الصيد فى مصر - الاجراءات الرسمية لاستيراد البنادق من الخارج عن تجربة

الصيد فى مصر (http://www.egyhunt.net/index.php)

- الموضوعات العامه (http://www.egyhunt.net/forumdisplay.php?f=86)

الاجراءات الرسمية لاستيراد البنادق من الخارج عن تجربة

السلام عليكم
اعضاء منتدانا الكرام
تحية طيبة وبعد
انا هكلمكم انهارده عن تجربتى فى استيراد بندقية من الخارج والاجراءات
اولا انا اشتريت البندقيه من مواقع النت الاون لاين بالماستر كارد طبعا وشحنتها من على الموقع نفسه لمصر على عنوانى وهنا انا اتعاملت مع موقع بيراميداير لانه بيقبل الشحن لمصر وده اكبر موقع على النت بيشتغل فى البنادق الهوائية طبعا الشحن كان عن طريق البريد الدولى
المهم جالى جواب من البريد بوصول الطرد بمكتب تبادل المطار فى قرية البضائع بعد حوالى شهر وهنا بقه ابتدى الجد
تم عمل تفويض كتابى للمستخلص الجمركى الى استلم الشحنه من برة والى اسمه وبياناته كانت جايالى فى الاخطار بتاع الطرد
طبعا الطرد بيتفتح علشان يتشاف هو فيه ايه هنا المستخلص بدوره بلغ مكتب المفرقعات بالمطار وبدورة بعت الطرد مع مخصوص لمكتب الامن العام
وفى الامن العام تم تحويل الطرد للمعمل الجنائى لبيان الموجود داخله ده اول ما جه الطرد
الموقف الى حصلى بق هنا طلع بيان المعمل الجنائى بعدم مطابقة البندقيه للمواصفات الفنية للبنادق الهوائيه المسموح تداولها
طبعا عملت تظلم وبعد شهرين ردو على ان التظلم اتقبل وتم الافراج عنها من المعنل الجنائى وعليه ابتدى المستخلص فى تخليص الاجراءات ولسه طبعا هيعوز امضة مكتب المفرقعات علشان يقول مطابقة الطرد الذى يتم تسليمه للعميل مع مواصفات الطرد العائد من المعمل الجنائى وهنا مرضيش يمضى قال للمندوب ان انا مطلوب فى الامن العام فى مكتب العميد ززززززز لاستكمال بيانت
وطبعا رحت وقلولى اكتب طلب من اول وجديد وكتبت وكان بصيغة التماس للسماح بالافراج وقالولى هياخد 48 ساعة وتخرج وقعدت على الكلام ده شهر وبعدين واحد صاحبى حبيبى خاله كان رايح هناك وهو رتبه عسكرية فسال على الموضوع قالولوه بنفس النص كده هى خلصانه بس احنا بنعمل كده علشان ميعملهاش تانى والظروف ومش الظروف وهو مش محل والكلام ده المهم عده شهرين ومفيش اخبار قلت اروح انا بقى ورحت امبارح الاتنين بس طبعا مش لوحدى معايا واحد فى النيابة معرفه وكده واتكلم كلمتين المهم ادونا الجواب واحنا هناك بتاريخ كم بتاريخ 20 يناير يعنى قبل ماروح ليهم علشان استكمال البيانات هههه
رحت بالجواب قرية البضايع تانى ودخلت مكتب تبادل المطار قبلت المستخلص خدت منه الملف ورحت مكتب المفرقعات جه الراجل واخد الملف والجواي وعاين الطرد مرة تانية على حسب الجواب ومضى ودفعت تانى فلوس تمن الارضية وعمولة للمستخلص والحمد لله كل المبالغ الى ادفعت قد تمنها مرتين بس الحمد لله خرجت
ودلقتى عارضها للبيع
http://www.egyhunt.net/showthread.php?t=39454
واخيرا انصح اى حد لو هيجرب يعمل كده تبقه واستطة معاه من البداية