|
البوري
بسم الله الرحمن الرحيم موضوعنا اليوم هو البورى هى سمكة قوية وذكية جدا وصيدها مش سهل بالنسبة للمبتدئين فى الصيداولا البورى له اسماء عدة فبالنسبة للحجم فالصغير منه يسمى جران والوسط اسمه بورى اما الكبير فاسمه كمبوت ويوجد ايضا اسماء اخرى مثل جعابيب و زخم ثانيا موسم صيده البورى بيوجد طول السنة ولكن بيقل فى الصيف والشتاء لانه مابيحبش الميه السخنة او الميه لبردة اوى وهو بيوجد فى الميه على عمق من 3الى 6 متر وهو بيحب المية الضحله او اماكن تواجد الصخور ثالثا العده اللازمه فبره 4او 5 متر حسب المكان اللى هتصطاد منه ولبلوبها يكون طرى شعر اساسى 18 او 20 وشعر 15 او 12 للترميل سنار 11 او 12كرش او ممكن تستخدم شلليط 18 او 20 وهو افضل للمبتدئين فى صيد البورى فلة صغيره يعنى تقول لبتاع ادوات الصيد عاوز فله لصيد البورى والرصاص يستحسن يكون رصاص ورق عشان تقدر تتحكم فى تقل الرصاصه بحيث تكون اكثر من نصف الفله تحت الميه الطعم المستخدم هو العجينه وطريقه عملها هى ان تضع كوب دقيق على النار ومعه معلقه سكر صغيره ثم تضع الماء بالتدريج حتى يصبح قوام العجينه كالشحم او السمنه بس لما تكون مسكه فى بعضها مش سيحة ولازم يكون معاك زفر وهو حوالى 7ارغفه عيش بلدى تحطهم فى جردل به ماء لحد ما يطرو وتصفيهم من الماء رابعا طريقة الصيد زى ماقولنا قبل كده ان البورى سمكه حسساسه وذكيه يعنى لازم وانت بتصطاد تكون حزر جدا وحركتك اوصوتك يكون بحساب عشان متطففش السمكة مننك فى البدايه بجب عليك اختيار المكان اللى هتصطاد منه على حسب اللى قالناه سابقا اوحتى يكون مكان معروف من الناس انه فيه بورى وبعدين تبداء تاخد حفنه زفر صغيره وترميها فى المكان اللى هتصطاد فيه عشان تجممع السمكه ومترميش بالبوصه الا لما تشوف السمكه بعنيك وبعد كده تحط حتة عجينه صغيره فى فمك متلضمها بلسانك مع السناره ولمما تيجى ترمى نززل الفله فى الميه براحه جدا واكلة البورى غالبابتكون ضعيفة جدا لانه بينققر حجات بسيطة و ومابيبلعش مره واحده وعشان كده بتلاقى الفله بترعش بس اوتغمز غمزات بسيطه وعند ذلك ترد انت فى البوصه رده خفيفه لان فم البورى ضعيف ولو رديت فيه رده جمده ممكن بقه يطلع معاك وتخسر السمكه |
رد: البوري
تسلم ايدك على المعلومات و الافاده و فعلا صيد السمك ده قصه كبيره
|
رد: البوري
اقتباس:
خالص تحياتي |
رد: البوري
البورة بالنسبة ليا يعنى سمكة عالمية
ولما نقول عالمية يعنى اسكندرية وبورسعيد ههههههههههههه بعشقها بموت فيها اول مرة كنت ف راس البر ولقيتهم بيشووها مقفولة وطبعا كلنا قولنا يعععع يادى القرف وخدناها الشقة ونضفناها و وقليناها ههههههههههههه واخييييية طعمة مقلى اخر زفارة ههههههههه مانا ماكنتش دخلت مجال الصيد لسة ودا كان سنة 2005 وماكنتش اعرف البورى وحلاوتة وعند ناس اسكندرانية اصحابى جربتة مشوى مقفول احيييييييية اسكندرانى على طعمة وبقيت اخد علية وحبيتة جدا وبقيت اسافر بورسعيد مخصوص عشان اكلة سمك بورى وعالبحر ومرة فمرة اكتشفت انة اطعم سمك لو مشوى مقفول ومن يومها البورى المقفول سمكتى المفضلة من الكيس على الشواية عدل بردة وبعد الشوى ملح وليمون علية وبس واتفرج على احلى طعم يا معلم بس عمرى ما اصطدتة بس اعرف فعلا الطريقتين دول واعرف ان فى طريقت الشليط بيبقا العجين على الرصاصة والشليط فاضى ومع النقر تضرب والشليط بيمسك فى السمكة اللى بتنقر ولو اتيحت ليا فرصة لصيد انشاء الله هقطع امة هههههههههههه الريم بيكسبك حساسية ودقة وذكاوة تحياتى ليك يا نجم ولكل اهل اسكندرية |
رد: البوري
زمان كمان روحنا فايد كانوا بيقولوا على الحجم الصغير اللى هو اربعة فى الكيلو دوبارة
|
رد: البوري
مشكور على الموضوع المفيد
هي سمكة صيدها صعب فعلاً لما حاولت اصطادها كانت علي طول تقع من السن قبل مامسكها ياريت حد يقولي ليه؟ |
رد: البوري
موضوع رائع تسلم ايدك
|
رد: البوري
موضوع جميـــــــــــــــــــــــــــل جـــــــــــــــــــدا يا ابو حميد
تسلم واحلى تقييم |
رد: البوري
اقتباس:
اقتباس:
نورتنى ياريس والله وكلامك الجميل دة بجد اسعدني جدا مشاركة اكثر من رائعة تقبل خالص تحيااااااااااتي |
رد: البوري
اقتباس:
|
رد: البوري
اقتباس:
|
رد: البوري
اقتباس:
نورت الدنيا كلها |
رد: البوري
جزاك الله خيرا
|
رد: البوري
اقتباس:
|
رد: البوري
اقتباس:
|
رد: البوري
موضوع ممتاز واول صيدى للبورى كان فى بورسعيد سنة 1998 كدا كنت قاعد هناك فترة وما كانش معايا عدة الصيد وشوفت الناس بتصتاد البورى من على رصيف معدية بورفؤاد قامت الجنونة جت وروحت شارى العدة وكانت اول مرة اصتاد فى المالح ...طبعا انا عارف ان المالح الطعم بتاعة الجمبرى على ما اعرف وروحت شارى ب 5 جنية جمبرى....زانا فاكر بخمسة جنية هاتبقى شوية صغيرين...لقيت الراجل عبى كرتونة جزمة على اخرها(ههههههههههههههه) وطعمت وارمى والا الهوا لغاية لما ولاد الحلال قالولى على الطريقة اللى حضرتك شرحتها واتعلمت عمل العجينة الحلوة دى هى عاملة زى عجينة الزلابية وممكن تحط معلقة زيتا على المية والسكر قبل دقيق الذرة .............واصتادت البورى بالهلب تحط العجينة فى بقك وتدورها على الهلب وتبص على اللبلوب وتنتش..............اصتاد كذا حتة على كذا يوم.........بس الناس الحريفة اللى كانت جنبى كان ناس منهم بتصتاد 5 او 6 كيلو فى الليلة.حريفة.........كانوا بيصتادو باللبوب بس من غير عود............الاغرب من كدا انى اصتادت شبارة من القنال والناس كانت بتستغرب جدا جدا وانا فاكر ان الموضوع عادىهههههههههههه الشبار ورانا ورانا.....موضوع ممتاز وفكرنى بذكريات جميلة
|
رد: البوري
اقتباس:
|
رد: البوري
اقتباس:
|
| الساعة الآن 04:01 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir