|
وكمان 6 كيلو سمك ويوم زوحل ههههههه
صباح الفل
زى ما بشرتكم الأسبوع اللى فات ببشركم تانى الأسبوع دة الحمد لله خرجت انا وواحد جارى يوم الجمعة وعملنا جولة على ادوار الصف بس المرة دى بعدها بحوالى 3 او اربعة كيلو عشان الدور اللى فات ماشتغلش معانا وربنا وفقنا وكرمنى ب 6 كيلو سمك وتلات سمكات وجارى ب 2.5 ودا كان تقديرة لحصيلتة انا ماشوفتهاش عشان كنا قاعدين بعيد عن بعض لكن حصيلتى اتوزنت فى البيت والطعم ريم طبعا وسن 10 والخيط اساسى 30 وترميل 25 بس كان يوم زوحل ههههههه اولا اتتزحلقت على جرف الترعة واطينت هههههههه ودى اول مرة اتزحلق فى ترعة بس الحمد لله لحقت نفسى بالعافية وتانى حاجة فرامل الماكنة اللى شغال بيها باظت قومت مارضتش اغير بالماكنة الأستبن اللى فى الشنطة وقومت فاتح الفايبر التانى وشغال يادوبك سعاة كدة ولقيت الخيط بيتلم بصعوبة قولت يمكن لافف على اللبلوب ببص لقيت اللبلوب مشقوق نصين تخيلوا هههههههه يوم زوحل قومت مطلع من معايا بكرة السلوتب ولافف علية كلة وقضيت اليوم والساعة خمسة قومنا مروحين ويوم السبت عديت اشتريت لبلوب وكنت فكيت المكنة لقيت الفرامل وهى انتمونيا مكسرة اربع حتت دورت عليها فى محل لقيت ترس يشبهلها خدتة ومسكتة بالصاروخ والمبارد والمنجلة والمنشار لما بقا تمام المفاجئة ان ترسة بيلف عكس هههههههههههه يعنى يفرمل للم ويلف الماكينة فى اتجاة سحب الخيط قومت عاكس الترس وحاطة بالعكس وظابط طولة واشتغل تمام الحمد لله طبعا دى اول مكنة اشتريتها فى حياتى وبينى وبينها عشرة كبيرة جد وبصراحة تعز عليا والحمد لله وكل عام وانتم بخير ودى الحصيلة وفيها السمكة الكبيرة شوية دى ووزنها 450 جرام http://img27.imageshack.us/img27/9869/29032013900.jpg Uploaded with ImageShack.us http://img59.imageshack.us/img59/7994/29032013901.jpg Uploaded with ImageShack.us |
رد: وكمان 6 كيلو سمك ويوم زوحل ههههههه
مرررررررررررررعب ياطارق بك والله سواء لليمام او للسمك او حتى الصقور
ههههههههههههههههههههه تسلم ايدك وبعدين ده انت حصل معاك شويه مواقف فى الطلعه دى بس تكفيك سنه لقدام ياراجل ههههههههههههههههههههه |
رد: وكمان 6 كيلو سمك ويوم زوحل ههههههه
بسم الله ماشاء الله ....................بالهنا والشفا
|
رد: وكمان 6 كيلو سمك ويوم زوحل ههههههه
بسم الله ما شاء الله
عبالنا كده يا رب |
رد: وكمان 6 كيلو سمك ويوم زوحل ههههههه
ههههههههههههههههههههه صياد كبير يا طارق باشا واكيد الطلعه ديه مش هتروح من الذاكره بسبب المواقف الجميله الى فيها.
|
رد: وكمان 6 كيلو سمك ويوم زوحل ههههههه
الله ينور يا طارق علطيد الجبااار دة
بس انا كمان اتزحلقت حتت زحلقة قبل كدة وانا بصطاد سمك في راس البر المهم كنت واقف اصطاد من الظهر لغاية اما الدنيا ليلت كان اليوم دة في سمك كتير بياكل عشان كدة اتاخرت المهم وانا بلم حاجتي قمت هوووووب متزحلق من على المنحدر ولاقيت نفسي في النيل ههههههههههههههههههههههههههههههههههه وكل الزحلقة كانت على ظهري وبعد اما الناس جت شالتني من نص الميه ههههههه كان ظهري اتكسر وريحت هدومي باقت ريحة نتانة غير طبيعية بسبب الخضار الي انا وقعت عليه وقعدت شوية وروحت بالعافية ههههه بس كان يوم جامد بالتوفيق.......................................... . |
رد: وكمان 6 كيلو سمك ويوم زوحل ههههههه
اقتباس:
الله يخليك يا قبطان انت سيد العارفين ان الواحد دايما بيخطط لأى وقت فاضى يطلع فية اى حتة سواء برى او بحرى او نهرى المهم يشبع غريزة الصياد اللى جواة والمواقف الوحشة او الحلوة موجودة دايما وساعات بتزيد وساات بتقل لكن بجد لو جربت متعة الريم مش هتسلاة تحياتى يا قناص اسكندرية |
رد: وكمان 6 كيلو سمك ويوم زوحل ههههههه
اقتباس:
|
رد: وكمان 6 كيلو سمك ويوم زوحل ههههههه
اقتباس:
وعقبالك يا باشا كل حاجة جميلة بس خلى بالك كلة بالجهد والمثابرة يعنى مثلا انا اول 6 شهور فى الصيد كنت صياد شررررررر عارفة يا ولا الشرررررر ههههههههههههه كل صياد فى بداية صيدة بيقابلة لكن بعد 6 شهور شررررر بالمثابرة والكفاح لازمت صياد عجوز توسمت فية انة صياد قرارى والحمد لله اتعلمت منة كتير ولسة بتعلم ربنا يديلة الصحة عاوز تبقا صياد نيل كويس تلازملك صياد عجوز ويكون شاطر مش اقل من سنتين وكل جمعة تخرج تصطاد معاة واوعدك تبقى صياد مية مية تحياتى يا قناص |
رد: وكمان 6 كيلو سمك ويوم زوحل ههههههه
اقتباس:
حبيبى انضم لقائمة المتزحلقين هههههههههههه انا كمان اتزحلقت على ضهرى المفروض نعمل حلقة علاجية وكلنا نقول انا كمان اتزحلقت على ضهرى هههههههههه وان اللى ماتزحلقش على ضهرة فى مية النيل ماهوش صياد اصيل ههههههههههههه والله يا عم بقت رجليا فى المية وانا بزق بيها لفوقوغارز ايديا فى الطين عشان مانزلش اكتر وخصوصا ان الترعة دة منحدرة بزاوية اكبر من 45ممكن تكون 60 وطبعا ضهرى غرق طين وماعملتش اى حاجة قولت اخر النهار هينشف ويتفرك وهروح بالليل والليل ستار ههههههههههه المشكلة الكبيرة اللى تضحك اوى ان كان عندنا عزا فى الشارع وماكنتش عزيت واضطريت اقف اعزى الناس وانا مديهم وشى طبعا واستأذنت انى اطلع عشان جاى من سفر ههههههههههههه وطبعا كنت بحاول ماديش ضهرى لحد ههههههههههه تحياتى يا شريك الزحلقة هههههههه |
رد: وكمان 6 كيلو سمك ويوم زوحل ههههههه
اقتباس:
اكيد طبعا مش هتروح من بالى بس هتروح بالغسيل هههههههههههههههه اتمنالك كل خير يا معلم خالص تحياتى |
رد: وكمان 6 كيلو سمك ويوم زوحل ههههههه
بسم الله ما شاء الله . ربنا يزيد و يبارك
|
رد: وكمان 6 كيلو سمك ويوم زوحل ههههههه
اقتباس:
|
رد: وكمان 6 كيلو سمك ويوم زوحل ههههههه
اه الجمال ده يا عمنا
|
| الساعة الآن 06:46 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir