى بيحصل واتحدى انه حصل مع كل اللى اتجوز وخطب لو حاولت تبوس خطيبتك... هاتبقى راجل قليل الادب وواخدها علشان الحرام لو محاولتش تبقى مش راجل ومش عند مشاعر ملتهبه ----------------------------------- لو غازلتها..تبقى خلبوص وعينك زاغيه وملاكش امان لو مغازلتش..تبقى اعمى ومعندكش نظر..ومش بتحس بالجمال الي قدامك ----------------------------------- لو زورتها في البيت كتير وكل شويه ناطط هناك....تبقى لحوح ودالق نفسك..وشكلك كده طمعااان في الاكل الي بيتقدملك لو مازورتهاش...هاتبقى مش مهتم بيها وشكلك لما اخدت الي انته عايزه هاترميها بقى لميعاد الجواز ----------------------------------- لو بتلبس شيك وانته رايح ...هاتبقى بتترسم على البت وبتاع مناظر وحركات ومقطع السمكه وديلها لو لبست وحش ...هاتبقى انسان معفن ومعندكش ذوق ----------------------------------- لو جيبتلها هدايا كتير يبىق بتحاول تغرقها بخيرك..علشان تمن عليها وبتحاول تشتريها بفلوسك ولو ماجبتش هاتبقى بخيل وجلده وخساره فيك البت ----------------------------------- لو انت غيرت عليها ..تبقى قفل...وشكاك واهلها يقولوا احنا بنتنا متربيه الحمدلله ولو ماغرتش ..يبقى انته راجل معندكش نخوه وشكلك اصلا مش راجل ----------------------------------- ------------------------ بالله عليكم اعمل ايه فالحيره دى:punnch::punnch::punnch::punnch::punnch::punnch: :pleur1::pleur1::pleur1::pleur1::pleur1::pleur1: |
رد: مآساتى مع الخطوبه
اقتباس:
ربنا اعلم انك من ضمن احب الشخصيات لقلبى رغم عدم لقائنا سوى مرة واحده وربنا يجمعنا فالخير قريب يا رب تحياتى :lov::lov::lov::lov::lov::lov::lov::lov::lov::lov: :lov::lov::lov: |
رد: مآساتى مع الخطوبه
بص هقولك حاجة برجولة والله
انا مخطبتش ولا هخطب باذن الله الا بعد عمر طويل بس حافظهم صممممممممم ودول ينطبق عليهم قاعدة الشئ لو زاد عن حده يتقلب ضده مثلا انت غير عليها بس خليك تقيل مش واقع خلى الكلمة تطلع منك لما يكون ليها لزمة متعودهاش على الرغى عمال على بطال متغازلهاش بس قولها كلمتين حلوين لدرجة ان الكلمتين دول يوحشوها جيب هدايا بس بحركة صايعة كنت بعملها مثلا انت اعرفها يوم 1/1 روح لها يوم 1/2 بعد شهر يعنى قولها خدى الهدية دى منى لو سالتك قولها عيد الحب هتلاقيها استغربت قولها اليوم الى عرفتك فيه ده عيد الحب بتاعنا والبس وظبط نفسك وخلى الى يتكلم يتكلم اما بقى بالنسبة للبوس نو كومنت هههههههههههههههه مبروك يا زعيم وربنا يتمم بخير تقبل خالص تحياتى |
رد: مآساتى مع الخطوبه
حمداً لله على السلامة يا ابو حميد الحل هو الاعتدال فى كل شىء و خير الأمور أوسطها بالتوفيق ان شاء الله |
رد: مآساتى مع الخطوبه
ربنا يتمم لك علي خير يا أبو نسمه :lov::lov::lov::lov::lov::lov::lov:
|
رد: مآساتى مع الخطوبه
شكرا لكل من نور موضوعى على فكرة انا عامل الموضوع هزار :rir::rir::rir::rir::lf::lf::lf::lf::lf::lf: انا الحمد لله ربنا رزقنى بانسانه كويسه جدا فكت عقدتى من البنات واللى كنت بشوفه اوجربه والحمد لله تحياتى للجميع |
رد: مآساتى مع الخطوبه
لا اعترف لك ده المقلب الوحيد الى انا محستش انه مقلب
هههههههههههههههههه ال وانا الى عمال انصح ولا كانى الحكيم الى فوق الجبل ماشى يا عمنا |
رد: مآساتى مع الخطوبه
سيدي خبره من واحد خطب لمده 3 سنوات عاملها كأنها طفله في كل شيئ ستجدها ملكه لك في كل ما تريد
|
رد: مآساتى مع الخطوبه
اقتباس:
ياباشا كبر دماغك...... سيبها.....وروح التحرير. :sante::sante::sante::sante: |
رد: مآساتى مع الخطوبه
الحالاات دى فى وجود ناس بتحقد على الخطوبة او غيرة مرضية من الام او الاب لما يحس ان البنت الى طول عمرها معاة بيربيها من ايام ما كانت 3 كيلو لحد ما بقت عروسة رايحة تسيبة وتسكن فى حتة تانية مع ناس غريبة وعيلة تانية يبقوا اهلها برضة ودة احيانا بيسبب غيرة ودى من فطنة العريس لما يحس بالجو المكهرب دة مع بنت شخصيتها ضعيفة يخلع اريحلة بدل ما يواجه حرب معفنة تجهدة وهوا داخل يبنى حياة جديدة ومش ناقص كعبلة.
وأحيانا سبب التلاكيك الغيرة من المستوى الاجتماعى يعنى لو الولد ارستقراطى والبنت فقيرة ممكن جدا اهلها يحاولوا يفركشوا الجوازة لأسباب متعددة اهمها غيرة اخواتها بنات وصبيان وكمان انهم متوقعين انة هيزهق منها و لما تروح البهجة يبدأ يبين عدم احترامة لأهلها وانة انتشلها وكدة وهما وقتها مش هيعرفوا يحموها فبيقصروا السكة عالمشاكل من الأول و يفركشوا .. ويقولوا البنت هتزعل شوية وبعدين تروق .. التكافؤ يا جماعة مجتمعيا وماديا مسألة مهمة .. تحياتى |
رد: مآساتى مع الخطوبه
انا مش عارف اوصلك
|
رد: مآساتى مع الخطوبه
انت وحشني جدا جدا جدا واتصلت بيك كتيررررررررررررررررررررررررررررررررررررر
وسئلت عليك ناس كتير من حبايبنا هنا عامل اية ياباشا طمني عليك ولسة حالا متصل بيك موبيلك مغلق او غير متاح والحل هو الاعتدال كل حاجة بالمتوسط كدا هتمشي وتبقي زي الفل وبعدين دا انت بااشا يعني حد يقدر يتكلم :) |
رد: مآساتى مع الخطوبه
هههههههههههههههههه فعلا حاجت من دي كتير بتاقبل ناس اصحابي هههههههههههههه
|
رد: مآساتى مع الخطوبه
سبحان الله
استاز محمد انا كمان هعملها قريبأ ان شاء الله الزواج حلو هههههههههههههههههههه على العموم ربنا معاك يافندم ربنا يتمم على خير ان شاء الله الف مليون مبروك |
رد: مآساتى مع الخطوبه
يا باشا ريحهم و إن خير الأمور أوسطها إديها في الوسط...
يعني زورها بس مش كتير أوي يعني هاتلها هدايا بس برده مش بزيادة كده يعني و ربنا يهنيكو ببعض :) |
| الساعة الآن 10:56 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir