الصيد فى مصر - طلعة النمس الحويط وفرخ الغيط

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - طلعة النمس الحويط وفرخ الغيط (http://www.egyhunt.net/showthread.php?t=38710)

ابو مروان

13-03-15 11:33 PM

طلعة النمس الحويط وفرخ الغيط

5 مرفق

مساء الخير على احلى قناصين..........طبعا العنوان عشان التظبيط وبعدين نخش فى الغويط_هههههههههه_بعد صلاة العصر الجو كان حر قوى بس قولت القاعدة فى البيت مملة...اوعو حد يقول للحكومة_هههههههههه_اتصلت بابن خالتى وقولتلة فية طلعة فراخ غيط لانى بصراحة زهقان يمام......طلعنا بالنوريكا 73 والشنغهاى ...انا باديلة الشنغهاى يضرب بيها عشان ما يزهاقش بس لانها عايزة سوستة ومجموعة نيشان_ وهو فاكرها جبارة ....اوعو حد يقولة......المهم الفراخ كانت قليلة ورايح جاى على المصرف ما فيش حاجة قولت اقعد ادخن سيجارة فى الضل تحت شجرة وبابص الاقى فرخ غيط طاير وواقف على شجرة جازوارين .......انا اندهشت اول مرة اشوف فرخ الغيط واقف على شجرة عالية كدا وكان واقف جنب يمام ...... قولت اروحلة كان على بعد 30 متر ...ابص الاقى نمس طالع من البوص ...عشان كدا الفرخ طار ووقف على الشجرة فوق..... ضربت علية ..الحمد للة نزل من اول رشاية وبعد اخراجة من المصرف لقيتة واخدها هيد شوت......شوفتوا الارزاق النمس طلع الفرخ من البوص عشان اصتادة.........من لم يمت بالنمس مات بالمارس......الرش يعنى........المهم ربنا كرمنى النهاردة بجوز فراخ ويمامة بصراحة انا ما كنتش مركز اوى مع اليمام لان صيد الفراخ طلع جاااااااااامد........ انا عملت تموية على ماسورة البندقية........ولقيت فرش بيتلزق على تابلوة العربية زى الشبكة كدا كان باقى ....فكرت وعملتة على دبشك البندقية عشان العرق والزحلقة وشكلة طلع موش وحش ............بس يا ريت نصيحة من خبراء فراخ الغيط.....انا نضفتها زى الفراخ العادية بالظبط عايز اطبخها بقى.....اية الطريقة الحلوة ليها ......موش عايز اشويها_هههههههه......طولت عليكوا

مصطفى ابواسماعيل

13-03-16 12:03 PM

رد: طلعة النمس الحويط وفرخ الغيط

الله عليك يا قناص وعلى الصيد الجميل ده يابرنس وعملت ايه فى النمس اوعى تكون رميته والفراخ بتتسلخ وياريت تسلخها اول ما تصطادها وتنظفها من الداخل ولما تيجى تعملها تغسلها بالخل والملح والفلفل الاسود والليمون وتسيبها شوية _وبعدين تغسلها بالمية تانى وترجع تتبلها وتسلقها وتقطع عليها بصله كبيرة قطع صغيرة جدآ وبعد نصف ساعة ترمى شوربنها وتبلها تانى وتحطلها مية سخنة وبصلة (الطريقة دى لن تشعر بأى ظفارة فى اكلها ولا بنسبة واحد فى المية _ كأنك بتاكل بط بلدى _وممكن تدخلها الفرن بعدما تستوى وتحط عليها بصل ترنشات وتحطلها عصير طماطم وفلفل اخضر وملون وبابريكا وكارى وكركم وملح فلفل اسود وابقى ادعيلى

mohamed2010habib

13-03-16 01:26 PM

رد: طلعة النمس الحويط وفرخ الغيط

الله ينور عليك يا ابو مروان ...انا بستنى طلعاتك انت و عم مصطفى على احر من الجمر

القبطان المصرى 77

13-03-16 01:40 PM

رد: طلعة النمس الحويط وفرخ الغيط

هههههههههههههههههههههههه
الله عليك يابو مروان ياعسل
بس على فكره انا لو مكانك كنت سبت الفراخ واليمام وضربت النمس
وبالنسبه لطريقة طهى الفراخ
الاستاذ مصطفى ابو اسماعيل قال اللى فيه الفايده خلاص
هههههههههههههههههه

ابو مروان

13-03-16 02:34 PM

رد: طلعة النمس الحويط وفرخ الغيط

الاستاذ/مصطفى ابو اسماعيل ملك فراخ الغيط الف شكر على الوصفة والنمس دة ابن لذينة نمس بقى اول لما شافنى دخل جوة الغلة وفص ملح وداب.........الدكتور الخلوق...محمد حبيب ربنا يبارك فيك وانا لو لاقى صحبة حلوة اطلع مرتين فى الاسبوع بس الدنيا مشاغل واللى غاوى صيد باع البنادق من زمان.......مساء الفل يا قبطان...يا قناص المنتدى صاحب الطلعات المتوالية صاحب كل جديد الف شكر على مروركم الكريم ربنا يديم المحبة والمعروف

وليد سعد زغلول

13-03-16 02:55 PM

رد: طلعة النمس الحويط وفرخ الغيط

بسم الله ما شاء الله
الله ينور عليك يا أبو مروان قناص كبير وطلعة جميلة وبألف هنا وشفا

عـمـر

13-03-16 05:32 PM

رد: طلعة النمس الحويط وفرخ الغيط

تسلم ايدك يا ابومروان ... يا مجنن الفراخ والنمس والكروان ... وربنا يفتحها عليك كمان وكمان ...هههههههههه شوفت القافية جاي معاك تمام ..... طلعة جميلة ... وزي الدكتور محمد ما قلك طلعات استاذ مصطفى وطلعاتك ليها طعم تاني انا بسمي طلعاتك طلعات القناص الهادئ صراحة بتنجز وبكل هدووووء واتقان ...والف هنا وشفا وبعد وصفة الفراخ بتاع مصطفى بك مفيش كلام ... دمت في امان الله يا قناااااااااااااص .تقبل تحياتي.

مصطفى ابواسماعيل

13-03-16 05:47 PM

رد: طلعة النمس الحويط وفرخ الغيط

ما شاء الله عليكم بحبكم فى الله يا قناصين بلدنا

مصطفى ابواسماعيل

13-03-16 05:50 PM

رد: طلعة النمس الحويط وفرخ الغيط

اقتباس:

المشاركة الأصلية كتبت بواسطة mohamed2010habib (المشاركة 488215)

الله ينور عليك يا ابو مروان ...انا بستنى طلعاتك انت و عم مصطفى على احر من الجمر

اقتباس:

المشاركة الأصلية كتبت بواسطة القبطان المصرى22 (المشاركة 488219)

اقتباس:

المشاركة الأصلية كتبت بواسطة ابو مروان (المشاركة 488232)

اقتباس:

المشاركة الأصلية كتبت بواسطة عـمـر (المشاركة 488280)

اخجلتم تواضعنا بحبكم فى الله وانتم ماشاء الله عليكم اساتذة

ابو مروان

13-03-16 10:37 PM

رد: طلعة النمس الحويط وفرخ الغيط

استاز وليد سعد نورت الموضوع وزدتنى شرف بتعليقك علية ربنا يبارك فيك.......استاز عمر انت شكلك موهوب فى التاليف بردة_هههههههههه........نورت الموضوع وربنا يكرمك وتلاقى بندقية كويسة ونصيحة من اخوك هات حاجة متوسطة القوة.......سيبك من كلام المدافع والهاى باور البندقية المتوسطة حلوة وكفيلة بانواع الطيور الموجودة فى مصر

هشام سمير

13-03-16 11:24 PM

رد: طلعة النمس الحويط وفرخ الغيط

حبيبى يا ابو مروان
بتعجبنى افيهاتك فى تسمية المواضيع برنس يا كبير
على فكره اكيد الحكومه عرفت اللى كتبنه :) خد بالك بقا
كلياااااااااااار تحيه لمترنا الجبار

ابو مروان

13-03-16 11:42 PM

رد: طلعة النمس الحويط وفرخ الغيط

هههههههههههه_كله بيقول اشعار..........مساء الانوار على الاستاز هشام سمير القناص (اوبن ومنظار) ربنا يستر مع الحكومة..........كان زمان مؤلفين الكتب لازم يختاروا اسماء للكتاب يكون فية سجع وشعر كدا عشان الناس تشترية وتقراة............نورت الموضوع يا برنس

MBadr

13-03-17 10:24 AM

رد: طلعة النمس الحويط وفرخ الغيط

ما شاء الله طلعه موفقه يا ابو مروان تسلم ايدك وبالف هنا وشفا

hogan

13-03-17 11:23 AM

رد: طلعة النمس الحويط وفرخ الغيط

ماشاء الله تسلم ايديك

عادل عبده

13-03-17 12:12 PM

رد: طلعة النمس الحويط وفرخ الغيط

الله ينور يابو مروان ياجامد جدا تنيين

ابو مروان

13-03-17 03:31 PM

رد: طلعة النمس الحويط وفرخ الغيط

استاز محمد بدر............استاز هوجان...........استاذ عادل عبدة...شرفنى واسعدنى مروركم الكريم ربنا يديم المحبة والمعروف ويكرمكم ويباركلكم

aymank2

13-03-22 07:44 AM

رد: طلعة النمس الحويط وفرخ الغيط

ماشاء الله عليك يا ابو مروان صياد كبير.

coyote160

13-03-22 02:19 PM

رد: طلعة النمس الحويط وفرخ الغيط

الله ينور يا قناص نشان ممتاز وسرد رائع وطلعه موفقة والف هنا ومش هنقلهم حاجة سرك في بير هههههههههههه

احمدفتحىمحمد

13-03-22 04:01 PM

رد: طلعة النمس الحويط وفرخ الغيط

طلعة موفة والف هنا وشفا

ابو مروان

13-03-23 12:17 AM

رد: طلعة النمس الحويط وفرخ الغيط

coyote16_الف شكر لمرورك الكريم............نورت الموضوع

بكر سعودى

15-03-04 02:45 PM

رد: طلعة النمس الحويط وفرخ الغيط

بسم الله ما شاء الله

الساعة الآن 02:26 PM