انا شكلي خبطت في الحلل
 

معلشي والله يا جماعه بس انا عاوز احكي لاي حد بس انا بالامانه ملقتشي اكتر من الاعضاء هنا برتاح معاهم اكتر

حوار صاحبي الي اتخبط من ناس وهو دلوقتي في المستشفي بقاله 4 شهور

ودلوقتي بقي عنده ضمور في المخ وربنا معاه

المهم : وانا ماشي انا وصاحبي انهرده لاقيت واحد من العيال الي كان معاه ساعه الحدثه بس اول مره كان يظهر من 3 شهور

طبعا انا عملت زي الاسد الي اول مره يشوف فريسه وقمت جاري عليه ورفعت عليه الطبنجه الي معايا

طبعا هيا صوت (بريتا 84) بس الولا افتكرها حي وقمت ضاربه قلمين لحد لما الولا عرف ان الله حق

وقمت مسجله علي موبايلي انه كان معاهم وقالي علي الاسامي الي كانت معاه ساعه الحادثه

بس انا لما سألت واحد صاحبي لسه في الحقوق قالي بله واشرب ميته التسجيل ده

لانه لازم يكون ب اذن نيابه

وكمان ابو الولا ده مستشار قانوني يعني طبعا اي محضر هيتعمل هيتقطع

كوسه بقي :mechan:

انا بالامانه عاوز اعرف الي عملته ده صح ولا غلط

ولو غلط اعمل ايه

منتظر اراء الجميع

معلشي هو ده مش موضوع يتكتب بس معلشي استحملوني شويه

واسف علي التطويل

Re: انا شكلي خبطت في الحلل
 

ان شاء الله ربنا هيرجع الحق لاصحابه

رد: انا شكلي خبطت في الحلل
 

ان شاء الله

رد: انا شكلي خبطت في الحلل
 

صاحبك اللى فى الحقوق عنده حق فى كلامه بل ويمكن يكون دليل ادانه ضدك قانونا.
من حكايتك كده انت اخذت اعتراف من الولد تحت التهديد.
استعملت مسدس صوت فى الترويع لهذا الولد وده احد الاسباب اللى يمكن يتعمل بيها قضية لمسدس الصوت.
لو والد الولد ده مستشار قانونى زى ما بتقول وأبنه حكاله على اللى حصل ممكن يعمل محضر ضدك.

الصح لو الولد ده شاهد عيان زى ماحضرتك بتقول على الواقعة. يكتب ده فى محضر والنيابة تأمر بالبحث عنه واحضاره لأخذ أقواله.

رد: انا شكلي خبطت في الحلل
 

أنا في كلية حقوق و عاوز أخد فرصة أشرح لحضرتك..
ال‘تراف ده فعلا ملوش أي لازمة لأنه مش بإذن نيابة أو مش قدام النيابة.. يعني حتي لو ظابط شرطة خد منك إعنراف و لا له أي 30 لازمة.. لأن أي أقوال ببتاخد لازم قدام النيابة و توقع علي الأقوال كمان.
ثانا, ده كام تحت تهديد سلاح يعني غلط قي غلط.
ثالثا, ديه في ترويع مواطنين بسلاح صوت.. يعني ابوه الراجل لو إتحكاله اللي حصل ممكن يعمل محضر عليك إنت و تروح فيها إنت....

رد: انا شكلي خبطت في الحلل
 

رد: انا شكلي خبطت في الحلل
 

بسم الله الرحمن الرحيم
اللى حضرتك عملته دا من حبك لصديقك ودا شىء احييك عليه ولكنه قانونا
1- استيقاف مواطن دون مبرر قانونى يبيح ذلك وغير احوال التلبس وهو غير قانونى حتى لو قام به رجل شرطة طالما ان اسم هذا الشخص لم يدرج فى محضر رسمى باتهام صريح وصحيح .
2- تعدى على مواطن بالضرب ودى جنحة .
3-قبض على مواطن دون مبرر قانونى ودون اذن من السلطة القضائية وتحت تهديد السلاح واكراه على انتزاع اعتراف تحت ضغك الاكراه المادى والمعنوى وهذا امر مجرم ودى جناية .
4- لاقيمة لهذا الاعتراف قانونا طالما لم يتم التسجيل بإذن من الجهات القضائية المختصة .
5- تعمل ايه حضرتك تدى لوالد صديقك اسماء اللى اعتدوا على ابنه وصورة اللى انت شوفته وعنوانه ان توصلت اليه وهو اللى يتوجه بتلك المعلومات وليس الفيديو لرئيس المباحث أو لوكيل النائب العام المختص بالتحقيق فى القضية حتى يتم ضبط المعتدين بشكل قانونى صحييح وميفلتوش من العقاب وحق صاحبك يروح
واخيرا ربنا يشفى صديقك ومعلش تمالك اعصابك عند الغضب
وارجو ان اكون افدت حضرتك

رد: انا شكلي خبطت في الحلل
 

اولا الف شكر لكل من رد علي موضوعي ده

وانا ان شاء الله هروح للمحامي واخليه يجيب اذن من النيابه ونشوف الموضوع ده

رد: انا شكلي خبطت في الحلل
 

رد: انا شكلي خبطت في الحلل
 

والله العظيم انا الي خلاني اعمل كده في الولا اني انا مقدرتش اتحكم في اعصابي من كتر الغيظ من العيال ديه

وانا لو قابلته تاني والله لهعمل اكتر من كده كمان

وانا كلمت واحد صاحبي حقوق قالي مش هينفع تاخد منهم لا حق ولا باطل لان ابوه مستشار ووسطته كبيره كمان