الصيد فى مصر

الصيد فى مصر (http://www.egyhunt.net/index.php)
-   الموضوعات العامه (http://www.egyhunt.net/forumdisplay.php?f=86)
-   -   انفلات امني تام (http://www.egyhunt.net/showthread.php?t=38360)

Egyptian_Destroyer 13-03-01 07:16 PM
انفلات امني تام
 
لاغي ........................

fadeel79 13-03-01 09:19 PM
رد: انفلات امني تام
 
السلام عليكم ، انا كمان ساكن فى منطقة شعبية وشغلى بيخلينى فى الشارع اكتر من 10 ساعات بشوف مهازل وحتى لما الشرطة بتنزل وتلم العيال دول والله تلاقيهم فى المنطقة اليوم الى بعده ولا كأنك يا ابو زيد ما غازيت .

ربنا يعدى اليومين دول على خير

Mohamed Kafafy 13-03-01 11:19 PM
Re: انفلات امني تام
 
كلامكم صحيح 100% لكن الانفلات الامني غير قاصر علي المناطق الشعبية فقط، لقد اصبح في كل مكان بالجمهورية.... فعلي سبيل المثال لا الحصر حدث من يومين في ارقي احياء القاهرة، امام نادي الشمس بمصر الجديدة سيارة نصف نقل بها شابين تربصوا لرجل كبير حتي خرج من البنك ومعه شنطة واستوقفوه في الشارع تحت تهديد السلاح واخذوا منه الشنطة واطلقوا اعيره نارية في الهواء لارهاب الجميع وانطلقوا بالسيارة وتتبعهم ضابط شرطة فاصيب برصاصة.... وتجمع الاهالي وطاردوهم حتي تم القبض عليهم.... لكن للاسف ضابط الشرطة انتقل بالاسعاف الي المستشفي في حالة سيئة.... وربنا يستر علي مصر والمصريين.... ونسأل رب العرش العظيم ان تنزاح هذه الغمة عن مصر وان تعود مرة اخري بلد الامن والامان

THE BUTCHER 13-03-02 12:20 AM
رد: انفلات امني تام
 
سيدي كلامك صح مليون في الميه بس البلاك بلوك مبشيلوش سلاح هدفهم مختلف مع اني مختلف معاهم تماما
ومن الطبيعي الانفلات الامني الرهيب الموجود وان كانت وجهه نظري انها متعمده

ĴΘĶЄЯ 13-03-02 12:30 AM
رد: انفلات امني تام
 
على فكرة انا ساكن جنبك فى الورديان
حصل معايا موقف من يومين وانا رايح لواحد صاحبى
فى البداية انا دلوقتى مش بمشى الا وفى جيبى مطواة سوستة
المهم ماشى فى امان الله وسمعت 3 ادامى منهم راجل وواحدة ست
وبنت عندها تقريبا 15 سنة الست بتزعق للراجل وبتقوله والنبى بلاش
انا ولا كانى سامع ولا شايف حاجة وماشى ولقيت الراجل اخد جنب
على الحيطة وماسك سكينة عمال يقطع فى ايده
وجت عليا تقولى والنبى خد السكينة منه
بصراحة انا فرحت انه بيعمل كدة مش شماته
بس محدش يعمل كدة الا واحد برشامجى اصيل
انا معرفش اى واحد فى مكانى هيعمل ايه بس انا قولت لها
خديها انتى منه ياكش تولعو كلكو ومشيت
طبعا تصرف مجنون شوية بس انا بتمنى كل واحد فيهم يمسك سكينة
ويخلص الموضوع ويرحم نفسه ويرحمنا .. وربنا يستر على البلد دى

Egyptian_Destroyer 13-03-02 04:12 PM
رد: انفلات امني تام
 
شكرا اخوتي الكرام علي المشاركات الطيبة

M.SHADY 13-03-04 10:54 PM
رد: انفلات امني تام
 
عليه العوض و منه العوض فى البلد دى

Egyptian_Destroyer 13-03-05 06:32 PM
رد: انفلات امني تام
 
اقتباس:
المشاركة الأصلية كتبت بواسطة m.shady (المشاركة 485262)
عليه العوض و منه العوض فى البلد دى
ربنا يسترها المهم اننا منستسلمش

loverlover 13-03-05 07:02 PM
رد: انفلات امني تام
 
والله عندك حق يا صديقي
احنا من اسبوعين كدة كان عندنا خناقة فى باكوس وعيلة كبيرة هناك هي اللى كانت بتتخانق والخناقة قعدت اكتر من 4 ايام وبسبب واحد ضرب واحد بالألم وكانت النتيجة حرب شوارع بالآلي لدرجة انهم كانوا بطلعوا البيوت بالعافية عشان يقفوا يضربوا من البلكونات والى ماكنش يرضى يفتح لهم كانوا يكسروا باب الشقة عليه والأمن المركزي نزل اتطحن وإكتفى بالمشاهدة .. وأول امبارح جنبنا فى غبريال شارع مصطفى كامل جزار مشهور عمل مشكلة مع ناس وضربهم وكدة رجعوا له تانى بالآلي وإسم إم جي إم بي فايف كمان وجميع أنواع الطبنجات ال9 مللي اللى ممكن تتخيلها من اول الحلوان لحد الهكلر اليو اس بي .. تحس انها مافيا .. والله الواحد بعد كدة مابقى مستبعد انك تصحى تلاقى خناقة بإف 16 ودبابتين ومدرعة وقنابل عنفودية

Egyptian_Destroyer 13-03-05 10:05 PM
رد: انفلات امني تام
 
اقتباس:
المشاركة الأصلية كتبت بواسطة loverlover (المشاركة 485500)
والله عندك حق يا صديقي
احنا من اسبوعين كدة كان عندنا خناقة فى باكوس وعيلة كبيرة هناك هي اللى كانت بتتخانق والخناقة قعدت اكتر من 4 ايام وبسبب واحد ضرب واحد بالألم وكانت النتيجة حرب شوارع بالآلي لدرجة انهم كانوا بطلعوا البيوت بالعافية عشان يقفوا يضربوا من البلكونات والى ماكنش يرضى يفتح لهم كانوا يكسروا باب الشقة عليه والأمن المركزي نزل اتطحن وإكتفى بالمشاهدة .. وأول امبارح جنبنا فى غبريال شارع مصطفى كامل جزار مشهور عمل مشكلة مع ناس وضربهم وكدة رجعوا له تانى بالآلي وإسم إم جي إم بي فايف كمان وجميع أنواع الطبنجات ال9 مللي اللى ممكن تتخيلها من اول الحلوان لحد الهكلر اليو اس بي .. تحس انها مافيا .. والله الواحد بعد كدة مابقى مستبعد انك تصحى تلاقى خناقة بإف 16 ودبابتين ومدرعة وقنابل عنفودية
و الله يا باشا ربنا يسترها الايام اللي جايه دي

شرفني مرورك :)


الساعة الآن 12:17 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir