|
يا ريت
الحمد لله و الصلاة والسلام على رسول الله صلى الله عليه وسلم
ياررررررررررريت يا جماعة محدش يصطاد حاجة هو مش حايكلها لأن ده فى اخلال بالنظام البيئى واحنا كنا بندرس الكلام ده فى الثانوى أن أى طائر او كائن حى يخرج من السلسلة الغذائية يسبب خلل وقصور وعدم توازن فاذا كان ولابد ان احنا نصطاد بعض الطيور فعلى الأقل ننتفع بيها مش نموتها ونرميها والكلام فى الموضوع ده بينقسم قسمين القسم الأول خاص بالطيور اللى احنا عارفين مسبقا ان احنا مش حانكلها زى الصقور والبوم ودى مفيش داعى لمحاولة التنشين عليها اصلا أما القسم الثانى خاص بالطيور اللى احنا متعودين ناكلها زى اليمام وده انا لاحظت ان بعض الأعضاء بيصطاده بدون حساب وهذا خطأ وسوف يحاسب الانسان عليه يوم القيامة لأنه من الفساد فى الأرض والحل فى القسم ده ان احنا نعمل حسابنا احنا محتاجين اد ايه بالضبط ومنزودش عليه يعنى الأكلة بتاعتى انا واسرتى مثلا الوجبة بتقضيها 6 يمامات يبقى مينفعش اصطاد 7 لأن اليمامة رقم 7 محدش حايكلها ياريت نحط الموضوع ده فى دماغنا لأن أكيد كلنا ملاحظين ان كمية الطيور بتقل و ضرورى ان احنا نحافظ على النعمة دى ونصونها و السلام عليكم |
رد: يا ريت
كلام جميل
تحياتى |
رد: يا ريت
الله ينور يا حسام كلامك فى منتهى العقل (ستسألون يومئذن عن النعيم)
|
رد: يا ريت
مساء الخير كلام جميل واحب اضيف نقطة اخري هي ان نراعي اننا نقدر نوصل للطير بعد ما نضربة يعني لو شايف ان الطير هيقع في مكان مانقدرش نجيبه بلاش ننشن عليه اصلا
|
رد: يا ريت
مساء المشاركت المفيدة للناس كلها الله يفتح عليكم جميعا بس انا عندي رأي مثلا انا بحب الحمام جدا جدا واليمام ايضا وكل رحلة الحمد للة الرزق بيكون كتير وبحطة في الثلاجة لاني ممكن اكلة مرتين في الاسبوع هل هذا اسراف علي الرغم من ان اكثر شئ يحزنني ان اضرب فرد حمام او يمام ويموت بعيد او مقدرش اجيبة
|
رد: يا ريت
جلال بك انت مخلص علي الحمام كلة واحنا مشلقين حاجة نصطدها بالهناء والشفاء يابشا
|
رد: يا ريت
اقتباس:
|
رد: يا ريت
تحياتى لكل من شارك معانا فى الموضوع و أحب أشكر الأستاذ رامى خصوصا لأنه أضاف معلومة أساسية غابت عنى وأشكر أستاذ جلال على مشاركته وأعتقد أن التخزين للصيد ليس فيه مشكلة ومنتظر مشاركتكم
|
رد: يا ريت
بسم الله الرحمن الرحيم
موضوع حميل جدا لانى بجد بدأت الاحظ ان الطيور بأت تقل |
رد: يا ريت
فعلاً يا جماعه اعداد الطيور قلت بشكل ملحوظ جداً فاريت اننا نحاول نحافظ عليها
شكراً استاذ حسام على المضوع المفيد |
رد: يا ريت
على فكرة من قواعد الصيد الشرعية انك تصيد ما يكفيك انت ومن تعول ليومك والصيد الزائد عن الحد
لابد والتصدق بة للاقربون ومن يستحق الصدقة. واللة تعالى اعلى واعلم. |
رد: يا ريت
بسم الله ما شاء الله عليكم يا شباب...الله ينور عليكم...حفظكم الله وأنار بصركم وبصيرتكم...الأصل في الموضوع هو الرماية...لقول سيدنا عمر بن الخطاب رضي الله عنه وأرضاه...علموا أولادكم السباحة والرماية وركوب الخيل...أما الصيد ففي الأصل هو مهنة إرتزاق مثله مثل أي مهنة أخري...له ضوابط وأحكام فقهية وشرعية...خالص تحياتي واحترامي للجميع...
|
رد: يا ريت
تسلم يا حسام كلاامك مظبوط تسلم يا جميل وربنا يزيدك ...
... وتحياتى لك ... مصطفى صبرى .... |
رد: يا ريت
موضوع جميل ونصيحة رائعة تسلم إيدك
|
رد: يا ريت
تحياتى لكل من شارك فى الموضوع وخصوصا الأستاذ مصطفى وانتظروا قريبا ان شاء الله موضوع (ياريت 2 )
|
| الساعة الآن 01:43 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir