استفسار للخبراء
 

مشكلتى صعبة علييا لكن انا متأكد انها سهلة عليكم ان شاء الله :cool::cool:

انا بحب الصيد جداً لكن المشكلة انك تقنع البيت انك تجيب بندقية رش ف كان الحل انى لقيت بندقية

رقم 2 نوعها جامو ف بيت العيلة طبعا هييا قديمة جداً بس فهمت انى ك مبتدأ مفهاش مشكلة ابدأ بيها مكتوب عليها cal.22


الفكرة انها كانت ف الاول بتضرب كويس و وصلت انى على بعد 15 متر وقعت حمامتين :sal::sal:

المشكلة اللى بدأت تظهر انها بقت ضعيفة ل درجت انى اقدر اشوف الطلقة بعد ما تخرج دة طبعا مكنش بيحصل:no: وغير كدة علشان اظبتها لازم اعلى النشان ب دة معناة انها ضعفت جداً:(

انا عاوز اعرف دة طبيعي ولا ممكن اغير حاجة فيه علشان اقويها تانى :sante:

واسف للإطالة لكن حبيت اوضح كل حاجة

رد: استفسار للخبراء
 

مرحبا بحضرتك عضو جديد فى المنتدى.
فى الغالب لو بندقية حضرتك قديمة وكانت مركونة فترة كبيرة (بدون تعمير) ان الجلبة بتاعة البستم محتاجة تغيير ودى تكلفتها بسيطة.
لو حضرتك عندك خبرة فى فك البندقية هتقدر تغير جلبة البستم بسهولة لو ما عندكش خبرة خدها عند أقرب محل تصليح بنادق رش وخليه يغيرلك الجلبة المفروض الحكاية دى ماتأخدش منه أكثر من ساعة على الاكثر.
ايضا فى الغالب الجلبة اللى عند حضرتك لو الموديل قديم جدا هتكون جلبة جلد زفرة ودى ثمنها لا يتعدى 5 جنيه.
لو الجلبة فايبر السعر بيتراوح بين 25 و65 جنيه على حسب الجلبة أصلى ولا لأ.
بالتوفبق وتحياتى.

رد: استفسار للخبراء
 

[COLOR="Black"][SIZE="5"][I][I][B][B]
الله ينور عليك يا استاذ عادل

فعلا كلمك صح هييا مركونة فترة طويلة جدا غير انها اصلا قديمة

انا مش عاوز ابوظ حاجة افيها او اطير عيني ولا حاجة انا هوديها عند محل بندقيات

بس كدة افهم من حضرتك ان المؤثر الاساسى ف ضعف السرعة هووا الجلبة بتعت البستم

يريت لو فية اى حاجة تانى ينفع تتغير او تتعدل علشان نزيد السرعة اعرفها وشكراً للتواصل

رد: استفسار للخبراء
 

تمام يافندم محل البنادق أفضل لأن فك البندقية فيه خطورة من ضغط السوستة.
أعتقد أن البندقية مش هتحتاج غير تغير الجلبة لأن أول لما أستعملتها أصطدت بيها مرتين من مسافة 15 متر وده بيأكد أن السوستة مازالت بحالة كويسة لكن الجلبة تفتت مع الاستعمال بعد الركنة ومافيش داعى تحمل نفسك مصاريف بدون داعى بتغير السوستة فى الوقت الحالى.
تحياتى.

رد: استفسار للخبراء
 

عادل بيه جابلك من الاخر اوعى حد يضحك عليك و يغيرلك السوسته ...........

رد: استفسار للخبراء
 

تمام كده يامحمد باشا لأن السوستة الاصلى اللى فى البندقية حاليا طالما شغالة مش هتتعوض لأن أغلب السوست اللى فى السوق مش قد كده.
ولذلك نصيحة لصاحب البندقية أثناء تغيير الجلبة يكون موجود للتأكد ان كل حاجة بتاعة البندقية ترجع مكانها مرة أخرى وفى نفس الوقت حيعرف أزاى البندقية بتتحل وتتركب.
تحياتى.

رد: استفسار للخبراء
 

رد: استفسار للخبراء
 

لا شكر على واجب أخى العزيز. وتم الرد على رسالة حضرتك على الخاص.
لو عايز تسأل على اى معلومات اخرى أنا تحت أمر حضرتك فى اى وقت.
تحياتى.