|
رائى الشخصى فى ضبط التليسكوب
السلام عليكم يا اخوانى
انا قرئت فى المنتدى ان التليسكوب بيتظبت على 20 متر تقريبا او اكتر بس انا ليا رئى تانى لو تحبو تجربوه. المفروض يا جماعه التليسكوب النضيف بيكون فيه علامات (شرط) من فوق وتحت ويمين ويسار والى عنده تليسكوب عارف مسافه الضرب التقريبيه الى بيضرب عليها لنقل 10 متر فهو يظبط التليسكوب على المسافه دى مثلا ويحفظها بنظره على طول من كتر الضرب عليها واذا اضعفت المسافه دى والهدف بعد ميرجعش يظبط التليسكوب على وضع جديد لان الشرط دى وظيفتها كده انك تظبط عليها المسافه يعنى كل اما الهدف يبعد تستخدم الشرط السفليه وده مش حيجى الا بالتجربه مره واتنين اما لو المسافه اقرب من 10 متر مثلا تستخدم الشرط العلويه وحده وحده لحد اما تحفظ كل مسافه بتستخدم انه شرطه وبالتالى مش حتظبط التليسكوب غير مره وحده والباقى كله يعتمد على تقديراتك فرئى اخوانى ايه فى الكلام ده ولكم جزيل الشكر اخوكم فى الله كيميائى / احمد فتحى |
رد: رائى الشخصى فى ضبط التليسكوب
بجد موضوع في الجووون بس لما نشوف الردود بقى ، خصوصا من اخواننا الخبراء الكبار بالمنتدى
|
رد: رائى الشخصى فى ضبط التليسكوب
موضوع جميل وكلام صح فالمنظار الصح هتلاقىفى وسط العلامه من فوقها خطوط واسفلها خطوط كانها وهميهوهى ف الحقيقه بتحط فيها الهدف كل ما بعدت المسافهوالعكس كل ما تقربودة كله بعد الظبط بتاعك انت شخصيا وتقبل
|
رد: رائى الشخصى فى ضبط التليسكوب
انا معاك فى موضوع الشرط
لكن مش معاك فى موضوع ظبط التليسكوب على 10 متر عشان الاتى ممكن على ال10 متر يكون الكروس فى منتصف الهدف لكن على ال30 متر يكون اعلى او اسفل الهدف وعلى ال50 متر يكون خارج الهدف اصلا واساس التليسكوب اصلا للضرب على المسافات البعيدة واللينك ده هيوضحلك كلامى اضغط على up او down هيحركلك الكروس ويوضحلك مكانه على المسافات المختلفة http://www.arld1.com/scopedemodifferentdistances.html |
رد: رائى الشخصى فى ضبط التليسكوب
اخى momo44
انا مقلتش يتظبط على 10 متر انا قلت يتظبط على مسافه ضربك الى انت متعود عليها حتى لو كانت 10 متر وبعد كده على حسب البعد والقرب اظبطها على شرط الارتفاع والانخفاض ومع الوقت حتحفظ المسافه دى عيزه انه شرطه منهم وجزاكم الله عنى خيرا |
رد: رائى الشخصى فى ضبط التليسكوب
التليسكوب بيتظبط علي مسافة من 20 ال30 متر في البنادق الاسبرنج علي حسب القوه ومن 30 الي 50 متر في بنادق الpcp علي حسب قوة البندقية
|
رد: رائى الشخصى فى ضبط التليسكوب
الكلام كله صح وجميل و مشاركات تنم على احترافيه جزاكم الله خيرا
|
رد: رائى الشخصى فى ضبط التليسكوب
اقتباس:
وحبيت تضرب على 30 متر ملهاش لازمة الشرط لان اصلا التليسكوب مش هيبقى مظبوط زى ما وضحت لحضرتك فى اللينك |
رد: رائى الشخصى فى ضبط التليسكوب
افضل مسافة من 20 إلى 30 متر
كلامك يامحمود صح جدا بس راعي برده حاجة إنت لو عندك مثلا بندقية بام 18 أو نوريكا 56 أو حاجة مش قوية .... مداها قد إيه؟ طيب لو إنت هتظبطها على ديانة 52 أو باتريوت إيه اللي هيحصل؟ قصدي الرشة هتقطع قد إيه مسافة ثابتة قبل ماتبدأ في الانحراف للاسفل في ظل انعدام الظروف الجوية بعدين كده كده المنظار ليه زيرو على حسب قوة البندقية ....يعني هتفرق إيه لو إنت ظابط على 50 متر لبندقية مداها 120 متر أما لو مداها مثلا 30 متر وإنت ظابط على 50 متر .... ما هي الراشة أصلا هتوصل بره الهدف أو في أسفله أحمد قصده هنا إنك أصلا لو مش هتظبط هتضرب على مسافة بعيدا يبقى ليه تحير نفسك وتعلي وتوطي المنظار اسفل أو أعلى الهدف؟؟ بعدين برده المنظار زيه زي النشنكان العادي لازم برده بتعاليه أو تنزله تحت الهدف .... ده بيبقى واضح في بندق ضغط الهوا لكن فالاسلحة النارية بتختلف لأن مستحيل واحد هيضرب على 3 كيلو هيرفع المنظر فوق الهدف ؟؟؟؟؟؟؟ بيبقى لهها مقاييس تانية ده عن خبرتي المحدودة فلصيد ممكن برده خبراء المنتدى يساعدونا شكرا جدا لتوضيحك يا محمود |
رد: رائى الشخصى فى ضبط التليسكوب
اولا
بندقية زى ال56 وما يماثلها ملهاش لازمة تركب منظار عليها لان المنظار اصلا بيركب عشان تضرب بيه المسافات البعيدة يبقى اكيد المنظار يركب على البنادق الهاى باور يبقى يتظبط على مسافات بعيدة تانى حاجة انا بتكلم فى شق وانتو بتتكلمو فى شق تانى خالص انا مش بتكلم على رفع الشرط او تنزيلها عن الهدف انا بتكلم انك لو ظبطت التليسكوب على مسافة قريبة مثلا على بندقية هاى باور زى الديانا 52 لما تيجى تضرب على هدف بعيد مش هتيجى عشان اصلا الكروس مش هيبقى داخل الهدف ارجو ان اكون وضحت لك وجهة نظرى وفى انتظار توضيح الخبراء |
| الساعة الآن 01:56 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir