|
bsa air sporter
أخواني الاعزاء :
أنا جبت بندقيه بي إس ايه اير سبورتر وكنت عايز أعرف موديلها و إمكانياتها وهيه مكتوب عليها السيريال ده gn 57712 ياريت لو حد يعرف يقوللي وشكراً |
رد: bsa air sporter
الف مبروك على السلاح الجديد
بص يا سيدى البندقيه دى ايرسبورتر ماك 7 وهى بندقيه قمه فى الرشاقه وتجميع النشان وتم انتاجها فى الفترة من 1983 الى 1986 وهى نمرة 2 طبعاً ولو الأستاذ محمد أنور شارك فى الموضوع ده هيقولك البندقيه فيها كام مسمار والعامل اللى حطها فى الكرتونه فى برمنجهام اسمه ايه ........... ههههههههههه الف مبروك تانى وشوف الرابط ده http://www.egypthunt.net/showthread....E1%DA%D4%C7%DE |
رد: bsa air sporter
الف مبروك تحفه والله
|
رد: bsa air sporter
جزاكم الله كل خير أخي يوسف وأخي المستشار
وكل عام وأنتم بخير |
رد: bsa air sporter
الف الف مبروك الله يديك خيرها ويكفيك شرها
|
رد: bsa air sporter
ياريت يا إخواني تقولولي قوتها قد ايه يعني زي الشادو 1000 ولا ايه
|
رد: bsa air sporter
1000000000000مبرووووووك يا باشا
|
رد: bsa air sporter
لو تفضلت يا أخ عبده ناني ممكن تقول لنا حضرتك اشتريتها بكام ؟؟؟ وهل هي نمرة 2 ولا نمرة 1 ولو أمكن تحط لنا صور لها
مع خالص الشكر |
رد: bsa air sporter
5 مرفق
بص يا سيدي أنا جبتها بـ4000 من عند واحد كان شاريها من20 سنه ومضربش بيها ولا رشه واحده لأنه كان شاريها للعرض فقط وكان معاها كل حاجه يعني كأني شاريها من محل بالظبط بس محل عنده أمانه ههههههههه
لدرجة إنها كانت مجنزره مبتحركش خالص لحد ما أخدت شوية زيت وبقت إيه ون وآدي الصور يا باشا مصحوبه بصوره لأول طلعه سريعه علشان أنا جبت البندقيه يوم الجمعه وكنت حموت وأجربها فطلعت يوم السبت قبل الشغل ساعتين في السريع والحمدلله عجبتني جداااااااااااااااااااا بس محدش رد عليا بخصوص سرعتها مش معقول يعني الواحد ميعرفش سرعة بندقيته معلش على اللك الكتير واسيبكم مع الصور |
رد: bsa air sporter
معلش هى نمره واحد ولا اتنين
|
رد: bsa air sporter
الف مبروك بندقية جميلة والسعر كويس بس المشكلة ف قطع الغيار .حافظ عليها .شكر اللة لك.
|
رد: bsa air sporter
اقتباس:
تحياتى |
رد: bsa air sporter
سرعتها من من 230 الي 250 في الثانية
بندقية رائعة ربنا يبارك لك فيها وبلاش تقارن بينها وبين الشادو 1000 عشان الشادو ما تتظلمش لان هي بندقية كويسة و السرعة مش كل حاجة يعني الصيني يقارب الديانا في سرعتها لكن ما ينفعش نقول ان الفرق بينهم بسيط او السلاحين قريبين لبعض |
رد: bsa air sporter
اقتباس:
تحياتى |
رد: bsa air sporter
أخي العزيز الأستاذ عبده ناني...ألف مبروك علي العروسة الجديدة وربنا يديك خيرها ويكفيك شرها...من فضلك...قرب شوية وإديني ودنك...كلام بيني وبينك...مش عايز حد يسمع...الحياة مدرسة كبيرة...بتعلم آه...بس مش ببلاش...لازم تأخذ ثمن ومقابل ( ليس بالضرورة أن يكون نقود وعموما النقود أمرها هين وسهل وتتعوض )...والدرس هو:-...رغبتك وأمنيتك في التملك والإستحواذ لشيء رأيته أو عرض عليك...يصم أذنيك...ويغمي ويضع سحابة أمام عينيك...ويؤدي بك إلي الإندفاع والتسرع في شراؤه وتملكه...كان من الواجب أن تتروى وتسأل وتطلب رأي ومشورة أهل الخبرة...عموما أنا لا أريد أن ابكتك أو ألومك...وأنا واثق أنك وعيت وتعلمت الدرس جيدا...والحمد لله أن الثمن والمقابل الذي دفعته لهذا الدرس جاء في قرشين زيادة في ثمن البندقية...ولا تحاول أن تعاود مرة أخري علي الرجل أو المحل الذي إشتريت منه...فلن يجدي هذا في شيئ...ولن يجلب لك إلا المشاكل ووجع الرأس...وحطها حلقة في أذنك...أنت تعلمت درس ودفعت الثمن.علي رأي المثل الفرنسي...هذه هي الحياة C'est la vie ...أنا أذكر هذا الكلام حتي نتعلم ونستفيد ونتعظ جميعا من هذا الدرس وأنا أولكم...وكلنا معرضون لهذا...مع أنك أنت الذي دفعت الثمن...لا تحزن ولا تغضب وخذ من كل درس عبرة وقل الحمد لله تتعوض...وربنا سبحانه وتعالى الذي قدرك علي جمع النقود...قادر أن يعوضك...وتعيش وتتعلم...خالص تحياتي واحترامي للجميع...
|
رد: bsa air sporter
الأخ / عبده
ألف مبروك على البندقية الممتازة لانها تنتمي إلى فئة من البنادق العظيمة فيكفيك فخراً أنك تقتنى BSA معلشي هي جات غالية شوية لكن ولا يهمك هي تستاهل ومش خسارة وهذه البندقية كما قال لك الأخ يوسف والأخ أسامه فتحي وهم خبرة أكثر مني في الBSA فهي نوعها air sporter mk7 calib 5.5 وبالنسبة لسرعتها هي 230م/ث وهذه السرعة ربما تكون أقل من سرعة بنادق كثيرة ولكن انت ستستخدمها في صيد الطيور مثل اليمام والحمام البري ولن تضرب على مسافات تزيد على30متر وهذه القوة تكفي لذلك مع العلم أن بنادق الـBSA تمتاز بالدقة في النشان وجمال وانسيابية في الشكل . وهناك حل لو أنك تريد أن تزيد سرعتها ولكن هذا الحل لا يقوم به الا واحد يكون خبير لأن حدوث خطأ فيه سوف يجعلك تخسر جزء مهم من سلاحك وهو تعديل لتقصير مقدمة البيستم الداخلي ( تقصير المسافة بين جسم البيستم وبين الجلدة ) حيث انه زائد من الطرف حوالي 2سم وفي حالة تقصيره ستكون أضفت مساحة هواء مقدارها 2سم مما يجعل سرعة البندقية تزيد الى 360م/ث وهذه صورة البيستم http://i52.tinypic.com/30awg1e.jpg |
رد: bsa air sporter
اقتباس:
ملحوظة هامة للغاية: حضرتك وضعت اسمى قبل اسم الأستاذ العلامة اسامة فتحى !!!!!!! أنا اسمى بيبقى على مسافة لا تقل عن 10 ميل بعد العلامة اسامة فتحى دا استاذ كبير جداً ولما احب اعرف أى حاجه غامضة بيكون الضوء اللى بينور الطريق. تحياتى ليك ياباشا |
رد: bsa air sporter
اقتباس:
كالعاده تحياتى واحترامى يا استاذ جمال على مشاركاتك المتميزه |
رد: bsa air sporter
اقتباس:
1- هل ازالة 2 سم من مقدمة البستم يزود سرعة البندقية حوالي 130متر في الثانية ؟؟؟؟؟ 2- هل قمت بهذا التعديل فعلا ؟؟؟؟ ياريت لو قمت بهذا فعلا تعرضة علي الاعضاء علشان تستفيد من التعديل دا وتبداء تنفيذة ؟؟ ارجوك الموضوع دا مهم جدا جدا لاني عندي بندقية سوبر ستار وممكن اعمل التعديل دا |
رد: bsa air sporter
اقتباس:
أعتقد الأستاذ اسامه فرقت معاه 100 م/ث يمكن يقصد 260 مش 360 خطأ كيبورد يعنى |
رد: bsa air sporter
هو اللى بيتغير الجلده الزفره واقصى سرعه بتزيد البندقيه تقريبا من 20 الى 30 متر اما عن البيستم فانا انصح بعدم اللعب فيه لان البى اس بالذات وكانها قطعه واحده
|
رد: bsa air sporter
اقتباس:
|
رد: bsa air sporter
اقتباس:
ولو شارك الأستاذ محمد انور هيجيب من الآخر بخصوص التعديل اللى قاله الأستاذ اسامه |
رد: bsa air sporter
اقتباس:
فعلا زي ماقال الأخ يوسف أنا قصدي ان السرعه ممكن تزيد حوالي30م/ث يعنى لما تكون سرعتها 230م/ث يكون بعد التعديل حوالى260م/ث وأعتذر عن الخطأ المطبعي بالنسبة لهذا التعديل انا ما عملتوش لكن لو تلاحظ انا قلت في أول كلامي لازم واحد خبير يعمله لأنك ممكن تفقد جزء مهم من السلاح وهذه صورة للجزء المراد إزالته http://i55.tinypic.com/168zer8.jpg على فكرة هذا الكلام نظرياً صح 100% ولا يوجد أي مانع من تنفيذه إلا على يد محترف في عالم الخراطة وحكاية ان ليه شركة BSA ما عملتهوش !!! أعتقد أن لو شركة BSA كانوا بيدخلوا عندنا المنتدى أكيد هتعجبهم الفكرة وتقبلوا خالص تحياتي |
رد: bsa air sporter
[
اقتباس:
طبعا التعديل مش حيزود السرعه الي هذه الدرجه ولاكن انا قمت بالفعل بالتعديل من 5 سنوات وفي العام الماضي تم اضافه الجلده البلاستيك بدل الجلده الزفره المعدله قديما وانتظرو مني صور حيه للتعديل فكره التعديل هو زياده في بيت الهواء حيث ان البيتم القديم يمتد داخل بيت الهواء بمسافه 2سم نظرا لتركيبه الجديد وهوه يعمل بفكره الجوان كما تفضل الاخ اسامه خطاب بطرح الصوره والفكره اننا نقوم بتغير نظام الجوان الي نظام الجلده الزفره ده كان من خمس سنوات تقريبا والان نقوم بتغيره الي الجلده البلاستيك انظر معي النظام القديم http://i51.tinypic.com/m9509f.jpg طبعا شيفين مسافه الهدر وعلي فكره الهدر في بيت الهواء اي راس الجوان كلها داخل بيت الهوه الفكره ديه ياجماعه في موديلات ماك 5 ماك 6 ماك 7 انما الموديلات الجديده الفكره موجوده اصلا مثل سوبر اسبورت سوبر استار جولد استار بولاريس وبيكون بالشكل ده http://i56.tinypic.com/2820wp2.jpg اي معدل من قبل الشركه من هنا سوف ندعم كمبه هواء اكبر وتعطي لنا كميه دفع اكبر تقفز بالبندقيه الي حيز 260 م/ث مع السوسته الاصليه زي جميع عائلتها الجديده من الجولد والسوبر لان مسافه الكانون واحده انا طبعا اتكلمت مع ناس كتير جدا ممن اقتنو البندقيه اير اسبورتر ويفضلو السرعات العليه ومن الافضل البحث عن فني شاطر ومصر ماليانه شطار في الخراطه ولو لا ابعتوهالي ايطاليا انا تحت امركم ههههههههههههههههههه وصباح الفل عليكم جميعا محمد انور |
رد: bsa air sporter
الله ينور يا استاذ محمد انور ...... استاذ ....... تحياتى .
|
رد: bsa air sporter
2 مرفق
كلام مظبوط ومدروس وفعلا بيعمل فررق فى قوة الدفع عن تجربة وخاصة لو اضفت حدافة داخل البستم بتزود من الطاقة الحركية الدافعة بسب الثقل لان الكتلة تتناسب طرديا مع القوة ودى صورة الحدافة اوالثقل .
|
رد: bsa air sporter
في مثل هذه الحالة يقول العرب :- قطعت جهيزة قول كل خطيب ويقولون لا يُفتى ومالك في المدينة انت كده يا استاذ محمد أكدت صحة كلامي وايضا شرحته بشكل أوفى وأفضل ونفهم من كلامك ان شركة bsa عرفت ان فيه زيادة في مقدمة البيستم لذلك زي ما حضرتك تفضلت وقلت ان في الموديلات الجديدة الفكرة دي موجودة أصلا أشكرك جزيلا على الشرح الجيد والصور المؤيدة للموضوع |
رد: bsa air sporter
شكرا ا اسامة ربنا يفتح علينا وعليك من فضلة .ودة ما تعودنا علية منك الزهن الحاضر والفكر العالى.تحياتى
|
رد: bsa air sporter
اقتباس:
اما موضوع الخبير دا فلازم يكون عندة عدة خراطة دقيقة جدا جدا وموضوع شركة b s a تدخل عندنا فاجنا عندنا شريك فيها ومشتري جميع اسهم مصر في ال b s a وهو محمد انور |
رد: bsa air sporter
اقتباس:
وكان نفسي يكون اسامة هو الي عملها علشان الناس تستفيد من التعديل زي ما نا عملت تعديل في الفلك وحولتها من الادخل الي سوستة وجلبة الديانا 52 وشغالة اخر وهايلة لان الاتعديلات لو الناس ها تستفيد منها يبقا لازم الناس كلها تعرفها |
رد: bsa air sporter
اقتباس:
اما اذا كنت تريد الخبرة في مجال ال b s a فمحمد انور من اشد عشاق هذة البندقية يلية اسامة فتحي وطبعا هناك جيل قديم جدا في القاهرة من محبي ال b s a وعلي راسهم سمير ذكي من اشهر من يصلح الاسلحة في مصر ....... |
رد: bsa air sporter
يا اخوانى كلام اسامه صح 100% وانا عملتها فى بندقيتى من زمان وشغاله زى الحديد
وقوتها زادت بشكل ملحوظ بس ماعرف وصلت لسرعه كام ولكن قوتها زادت بشكل واضح وساحاول فكها وعرض الصور فى الموضوع قريبا تفكيرك حلو جدااا يا اسامه وعلى فكرة التعديل تم فى مخرطه فى شنشور |
رد: bsa air sporter
اقتباس:
البندقية تستفيد لان المنتدي الهدف منة الاستفادة للجميع |
رد: bsa air sporter
اقتباس:
طبعاً قبل أي كلام لازم أقف انتباه وأضرب تعظيم سلام للواء صلاح فريد اللى وحشنا ومن زمان وما بنشفوش وغايب عننا له فترة كبيرة ولعل المانع خير . والله وحشتنا جدا يا صلاح بك ومشتاقين لك جدا وياريت ما تبعدشي عننا تاني ولو حتى تدخل المنتدى تسلم علينا . وشكرا على أنك ايدت كلامي وياريت تحط لنا صور التعديل اللى حضرتك عملته وغير من قوة البندقية وشكرا على مرورك وردك |
رد: bsa air sporter
اقتباس:
|
رد: bsa air sporter
اقتباس:
المهم أن كلامي طلع صح وان الفكرة تم تنفيذها فعلا سواء من الشركة أو من بعض الهاويين مثل اللواء صلاح فريد والعبقري محمد أنور ومش هتفرق سواء ان عملتها أو غيري هو اللى عملها لكن اللى يهمنا ان النظرية صحيحة وتم تنفيذها على أرض الواقع واعتقد انك اقتنعت بصحتها |
رد: bsa air sporter
اقتباس:
شكرا يا محمد باشا القانون (( الكتلة تتناسب طرديا مع القوة بمعنى كلما زادت الكتلة زادت القوة )) اللى انت قلته دا معروف في عالم الديناميكا زي حضرتك ما قلت حتى أن اثباته بسيط بدليل ان رفسة الحصان اقوى من رفسة الحمار ( الله يكرمكم جميعا ) وذلك لاختلاف الكتلتين أولاً ثم لإختلاف السرعة ثانيا . ماهي أقصى زيادة تعطي أقصى قوة بالنسبة للبيستم ؟، لأني اعتقد حسب خبرتي القليلة جدا في عالم السلاح أن دور البيستم هو الانزلاق بسرعه ودفع كمية الهواء داخل الحجرة بقوة فهل كتلة البيستم تؤثر في هذا الموضوع ؟ أم التأثير يكون ناتج للسرعة الناتجة من قوة الاسبرنج حيث انه توجد بنادق حجم السوستة فيها كبير وعدد اللفات أكبر مثل الباتريوت والنتيجة قوة وسرعة كبيرة |
رد: bsa air sporter
اقتباس:
_[/b] |
رد: bsa air sporter
اقتباس:
ياريت تكتب لنا موضوع منفرد عن تجربتك مع الفالك وخطوات التنفيذ ليستفيد الجميع وتقبل تحياتي |
رد: bsa air sporter
ياااااااااااااااااااااااااااااااه أيه ده كله في خلال يومين كنت مشغول والنت كان ساقط الباشوات كلهم شاركوني في المشاركهالبسيطه والمتواضعه بتاعتي دا أنا هعمل فرح وزفه وعيد ميلاد كمان وهضرب عشر رشات في الهوا ههههههههههههههههههههه
أنا متشكر جدا جدا جدا جدا جدا جدا لكل الاحباب اللي شاركو في هذه المشاركه وعايز أقول إنشاء الله هعمل التعديل الرائع ده بس بعد ما أحس إن البندقيه ضعفت شويه أما بالنسبه للسعر الغالي فأنا كنت عارف إن سعرها 3500 بس مكنش في منها جديد عندنا في الإسكندريه وبعدين زي ما أحد الإخوه قالي أنه بعد سنه مش هتلاقيها أصلا وأنا كنت ولازلت من أشد المعجبين بـbsa وبالصناعه الإنجليزي عموما دأنا حتى الوبلي مابقتش أحبها علشان بقت تركي. بس أنا كنت عايز أسأل عن الفالك صناعتها إيه؟ وشكراً وكل عام وأنتم بخير ...,,,,...،،،،... |
رد: bsa air sporter
اقتباس:
|
رد: bsa air sporter
وزن الثقل اللى ف اول البستم من ناحية الجلبة هوحوالى 100جرام هو بيزود اندفاع البستم منقوة السوستة لان مركز الثقل للبسم يختلف بوضع الحدافة اوالثقل لناحية الامام اما من غير ثقل يكون مركز ثقل البستم هو وزن البستم ومتوزع عاى جسم البستم كاملا. شكرا لحضرتك مستر اسامة.
|
رد: bsa air sporter
اقتباس:
تحياتى |
رد: bsa air sporter
أخى محمد اختلف معك حيث أن زيادة ثقل البستم يقلل من سرعتة داخل حجرةالبستم مما يقلل سرعة اندفاع الهواء وبالتالى تقل سرعة الرش, واليك مثال بسيط, كلما زاد وزن الرش قلت سرعتة والعكس صحيح,أى أن كلما زادت الكتلة زادت القوة المطلوبة لدفعها ,وليس كما قلت كلما زادت الكتلة زادت القوة ,فمن أين تزيد القوة علما بأن قوة السوستة ثابتة اما النظرية الصحيحة, كلما قل الوزن زادت السرعة ,وهذه النظربة هى الصحيحة التى تنطبق على هذه الحالة ,فقص جزء من البستم له فائدتان, الاولى سوف يجعل الوزن خفيف فتزيد سرعة البستم ,وبالتالى سرعة الهواء المدفوع, مما يترتب عليه زيادت سرعة الرش ,الثانية زيادة كمية الهواء المضغوط نتيجة زيادة حجم غرفة البستم, مما ينتج عنه زيادة كمية الهواء, وبالتالى قوة دفعة, فتزيد سرعة الرش.تقبل مرورى بصدر رحب, ولك تحياتى
|
رد: bsa air sporter
اقتباس:
فعلا انا ماكنتش متابع لأن عملي من الصباح حتى 6م وأحيانا حتى8م ، دا غير ان فيه ايام زحمة شغل ومواسم الميزانيات وكده انا دخلت على كل مواضيعك وبحثت فيها وما لقيتش الموضوع ده ، يمكن يكون موجود فعلا لكن تحت عنوان آخر وإذا فيه موضوع زي انت ما بتقول ياريت تحط لي الرابط بتاعه علشان نستفيد من هذه التجربة العظيمة لأن تجربة زي دي تفتح آفاق الناس ان ممكن التغلب على عيوب الأسلحة ويمكن عمل تعديلات تحسن من كفاءة السلاح ياريت تلحقني برابط الموضوع لأني مشتاق لقراءته جدا جدا وتحياتي |
رد: bsa air sporter
اقتباس:
التعديل تم كالاتي : بعد فك البندقية شفت عدد لفات السوستة وسمكها وقياسة بالبوكليز اتضح ان السوستة القديم عبارة عن 31 لفة ونفس سمك الديانا بس كان في مشكلتين 1- الجلبة بتاعتها الاصلية زفرة 2- البستم بتعها بومباي يعني لو حطيت الجلبة الفيبر بتاعت الديانا ها تبرطش لان المنيم بتاعها الاصلي عدل عملت طبق دائري بحجم البستم بالضبط وعملت مسمار يدخل علي مقاس الجلبة عند الخراط انا والاستاذ / اسامة فتحي وركبنا سوسية الديانا 52 بدون قص اي حلقة للتجربة ليس الا لقيت البندقية لقطت التعمير وجربتها اكثر من مرة في الضرب وفي الدقة كانت ممتازة . ومن ساعتها في اكثر من شخص عملوا نفس الموضوع ولما تنزل ان شاء الله اتشرف بلقائك واوريك البندقية بقت ممتازة . ولكن هناك تعقيب لي شخصيا التجربة دية غير خاضعة الي اي مقاييس علمية بمعني انها تجربة شخصية اي نعم هي ذودت قوة البندقية وسرعتها بس الله العلم النتيجة علي المدي الطويل اية الي ها يحصل في البندقية ليــــــــــــــــــــــــــــــــــــــــــــــة اني من 20 سنة عملت كدا في بندقية نوركا كانت عندي وركبت لها سوستة b s a وضربت بيها في الفيوم وكان الصيد غير عادي 81 فرد حمام علي يمام وفي نهاية الرحلة الجزء الخاص بدفع البستم ( ذراع التعمير السفلي ) اتكسر لان قوة السوستة اعلي من معامل التحمل .. اما بالنبسة الي b s a اكيد الشركة ذودت معامل صللابة المعدن ليتحمل القوة ولك تحياتي |
رد: bsa air sporter
صباح الخير يا دكتور انا معاك ان قوة السوستة ثابتة ولكن الحدافة تزيد من قوة دفع البستم والدليل العملى عاى ذلك بسيط جدا حاول تدق مسمار صاب 10 سم فى الحائط بواسطة شكوش وزتة 200 جرام .ومرة تانية بشكوش وزنة500جرام هتلاقى ان 500 اقوى من 200 فى تثبيت المسمار بالرغم ان قوة الدق واحدة . وتقبل مرورى. والخلاف ف الرأى لا يفسد للود قضية.
|
رد: bsa air sporter
اقتباس:
1- النوركا الجت سرعتها 250 متر وليس بها حدافة 2- النوركا مارفك سرعتها 250 متر وبها حدافة 3- النوركا ويست سرعتها 240 متر وبها حدافة تتفوق النوركا مارفك علي الجت في قوة الاصطدام وايضا تتفوق النوركا ويست تزيد في قوة الاصطدام |
رد: bsa air sporter
مبرووووووووك عليك اقتناء التحفه الانجليزيه السزعه تقريبا 270 متر في نمره2 وفي نمره واحد 300 م_ في
الثانيه على مفتكر تقريبا وعلى فكره هو مكتوب على العلبه من الجمب |
رد: bsa air sporter
اقتباس:
|
رد: bsa air sporter
اقتباس:
والله اعلم |
رد: bsa air sporter
اللى اعرفة ان وظيفة الحدافة تكمن فى السيطرة على حركة السوسته وعدم حدوث فوضى حركية فى المرحلة ما بين انضغاط وانفلات السوسته (أى انها لا تزيد من السرعة أو القوة ولكنها تهدف الى الإتزان والدقة واطالة عمر السوسته)
والله اعلم |
رد: bsa air sporter
الاخ العزيز يوسف فائدة الحدافة. تقليل السرعة ,ثبات السوستة و تقليل أهتزازها,هل تعتقد ان هذه الشركات عاجزة عن صنع سوستة تجعل السرعة تتجاوز 400 م/ث طبعا تستطيع ,ولكن هناك قوانين تحكم هذه الشركات,مثلا فى كندا السرعة لاتتجاوز145/ث وهذه البنادق ديانا56 ,فايروخ,جامو.....................إى ان هناك دول تحدد سرعة البنادق التى تدخلها لذلك تقوم هذه الشركات بعمل فتحة بالبستم للنزول بالسرعات الى الحد المطلوب كذالك وضع الحدافة لتقليل السرعة فى حدود10 الى15 متر
|
رد: bsa air sporter
اقتباس:
لا تعارض مع كلام حضرتك فيما يخص وظيفة الحدافة اللى هو اساسا السيطرة على حركة السوسته وتقليل الإهتزازات انما كما أشرت حضرتك (وضع الحدافة لتقليل السرعة فى حدود10 الى15 متر) فهذا ليس دور الحدافة الأساسى. أعتقد أن الحدافة موجودة قبل تطبيق فرجن اف. أما بالنسبه لتساؤل حضرتك (هل تعتقد ان هذه الشركات عاجزة عن صنع سوستة تجعل السرعة تتجاوز 400 م/ث ) أعتقد أن الشركات تعجز فعلاً فى ذلك لآن قبل القوانين الحاكمة اللى حضرتك أشرت لها واللى اعتقد انها ظهرت اوائل التسعينيات لم تتمكن الشركات قبل ذلك من انتاج بندقيه تجاوز السرعة اللى حضرتك قلتها ( 400 م/ث) وياسلام لو نمرة 2 وده لأن البندقيه هيبقى لها مقاييس عجيبه من ناحية الطول الإجمالى وطول الماسوره والكتله .........الخ يعنى لن تصلح للصيد أو الرمايه. تقبل تحياتى واحترامى وكل عام وانت بخير |
| الساعة الآن 01:30 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir