الصيد فى مصر

الصيد فى مصر (http://www.egyhunt.net/index.php)
-   الصيد العام (http://www.egyhunt.net/forumdisplay.php?f=1)
-   -   حاجة غريبة جدا !!! (http://www.egyhunt.net/showthread.php?t=38420)

big man 13-03-03 07:53 PM
حاجة غريبة جدا !!!
 
انا اليومين دول شايف يمام كتير في الشارع !!حاجة غريبة دة حتى في عز الصيف مبشفش ولا يمامة ثانيا ودة الاهم ان اليمام الي بشوفة بضربة في اعلى صدرة او في صدرة بالمارسمان او الديابلو التركي بيريش وبسمع صوت الرشة وهيا بتكسر العضم ويتنطور ريش كتير واليمامة تطير ولا كان حصل حاجة وانا اتفقع
واتاكدت كمان على الجلبة وجلبة بيت الرش والسوستة كلة تمام المارسمان برضة رش مش وحش

انا عايز اعرف فين المشكلة
وكمان عايز اعرف اية سبب الزيادة في اعداد اليمام اليومين دول

احمد فتحي 13-03-03 09:27 PM
رد: حاجة غريبة جدا !!!
 
ده الي حصل معايا انبارح
طلعت اصتاد بالرش المصري كان الميزانه الي هو الرش البومبيه والرش التركي المدبب
كان اسؤ رش شفته في حياتي والله العظيم الرشه بتيجي في الحمامه بس بتطير

aymank2 13-03-03 09:37 PM
رد: حاجة غريبة جدا !!!
 
ههههههه عادى بتحصل مع كل الصيادين انا مش عارف نوع البنادق بتاعتكم بس جربو الجامو ماتش شغال 100% مع معظم البنادق وبيرزع الفرد بينزلو ساكت.

big man 13-03-03 10:05 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة احمد فتحي (المشاركة 484924)
ده الي حصل معايا انبارح
طلعت اصتاد بالرش المصري كان الميزانه الي هو الرش البومبيه والرش التركي المدبب
كان اسؤ رش شفته في حياتي والله العظيم الرشه بتيجي في الحمامه بس بتطير
مش كل المصري وحش يعني مثلا الرماية واسكار وهدف مان وحاجات تانية كلها زباااااااااالة ولا تصلح للصيد ولا للرماية اصلا هو والتركي كمان اما الي انا بحترمة وبتعامل معاه من ساعة ما اشتريت البندقيتين هو الرش المحترم المارسمان تجميعه معقول جدا بالنسبة للشنغهاي الصيني والرشة موزونة وتقريبا مفيش فيها عيوب ولا اي اعوجاج وكمان انت لو جيت تضرب رش رماية او ديابلو تركي او اوسكار في حائط هتلاقي الرشة اتفرتكت كذا حتة اما المارسمان تلاقية اتكوم في بعضة ودة يدل على صلابتة وانة معمول من خامة كويسة

big man 13-03-03 10:06 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة aymank2 (المشاركة 484930)
ههههههه عادى بتحصل مع كل الصيادين انا مش عارف نوع البنادق بتاعتكم بس جربو الجامو ماتش شغال 100% مع معظم البنادق وبيرزع الفرد بينزلو ساكت.
ياريت الاقية في المنصورة للاسفف مفيش غير المصري والتركي بس

Orabi 13-03-03 10:07 PM
رد: حاجة غريبة جدا !!!
 
و الله يا باشا أنا مره أنا و أخويا أستاذ محمد محمود مضعين 12 فرد يمام يتهبد الرشه و تفرقع صدره و يطير و يوقع بعيد و نبقي شايفينه و هو بيقع بس مبنعرفش نجيبه ... في الأول و الأخر نصيب و رزق

big man 13-03-03 10:10 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة orabi (المشاركة 484944)
و الله يا باشا أنا مره أنا و أخويا أستاذ محمد محمود مضعين 12 فرد يمام يتهبد الرشه و تفرقع صدره و يطير و يوقع بعيد و نبقي شايفينه و هو بيقع بس مبنعرفش نجيبه ... في الأول و الأخر نصيب و رزق
شرفني مرورك جدا يا استاذ عرابي وفعلا هي في الاول وفي الاخر رزق وهيا فعلا كلل الي بيريش بيقع على اسطح تانية وبشوفة :(

Orabi 13-03-03 10:14 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة big man (المشاركة 484949)
شرفني مرورك جدا يا استاذ عرابي وفعلا هي في الاول وفي الاخر رزق وهيا فعلا كلل الي بيريش بيقع على اسطح تانية وبشوفة :(
المهم لما يحصل كده تقول الحمد لله و تأكد إنه هيكون رزق كائن تاني بي أنت كنت مجرد سبب :)

big man 13-03-03 10:52 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة orabi (المشاركة 484952)
المهم لما يحصل كده تقول الحمد لله و تأكد إنه هيكون رزق كائن تاني بي أنت كنت مجرد سبب :)
ههه الحمد للة على كل حال
في مرة كان صياد معدي من تحت البيت واصطاد يمامة واليمامة ريشت معاة ووقعت على سطحنا ورن علينا الجرس وقالي في يمامة انا اصطدتها وقعت على سطحكو قولتلة مفيش حاجة عالسطح والكلام دة من 3 سنين من قبل ما اشتري البنادق المهم مرة وانا طالع بعديها بيومين لاقيتها فعلا واقفة عالسطح قربت ناحيتها ومسكتها استغربت جدا انها ما طارتش قمت نازل وبعد ما سبتها تمشي شوية لاقيت جناحها مدلدل وفي اثار الطلقة ودم المهم نقلتها في شقة فاضية (مفيش حد كان ساكنها ساعتها) وكنت بعدي عليها كل اسبوع احطلها اكل ومية والكلام دة استمر كام شهر وبعدين في يوم رحتلها ملقتهاش في الشقة عرفت انها طارت قلت الحمد للة اهي عاشت حياتها تاني بس كنت زعلان لانها مسابتش حتة من الشقة الا لما وسختها :punnch::punnch:

Orabi 13-03-03 10:56 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة big man (المشاركة 484976)
ههه الحمد للة على كل حال
في مرة كان صياد معدي من تحت البيت واصطاد يمامة واليمامة ريشت معاة ووقعت على سطحنا ورن علينا الجرس وقالي في يمامة انا اصطدتها وقعت على سطحكو قولتلة مفيش حاجة عالسطح والكلام دة من 3 سنين من قبل ما اشتري البنادق المهم مرة وانا طالع بعديها بيومين لاقيتها فعلا واقفة عالسطح قربت ناحيتها ومسكتها استغربت جدا انها ما طارتش قمت نازل وبعد ما سبتها تمشي شوية لاقيت جناحها مدلدل وفي اثار الطلقة ودم المهم نقلتها في شقة فاضية (مفيش حد كان ساكنها ساعتها) وكنت بعدي عليها كل اسبوع احطلها اكل ومية والكلام دة استمر كام شهر وبعدين في يوم رحتلها ملقتهاش في الشقة عرفت انها طارت قلت الحمد للة اهي عاشت حياتها تاني بس كنت زعلان لانها مسابتش حتة من الشقة الا لما وسختها :punnch::punnch:
ههههههههههههه أهو أخدت ثوابين ثواب علاجها و ثواب التنضيف بعد ما مشيت هههههههههه

mohamed2010habib 13-03-04 12:26 AM
رد: حاجة غريبة جدا !!!
 
موضوع الفرد ياخد الرشه و يطير بتحصل انا ضارب يمامه امبارح مرتين و طارت ....المهم فيه رش جامو ماتش عند مصطفى اللى عند المحطه جربه هيعجبك و تحياتى يا غالى

احمد فتحي 13-03-04 01:27 AM
رد: حاجة غريبة جدا !!!
 
هههههههههه وانا والله يااستاذ عرابي
ضربت فرد يمام علي الارض طار بالعافيه وراح جاي ميت علي سور بلكونه في الدور الاول يعني طار كام متر بس
وبالنسبه للرش انا علي طول بستخدم الرش الماتش وبيقفل معايا
س المره دي مكنش عندي رش وجبت ده قولت اجربه

TRIGGER 13-03-04 04:13 AM
رد: حاجة غريبة جدا !!!
 
اى رش مستورد بجد بيصطاد بجد

big man 13-03-04 09:18 AM
رد: حاجة غريبة جدا !!!
 
اقتباس:
المشاركة الأصلية كتبت بواسطة mohamed2010habib (المشاركة 485016)
موضوع الفرد ياخد الرشه و يطير بتحصل انا ضارب يمامه امبارح مرتين و طارت ....المهم فيه رش جامو ماتش عند مصطفى اللى عند المحطه جربه هيعجبك و تحياتى يا غالى
المشكلة في سعرة انا خايف يكون غالي عندة هروح واسال وامري لله

big man 13-03-04 09:20 AM
رد: حاجة غريبة جدا !!!
 
اقتباس:
المشاركة الأصلية كتبت بواسطة احمد فتحي (المشاركة 485027)
هههههههههه وانا والله يااستاذ عرابي
ضربت فرد يمام علي الارض طار بالعافيه وراح جاي ميت علي سور بلكونه في الدور الاول يعني طار كام متر بس
وبالنسبه للرش انا علي طول بستخدم الرش الماتش وبيقفل معايا
س المره دي مكنش عندي رش وجبت ده قولت اجربه
هو نصيب ورزق زي ما قال استاذ عرابي بس انا بتضايق لاني بموت يمامة بدون فائدة يعني انا لو اعرف اني مش هجيبها مكنتش ضربتها

القبطان المصرى 77 13-03-04 10:24 AM
رد: حاجة غريبة جدا !!!
 
والله يابيج ده موضوع رزق مش اكتر
وطبعا اكيد كل اليمام اللى بينضرب ويطير ده بيروح ويموت فى مكان تانى بعيد عنك
وبيكون رزق قطه او كلب او اى حيوان برى
والموضوع ده بيحصل معانا كلنا
لكن عموما جرب الرش الماتش
ده بصراحه نادر لما يعمل حاجه زى كده ويريش

big man 13-03-04 10:33 AM
رد: حاجة غريبة جدا !!!
 
اقتباس:
المشاركة الأصلية كتبت بواسطة القبطان المصرى22 (المشاركة 485091)
والله يابيج ده موضوع رزق مش اكتر
وطبعا اكيد كل اليمام اللى بينضرب ويطير ده بيروح ويموت فى مكان تانى بعيد عنك
وبيكون رزق قطه او كلب او اى حيوان برى
والموضوع ده بيحصل معانا كلنا
لكن عموما جرب الرش الماتش
ده بصراحه نادر لما يعمل حاجه زى كده ويريش
ادعوالي بس الاقية بسعر حلو بس هو الجامو ماتش يبفرق كتير يعني عن المارسمان ؟

ابو مروان 13-03-04 12:40 PM
رد: حاجة غريبة جدا !!!
 
الرش الرماية المصى تقريبا هو والمارسمان حاجة واحدة ما فيش اختلاف بينهم هى راحة نفسية انا عموما بارتاح للرماية ............اليمام من اصعب الطيور فى صيدها واصابتها لو ما كانتش فى مكان قاتل (الحصالة_ الراس_الجناح) اعتبر انها هاتطير بعيد بس اكيد هاتموت ان اجلا او عاجلا ......اليمام روحة طويلة وعفى اكتر من الحمام واكتر من فراخ الغيط حتى........وفالاخر ارزااااااااااااااااااااق

Hamo.Alex 13-03-04 01:48 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة big man (المشاركة 485099)
ادعوالي بس الاقية بسعر حلو بس هو الجامو ماتش يبفرق كتير يعني عن المارسمان ؟
الجامو الماتش يا كبير عامل في حدود 35 جنية ههههههههه خليك في المارسمان احلي ههههههههه الجامو الاسباني اصلا حرام هههههه علشان بتجيب رشة مستوردة من عند العدو وبتضرب بيها اليمامة بتاعة وطنك ههههههه بهزر طبعاا :sal:

big man 13-03-04 02:55 PM
رد: حاجة غريبة جدا !!!
 
اقتباس:
المشاركة الأصلية كتبت بواسطة The Small HunteR (المشاركة 485148)
الجامو الماتش يا كبير عامل في حدود 35 جنية ههههههههه خليك في المارسمان احلي ههههههههه الجامو الاسباني اصلا حرام هههههه علشان بتجيب رشة مستوردة من عند العدو وبتضرب بيها اليمامة بتاعة وطنك ههههههه بهزر طبعاا :sal:
ههههههههههههه:rir::rir::rir::rir:

محمد خلف 13-03-15 01:23 PM
رد: حاجة غريبة جدا !!!
 
حصلت معايا اول امبارح
كنت واقف فالشباك العصر كده على غير العاده عمال بتفرج عالعصافير بتروح فين و بتيجي منين لقيت يمامه واقفه على طبق دش على السطح الي قصادنا
المسافه مكانتش تزيد عن 15 متر و الزاويه تقريبا 25:30 درجه و منشن عالصدر بالتل العتله
و ضربت
جت في صدر المامه و شفتها رحعت لورا و ريشت
بس مسكت نفسها و طارت
المهم عندي اني اول مره اضرب يمام اصلا
انا نشاطي كله كان عصافير و فران في الحر
اكتر من كده مفيش
بس دي اول مره اشوف يمام عندنا
و بقيت بشوفه كتير اليومين دول
هو دا موسم ولا ايه ؟

دكتور عابدينوف 13-03-15 03:36 PM
رد: حاجة غريبة جدا !!!
 
انا امبارح نزلت اصطاد ولاحظت يمامة وقفت على شجرة انا كنت تحتها واليمامة على ارتفاع مترين من راسى ..اتسحبت لحد مابقيت شايفها كلها وضربت ....شوف اهو مترين اهو وبرضو ريشت وطارت

محمد خلف 13-03-15 03:43 PM
رد: حاجة غريبة جدا !!!
 
هو اليمام دا بيعمل معانا كده ليه؟
المهم
انا بقيت بضرب يمام
هييييييييييييييييييييييه
والله ما في احلا من المعيله هههههههههههههه

وليد سعد زغلول 13-03-29 04:27 PM
رد: حاجة غريبة جدا !!!
 
معلش بتحصل معانا كتير وكله رزق


الساعة الآن 08:10 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir