امكانية تعديل للنوريكا ؟؟؟
 

السلام عليكم .......
عايز حد يفيدني في امكانية تغيير سوستة نوريكا 56 بسوستة نوريكا جيت او اي حاجة اقوى وسعرها هيبقى في حدود كام ....وكمان البندقية بتاعتي فرجن f يعني مش قوية خالص وقريت في موضوع عن الفرجن f بتاع الاستاذ محمد أنور ..ان البنادق الاسباني بيعملو فيها ثقب في البستم عشان متجمعش هوا كتير ...كنت عايز اعرف هل النوريكا 56 تبع الموضوع ده ولو اه ايه امكانية سد الثفب ده وفين ....


وشكرا...

رد: امكانية تعديل للنوريكا ؟؟؟
 

الأستاذ الفاضل النوريكا 56 لا تحتاج أن تخضع للفرجن f لأنها بطبيعة الحال ضعيفة نسبيا فسرعتها لا تتعدى 150 م/ث تقريبا أما بالنسبة لموضوع تغير سوستة 56 بالجيت فهذا مرفوض تماما لعدة أسباب سوستة 56 نصف طول و عدد حلقات الجيت فسوسة الجيت 44 حلقة و بالتالى لن تستطيع وضع السوستة لقصر قميص النوريكا 56 و هناك خطورة أيضا على البندقية أذا فرضنا جدلا وضع سوستة قوية جدا فقد يتسبب ذاللك بكسر لينك التعمير و قد يؤثر أيضا على مجموعة الزناد
وبالتالى لا تحاول تغير السوستة ألا بسوستة أصلية أو سوسته تكون نفس عدد الحلقات والطول
و تأكد أن سوستتها الاصلية هى الافضل فى كل الاحوال

رد: امكانية تعديل للنوريكا ؟؟؟
 

السلام عليكم بيزك النوريكا 56 متلعبش فيها واذا مش عجباك ممكن ابدلها معاك ب الجامو 900 اشد منها 180م/ت بص عليها ف سوق المنتدى.

رد: امكانية تعديل للنوريكا ؟؟؟
 

العضو المحترم
اولا جميع البندق النوركا في مصر مكتوب علي الماسورة f و56 بندقية ضعيفة وسرعتها محدودة جدا ولا يمكن تعديل سوستها بالجت

رد: امكانية تعديل للنوريكا ؟؟؟
 

أنا شاكر ليكم ردكم كلكم يا جماعه ..... بس أنا كنت متصور ان فيه امكانية ان أنا أغير سوستة للبندقية دي .......عشان تبقئ أقوى ..
لأن في ناس يتصطاد غربان ويمام بالبندقية الصيني ال b3-2 على بعد 50 متر تقريبا وسرعة البندقية لا تتعدى ال 128 متر /ث ... أنا بقى بضرب بالبندقية في ازازة ميه.. الرشة مرضتش تدخل إلا على بعد.3 متر وكمان مخرجتش من الناحية التانية وكمان وأنا بصطاد كل 3 أو 4 عصافير الاقي فيهم واحدة لسة صاحية والرشة بتكون جايلها عند الرقبة .....
أعذروني يا جماعة أنا جديد في الهواية وخبرتي زيرو وحكمي على الأمور بيبقى سطحي نسبيا من خلال رؤيتي الضيقة ..........

ومعلش ليا استفسار من العمدة جلال خليفة
ليه كل البنادق النوريكا عليها حرف F في حين انها مش خاضعة للنظام ده .......

واحمد العناني باشا ......معلش أنا مش لاقي الموضوع اللي بتقولي عليه يا ريت لو لينك ليه .....
وشكرا

رد: امكانية تعديل للنوريكا ؟؟؟
 

الموضوع موجود بأسم الانيقة جامو 900 ف سوق المنتدى

رد: امكانية تعديل للنوريكا ؟؟؟
 

واحمد باشا ......نرجع تاني لمربط الفرس اللي هو امكانياتي اخرها كده للأسف كان بودي بس العين بصيرة والايد مقطوعة .. D:

وشكرا

رد: امكانية تعديل للنوريكا ؟؟؟
 

لا متقاش كدة انت قول بس عاوزها واجبهالك لحد عندك وميهمكش حاجة خالص واللة بتكام جد

رد: امكانية تعديل للنوريكا ؟؟؟
 

أخى العزيز أنا كان عندى نوريكا 61 وهى ماتفرقش كتير عن 56 الفرق 15 متر/ث
Norica 56 4.5&5.5 length 954 weight 2.3kg speed 165m/s
Norica 61&90 4.5&5.5 length 1030 weight 2.5kg speed 180m/s
البنادق دى فيها جلبه زفره وبتحتاج تغير مستمر.
جرب عمليه شفط الهواء من الماسوره علشان تعرف اذا كان فى تسريب هواء ولا لأ.
انا متأكد أن فى مشكله عندك فى البندقية لأنى كنت بأضرب على 8 كنزات فاضيه من بعد 15 متر وكانت بتعدى فيهم كلهم.
لو فى تسرب هواء عندك مشكله فى الجلبه الداخليه أو الأولسيل الموجود حول مكان وضع الرشه.
تغيير الأولسيل سهل ورخيص حوالى 50 قرش وجرب تانى شفط الهواء لو التسريب لسه موجود كده تأكيد أن المشكله فى الجلبه الداخليه وده محتاج حل البندقيه للتغيير.

رد: امكانية تعديل للنوريكا ؟؟؟
 

ربنا يخليك يا باشا و صادق والله ......

رد: امكانية تعديل للنوريكا ؟؟؟
 

البندقية مفهاش مشكلة بس المشكلة فى شحم البندقية انا دلوقتى فى نفس المشكلة الزيت بتاع البندقية بيكون اتبخر فبيخلى البندقية ضعيفة جدا جدا

رد: امكانية تعديل للنوريكا ؟؟؟
 

أخي العزيز الأستاذ محمود المصري...الزيت أو الشحم أساسا لتليين وتقليل إحتكاك الأجزاء المعدنية في البندقية...وليس من المفروض أن تكون البندقية غرقانة زيت...فهذا يؤدي إلي نتيجة عكسية وإنزلاق الرشة داخل الماسورة وعدم الإستفادة من الششخنة وبالتالي عدم دوران الرشة أثناء خروجها والذي يفقدها كثير من قوتها وتحديد الهدف...المسئول الرئيس الذي يجعل البندقية ضعيفة وغير قوية...إما أن السوستة ضعيفة أو ضعفت وفقدت قوتها من كثرة الإستعمال أو من سوء الإستعمال لتركها أو لحفظها ولفترات طويلة وهي في حالة التعمير دون تفريغها وإعادتها للوضع العادي قبل التعمير وفي هذه الحالة تحتاج للتغيير بسوستة جديدة وأصلية أو أن هناك تنفيس بسبب الجلبة الداخلية للبستم أو بيت الرشة وتحتاج لتغيير أو إستبدال...طبعا يستحسن أن يراها فني متخصص لتحديد سبب الضعف أو لمجرد الصيانة العادية...خالص تحياتي واحترامي للجميع...

رد: امكانية تعديل للنوريكا ؟؟؟
 

السلام عليكم ......
أنا شاكر جدا لردكم ....استاذ محمود و استاذ جلجل ......
بس أنا ما اظنش ان المشكلة من الشحم أو إلزيت لأني شاريها من واحد مستخدمهاش غير للتجربة ...... يعني البندقية جديدة يعني الشحم والزيت ملحقش يتبخر أو يفقد لزوجته.

بس هل الجلبة ممكن تكون مش كويسة ......وهل هية زفرة ولا فايبر في النوريكا 56 وهل في مجال لتغييرها لفيبر إذا كانت زفرة ........
وشكرا...

رد: امكانية تعديل للنوريكا ؟؟؟
 

يا جماعة المشكلة دى حصلت معايا انا لسة شارى بندقية نوريكا 56 من عند فتح اللة مع اول كام رشة كانت جبارة جدا وكانت بطلع دخان نتيجة لاحتراق الزيت وبعد كدة كنت بضرب بيها كانت الرشة بتخرج ضعيفة جدا جدا ومبطلعش الدخان وصوتها ضعف ففكيت الدبشك بتعها وعمرتها سمعت صوت سرسعة ودة نتيجة لاحتكاك كوتشة البستم فى سلندر البندقية وبعدين بصيت عليها من الشق الى بتبقى السوستة بينة منة مفيهاش اى نقطة زيت على السوستة او البستم وطبعا انا مش عارف افكها عشان احطلها شحم بس كان عندى زيت مكن جيبت حقنة وحطيت بيها وجربتها رجعت زى مكانت تانى واقوى كمان وبناء على ذلك استنتجت انها مشكلة التشحيم .والى حصل دا نتيجة لان البنادق عند فتح اللة متخزنة من سنين فالزيت بيكون باظ او اتسرب من البندقية.فبالتالى حركة البستم بتكون صعبة داخل السلندر والاحتكاك اقوى فبالتالى الرشة بتطلع ضعيفة (مع احترامى للاستاذ جلال )ودى كانت وجهة نظر وكلام الاستاذ جلال على دماغى من فوق

رد: امكانية تعديل للنوريكا ؟؟؟
 

كوتشة 56فيبر

رد: امكانية تعديل للنوريكا ؟؟؟
 

بخصوص موضوع انها جديدة للأسف إن معظم تجار السلاح يقوموا بتخزين الأسلحلة لمدة طويلة جدا لأسباب وهى احتكار السوق فى الاوقات التى لا توجد بها نفس الموديلات فى الاسواق وايضا لزيادة سعرها فى السوق نتيجة مرور وقت طويل يوم شرائها وفى مصر كل يوم زيادة فى الاسعار ومن هنا تبدأ المشكلة الفترات الطويلة التى تمر على تخزين البنادق تتسبب سلبا على مكونات البندقية وخصوصا على 1-السوستة 2-الجلبة وخصوصا الجلبة الفيبر اكثر تضررا من الجلبة الزفرة 3-الزيت يتحول زيت السلاح مع الزمن الى مادة تأكل الحديد وتسبب الصدأ عندما تتبخر مكوناته مع الزمن فأنا متوقع ان السوستة انكسرت نتيجة التخزين ملحوظة بستم النوريكا 56 ليس به ثقب ولا يسرب هواء الا فى حالة تهتك الجلبة الزفرة .

رد: امكانية تعديل للنوريكا ؟؟؟
 

سؤال : مش الجلبة بتاعت النوريكا 56 فايبر ؟؟؟

رد: امكانية تعديل للنوريكا ؟؟؟
 

لي رأي
ترك الشيء ايا كان سواء اكان بندقية او غيره علي وضعه (الوضع الذي خرجت به البندقية من المصنع ) هو الأمثل

رد: امكانية تعديل للنوريكا ؟؟؟
 

استاذ اسامه
أنا اتفق معاك فى عدم التعديل خاصة لزيادة السرعة ( مثل تغيير السوستة بأخرى أقوى ).
ماعدا البندقية الكرال أنصح الجميع بتنظيف البندقية من الداخل لوجود كمية كبيرة من الرايش وتغيير السوستة التركى بسوستة جامو 35 حلقة. وللعلم تغيير السوستة فى الكرال لن يزيد من قوة او سرعة البندقية ولكن البندقية حتكون سلسة ومضبوطه جدا. مع العلم أن السوستة التركى بتتكسر على طول.
تحياتى

رد: امكانية تعديل للنوريكا ؟؟؟
 

طيب ماهو المشكلة لو في عدد الحلقات يبقى ممكن تغيير سوستة ال 56 بسوستة اخرى لها نفس عدد الحلقات ويكون خامتها أقوى وبالتالي بندقيه أقوى ..أو بتقصير أي سوستة لها نفس القطر ليناسب عدد حلقات سوستة النوريكا 56 لتوليد قوة أكبر .... يا ريت أعرف رأيكم ؟

رد: امكانية تعديل للنوريكا ؟؟؟
 

استاذ basic
سوستة كل بندقية المقياس فيها مش عدد الحلقات فقط.
بجانب عدد الحلقات يجب الأخذ فى الأعتبار الأشياء التالية:
قطر السوستة الخارجى
قطر السوستة الداخلى
سمك حديد السوستة وهو يساوى القطر الخارجى - القطر الداخلى وتقسم الناتج على 2 .
طول السوستة
ثم يأتى عدد الحلقات.
لو حضرتك شوفت أى سوستة اصلى حتلاقى أن طرفى السوستة ( الحلقة الأولى والحلقة الأخيرة ) مسطحين وتقريبا الحلقة شبه مغلقة وده علشان السوستة تبقى قاعدة فى نهاية البندقية على الدليل وداخل البستم بطريقة صحيحة ومستقيمة.
فى حالة قطع السوستة بتفقد هذه الأستقامة فى أحد الأطراف. وده حيخلى السوستة متركبة مستريحة فى ناحية وفى الناحية الأخرى على زاوية.

وجهة نظرى الشخصية أن كل بندقية مصنعة من المصنع بحسابات ومواصفات معينة والتغيير فى هذه المواصفات قد يأتى بنتائج سلبية ( على طريق المثال لو غيرت أو قصرت سوستة السيارة ده بيعطى ثبات أكتر فى السيارة ولكن بالبلدى بيخلى عفشة العربية ناشفة وبتحس بالمطبات أكتر مما يؤثر فى حالة عفشة السيارة كلها بالسلب).

حضرتك عارف أن من أدق البنادق الهوائية ذات السوست فى النيشان هى مايتراوح سرعتها من 165 متر/ث الى 195 متر/ث. بدليل أن من أدق البنادق الهوائة هى البنادق السلافيا التشيكية والتل المجرى شوف حضرتك سرعتهم حتلاقيها فى حدود 170 متر/ث.

أسف للأطالة بس حبيت أوضح وجهة نظرى ومحاولة الرد على حضرتك بوضوح.
تحياتى

رد: امكانية تعديل للنوريكا ؟؟؟
 

.............

رد: امكانية تعديل للنوريكا ؟؟؟
 

انا مع الاستاذ عادل في كل كلمة قالها
بس لي تعقيب المفروض سمك السوسسته يكون القطر الخارجي ناقص القطر الدخلي فقط
ليه نقسم الناتج علي اتنين ؟

رد: امكانية تعديل للنوريكا ؟؟؟
 

لأن اثناء قياسك للقطر الخارجى ده بيشمل سمك السوسته مرتين (مرة من كل جانب).