مالبلكونه يا عصافير
 

بقالي فتره كبيييييييييييره مقاطع البندقيه و مشغول عنها
بس امبارح ونا واقف في الشباك على غير عادتي العصر كده ونا بتكلم في التليفون
لقيت اييييييه؟
لقيت عصافير عماله تقف على اريال على السطح الي قدامي
في الاول طنشت
او على الاقل حاولت اطنش
قمت مطلعها و دورت عالرش
ملقتش الرمايه
اصل امي غاويه تخبي الحاجه الي بتلاقيها تحت مخدتي لما ترتب سريري بعيد عن السامعين
بس لقيت الديابلو
قلت اجربه مع العصافير
مهو شغال كويس مع الفران
قمت قاعد على سرير اخويا و مركز عالاريال عشان اول ما ينزل عليه حاجه انشها
فضلت شويه عما نزل اول عصفور
قمت منشن عليه و ضارب
الرشه عدت من الناسوره الالمنيوم الرفيعه بتاعه الاريال و جت في العصفور قلبته فساعتها
بجد
استغربت ان الرش دا جامد كده
شويه و اجى واحد تاني قمت ضاربه موقعه برضو
بعدها مجاش حاجه قمت عاين البندقيه و الرش
انهارده الصبح بقى قلت اكمل
قمت مطلع البندقيه و خليت امي دورت على الرمايه و جابته و قمت واخدهم و طالع عالبلكونه
ضربت واحد بس عشان اضطريت انزل
زي منا مضطر اخلص كتابه كده عشان عروستي معايا عالتليفون و زعلانه اني مش مركز معايا و بكتب الموضوع
يلا سلام بقى
المره الجايه بصور باذن الله

رد: مالبلكونه يا عصافير