|
طلعه صيد فضيحه
السلام عليكم ورحمة الله وبركاته
طلعة الصيد دى اتعرضت فيها لموقف حرق دمى جداااااااااااا هاحكيلكو عليه دلوقت المهم انى بقالى فتره كبيره مخرجتش للصيد عشان الجو وظروف البلد زى مانتو عارفين اخدت عدتى وتوكلت على الله من يومين وخرجت على مكان كنت جربته قبل كده وكان فيه الخير كتير وفى طريقى لمكان الصيد مريت على قريه كده وحودت على محل موبايلات عشان اجيب كارت شحن دخلت المحل وكان صاحب المحل ماسك التلفون وبيكتب رقم عليه وبيبدأ يعمل مكالمه دخلت وقلت السلام عليكم وعليكم السلام وقمت خارج واقف على باب المحل على مالراجل يخلص التلفون اللى فى معاه ولقيت الراجل صاحب المحل قام فاتح فى الزعيق وقلة الادب هو طبعا بيزعق للشخص اللى معاه على التلفون انت مجبتش الفلوس اللى عليك لغاية دلوقت ليه ياخالد يعنى ده جزائى انى عملت فيك معروف والله لو ما احترمت نفسك وجبت الفلوس انا هاربيك واخليك تمشى تبص وراك انا طبعا واقف على الباب نص جسمى جوه المحل ونص جسمى فى الشارع واخدت بالى ان الناس كلها قاعده تبصلى انا ومفكرين ان صاحب المحل بيكلمنى انا ههههههههههههههههه المهم انا اول مالاحظت كده دمى اتحرق وبقيت عاوز اطلع ازعق للناس واقولهم والله مش بيكلمنى انا ياجدعان والراجل لسه عمال يزعق ويقول يعنى انت عامل فيها راجل قدام الناس وانت اصلا مش لاقى تاكل يابن كذا وكذا وكذا انت شكلك حرامى ونصاب وانا مش هاسيب امك وانا قاعد اقوله فى سرى وطى صوتك الله يخربيت اهلك يا اخى وبدأ الراجل ابن المجنونه صوته يعلى اكتر ويشتم شتيمه قذره مش قادر اقولها واننا كنت خلاص دمى اتصفى من الاحراج لأن الشارع كله وقف يتفرج عليا وفاكرين ان الكلام ليا هههههههههههههههههه فى الاخر لما زهقت قمت واخد بعضى وماشى والراجل بتاع المحل خلص المكالمه وطلع ورايا ينادى يا استاذ يا استاذ طنشت ومردتش عليه ابن المفضوحه ده ومشيت وووصلت مكان الصيد وانا فى منتهى العكننه وزى مابيقولو اليوم بيبان من اوله واللى زود الطين بله انى كمان ملقتش يمام كتير ولفيت كتير واكتشفت بالصدفه ترعه فيها شوية فراخ زى العسل لكن المشكله انى مكانش معايا الملقاف واضطريت اشمر هدومى وانزل الميه ورا كل فرخه اضربها واجيبها وطبعا نص هدومى اتبلت ورجلى بقت كلها طينه ومع الاسف سبت حوالى 4 فرخات فى الميه عشان كانو فى ميه عميقه وبعيده عنى وبصراحه كانت طلعه كلها عكننه وبهدله وفى الاخر ربنا عوضنى بالكام فرخه على كام يمامه دول تفاصيل الرحله الكرال http://www11.0zz0.com/2013/02/13/10/744972260.jpg الرش جامو ماتش http://www11.0zz0.com/2013/02/13/10/542487221.jpg 25 رشه تم ضربهم 6 يمامه 6 فرخة 4 فراخ معرفتش اجبهم 2 يمامه برده ضاعو فى الغيطان 7 رشه خطأ ده فيديو للحصيله https://www.youtube.com/watch?v=RRuHgUnvQfU ودى الصور http://www11.0zz0.com/2013/02/13/10/313938511.jpg http://www11.0zz0.com/2013/02/13/10/215193347.jpg http://www11.0zz0.com/2013/02/13/10/139723544.jpg http://www11.0zz0.com/2013/02/13/10/541192495.jpg http://www11.0zz0.com/2013/02/13/10/631101071.jpg http://www11.0zz0.com/2013/02/13/10/309848145.jpg وربنا مايكتب عليكو مواقف صعبه زى دى هههههههههههههههههه والسلام عليكم |
رد: طلعه صيد فضيحه
هههههههههههههههههه وحشتنا مواقفك الجامده ده يا قبطان بس الموقف المره ده كان فعلا محرج وكويس انك مشيت طلعه موفقه تسلم ايدك يا باشا وبالف هنا وشفا تحياتى
|
رد: طلعه صيد فضيحه
هههههههههههههههه يادي الاحراج
تعيش علي الصور الحلوة دي بالهنا والشفااااا |
رد: طلعه صيد فضيحه
السلام عليكم ، طيب كنت وفرت على نفسك الاحراج وكنت دفعت دين الراجل التانى وخلصت ولا مكنش معاك فلوس هههههههه.
طبعا مش محتاج تعليق على الصيد لأنك شبعت تعليقات ربنا يخليك لينا ومواقفك الجميلة وبالتوفيق دائما |
رد: طلعه صيد فضيحه
هههههههانت طيب يابو القباطين
انا لو منك كنت مسكت التليفون قدام المحل وعملت نفسى بكلم واحد وقولتلة ياد يابن الهههههههههههههه انت عيل خهههههههههههه وطول عمرك بق على الفاضى ياد يابن الهههههههههههههه وخدت حقى ومشيت ولو ندهلى كنت قولتلة لا مش عاوز حاجة دنا كنت واقف اشتم واحد بس ههههههههههه وطالما الموضوع فية فراخ مية يبقا لازم تبقا طلعة تعكنن ههههههههههه اسألنى انا هههههههههههه تحياتى يابو كيداهم |
رد: طلعه صيد فضيحه
ههههههههههههههههههههههههههههههههههه
تعيش وتاخد غيرها ياهانى موقف يحرق الدم والله |
رد: طلعه صيد فضيحه
اقتباس:
|
رد: طلعه صيد فضيحه
هههههههههههههههه موقف محرج جدا بجد ..
تعيش وتاخد غيرها يا كبيييييير .. |
رد: طلعه صيد فضيحه
هههههههههههههههه اخييييييراً شوفنا طلعة جامدة تانى لأ وايه كمان فيها موقف من اياهم :d موقف مش لذيذ بس كويس انك مشيت و كملت يا معلم ..
متبقاش تغير علينا بالطلعات الشديدة ديه :) |
رد: طلعه صيد فضيحه
ههههههههههههه
كل مواقفك جامده يا هاني بس القبطان بردو مسيطر بالهنا و الشفا :) |
رد: طلعه صيد فضيحه
ههههههههههههههه تعيش و تاخد غيرها ........... بس شوية فراخ فى الجون
|
رد: طلعه صيد فضيحه
اقتباس:
اى خدمه يامحمد باشا والله دمى محروق لغاية دلوقت لسه وخصوصا ان الشارع كان مليان ستات وبنات كمان بقت حاجه تكسف |
رد: طلعه صيد فضيحه
اقتباس:
وانا لو كنت اعرف الراجل عليه كام فلوس كنت دفعتهم وريحت نفسى بدل الفضايح ههههههههههههههههههه |
رد: طلعه صيد فضيحه
اقتباس:
هو ساعتها كان الواحد فيه عقل يفكر ياطارق بيه ده الدنيا كانت مضلمه فى وشى خااااااااااااااالص ومكنتش شايف قدامى من الاحراج ههههههههههههههههههه بعيد عنك الزنقه وحشه |
رد: طلعه صيد فضيحه
اقتباس:
انا كمان موقفين من دول وهاموت هههههههههههههههههههههههه |
رد: طلعه صيد فضيحه
اقتباس:
اهئ اهئ اهئ هههههههههههههههههههه |
رد: طلعه صيد فضيحه
اقتباس:
هانروح جنبك فين يا اتش وانت بقيت مرعب خلاص وبتعمل طلعات بنت لذينه تسلم ياحبى والله |
رد: طلعه صيد فضيحه
اقتباس:
ربنا مايكتب الموقف ده على حد ههههههههههههههههههه |
رد: طلعه صيد فضيحه
اقتباس:
ده انا اتفضحت فضيحة المتجلى يوم طهوره على راى فؤاد المهندس هههههههههههههههههههههههه |
رد: طلعه صيد فضيحه
اقتباس:
اتفضل ياكبير والله مايغلو عليك |
رد: طلعه صيد فضيحه
و الله يا قبطان طول عمرك انسان خلوق و زوق و مبتبخلش بعلمك ولا طلعاتك الجميلة دي علي حد
و الواحد اول ما يشوف موضوع ليك لازم يخش يقرأة علي طول بالهنا والشفا و بالتوفيق دائما .. و ربنا ما يحرمناش من طلعاتك الجامدة |
رد: طلعه صيد فضيحه
الله ينور يا باشا
أنت المفروض تجيب منتج و مخرج يصوروا اللي علي طول بيحصلك ههههههههه و الله بتصعب عليه ده مفيش طلعه إلا لما فيها حكايه و حدوته هههههههه أتمني لك التوفيق في الطلعات الجايه من غير مواقف محرجه ههههه :) |
رد: طلعه صيد فضيحه
حبيبي هاني باشا الله ينور ...ياعم كنت اديله واحده هيد شوت الراجل ده و ريح نفسك
|
رد: طلعه صيد فضيحه
ههههههههههههههههههههههههه فينك يا قبطان فينك و لله وحشانا طلعاتك
بس انا مش عارف اقلك علي الموقف ده غير كلمه واحده هي (ههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههه ) |
رد: طلعه صيد فضيحه
هههههههههههههههههههههههههههههههههههههههه ميه ميه يا قبطان ياجامد كنت ضربته رشتين في دامغه ع الي عمله ده كله المهم انك كويس مش هتشوف حاجه نتواصل عليها ياكبير بقي غير الفيس الي قفلته والرسايل الي مليانه عندك
|
رد: طلعه صيد فضيحه
[QUOTE=ehab98;481038]و الله يا قبطان طول عمرك انسان خلوق و زوق و مبتبخلش بعلمك ولا طلعاتك الجميلة دي علي حد
و الواحد اول ما يشوف موضوع ليك لازم يخش يقرأة علي طول بالهنا والشفا و بالتوفيق دائما .. و ربنا ما يحرمناش من طلعاتك الجامدة[/QUOيا ايهاب بيه والله مانا عارف ارد عليك واقول ايه ربنا يخليك ياكبير والله يارافع من معنوياتى دايما تحياتى ليك |
رد: طلعه صيد فضيحه
اقتباس:
مانا فعلا بافكر ان شاء الله فى الصيف اعمل فريق عمل معايا للتصوير والتسجيل فى طلعاتى ههههههههههههههههه بس المشكله ان الموضوع مش ساهل ومحتاج فلوس كتير وثانيا شغل الصيد والقنص محتاج هدوء والعدد الكتير ده هايكون مشكله |
رد: طلعه صيد فضيحه
اقتباس:
انا رحت كتير عند فتح الله وكان عندى امل اقابلك هناك لكن مكانش بيحصل نصيب |
رد: طلعه صيد فضيحه
اقتباس:
اضحك ياعم مور اضحك لأن الضحكه قربت تنقرض قريب ومش هانلاقيها تاني |
رد: طلعه صيد فضيحه
اقتباس:
يامودى باشا ده بس من زوقك ومش من الساهل يعنى انى اضربه رشايتين وبالنسبه لسؤالك انا جاوبتك كذا مره ياكبير وكنت باكتبلك الايميل نتكلم عليه |
رد: طلعه صيد فضيحه
هههههههههههههه وحشتنا طلعاتك الجامده يا قبطان ياجميل عايزين كل يوم طلعه جميله زيك ربنا مايحرمنا منك ولا من طلعاتك الجميله.
|
رد: طلعه صيد فضيحه
اقتباس:
من عيونى يا ايمن باشا ده انت تأمر بس يعدى الاول الكام يوم دول اللى كلهم ساقعه وبرد قول يامسهل |
رد: طلعه صيد فضيحه
هتعمل اية لو كان حد من الناس اللي واقفين قريب الراجل دة ومسك فيك هعهعهعه وعايز يضربك :) وبعدين مالة الشحن علي الهوا ما ب 2 جنية حلو اوي هعهعهه
|
رد: طلعه صيد فضيحه
ههههههههههههههههههههههههههههههه
معلش قدر الله ما شاء فعل ومبروك على الصيد وربنا يباركلك في البندقية وبألف هنا وشفا |
رد: طلعه صيد فضيحه
اقتباس:
|
رد: طلعه صيد فضيحه
ههههههههههه(يا عم القبطان.....لقيت الراجل سافل وعمال يشتم سيب المحل وامشى على طول بدل المنظر دة _ههههههههههه...المهم طلعة ممتازة زى العادى ممتعنا بالصور والوصف .....حكاية الملقاف ...انت ممكن تجيب عود صيد 3.60 وما تركبش فية خيط والا حاجة و تجيب شقاطة وتسبتها على العقلة التانية الناشفة بعد اللبلوب....... ممكن تكون شقاطة موش كبيرة قطر عشرين سنتى هاتادى الغرض .....وتلم العود ولما تخرج خدة احتياطة بيتلم يبقة حوالى 50 سنتى يعنى يتحط فى كيس او شنطة ......احتياطى بردة ..........يعنى العود الصينى يعملة 50 جنية موش اكتر
|
رد: طلعه صيد فضيحه
اقتباس:
فراخ و يمام ونت في الاحراج دا؟ انا لو كنت منك كنت اديته واحده هو كمان و كان اليوم قفل معايا بس انت حافظت على اعصابك و مشيت و عملت طلعه كويسه بردو بسم الله ما شاء الله يعني |
رد: طلعه صيد فضيحه
وحشنى ياقبطان فين مواضيعك ومغامراتك
|
| الساعة الآن 11:53 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir