كيفية التغلب على الخوف والتردد
 

السلام عليكم
انا هاتكلم بالبلدى كده والعامية علشان اكون اكثر وضوح وانا باعمل الموضوع ده علشان اخ عزيز طلبه
اولا انا قلت ياجماعة عايزين نعمل ندوات و دورات لتعليم الدفاع عن النفس وانا وغيرى تحت امركم ونتبادل خبرات
ادخل فى الموضوع
بما ان اغلبنا مسالمين فمش من السهل يواجه شخص متمرس على الاذى والبلطجة وهايكون متردد وهو بيضربه
فلازم فى البداية تاهيل نفسى لكده وباقول اولا كما قال الرسول صلى الله عليه وسلم
من مات دون نفسه فهو شهيد ومن مات دون اهله فهو شهيد ومن مات دون عرضه فهو شهيد
اذا فلو مات فهو شهيد ولو عاش فهو بطل .

ثانيا يجب التعود على توجيه ضربات سريعة محكمة دون التوقف ولو للحظة لان المعتدى ينتظر لحظة سكونك ليبدأ هجومك

عم السماح لاى شخص غريب الاقتراب من مسافة اكثر من متر

نوع السلاح الذى تستعمله هو مايحدد كفائة المعركة
وهاذكر بعض الاسلحة المبتكرة والفعالة
1- الامريكان استيك.
2- ممكن تجيب متر جنزير صغير وفيه شنكل وتلفه على الحزام ووقت الخطر تقدر تطلعه.
3- حبل رفيح حرير قوى ومعلق فى نهايته ثقل حاد.
4-الحزام بتاعك وده انا هاعملكم فيديو اشرح انك ازاى تستعمله فى الدفاعن النفس.
5- استغلال الفرص وفن المراوغة والهروب بعد توجيهك الضربات المطلوبة وده مش عيب.
اثناء المواجهة
لو شخص واحد ممسك بسلاح ابيض يبقى ماتقربش والمواجهة تكون من بعيد وانا شرحت ازاى تواجهه بالستيك فى فيديو فات.
لو اكثر من شخص لازم ماتخليهمش يعملوا حواليك دائرة وتخرج منها لو عملوها وتضرب واحد وانت باصص للتانى والسلالاح الامثل وقتها هو الجنزير والضرب بيه فى دوائر مغلقة متاتلية وسريعة
اتمنى اكون افدتكم
واسألتكم هاتوضح كلامى اكثر
فى انتظار اسألتكم؟

رد: كيفية التغلب على الخوف والتردد
 

الللللللله عليك و الاجمل انك بالرغم من كسل الناس و عدم استكمال التجمع لاى تدريبات اصريت انك تدينا المعلومة و انا اول واحد نفسى اجى اتعلم حتى لو فى كسفريت
تسلم ايديك

رد: كيفية التغلب على الخوف والتردد
 

ربنا يخليك الواحد ماينفعش يكون عنده علم ويحتكره

رد: كيفية التغلب على الخوف والتردد
 

معلومات هايله نتمني المزيد

رد: كيفية التغلب على الخوف والتردد
 

تسلم يا كابتن ربنا يخليك لينا يارب . جزيت خيرا

رد: كيفية التغلب على الخوف والتردد
 

تسلم ايدك يا كابتن محمود وجعله فى ميزان حسناتك

رد: كيفية التغلب على الخوف والتردد
 

شكرا ربنا يخليكم انا مابعملش غير الواجب عليا
بس اتمنى نفتح موضوع نقاش علشان نتعرف على نقط الضعف ونتغلب عليها

رد: كيفية التغلب على الخوف والتردد
 

شكرا لفتح باب النقاش يا كابتن .. هي المشكله من وجهه نظري ان الواحد اول لما بيحس بانه معرض لخطر ما او مثلا ماشي ف شارع و بدا يحس ان في حد هيعتدي عليه علطول بتجيلوا حاله من الرهبه او الخوف و دي بيتجي لكل الناس ف الشخص بيحاول اولا و اخيرا يفكر يهرب ازاي و دي مشكله لان اللي هيواجهه مش هيسيبه بالتالي ماينفعش نفكر ف الهرب لابد من المواجهه ف عوضا عن التفكير ف الرهبه لازم انه يستحضر شجاعته و ثقته ف نفسه و يفكر ازاي هيتعامل سواء معاه سلاح او لا او بالايدي او لا ..

شيء تاني .. ان الحاله - الرهبه و الخوف و التردد - بتحصل ف وقت قليل اوووي دقائق معدوده ف الفرد ما بيلحقش يهيأ نفسه او يستعد لان دي دقايق معدوده و بتمر بسرعه ف فجاه بيلاقي نفسه واقع بين ايد البلطجي و مش قادر يتصرف ولو اتصرف بتلاقي ضربات عشوائيه مالهاش اتجاه محدد بالتالي لا تؤثر و ممكن يصيب حد من الماره او يصيب نفسه لو معاه سلاح ناري ..

ف ازاي ف دقايق الواحد يحول نفسه من الاحساس بالخوف و رغبه الهرب الي الاحساس بالثقه و الاقبال عالمواجهه

رد: كيفية التغلب على الخوف والتردد
 

و مشكلتين تانيين هما اية بقى اول حاجة الهجوم بسلاح زى الفرد و التانية الهجوم بعدد اكتر من واحد يعنى تلاقى ٢او٣ او اكتر عليك وشكرا جدا ليك

رد: كيفية التغلب على الخوف والتردد
 

السلام عليكم
اولا ممكن تضرب نفسك قلم جامد
ثانيا خير وسيلة للدفاع الهجوم فبادر بلهجوم
وانا باءزن الله هاعمل فيديوهات علمك ازاى تضرب اكثر من شخص فى وقت واحد

رد: كيفية التغلب على الخوف والتردد
 

تسلم ايدك يا كابتن و شكرا علي الافاده

رد: كيفية التغلب على الخوف والتردد
 

الله ينور يا كابتن و الله حضرتك تستاهل كل خير لانك بتساعد غيرك علي حماية انفسهم


في رأيي ان الخوف الاساسي بيبقا من السلاح الابيض ... اي واحد بيفهم حيبقي مش خايف علي روحه لانه لو مات نحتسبه شهيد ان شاء الله ... ولكن اسوأ حاجه في السلاح الابيض ان اللي بيضرب بيه بيعور انسان محترم و متعلم في وشه و علي رأي المثل ( الضرب في الوش مفيهوش معلش ) و طبعا اللي الواحد بيفكر فيه ساعتها حشتغل ايه و حتجوز ازاي و كمان كل حبه ظابط يوقفني و يفتشني وقله قيمة كل ده بسبب ان واحد قرر يدافع عن نفسه ... ان جات علي الموت فالموت اسهل من الاصابه او العاهه ربنا يحمينا و يحميكم يا رب

شكرا لحضرتك يا بشمهندس :)

رد: كيفية التغلب على الخوف والتردد
 

اية حكاية تضرب نفسك بالقلم دى

رد: كيفية التغلب على الخوف والتردد
 

كلامك مظبوط بس لازم ندافع عن نفسنا ماينفعش نقف مكتوفين الايدى وفى شخص بيعتدى علينا وبالعقل والحيلة نقدر ننتصر

ام عن موضوع القلم ده فلما يكون فى لاعب متردد وخايف قبل الماتش بنضربه قلمين علشان ينسى خوفه ويتشجع اكتر
تحياتى

رد: كيفية التغلب على الخوف والتردد
 

حلوة فكرة اضرب نفسي بالقلم فكرة بردوا حاضر هضرب نفسى بالقلم