|
الحلال مابيضعش
2 مرفق
السلام عليكم
اخواتى فى المنتدى انا حصل معايا امبارح موضوع غريب وحبيت انكم تشاركونى فيه اولا انا كنت اشتريت طبنجة ايجل واتسرقت منى وبعد شهرين رجعتلى تفاصيل الموضوع فى يوم كنت فى البيت وكان عندى صديق عزيز عليا وكان عايز يشوف الطبنجة كنا قاعدين فى البدروم بتاع البيت عندى زى مضيفة كبيرة كده المهم شافها وعجبته قوى وبعدين عنتها تحت المرتبة بتاعت سرير موجود تحت فى البدروم وقلتله انا هاروح اشترى حاجة تيجى معايا قالى لا انا مروح قلتله ماشى روحت اشتريت الحاجة بتاعتى ورجعت قعدت شوية كده وجيت بعدها ابص على الطبنجة مالقتهاش فى مكانا اتصلت على صاحبى ده وعرفته زعل قوى وجالى وقعدنا ندور عليها وقلبنا الدنيا مالقناش حاجة فاستعوضت ربنا فيها.. لحد كده تمام.... بعدها بأسبوع كنت قاعد مع صاحب تانى ليا غير الاةلانى اسمه ممدوح قالى انا شفت الطبنجة بتاعتك امبارح فى فرح فى ايد واحد اسمه على قولتله انت متاكد قالى ايوه متاكد تانى يوم روحت لعلى ده البيت عنده قابلنى والده كان راجل محترم جدا وعضو مجلس شعب سابق حكيتله الموضوع بعد ماعرفته بنفسى وعائلتى قالت سيبلى رقمك وانا هاشوفلك الموضوع ده لان ابنى فى كلية بره ومابيجيش غير يوم الخميس انا قولت عوضى على الله ومشيت وفى نفس اليوم اخر النهار لقيت الراجل ده بيتصل عليا وبيقولى الطبنجة دى مش ملك ابنى ده واخده من واحد اسمه عبدالله وانا لما ينزل هاخليه يشوف الموضوع ده شكرت الراجل جدا وعدى يومين ولقيت نفس الراجل بيتصل عليا وبيقولى عبدالله هايكلمك كلمت عبدالله قالى تعال قابلنى روحت قابلته قالى الطبنجة دى مع واحد اسمه حسن وانا كنت استلفتها منه عللشان اضرب بيها فى فرح واحد قريبى حسن ده كان فى بينى وبينه معرفة روحت كلمته فى الموضوع وشرحتهولى قام جايبهالى وقالى شوفها اهى لقيتها هى قولتله جايبها منين قالى من واحد من الهرم قولتله لا مش مظبوط وسيبته وروحت واخر النهار نزلت البدروم بعد مااتصلت بمجموعة من اصدقائنا وحسن وقعدنا كلنا قعد يحلف انه واخدها من واحد من الهرم وقالى اسأل محمود هو الى جايبهولى قولتله محمود مين قالى محمود الفلانى فاعرفتو وكانت بتجمعنى بيه صلت قرابة اتصلت بيه وقلتله تعال قالى الوقت متاخر مش هاينفع اجى قمت اخدت 4 من زمايلى ورحتلو عالبيت وقلتله انزل دلوقتى وسألتو قلتلو انت جبت واحد من الهرم علشان يبيع الطبنجة دى لحسن انكر فى الاول بس بمواجهة حسن قال اه قمت ضربه قلم ومسكته من لياقته وقلتلو انت كداب قالى هاقول الصراحة الى ادانى الطبنجة دى فلان الفلانى وقالى ابيعهالو بس ماقولش انه هو الى مديهالى قمت جايب واحد صاحبى وقلت انه من الهرم وانها بتاعته علشان ابعده عن الموضوع وكان معايا واحد اسمه محمد.. تعرفوا مين فلان الفلانى الى خدها؟ كان صاحبى وحبيبى الى واكل معايا عيش وملح وقاعد معايا فى البدروم ودنوا يدور معايا الى ذكرته فى الاول.. طبع صعقت ومش مصدق قولتله استنانى هنا فى البيت ولو اتصلت عليك تجيلى كلمت صاحبى وقلتله تعال عاوزك قالى مش هاينفع ومش فاضى قلتله طب استنانى قدام البيت انا جايلك وقمت قافل الخط اخدت 2 من زمايلى وروحتله لقيته قاعد وسط ولاد عمه قلتله تعال انا عايزك فى كلمة لوحدنا قالى لا اتكلم ماحدش غريب وانا مابخبيش حاجة قمت واخد الطبنجة من حسن وموريهالو وقلتلو مابتشبهشى على دى قالى ماعرفش الحجات دى قولتله ازاى دى الطبنجة الى ورتهالك والى انت خدتها منى ينفع الى عملته معايا ده قالى لا وماحصلش وده كدب قولتله ربنا عرفوه بالعقل وحكيت الموضوع وقولتله فى شهود الى ادتهم الحاجة واتصلت على محمود وقلتله تعلالى وكان ابو الولد ده نزل على صوت الزعيق وحكيتله الموضوع وجبت الشهود قالو قدامه انهم خدوا منه الطبنجة علشان يبيعوها وحكوا الكلام كله والعيال باعوها ب 500 جنيه وادوا للواد الى سارقها 200 جنيه وده الى حرق دمى اكتر قام ابوه جايب 500 جنيه من فوق واداهم للى اشترى الطبنجة وانا اخدت الطبنجة بتاعتى تانى بعد شهرين من سرقتها بسعلى قد ماكنت فرحان كنت حزين جدا علشان صاحبى خانى بالشكل ده... ارجوا ماكونش طولت عليكم ودى صور الطبنجة الى كانت مسروقة ورجعت |
رد: الحلال مابيضعش
الف مبروك على الطبنجه اللى رجعتلك . و الف خساره على الاصحاب اللى فى الزمن ده
|
رد: الحلال مابيضعش
ربنا يبارك فيك ياباشا
فعلا والله انا فى صدمة لحد دلوقتى |
رد: الحلال مابيضعش
مبروك رجوع المسدس
بس برضه كان لازم حضرتك تكون احوط من كده والمثل بيقولك حرص ولا تخون انما موضوع انه واكل معاك عيش وملح فواضح انه انسان ليس عنده من الدين والاحترام ما يجعله يحترم الصداقه تحياتى |
رد: الحلال مابيضعش
الف مبرووك رجوع مالك حلالك
ولكن دا درس عشان تتعلم منه وراجع الحديث اللى بيقول لا ياكل طعامك (يقول الرسول - صلى الله عليه وسلم-: (لا يدخل بيتك إلا مؤمن، ولا يأكل طعامك إلا تقي). |
رد: الحلال مابيضعش
مبرووووووك ياكبير والف خسارة ع الصحاب
|
رد: الحلال مابيضعش
الله يبارك فيكم كلكم يا احلى اخوات فى الدنيا كلها
وفعلا الزمان مبقاش فيه امان |
رد: الحلال مابيضعش
يحرق الصاحب اللي يبيع صحبه عشان 200 جنيه الله عليكي يا رجوله سفرتي و مش عرفه ترجعي
|
رد: الحلال مابيضعش
ياااااااااااااااة وانا اقول حبيبى واخويا محمود مش بيتصل لية عليا ويطمنى
الحمد لله فلوسك حلاااااااال ودة درس ياصاحبى ح تطلع منة بفوائد كثير تحياتى لك |
رد: الحلال مابيضعش
فعلا وحقيقة وليس نصا ولكن فعلا اصبحت القيم والاخلاق والفضيلة أقرب الى الانقراض ، مبروك رجوع الحق لاصحابه ياكابتن وعوضك على الله فى صديقك.
|
رد: الحلال مابيضعش
شكرا لمروركم يا اجدع رجالة فى مصر
عمرو باشا انا فعلا مقصر معاك والله بس غصب عنى موسم البطولات بدأ على قد ماكنت طاير من الفرحة ان حقى رجعلى بس والله انا فى صدمة وصور زكرياتنا مع بعض مش راضية تفارقنا واحنا بناكل مع بعض واحنا بنتفسح واحنا بنحكى لبعض عن الى فى قلوبنا والله انا بكيت بجد وقولت ليه؟ الحمد لله على كل شىء وكفاية عليا انتوا يارجالة لان عمر ماحد فيكم غشنى فى اى شىء و ضحك عليا ربنا يخلنا لبعض ويدوم علينا المحبة يارب |
رد: الحلال مابيضعش
ديما الضربه يا كبير بتيجي من اقرب حد ليك من صاحبك الي واكل عيش وملح معاك
زمن مبقاش فيه صحاب ولا حاجه وفي مثل بيضحكني مثل شعبي بيقولوه صاحبك الي باعك طلعله ............. حرص ولا تخون من اي حد بعد كده |
رد: الحلال مابيضعش
اخصصصصصصصصص اوي علي اصحاب الزمن الهم الي بقينا عايشين فيه الوقت
مبروك رجوع الطبنجة يا باشا |
رد: الحلال مابيضعش
المال الحلال لا يضيع ابدا وبالنسبه للصاحب بناقص
|
رد: الحلال مابيضعش
اقتباس:
ومش عاوز الموقف ده يخليك تفقد الثقه فى اصدقائك واحبابك واحد خاين بناقص ربنا يعوض عليك |
رد: الحلال مابيضعش
اللهم اكفنى شر اصدقائى .............اما اعدقائى فانا كفيل بهم
بس لازم تكون احرص من كدا.... تحياتى |
رد: الحلال مابيضعش
الف شكر لكل اخوانى الى افادونى بنصايحهم والى شفت ردودهم وحسيت ان الدنيا لسه فعلا بخير
هو اتصل عليا من شوية وبيقولى كنت بهزر معاك وانا كنت ناوى اقولك بس كنت خايف منك والى بينا اكبر من كده وانا خدامك واخوك الصغير وغلط وانا بجد مش عارف اعمل ايه كلامه اثر فيا قوى |
رد: الحلال مابيضعش
ههههههههه تصدق انت راجل طيب دنا قاطعت ناس على حاجات اتفة من كدا ههههههههههههه
لو تقدر تأمنلة تانى كلمة لو ماتقدرش يبقا بلاة تحياتى |
رد: الحلال مابيضعش
اللهم لا اله الا انت سبحانك اني كنت من الظالمين
|
رد: الحلال مابيضعش
الحمد لله ان الحق رجع لصحابه
|
رد: الحلال مابيضعش
شكرا لاجدع رجالة فى الدنيا
انا قلبى مش مطاوعنى والله ده كفاية الى قاله وانه غلطان وانه خدام وتحت امرى استغفر الله انا مش قادر اكون قاسى عليه لانى لو مكانه هاتمنى لو حتى حد يمدلى قشاية اتعلق بيها |
رد: الحلال مابيضعش
الف مبروك لرجوعها وفعلا المال الحلال مبيضعش ولو ضاع اللي سرقك ليه ربنا يحاسبه على الحرام اللي هيقبله على نفسه
وليك رساله على الخاص |
رد: الحلال مابيضعش
مش عارف و الله يا كابتن المفروض أفرحلك ولا أعزيك
أفرحلك علي رجوع المسدس ولا أعزيك ف صدمتك ف واحد انت معتبره أخوك و مستأمنه ف بيتك و يبعك عشان 200 جنيه أنا متهيألي ضياع ال مسدس أهون عليك عشان كده بقولك متزعلش علي الشخص دا و أحمد ربنا انو اتكشف الوقتي بدل ما كان يقل معاك في زنقة بجد |
رد: الحلال مابيضعش
مصطفى باشا منور الدنيا كلها
كلامك صح |
| الساعة الآن 02:51 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir