الصيد فى مصر - طلعة الموت ( ناولنى سلاح وعد الجثث )

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - طلعة الموت ( ناولنى سلاح وعد الجثث ) (http://www.egyhunt.net/showthread.php?t=38311)

القبطان المصرى 77

13-02-27 11:35 AM

طلعة الموت ( ناولنى سلاح وعد الجثث )

بسم الله الرحمن الرحيم
نخش فى الموضوع على طول عشان عارف انكو مش فاضيينلى
هههههههههههههههههه:sal:
عمرى ماكنت اتوقع ان الرش المارسمان المصرى يكون كويس للدرجه دى
انا طول عمرى عندى فكره سيئه عن جميع انواع الرش المصرى
ومش عارف بقى هو كان فعلا الرش اللى كويس
ولا انا اللى كنت فايق
ولا ربك لما يريد ويكرم يتحصل ساعتها معجزات
او ممكن يكون كل الاسباب اللى فاتت دى كانت متوفره اليوم ده
المهم
طلعة الصيد دى طلعتها وكنت واخد معايا 6 انواع رش
جامو ماتش
جامو هانتر
ديابلو المانى
الرمايه
هدف مان
مارسمان
و انا اصلا نادرا لما باضرب بالمصرى
واول ماوصلت المكان اللى باصطاد فيه
حطيت ايدى فى الشنطه عشان اطلع الديابلو الالمانى لقيت علبة المارسمان هى اللى جت فى ايدى
قلتلها والله مانا مزعلك ياشيخه تعالى:no:
وقلت لنفسى هاضرب بيها كام رشه كده تجربه على كام يمامه ونشوف ايه النظام
ومع انى كنت ظابط البندقيه على الديابلو الالمانى لكن اتفجأت ان اليمامه وقعت ومحطتش منطق
كملت مشى شويه وضربت تانى على يمامه
نزلت تانى يمامه
وتالت يمامه ورابع يمامه وخامس يمامه وهاكذا
والله 9 ضربات ورا بعض بــ9 يمامات مسافات مختلفه
وفين وفين على مالضربه العاشره اخطأت الهدف
كنت هاتجننن ومستغرب واقول لنفسى اكيد الرش ده مستورد بس بيستعبط و عامل نفسه مصرى
http://www2.0zz0.com/2013/02/27/09/416473930.jpg
هههههههههههههههههههههههههه
وكان معايا صديق ليا ماشى معايا وبيدبح معايا
وكل ما اوقع يمامه من على مسافه بعيده يقوللى
اشطه علييييييييك ياعم هانى ياقناص
وانا اقوله فى سرى يابنى مش انا اللى باعمل كده ده الرش :rir:
وفضلت على الحال ده 3 سعات ونص
والضحايا نازلين علينا زى الرز
ومبقتش مصدق والله ان الرش المصرى ممكن يكون حلو كده
انا جبته كذا مره قبل كده وكنت باصطاد بيه قليل جدا ومكنتش واخد بالى منه
ودول كانو اربع علب مارسمان كنت شاريهم من عند فتح الله من فتره كبيره ورميتهم فى الشنطه وسبتهم
مجربتهمش غير امبارح بس
وبصراحه حاجه فخمه ورشه شكلها حلو
ساعتها بس اقتنعت ان التجار بيغشونا وبيحطولنا رش مستورد فى علب مصريه
ويضحكو علينا ويقولولنا ان ده رش مصرى
http://www2.0zz0.com/2013/02/27/09/735478993.jpg
ههههههههههههههههههههههه
لكن بصراحه انا مش هاستعجل فى الحكم عليها غير بعد تلات اربع طلعات صيد كمان
عشان يبقى الحكم عادل عليها
اما بالنسبه للطلعه دى فالمرسمان اخد تقدير امتياز مع مرتبة الشرف
وعاوزكو انتو كمان تحكمو معايا وتقييموه معايا
تفاصيل الطلعه
السلاح /كايداهم
http://www2.0zz0.com/2013/02/27/09/216269919.jpg
الرش/مارسمان مصرى
http://www2.0zz0.com/2013/02/27/09/123166691.jpg
41 رشه تم ضربهم
4 خطئ فى الاصابه
3 وقعو فى الزراعات وضاعو
34 الحصيله النهائيه
ونسبة الخطئ البسيطه دى 4 من 41 تثبت ان الرشايه كويسه جدااااااااااااااااا
الصور
ملحوظه الصور فيها 33 بس لأننا كنا سايبين واحده فى كيس تانى لوحدها ومخدناش بالنا
http://www2.0zz0.com/2013/02/27/09/275690428.jpg
http://www2.0zz0.com/2013/02/27/09/270242504.jpg
http://www2.0zz0.com/2013/02/27/09/552074811.jpg
http://www2.0zz0.com/2013/02/27/09/496775183.jpg
http://www2.0zz0.com/2013/02/27/09/302768271.jpg
والسلام عليكم ورحمة الله

هشام سمير

13-02-27 11:41 AM

رد: طلعة الموت ( ناولنى سلاح وعد الجثث )

كبييييييييييييييييييير من يومك يا هانى باشا
وطبعاً انا فى قمة الاستكنياص ( السعاده) يعنى انى صاحب اول رد على الموضوع
بس تعليق بسيط لو الكميه دى لك لوحدك يبقى انتا عضو فى هيئة الصيد الجائر

القبطان المصرى 77

13-02-27 11:45 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة هشام سمير (المشاركة 483904)

ههههههههههههههههههههههه
لا طبعا مش ليا لوحدى ياهشام بك
كان معايا صديق اخد اللى فيه النصيب
والباقى اتوزع على تلات بيوت
وشرف كبيييييييييييييييييييييير جوى جوى جوى بالصعيدى يعنى ليا ياباشا يكون اول رد ليك فى موضوعى
هههههههههههههههههههههه
صباحك زى الورد ياباشا بقى

MBadr

13-02-27 02:57 PM

رد: طلعة الموت ( ناولنى سلاح وعد الجثث )

ما شاء الله ايه الجمال ده يا قناص يا كبير تسلم ايدك يا هانى وبالف هنا وشفا وللاسف التقييم مقفول بس تتعوض ان شاء الله

tarekabasy

13-02-27 03:37 PM

رد: طلعة الموت ( ناولنى سلاح وعد الجثث )

تسلم ايدك يا حاج هانى
تمام التمام يابوى
بس بجولك اية
عشااان تبجا عارف
من اولتا يوم وانا بطلع بالبندقة
واضروب بالمارسمان يابوى
وكونت شايف انها رشة جامدة جوى جوى
واول مرة يا بوى جبت 6 علب كانت العلبة ب 6 فراريج
قصدى لحاليح....ههههههههههه
بس بعد كدة يابوى بقيت اشترى من المصنع ذاتة ظرف كامل يابو كامل
وهو عندك ياولدى فى شارع
النبى دانيال وهو جنب فتحلة
والظرف ب 185 فية 50 علبة
يعنى بتقف ب 3.70
ولو حد يعرف مصنع اللرماية يا ريت يقولنا علية

ومبارك ياجوبوطان
عبيلوا واديلوا يا رب........ههههههههه
تحياتى يا حاج هانى

diiie_hard

13-02-27 03:38 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة هشام سمير (المشاركة 483904)

لو الكميه دى لك لوحدك يبقى انتا عضو فى هيئة الصيد الجائر

هههههههههههه
المفروض الراجل ده يتفبض عليه اجدعااااااااان
خطر علي البيئة

طلعة موفقه يا باشا وبالف هنا :) :)

القبطان المصرى 77

13-02-27 04:50 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة mbadr (المشاركة 483924)

انت حبيبى يامحمد باشا والله سواء بالتقييم او من غيره
ده كفايه زوقك بس ومرورك الكريم ياغالى

القبطان المصرى 77

13-02-27 04:52 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة tarekabasy (المشاركة 483929)

هههههههههههههههههههههه
حبيب قلبى يابو احمد والله
هى الرشايه فعلا شكلها حلو
لكن بصراحه برده الواحد لما بيضرب بالجامو ماتش بيحس بمتعه تانيه
وبالنسبه للرمايه مشكلته ان معظم اللى فى السوق تقفيله سىء ومش كويس
وكل فين وفين لما تلاقى علبتين تلاته رمايه مظبوطين

رامز ياسر

13-02-27 04:53 PM

رد: طلعة الموت ( ناولنى سلاح وعد الجثث )

يوم عن يوم بتعقدنى يا قبطان ....تسلم الايادى وبالف هنا وشفا

القبطان المصرى 77

13-02-27 04:53 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة diiie_hard (المشاركة 483930)

هههههههههههه
المفروض الراجل ده يتفبض عليه اجدعااااااااان
خطر علي البيئة

طلعة موفقه يا باشا وبالف هنا :) :)

ههههههههههههههههههههههههه
هاتقبض عليا عشان تلاتين يمامه ياباشا
ده انا غلبان والله
وبعدين هما اصلا اتقسمو على اربع بيوت
يعنى مش كلتهم لوحدى
هههههههههههههههههه

القبطان المصرى 77

13-02-27 04:54 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة رامز ياسر (المشاركة 483949)

يوم عن يوم بتعقدنى يا قبطان ....تسلم الايادى وبالف هنا وشفا

ليه بس يارامز باشا التعقيد
ان شاء الله ربنا يرزقنا جميعا
بس اهم حاجه انت اعمل اللى عليك والباقى على ربنا

omarara

13-02-27 05:30 PM

رد: طلعة الموت ( ناولنى سلاح وعد الجثث )

ايدولوا سلاح :d
وجابولك سلاح :d !
ايوه بقى يا هانى باشا على فكرة المارسمان اسطورة والله وجامد جداً
بس فيه مشكلة معايا فيه فى الكرال بس عندى انا بس مش عند حد تانى الرشه عمرها ما بتدخل للآخر اصلاً وبتبقى بارزه ولما بتقفل البندقية الرشه بتتفرم ومع المسافات بتقلش بس الرمايه مش بيحصلها كده وعلى فكرة الرمايه برضه حلوة
وانا فعلاً من فترة كنت بطلت اجيب للكرال الماتش وبقيت اجيب المارسمان

diiie_hard

13-02-27 06:27 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة القبطان المصرى22 (المشاركة 483950)

30 يمامة في 365 يوم = 10950 يمامة

يبقي خطر علي البيئة ولا لأ ههههههه

شكلك معدش هتصاد ولا ربع يمامة بعد كده :galc:

aymank2

13-02-27 08:23 PM

رد: طلعة الموت ( ناولنى سلاح وعد الجثث )

الله الله عليك ياقبطان يا كبير ماشاء الله عليك وعلى كايداهم تسلم ايدك الف هنا وشفا.
بالنسبه للرش المرسمان انا جربته قبل كده شغال كويس مع الكرال وفيه ناس كتير جربته مع الديانا وعمل شغل جامد واعرف ان المصنع فى الاسكندريه فى شارع النبى دنيال وان سعر العلبه فيها حوالى 90رشه ب2.5ج لو اخدت باكته 50علبه ياريت تسأل لو المعلومات صح علشان بصراحه عايز ابعت اجيب باكته ترحمنى شويه من اسعار الرش.

وليد سعد زغلول

13-02-27 10:38 PM

رد: طلعة الموت ( ناولنى سلاح وعد الجثث )

بسم الله ما شاء الله لا قوة إلا بالله العلي العظيم
الله ينور عليك يا قبطان يا أجدع قناص
وبألف هنا وشفا وتقبل تحياتي ودمت في أمان الله تعالى

ĴΘĶЄЯ

13-02-27 10:59 PM

رد: طلعة الموت ( ناولنى سلاح وعد الجثث )

احلى تقييم للى رافع راس اسكندريه
وراس البر كله .. تسلم الايادى

mohamed2010habib

13-02-27 11:56 PM

رد: طلعة الموت ( ناولنى سلاح وعد الجثث )

ما شاء الله ربنا يحفظك يا عم هانى و يباركلك

Hamo.Alex

13-02-28 12:03 AM

رد: طلعة الموت ( ناولنى سلاح وعد الجثث )

الصلاة علي النبي ولا كأنك بتصطاد بوري هعهعهعه بس ياريت تجرب التجميع بالمرسمان وتصورة وتوريهولنا :)

القبطان المصرى 77

13-02-28 12:59 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة omarara (المشاركة 483957)

ههههههههههههههههه
جابولى سلاح فعلا
هى دى بقى مشكلة الرش المصرى
انك ممكن تجيب علبه وتلاقيها عشره على عشره
وتروح بعدها بيوم تجيب علبه تانيه تلاقيها زى الزفت

القبطان المصرى 77

13-02-28 01:00 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة diiie_hard (المشاركة 483965)

30 يمامة في 365 يوم = 10950 يمامة

يبقي خطر علي البيئة ولا لأ ههههههه

شكلك معدش هتصاد ولا ربع يمامة بعد كده :galc:

ههههههههههههههههه
ماهو انا مش باطلع اصطاد كل يوم يابرنس
خللى الحسبه على اربع ايام فى الشهر هاتلاقيها نزلت كتير اوى

القبطان المصرى 77

13-02-28 01:03 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة aymank2 (المشاركة 483982)

حبيبى يا ايمن باشا
انا كمان هاجربه كمان طلعتين تلاته ولو لقيته كويس هاشترى منو كميه حلوه
لكن كان فيه صديق ليا قال ان العلبه فى الباكته سعرها حوالى 3.70
وده برده يعتبر سعر رخيص
لانى بشتريها قطاعى بــ5 وبــ6
وعلى العموم لو رحت قريب محطة مصر هاسأل فى المصنع نفسه

القبطان المصرى 77

13-02-28 01:03 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة ĴΘĶЄЯ (المشاركة 484018)

احلى تقييم للى رافع راس اسكندريه
وراس البر كله .. تسلم الايادى

تسلم ياجوكر على مرورك وعلى التقييم اللى زى العسل ده

القبطان المصرى 77

13-02-28 01:05 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة وليد سعد زغلول (المشاركة 484011)

مشكور وليد بك ياغالى على دعواتك
صباحك جميل بقى

القبطان المصرى 77

13-02-28 01:05 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة mohamed2010habib (المشاركة 484028)

ما شاء الله ربنا يحفظك يا عم هانى و يباركلك

الله يكرمك يا استاذى الفاضل

القبطان المصرى 77

13-02-28 01:07 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة the small hunter (المشاركة 484029)

الصلاة علي النبي ولا كأنك بتصطاد بوري هعهعهعه بس ياريت تجرب التجميع بالمرسمان وتصورة وتوريهولنا :)

ههههههههههههه
يامسهل الحال
ان شاء الله فى اقرب فرصه لو فضيت هابقى اعمل موضوع عن تجميع المارسمان

مصطفى ابواسماعيل

13-02-28 05:14 PM

رد: طلعة الموت ( ناولنى سلاح وعد الجثث )

تسلم ايدك يا استاذ هانى وهو ده الكلام انت داخل حرب ولا ايه هههههههههههههه الله يفتح عليك وحلوة الطلعة المرة دى وتحياتى ليك يا استاذ هانى

realfighter

13-02-28 05:36 PM

رد: طلعة الموت ( ناولنى سلاح وعد الجثث )

ما شاء الله لا قوة الا بالله تسلم ايدك وبالف هناء وشفاء

محمد خلف

13-02-28 06:05 PM

رد: طلعة الموت ( ناولنى سلاح وعد الجثث )

الله عليك يا هاني
برنس من يومك والله
المارس مان ناس كتير هنا بتشكر فيه على فكره
بس انا مش لاقيه خالص في بورسعيد هنا
الي موجود الرمايه و الديابلو بس من الجاجات الفرطه
بس الجامو و الديابلو الالماني و البرومثيوس كمان موجودين
بس المهم بردو الصياد
لا البندقيه ولا الرش
انت قنااااااااااااااااص اقبطان
ربنا يباركلك يارب
و يخلي كايداهم

القبطان المصرى 77

13-03-01 11:07 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة مصطفى ابواسماعيل (المشاركة 484101)

ههههههههههههههههههه
والله هى جت كده يا استاذ مصطفى
رزق وربنا بعتهولى بقى
تحياتى يافندم

القبطان المصرى 77

13-03-01 11:08 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة realfighter (المشاركة 484102)

ما شاء الله لا قوة الا بالله تسلم ايدك وبالف هناء وشفاء

مشكور ياكبير على كلامك

القبطان المصرى 77

13-03-01 11:09 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة محمد خلف (المشاركة 484110)

وينور عليييييييييك يامحمد باشا
هو فعلا ناس كتير بتشكر فيه
لكن مشكلة الرش المصرى انو بغزاله
سعات تلاقيه كويس وسعات تلاقيه زفت
وعلى فكره الديابلو الالمانى برده كويس جدااااااااااااااا ورخيص
ده عن تجربه كذا مره

محمد حافظ بك

13-03-01 01:57 PM

رد: طلعة الموت ( ناولنى سلاح وعد الجثث )

خليك منفضلي و رسايلك مليانة و موبايلك مقفول براحتك

doos99

13-03-01 02:59 PM

رد: طلعة الموت ( ناولنى سلاح وعد الجثث )

طاعه موفقه كالمعتاد منك يا غالى و الاجمل من الطلعه طريق سرد الموضوع

القبطان المصرى 77

13-03-02 11:41 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة محمد حافظ بك (المشاركة 484232)

خليك منفضلي و رسايلك مليانة و موبايلك مقفول براحتك

منفضلك؟؟؟؟؟؟؟؟؟؟؟
ايه اللى انت بتقولو ده يازعيم
بزمتك انا اقدر انفضلك برده
والله كده انت بتزعلنى
وحاضر انا هافضى الرسايل دلوقت
ومتزعلش منى والله انا بقالى فتره الامور ملخبطه معايا
حتى ولو تلاحظ مبقتش باطلع اصطاد كتير زى الاول

القبطان المصرى 77

13-03-02 11:42 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة doos99 (المشاركة 484250)

طاعه موفقه كالمعتاد منك يا غالى و الاجمل من الطلعه طريق سرد الموضوع

الله يكرمك يا افندم على كلامك
مشكور جدا على مرورك الكريم
تحياتى

Desert storm

13-03-09 06:45 PM

رد: طلعة الموت ( ناولنى سلاح وعد الجثث )

اللهم صلي ع النبي
والله انك باشاااااااااااااااااا
تسلم ايدك

يسرى	13-03-09 08:28 PM

رد: طلعة الموت ( ناولنى سلاح وعد الجثث )

بسم الله ماشاء الله حاجه جميله جدا تسلم الايادى ودائما موفق وتحياتى

القبطان المصرى 77

13-03-13 08:08 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة desert storm (المشاركة 486405)

اللهم صلي ع النبي
والله انك باشاااااااااااااااااا
تسلم ايدك

صلى الله عليه وسلم
مشكور ياحبيب قلبى

القبطان المصرى 77

13-03-13 08:09 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة يسرى (المشاركة 486418)

بسم الله ماشاء الله حاجه جميله جدا تسلم الايادى ودائما موفق وتحياتى

مرورك الاجمل والله استاذ يسرى
لك فائق الاحترام

moorey

13-03-14 12:20 AM

رد: طلعة الموت ( ناولنى سلاح وعد الجثث )

ايه ده طلعه قديمه للقبطان و انا ما شوفهاش اززززززززززززززززي ؟؟؟؟

طبعا طلعه موفقه يا قبطان كل عاده و مش عارف اقلك ايه غير كده خلاص الكلام خلص

القبطان المصرى 77

13-03-14 09:38 AM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة moorey (المشاركة 487662)

معلش بقى يامور انا اللى غلطان
كان المفروض اتصل بيك واقولك انى عملت طلعه جديده من وراك
هههههههههههههههههه
حبيبى ياكبير والله

محمد خلف

13-03-15 03:09 PM

رد: طلعة الموت ( ناولنى سلاح وعد الجثث )

ربنا يصلح امورك يا هاني عشان تمتعنا بطلعاتك كتير
نفعي نفعي يعني مش اي كلام :)

القبطان المصرى 77

13-03-15 06:19 PM

رد: طلعة الموت ( ناولنى سلاح وعد الجثث )

اقتباس:

المشاركة الأصلية كتبت بواسطة محمد خلف (المشاركة 487986)

ربنا يصلح امورك يا هاني عشان تمتعنا بطلعاتك كتير
نفعي نفعي يعني مش اي كلام :)

ههههههههههههههههه
مشكور ياكبير والله على كلامك
مسائك زى العسل بقى

engineero eslam

13-04-10 12:15 PM

رد: طلعة الموت ( ناولنى سلاح وعد الجثث )

تسلم ايدك يا قبطااااان
ربنا يزيدك يا صديقى :)

وبالنسبة للمارسمان فهوا ميه ميه معايا بصراحة او بمعنى اصح انا مابستخدمش غيره ههههههههههههههه
وكويس جدا والله

الساعة الآن 01:30 PM