|
رجاء الدخول من الخبراء : سيوف عمولة!!
السلام عليكم ورحمة الله وبركاته بعد التحية الاخوة المحترمين اعضاء المنتدى عرفت ورشة وان شاء الله هعمل فيها سيف عمولة بس كنت عايز المساعدة فى مواصفات السيف الجيد وياريت الناس اللى ليها خبرة تفيدنى اولا : انا مافيش شكل معين فى دماغى فاللى عنده شكل سيف كويس يحط صور ثانيا : ايه هى افضل خامة لصناعة ايد السيف؟ ثالثا : هل الستانلس ستيل خامة كويسة للصناعة وايه هى التخانة الكويسة علشان السيف يبقا محمل وعليه القيمة؟ رابعا : اللى عنده اى معلومات ممكن تفيد او ما اخوض التجربة دى ياريت يقولى ولكم جزيل الشكر |
رد: رجاء الدخول من الخبراء : سيوف عمولة!!
السلام عليكم ، انا عارف قبل ما اكتب ده انى كلامى مش هيعجب ناس كتير لكن الى حضرتك بتقول عليه ده اسمه تصنيع سلاح ابيض بدون ترخيص وده مش سليم وممكن وانت فى الورشة دى تلاقى هوبا كبسة ولاسف دخلت فى مشكلة ملهاش اى ستين لزمة .
لو عندك الوقت هات الخامة واشتغل بأيدك فى بيتك ده امتع واآمن . تقبل كلامى بصدر رحب |
رد: رجاء الدخول من الخبراء : سيوف عمولة!!
اقتباس:
وعليكم السلام لا بالعكس انتا بتتكلم صح وحابب تفيد بس انا هاوى مش هجيب السيف اتخانق بيه زى ما وضحت بدور على سيف فى شغل وشكله حلو وحكاية التصنيع فى البيت دى شبه مستحيله لا عندى الادوات ولا الحرفة اللى تخلينى ااقطع واشكل الاستنالس ستيل انا حاولت استورد اسلحة من بره وادخلها من الجمارك علشان ابقا ماشى مظبوط واقول للامن العام ان دى للزينة حتى لو هيسجلو اسمى عندهم انى عندى سيوف مش فارقة معايا لانى مش ناوى استخدمها فى حاجه غلط بس الاخوة قالوا هتتصار منك وممكن يتعملك قضية انا عايز امشى صح على قد ما اقدر بس لا القانون ولا الدولة مديه اى فرصة لده |
رد: رجاء الدخول من الخبراء : سيوف عمولة!!
اقتباس:
السلام عليكم ، رد حضرتك يدل على انسان محترم بس انا برضه عند رأيى وربنا يسترها علينا كلنا . |
رد: رجاء الدخول من الخبراء : سيوف عمولة!!
|
رد: رجاء الدخول من الخبراء : سيوف عمولة!!
|
| الساعة الآن 04:23 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir