|
فروت سلاط
بصوا هي مكلفة شوية بس مقلقوش علي طعمها مش ممكن انا اكلتها عند جماعة قرايبي ومن ساعتها وانا بعملها في البيت
هتنزل عند الفكهاني وتجيب منة عينات فواكة ((طبعا يوم العيد الفكهاني ممكن يقطعك لوقلتلة عايز ربع او نص كيلو )) يعني تروح عند فكهاني محترم المقادير 2 تفاحة امريكاني 2 تفاحة لبناني ربع كيلو فراولة ((بس طبعا مش هتلاقي اليومين دول بس مش مهم الجايات اكتر)) خمس صوابع موز او خليهم 7 علشان وانت بتعمل تتسلي بالاتنين الزيادة ((دي خبرات)) 2 جوافة 2 برتقال 4كيوي ((علي فكرة جامد في الفروت سلاط)) لو فيه منجة((مانجو علشان مدرسين العربي)) متقولش لا وممكن شوية رمان بس سعادتك متعملوش انت علشان متدعيش عليا والقميص باظ وال... باظ والذي منة , يعني من الاخر تندة علي ست البيت ((المدام الوالدة اختك المهم تبقي واحدة ست))وهي هتتصرف ليمونة ((لازم ولو بتحبها بتلسع وهي محلية كدة حط زيادة احساس ابن ك....)) علبة عصير كوكتيل او اي حاجة من السوبر ماركت عموما لو حسيت ان ال2 جنية الاخرانيين((اللي في الاخر يعني علشان المثقفين)) هيزودوا الطينة بلة شوية ميه بسكر ((بس هتكون بوظت الطبخة علي شوية عصير)) بصوا كمان لو في اي فاكهة انا نسيتها والفكهاني قلكعليها متقولوش لا حط علي طول كله للخير الطريقة قطع كل حاجة في اناء عميق وبعدين حط العصير وبعدين الليمون وقلبهم كويس اوي علشان الفاكهة اللي فيها عصير زي البرتقال تنزل شوية من العصير ده بجد جميلة جربوها وجدان |
رد: فروت سلاط
الله الله عليك يا باشا والله باين عليها جامده جدا وان شاء الله هجربها بس لو باظت انت اللى هتدفع تمن اليخنه دى(على راى عادل امام ) وشكرا ليك وكل سنه وانت طيب.
والله ولى التوفيق ................. |
رد: فروت سلاط
قطع كل حاجة في اناء عميق وبعدين حط العصير وبعدين الليمون وقلبهم كويس اوي علشان الفاكهة اللي فيها عصير زي البرتقال تنزل شوية من العصير ده
بجد جميلة جربوها وجدان وبعدين...وبعدين إيه...أنا وقفت لحد هنا ومستنيك تكمل...رحت فين يا بلدياتي يا غالي عليا قوي...بعد ما تنزل شوية من العصير ده...نعمل إيه...الله يرضي عليك كمل أحسن أنا ملغوص وحالتي ما يعلم بيها إلا ربنا...أنا مش عايز أصورها...أنا عايز آكلها أشربها...أستمتع بيها...بس مش زي إخواننا إياهم طبعا...أرجوك رد عليا بسرعة وما تتأخرش..أنا شايفها دلوقتي بتبقلل...أحسن الخلطة الديناميتية دي ها تفرقع وتبوظ...وأدفعك ثمنها...إنت حر...خالص تحياتي واحترامي للجميع... |
رد: فروت سلاط
اقتباس:
|
رد: فروت سلاط
اقتباس:
بس ايه رايك في سلطة المظمبليط دي....كفائة مش كدة؟. بجد هتعجبك بس مكلفة موت |
رد: فروت سلاط
يا مزاجك ألعالى يا وجدان مين كيوى ده .... واد عمك؟ |
رد: فروت سلاط
انت مستني ايه يا باشا بالهنا والشفا ولا استني ياعم اجيب الطبق بتاعي وناكل سوا
بس ايه رايك في سلطة المظمبليط دي....كفائة مش كدة؟. بجد هتعجبك بس مكلفة موت بلدياتي الغالي قوي...أعملك إيه بقي...ما هو إنت إتأخرت عليا...وما قولتش نعمل إيه بعد كده...أهي بقت بظاظة خالص ورميتها في الميزامبليه...يعوض علينا ربنا...آخر مرة أسمع كلامك وأعمل المظمبليط ده...المهم وحياة والدك ما تنسينش وإنت جاي بالسلامة في الكشك والفايش...وكحك العروسة...يمكن أقدر أنسى اللي حصل...وأسامحك...خالص تحياتي واحترامي للجميع... |
رد: فروت سلاط
عملتها دلوقتى بس من غير جوافة وكيوى
هية جميلة جدااااااااا بس فى حاجة واحدة معجبتنيش الليمون:eek: طعمه كان باين وانا اصلا مش بحبه بس قلت وجدان قال كده يبقى لازم اعمل كده (على طول مودينى فى داهية :p ) بهرج معاك طبعا:D هههههههههههه انت حبيبى |
رد: فروت سلاط
اقتباس:
ولا قريبي ولا اعرفة ياباشا ولا عمري شفتة ....هو عمل حاجة ؟؟؟؟ سيبك انت الفروت سلاط وصلت عندنا الصعيد وسع اوعي وشك |
رد: فروت سلاط
اقتباس:
ده حتي بيلسع كدة ويظبط المسائل .. وبعدين داهية ايه هو انا بلغت عنك ان انت سارق مني الفروت سلاط بتاعتي بس لو كان فيها كيوي .!.اوعي وشك والله انت اللي حبيبي |
رد: فروت سلاط
اقتباس:
حمد ألله على ألسلامة يا ولد أبوى أياك ألصعايدة أنتخبوك عمدة لما لافيتهم ألمدعوجة بت ألجديمة أللى أسمها عفروت بصلاط |
رد: فروت سلاط
ايه الحلاوه دي
|
رد: فروت سلاط
اقتباس:
يعني هوا قصده يقول...عفروط بصلات......عفروط جاية من معفرط....وبصلات جمع بصلة....بالمختصر المفيد اللي هوا عمله ده إسمه...بصلات معفرطة...وبالهناء والشفاء...هيا السلطة عندنا كده...خالص تحياتي واحترامي للجميع... |
رد: فروت سلاط
ضحكتنى يا استاذنا و كل سنة وحضرتك طيب بس العفرط بصلات دى هتكون مناسبة جدا مع الفتة و اللحمة هههههههه
|
رد: فروت سلاط
أخي العزيز الأستاذ القناص2010...يا رب دائما مبسوط وسعيد وبتضحك وبالك مرتاح...لعلمك الخاص ما فيش حاجة تهضم الفتة باللحمة الضاني والمستوية بلية الخروف غير العفروط بصلات...وعن تجربة...دي وصفة أستاذ...خالص تحياتي واحترامي للجميع...
|
رد: فروت سلاط
الله ينور ياوجدان ..... انا من عشاقها ..... بجد (فاروق صلاح ) طبق جميل ..... تحياتى .
|
رد: فروت سلاط
أخي العزيز الأستاذ أحمد روك...واحشني فينك من زمان...كل سنة وانت طيب...يا أخي العزيز السلطة إسمها...عفروط بصلات...ايه بقي صلاح إبراهيم ولا فاروق صلاح دي...ما فيش سلطة في الدنيا إسمها كده...أرجوكم إحفظوا الإسم صح...وبلاش تحريف...منعا للمساءلة القانونية...وحفاظا لحق النشر...خالص تحياتي واحترامي للجميع...
|
رد: فروت سلاط
اقتباس:
|
رد: فروت سلاط
اقتباس:
ولا ايه ياعم متودناش ورا الشمس |
رد: فروت سلاط
اقتباس:
|
رد: فروت سلاط
اقتباس:
|
رد: فروت سلاط
اقتباس:
بس حضرتك شوقتني للاكل..... |
رد: فروت سلاط
اقتباس:
والله واحشنا |
رد: فروت سلاط
اقتباس:
حقيقي الفاكهة فيها فوائد كتيرة لكن عاداتنا الغذائية للاسف مفيهاش الاهتمام بالفواكة وبجد الموضوع ده هينفعني بعدين ... |
رد: فروت سلاط
ياسلام عليك يا وجدان باشا وعلى وصفك التفصيلى اللى فكرنى بالكابتن لطيف
وياريت كمان نحط شوية عنب بناتى ونغطيها بشوية كريمه لبانى او بولة ايس كريم و اوعى يامعلم |
رد: فروت سلاط
اقتباس:
|
رد: فروت سلاط
استـــــــــــــــــــــــــــــــــــــــــــــــ ـــــاذ وجدان يانجم فى العالى
فى قسم المطبخ منور ومبدع ومتالق وتفكيرك عالى |
رد: فروت سلاط
اقتباس:
واكتر حاجة عجباني فيك انك من الدراويش يعني ابن عمي (انا زملكاوي اوي اوي اوي) |
| الساعة الآن 02:20 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir