|
طلعة ضرب النار ( هع مين هناك )
السلام عليكم ورحمة الله وبركاته
طبعا كلكو هاتقولو هو القبطان رجع فى كلامه ليه وخرج للصيد تانى بعد ماكان قال انو مش هايصطاد ييمام تانى اليومين دول عشان موسم التكاثر وردى هايكون ان بعد سؤال ناس كتير اتأكدت ان الموسم لسه شويه عليه وبالتالى خرجت طلعه ليليه اهى مع صديق ليا عدى عليا فى الشغل وقاللى نفسى اكل يمام اعمل حسابك نخرج نصطاد سوا بالليل فى مكان هو يعرفه وقالى بس البس حاجه طويله فى رجلك عشان المكان اللى هانروحه مش كويس ( عقارب وتعابين ) وبالفعل رتبنا مع بعض وعدى عليا بالليل بالموتسكل بتاعه وكنت لابس تقيل عشان البرد وعملت بالنصيحه ولبست فى رجلى البوت الطويل بتاع الطلعات الليليه وودانى مكان جديد انا ماعرفش فيه اى حاجه جنب قرية الاسد لكن كانت منطقه صحراويه مقطوعه ومليئه باشجار الجزورين العاليه جدا وكل شويه اسمع ضرب نار فى الجو لدرجة انى كنت باشوف الطلقه وهى ماشيه فى السما ومنوره ولما سألت صديقى ايه ضرب النار ده يابنى قال اصل المنطقه دى كل سكانها من البدو ودول مش بينامو بالليل تقريبا وطبعا كلهم مسلحين وكل شويه بيضربو نار فى الجو عشان لو حد غريب داخل المنطقه يخاف ويرجع تانى قلتلو ينهارك اسود امال جايبنا هنا ليه ده احنا ممكن ننضرب بالنار هنا ومحدش هايعرفلنا صاحب ههههههههههههههههههه قالى متخافش انا عارف المنطقه كويس واعرف معظم الناس اللى هنا المهم كملنا صيد وانا قلقان وبصراحه كان يوم متعب لأن الاشجار كانت عاليه جدا من 15 متر وانت طالع والضرب بالليل بيبقى صعب غير بالنهار لكن الحمد لله ربنا كرمنا بحصيله كويسه تفاصيل الرحله الوقت/حوالى اربع ساعات السلاح/ كايداهم http://www6.0zz0.com/2013/03/14/08/761950564.jpg الرش/مارسمان http://www6.0zz0.com/2013/03/14/08/728315755.jpg مسافات الضرب كانت من 10 الى 25 متر 32 رشه تم ضربهم 6 ترييش وضاعو 5 خطأ 21 الحصيله الصور دى صوره صديقى اخدها ليا وانا باصور الحصيله من غيرما اخد بالى http://www6.0zz0.com/2013/03/14/08/166873315.jpg http://www6.0zz0.com/2013/03/14/08/680343817.jpg http://www6.0zz0.com/2013/03/14/08/250580562.jpg http://www6.0zz0.com/2013/03/14/08/582553830.jpg http://www6.0zz0.com/2013/03/14/08/882859941.jpg http://www6.0zz0.com/2013/03/14/08/542093145.jpg والسلام عليكم ورحمة الله |
رد: طلعة ضرب النار ( هع مين هناك )
تسلم الايادي ياكبير والله
والف هنا وشفة وكل طلعة وانت طيب ياريس |
رد: طلعة ضرب النار ( هع مين هناك )
عاااااااااااااااااااااااااااااااااااااااااااااااش يا هانى ياجامد يامسيطنا
|
رد: طلعة ضرب النار ( هع مين هناك )
ما شاء الله ايه الجمال ده يا قبطان بجد تسلم ايدك وخلى بالك من نفسك وبلاش مخاطره وبالف هنا وشفا للاسف التقييم عندى مقفول بس هتتعوض اول بما يفتح تحياتى يا قناص يا كبير
|
رد: طلعة ضرب النار ( هع مين هناك )
اقتباس:
شرفنى مرورك والف الف شكر على التقييم الجميل |
رد: طلعة ضرب النار ( هع مين هناك )
اقتباس:
ربنا يباركلنا فيك وفى كل اهل بيتك يارب ياكبيرنا |
رد: طلعة ضرب النار ( هع مين هناك )
اقتباس:
والله انا ماعرفتش ان فيه ضرب نار غير وانا هناك لأنى مكنتش اعرف المنطقه هو انت يعنى مفكرنى لو كنت اعرف ان فيه هناك ضرب نار كنت رحت من اساسه؟؟ هههههههههههههههههههههههه |
رد: طلعة ضرب النار ( هع مين هناك )
|
رد: طلعة ضرب النار ( هع مين هناك )
قولى بقى مين فينا اللى هيخلص على اليمام اهو انا ما جبتش حاجة من عندى انت اللى قلت هههههههههههه تسلم ايدك يا قناص وخلى بالك من صيد الليل ورتب مع الناس اللى فى المكان علشان يكون عندهم علم وربنا يحفظك يا قبطان
|
رد: طلعة ضرب النار ( هع مين هناك )
اقتباس:
دعواتك جميله وكلامك اجمل يا افندم والله تحياتى |
رد: طلعة ضرب النار ( هع مين هناك )
اقتباس:
لكن انت بسم الله ماشاء الله ستينات وتمنينات وارقام مرعبه كده ههههههههههههههههههه وانا اطمنت شويه لما صديقى قال انو يعرف ناس كتير فى المنطقه دى |
رد: طلعة ضرب النار ( هع مين هناك )
ليك وحشه يا قبطان والله . و بسم الله ما شاء الله
و عقبال 1000 طلعه ان شاء الله |
رد: طلعة ضرب النار ( هع مين هناك )
طلعه جميله يا قبطان بس الصور مش ظاهره عندي مش عارف ليه بقالك كام طلعه كده و كل الصور مش بتظهر عندي
ياريت لو تغير الموقع الانت بترفع عليه الواحد بيبقا نفسوا يشوف الصور و كمان باين ان كلامك صح و الموسم بدا علشان انا برضو اصطدت من كام يوم يمامتين واحده دكر و التانيه نتايه و كانت النتايه فيها عنقود بيض |
رد: طلعة ضرب النار ( هع مين هناك )
ههههه يا سلام على طلعاتك الجامده ياقبطان بصراحه توقفك عن الصيد كان عامل فراغ كبير.
|
رد: طلعة ضرب النار ( هع مين هناك )
احنا كطنا متفقين يا برنس...........بس الصيد ادمان بردة_هههههههههه_مين اللى قال ان الموسم لسة شغال.....اليمام جواة بيض...............خلينا فى فراخ الغيط
|
رد: طلعة ضرب النار ( هع مين هناك )
بسم الله ما شاء الله
الله ينور عليكو يا قبطان وبألف هنا وشفا وربنا يحفظكم من كل سوء |
رد: طلعة ضرب النار ( هع مين هناك )
بسم الله ما شاء الله
االه ينور الكبير طول عمره كبير بالف هنا وشفا |
رد: طلعة ضرب النار ( هع مين هناك )
اقتباس:
والله انت الى واحشنى ومش عارف انت بتغيب عننا كتير كده ليه شكلك خلاص بتصيف هههههههههههههههه |
رد: طلعة ضرب النار ( هع مين هناك )
اقتباس:
الصور شغاله مع كل الناس اهى جرب متصفح تانى لأن اكيد المشكله من عندك وبالنسبه للموسم انا سالت ناس كتير وكلهم قالولى ان موسم التكاصر لسه هايبدأ اول الشهر تقريبا |
رد: طلعة ضرب النار ( هع مين هناك )
اقتباس:
والله الواحد بقى عامل زى المدمن ولو خيرتنى بين الاكل والشرب وبين الصيد هاختار الصيد هههههههههههههههههههه |
رد: طلعة ضرب النار ( هع مين هناك )
اقتباس:
والله ياباشا ناس كتير قالت لسه وغير كده كمان انا لغاية دلوقت مشفتش غير يمامه واحده بس هى اللى كانت راقده على عش بس عموما يعنى هو كده كده الموسم خلاص يعتبر بيبدأ |
رد: طلعة ضرب النار ( هع مين هناك )
اقتباس:
تسلم وليد بيه الجميل المحترم تحياتى |
رد: طلعة ضرب النار ( هع مين هناك )
اقتباس:
ده بس من زوقك جمعه مباركه عليك ياكبير |
رد: طلعة ضرب النار ( هع مين هناك )
يسلام على طلعاتك يا قبطان
ربنا يكرمك كمان يا هاني |
رد: طلعة ضرب النار ( هع مين هناك )
اقتباس:
تسلم يامحمد باشا والله شرفنى مرورك الجميل |
رد: طلعة ضرب النار ( هع مين هناك )
اوي يا كبير :) بس صورتك مش طالعة !!
|
رد: طلعة ضرب النار ( هع مين هناك )
اقتباس:
والصوره ظاهره اهى للجميع والله |
رد: طلعة ضرب النار ( هع مين هناك )
حبيب قلبي يا هاني يا قناص في كل الاجواء في النهار او في الليل .... وبعدين انت محرمتش من ساعة العيال بتوع التوكتك جاي للعرب برجليك هههههههههههههه فاكر بتوع كفر الهنادوة احمد ربنا بقة ان دول ماطلعوش عرب هنادوة ههههههههههههههههههههههه ... واقولك :
يا هاني يا قناص يا فتوة الحتة .. عليك رشاية تنشف الريق وتلبش الجته .... ساعة تعمر كيدام تجري الطير قدامك وليك نظر سته على سته .... ههههههههههههههه اي خدمة يا فتوة حارتنا .. تسلم وتقبل تحياتي يا جنرااااال . |
رد: طلعة ضرب النار ( هع مين هناك )
اقتباس:
و بخصوص الموسم كده هو بيبدا في اول اربعه و بقا بيخلص امتي ؟ |
رد: طلعة ضرب النار ( هع مين هناك )
اقتباس:
ههههههههههههههههههههه ايه ياعم الروقان ده كلو تسلم ياسيد المعلمين كلهم يارب |
رد: طلعة ضرب النار ( هع مين هناك )
اقتباس:
يبقى اكيد موقع رفع الصور ده محظور عندك عموما هابقى احاول اغير الموقع ياحبيب قلبى ولا يهمك بالنسبه لانتهاء الموسم ده بنعرفو اول مالزغاليل بتاعة اليمام تبدأ تطير وتسيب عشها |
رد: طلعة ضرب النار ( هع مين هناك )
اقتباس:
و بخصوص الموسم يعني احنا كده هنقعد بتاع شهرين ما نصطدش صح ؟ |
رد: طلعة ضرب النار ( هع مين هناك )
اقتباس:
لأن اليمام بياخد حوالى اسبوع يجهز فى العشوش وبعدين يبيض والبيض ياخد حوالى 20 يوم على مايفقس وبعدين الزغاليل تاخد حوالى 20 يوم على ماتبدأ تطير |
رد: طلعة ضرب النار ( هع مين هناك )
ابو القباطين..........واحشنى والله
معلش الشغل عندى اليومين دول ضاغط عليا حبتين ودا بسبب الأخوة السوريين اللى نقلوا مصر ساعات ادخل الموقع اقرا اى حاجة بسرعة واقول اى رد واخرج بسرعة ماشوفتش موضوعك غير دلوقتى واحشنى والله حاج هانى بلاش والنيى صيد بالليل المناطق اللى انت فيها دى خطر بجد وبالليل محدش هيفرق انت معاك بندقية رش والا بندقية بجد وعلى اقل تقدير اللى هيشك فيك هيضرب فى المليان احترس يا باشا وبطل مخاطرة اطلع بالنهار انشالة ماتصطادش خالص يعنى صاحبك ياكل يمام وانت تنام ههههههههههههههههه وقبل اى طلعة احسب المخاطرة والعائد عقارب وتعابين وضرب نار طالما كدة كدة مخاطرة بمخاطرة تاجر فى السلاح احسن او الحشيش هههههههههههههه اهو كدة الموضوع يجيب همة تحياتى يا حاج هانى واتمنالك السلامة دايما من كل قلبى |
رد: طلعة ضرب النار ( هع مين هناك )
اقتباس:
|
| الساعة الآن 03:47 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir