الصيد فى مصر - بعد غياب شهرين ,,, طلعة ليلية جميلة

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - بعد غياب شهرين ,,, طلعة ليلية جميلة (http://www.egyhunt.net/showthread.php?t=38859)

بعد غياب شهرين ,,, طلعة ليلية جميلة

السلام عليكم ورحمه الله وبركاته

أصدقائى واحبائى واخوانى ف المنتدى ( وحشتونى ووحشنى الصيد جدا :) ) :lov:

زى مانتو عارفين ( يارب تكونوا لسه فاكرينى ) بقالى زى شهرين ف الجيش تقريب بيعملونا مخلل :rir::lf::punnch:
المهم الحمد لله اخدت اجازة 3 ايااااااااااام بحالهم وراجع النهارده تانى بعد العصر :omlt:

وعايز اطمنكم ان الحمد لله ربنا كرمنى والحقت بسلاح كويس وان شاء الله هرتاح فيه وكمان قريب من البيت مش بعيد اوى

بعد اشتياق وشوق للصيد طلعت امبارح طلعة ليلية مع اخويا ( احمد ) وصديقى وابن عمى المهندس ( عبداللطيف ) واخدنا معانا العدة بتاعت كل مرة ( سكينة + كشاف + عود صيد + شلب )

وعود الصيد عشان اما حاجة بتقع ف الميه بفرده وبركب فيه الشلب واجيبها بيه

انطلقنا الساعة 8.30 وربنا كرمنا من ع اول شجرة بفردين يمام وبفضل الله كل واحد كانت بتاخد رشة واحدة وبتقع واسمرت الرحلة حوالى ساعتين وكانت الحصيلة 5 فرد يمام وفرخة مياه كانت فرحتى بيها كبيرة لان تقريبا اول مرة اصطادها بالسهولة دى ( ضربتها رشتين فوقفت ف مكانها قومت مناولها التالتة والرابعة لحد ما خلصت وبعدين جبتها بالشلب )

وبكده كانت الحصيلة 5 فرد يمام + فرد كنت ضربته يومها العصر وانا قاعد مع واحد صاحبى ف الارض بتاعته بنشرب شاى وكانت الاصابة ف رقبة الفرد لدرجة ان الرشة تقريبا دبحته وده بالاضافة لفرخة المياه دى
بالاضافة ل حوالى 3 فرد ترييش وخطا ف الاصابة
كانت الرحلة جميلة والجو ساقعة شويه بس رائع والصيد كان محليه

( ولو لاحظتو هتلاقونى ثابت عند رقمى القياسى برضو بتاع اخر مرة (7) :galc::comm:

بالنسبة للصور ( معلش الريدر مش راضى يقرا مش عارف ليه )

صح قبل ما انسا ( ربنا كرمنى الطلعة دى بفضله ف الاول ومن ثم تعديل عملته ف البندقية هوا غريب حبتين تلت حبات كده بس جامد والنتيجة بتاعته رااااااااااااااائعة لدرجة ان قوة البندقية زادت جدا لدرجة ان الرشة كانت بتخترق اليمامة تدخل من ناحية وتطلع من التانية ع عكس المرات ال فاتت )

ان شاءا لله الاجازة الجاية هحكيلكم بالتفصيل عن التعديل الغريب ده وهحط صور اكتر بس معلش المرة دى انا بكتب دلوقت وانا بسابق الزمان عشان ورايا ميت حاجة لازم اعملها عشان هسافر الجيش تانى ان شاءا لله العصر وقولت لازم قبل ما امشى احكيلكم ع الطلعة الصغننة دى وعشان ما تنسونيش

لا تنسونى من صالح دعائكم :)