|
هنا ورشه اصلاح
يا جماعه هنا ورشه اصلاح جميع انواع بنادق ضغط الهواء وجميع اعطلها بازن الله كل ما عليك هوه كتابه العطل الي موجود في السلاح بتاعك وان شاء الله عندنا الي هيقلق علي تصليحه
|
اولا المنتدي ده رائع جدا جدا
ودي اول مشاركه ليا هنا ويارب المنتدي يكبر كمان وكمان ............................................ المشكله في بندقيه نمره 2 بس ضعيفه جدا ساعات الطلقه مش بتخرج منه اصلا...والماسوه كويسه وساعات تخرج زي الفل وسؤال تاني .... عايز اشتري منظار ومش عارف منين؟؟ وعايز اعرف قطع الغيار اصلا اجيبها منين وشكرا جزيلا ملحوظه .. انا لسه مبتدئ |
بالنسبه لقطع الغيار
بالنسبه يا باشا لقطع الغيار للبنادق دي متوفره في اي محل من محلات الاسلحه الي موجوده عناونها علي الموقع هيا كتير شوف اقرب واحد ليك واكيد هتلاقي عنده ان شاء الله
لكن بالنسبه لموضوع المنظار ده صعب جدا وانا بازن الله محضر مفاجئه كبيره جدا لكل زوار الموقع من ناحيه المناظير دي يا رب تكمل وتم علي خير لكن انك تحصل علي المنظار عادي كده صعب جدا |
venatic13
5 مرفق
الأخ venatic13 .. إزاي البندقية مقاس إتنين ما بتطلعش الرشة من الماسورة ..
هو إيه ماركة النوع الي معاك و موديله ... و بقالك قد إيه بتستعمل البندقية .... يمكن نقدر نفيدك ... أنا معايا ديانا 350 ماجنوم مقاس 2 ... يعني 5.5 ملم .. و من مسافة 20 متر كان ده تأثير الطلقة على ماسورة حديد مش عارف بتاعت إيه بس كنا بننشن على أي حاجة بنصادفها .. و ذهلت من تأثير الرشة على الماسورة دي ...لدرجة أي أخدتها البيت و إحتفظت بيها عشان أوريها لأصحابي .. صورها في المرفقاة .. و صور الرشة بعد إصطدامها بالقطعة كمان في المرفقات |
الأخ venatic13
اولا اشكرك على طرح استفسارك عن مشكلة بندقيتك
بنسبة 90 % المشكلة دى سببها الجلبة ممكن تكون اتفرولت بسبب تزيت البندقية من الداخل او ضرب البندقية من غير طلق والسوستة بتاعت البندقية ممكن تكون ضعفت علشان بتعمرها وتسبها فترة طويلة او من التزيت او برضة ضرب البندقية من غير طلق , غييرهم وقلى اية الحال , وعلى العموم هم تمنهم رخيص والمنظار ممنوع لاسباب امنية مش هتلاقية فى اى محل او مصنع وقطع الغيار موجودة فى معظم محلات الصيد وبعدين تقريبا مفيش مشكلة هتوجهك فى قطع الغيار الا الزناد , باقى القطع موجودة |
الف شكر يا رجاله
هي فعلا الجلده كانت بايظه ولما غيرتها ما شاء الله البندقيه بقت مفتريه |
بس سؤال تاني ومعلش بكتر عليكم
بس افرض البندقيه اتزيتت من جوه ايه العمل في الحاله دي |
[QUOTE=venatic13;684]بس سؤال تاني ومعلش بكتر عليكم
بس افرض البندقيه اتزيتت من جوه ايه العمل في الحاله دة غيير السوستة الى فى البندقية , وانت بتفك البندقية من جوة نشفها وحط السوستة الجديدة ومتزيتش البندقية من جوة بعد كدة علشان ليها اثر سلبى زى ما قولنا , الاماكن الى محتاجة تزيت هى الاماكن الى فيها احتكاك او حركة زى مفصل المصورة و الزناد. |
تزييت الجلبة
الصياد مصطفى إزي أحوالك ..
كنت عايز أعرف .. إيه الضرر لما الجلبة الي أمام السوستة تتزيت . فتتفرول .؟!! يعني الزيت بيحلل مادة الكاوتش أو المطاط المصنوعة منها الجلبة ؟! وشكرا مقدما !! |
اقتباس:
بلنسبة لئحوالى انا احوالى تمام طول ما فى حد بيسأل و بالنسبة لضرر تزييت الجلبة , ان التزيت بيطرى الجلبة اكتر وبيخلى معدل صدمة السوستة اسرع فدة بيخلى الجلبة تفرمل او تحتك جامد فى المصورة من جوة دى وجهة نظرى فى الموضوع |
التزييت
أعتقد . أن التزييت يا مصطفى صحيح أنه بيخليه إصطدامه بنهاية مشوارة بيكون أشد من الحالة العادية ,
لأن التزييت بيلغي إحتكاك الكاوتشوك بالجدار المعدن . و بيخليها تنزلق أسرع . بدون أدنى فرملة . ينتج عن كده أن خروج الطلقة أسرع وإندفاعها أقوى . نتيجة للضغط المفاجئ السريع لإنزلاق الجلبة أسرع من الوضع العادي .. أما فرولة الجلبة من الزيت . لا أعتقد .. لأن كل ال أويل سيل "oil seal " بتكون من المطاط فقط و دائما . .و كمان في فايدة كمان أن الزيت بيمتص الحرارة الي المفروض تنتج عن الإحتكاك بين الكاوتش و المعدن .. أنا رأي أنك تزييت الجلبة لو حتضرب جرامات أعلى من ال 13 جرام .. حتكون في مقاومة أكبر من الطلقة نتيجه لوزنها الأكبر وحيتولد ضغط مقاوم عند نهاية مشوار الجلبة حتكون المقاومة "أشبه بالوسادة هوائية " تقريبا مساوية لقوة الفرملة الناتجة عن الإحتكاك.. و حتاخد إندفاع أكبر للجرامات الأعلى . يبقى أنت زودت طاقة إندفاع الرشة ... الصفحة دي فيها أوزان الرشة بالجرام حسب الشكل http://www.airgunworld.com/page3.html ولو رأيي غلط .. ممكن تصححولي أفكاري . لحد ما أجيب الطلق ال 18 جرام . و أجرب بنفسي .. http://www.espi-metals.com/images/pellets_125_2.JPG |
غريب
انا اول مرة اسمع الكلام دة
يا اخ محمد النظرية شئ والتطبيق شئ اخر |
|
؟؟؟؟؟؟؟؟؟؟؟؟؟؟؟؟
أنهي جزء بالظبط من الكلام أنت أول مرة تسمعة ..عشان أقدر أوضح أكتر ..!
|
إيه يا عم الجمال ده .. أوزان كل أنواع الرش ...
مخبيين عننا الحاجات دي ليه ..؟! .. |
يعني ازيت البندقيه ولا لا
حددو موقفكم يا جماعه او اجتمعوا واتفقوا علي بيان مشترك |
بالنسبه لتزيت البندقيه
انا شايف انه غلط تزيت البندقيه جدا من الداخل وان ان حسيت انه في خشونه ممكن تحط شحم علي السوسته لان الشحم ميضرش الجلبه بتاعت البندقيه وعلي العموم التزيت مبيعملش حاجه غير انه بيقلل العمر الافتراضي للجلده
|
رد: هنا ورشه اصلاح
انا عايز منظار بندقيه نوريكا اسباني 56 الاقيه فين وبكام نرجو الافاده
|
رد: هنا ورشه اصلاح
السلام عليكم كيف حال الاستاذمصطفى والاستاذ عاصم والاستاذ محمد السيد وباقى الاعضاء
هل فى ضرر لو السوستة اتزيتت انتو بتقولو متتزيتش لانه بيكون فى اثر سلبى طيب وبتقولو ان المناطق الى تتزيت الى فيها حركة اليست السوستة فيها حركة .والزناد يتشحم والا يتزيت وشكرأ جزيلاً |
رد: هنا ورشه اصلاح
السلام عليكم جميعا ً الاخوة المحترمين اعضاء المنتدى
عندى مشكلة الا وهى كلما استخدمت البندقية وقمت بالتعمير والضرب يحدث تريح للمسمار الرابط جسم البندقية بالدبشك واقوم بربطه ويفك مرة اخرى وهكذا طوال الصيد لدرجة انى باخرج اصطاد ومعايا مفك فهل هناك حل لهذه المشكلة وهل هذه المشكلة تحدث فى البنادق القوية مثل الديانا والويبلى والجامو |
رد: هنا ورشه اصلاح
السلام عليكم اخواني الاعزاء
ماشاء اللة عليكم عندكم معلومات بسم الله زي الفل وفعلا والله انا في غاية السعادة لما بشوف المناقشة بين الاعضاء لان دة في النهاية بيخدم جميع الاعضاء واشكر الاخ/ مصطفي والاخ محمد السيد واتمني من الله ان يزيد علمهم واخلاقهم |
رد: هنا ورشه اصلاح
ألف شكر ليكم على المعلومات دى .... وياريت حد يفيدنى ....
أنا عندى بندقية رمسيس نمرة 1 كنت مغير لها السوستة و كانت قوتها كبيرة بس للاسف الحلو مايكملش ....... واحد قريبى حطلى فى الماسورة حتة حديد فالماسورة اتسدت فحبيت أعمل فيها معلم وأطلعها قعدت أخبط على الماسورة لحد ماطلعتها بس بعد ما الماسورة اتعوجت واطبقت لحد مبقتش بتطلع اى حاجة لدرجة انى باضع عود كبريت بيتحشر عند الحتة اللى كنت باخبط فيها >>>>> فياريت حد يقولى اعمل ايه ....... أغير الماسورة ولا اعمل ايه ... ويا ريت لو حد عارف سعرها جديدة بيعمل كام يقول لأنى عاوز أبيعها وأشترى واحدة جديدة نمرة 2 ....... |
رد: هنا ورشه اصلاح
السلام عليكم أخواني الأعزاء يسعدني ويشرفني أن أكون أحد أعضاء أسرتكم الكريمة أنا من العراق وبأختصار سؤالي هو أنه عندي بندقية هوائية نوع صيني5.5 نمرة (2) وأريد تبديل النابض(السستة) مع العلم هي ليس من النوع الذي يكسر عند التعبئة ولكن من النوع العتلة تحت الماسورة وسأحاول وضع صورة توضيحية ممكن أحد ينفعني في هذا الموضوع أن أمكن شرح مصور وتقبلوا أحترامي وتقديري .
http://www.egypthunt.net/attachment....1&d=1258275121 |
رد: هنا ورشه اصلاح
انا عاوز اعرف ياجماعة ازاى اغير الجلدة
:::::::: فكيت الندقية لحد مخرجتش السوستة فين الجلدة بقى ياريت حد يسعدنى لانى مش بستعمل البندقية |
رد: هنا ورشه اصلاح
السلام عليكم ورحمه الله
انا عندي بندقية صيني تعمل بنظام الديانا والله البندقيه دي جمده جدا بس حصل مشكلة كبيره فيها 1- اولأ البندقية جيت بضرب الحمام على بعد 20 متر الهدف بيصاب لكن بيخد الطلقة ويطير وبعد كده اكتشقة ان الطلقة مبتخطرقش الجسم. قولت خلاص كده الجلبه جبت اخره وعيزه تتغير ركبت جلبه جديده + سوسه عملتها فى ورشه ولكن حدث ماكنت لا اتوقع * الجلبة اتفرتكت والسوسته قبل ما اركبه كان طوله اكبر من القديمة بحوالى 3.5 سم بعد التركيب بقة الجديده اقل بحوالي 2.5 ده معني اني السوسه طلعة خفيفة جدا برجاء الرد علية لاني مشعرف اعمل اية لان كده كل ما هجيب جلبه هتتفرتك والجلبه غلية 25 جنيه انا هرفع الصور بتعت السوسه والجلبه وكما البندقية وهل ممكن اخرط لية جلبه وثبته بمسمار ولا لاء |
رد: هنا ورشه اصلاح
في مشكلة في البندقية بتاعتي أنا لما مش بتتعمر السوستة بتشد وكل حاجة بس مش بتعمل التكة اللي في الاخر حد عنده حل ضروري
|
رد: هنا ورشه اصلاح
في مشكلة في البندقية بتاعتي انها مش بتتعمر السوستة بتشد وكل حاجة بس مش بتعمل التكة اللي في الاخر حد عنده حل ضروري
|
رد: هنا ورشه اصلاح
أعزائى بالنسبه لموضوع التزييت من عدمه فهو فى الحقيقة يجب الرجوع للتعليمات الوارده من الشركه المصنعه بهذا الخصوص حيث توجد بعضها تحتم التزييت والآخر يمنعه. وفى حالة التزيت يجب عدم استخدام الزيت العادى حيث يسبب كل هذه المشاكل وانما زيوت مخصصه لذلك مثل oil synthetic air gun cylinder أو Slick 50 أو خليط من Mobil Almo 525 Air Tool Oil و extra fine graphite powder وهذا ما جاء بالمواقع الاتيه والتى بها معلومات شيقه جدا فى مواضيع كثيرة تهمنا وردود على اسئله كثيرة بس محتاجه منا قراءه متأنية ومركزه لاستيعبها
http://air.guns.20megsfree.com/ http://air_guns.tripod.com/lube.htm http://air_guns.tripod.com/restoring_air_gun_power.htm http://www.charliedatuna.com/ |
رد: هنا ورشه اصلاح
اقتباس:
|
رد: هنا ورشه اصلاح
طيب يا جماعه ايه افضل انواع السوسته للبندقيه الصينى مع العلم انى الصينى اللى معايه خرافه قوه رهيبه ونشان حكايه لدرجة انى آخر مره جايب بيها 23 يمامه بـــ 26 رشه بس للاسف هى ضعفت شويه وخايف افرط فى السوسته اللى فيها واخيراً العمر الافتراضى للسوسته قد ايه وآسف جداً على التطويل
|
رد: هنا ورشه اصلاح
انا يا جماعه عندى بندقيه رمسيس كنت هغير السوسته فكيت الدبشك وكله تمام وفكيت الزناد فاضر بقا للقطعه الى فى اخر الماسوره الى زنقه السسوسته بتتفك ازاى؟ هى فيها فتحه عشان تلف منها بس بلف مش بتلف معايا تقيله جدا هل فى قطعه تانى عاوزه تتفك مثلا افيدونى ارجوك بخبراتكم؟ وشكررررررررررررررررا
|
رد: هنا ورشه اصلاح
البندقية بتاعتى مخرومة اعمل ابه؟
|
رد: هنا ورشه اصلاح
اقتباس:
مخرومة ازاى؟؟؟؟؟؟؟؟؟؟؟؟؟؟؟؟؟؟؟؟؟؟ يا ريت توضح بالصور |
رد: هنا ورشه اصلاح
للاسف لا يوجد عندي صور الان ولكن يوجد شق من اعلى البندقية على بعد 2 سم تقريبا من مكان كسر البندقية و عندما نفخت فيه واضعا اصبعي على الفتحة المقثابلة لماكن وضع الرشاية وجدت الهواء ينفذ
|
رد: هنا ورشه اصلاح
لو سمحتم يا جماعة انا بحب الصيد جدا لكن البندقية اللى معايا مش مساعدانى اوى انا معايا بندقية صينى نمرة 2 انا كنت جايبها مستعمله ومن غير ناشنكاه امامى والناشنكاه الامامى بتعاها ( مشأبيه ) والخلفى مسطرة تحتها مدرج مشرشر انا عملتلها الناشنكاه الامامى على ايدى وظبطته تمام والحمد لله بقت فل الفل بس المشكله الوحيدة اللى مش لاقيلها حل هى مسمار محور الماسورة ( اللى بيثبت الماسورة بالظرف) لانه أول ما جه كان بيفك لوحده كرد فعل لقوة البندقيه غيرته وبقى تمام 3 او 4 طلعات والمسمار الجديد بقى زى اللى قبله( للعلم المسمار التانى انا كنت واخده من بندقيه قديمة بس كان ماسك كويس او ما ركب وبعدين اتحول زى الاول (ممكن حد يقولى حل لآنى مبقتش اطلع اصطاد الا ومعايا مفك عادة ) ....ملحوظة (الغفير بتاع المسمار مش موجود ومش لاقيه عند اى حد ) انا من بنها وشكرا لاهتمام الجميع ......... BooGY
|
رد: هنا ورشه اصلاح
يا جماااااعه انا معيا بندقيه bsa
وبصراحه الموديل بلتحديد مش عارفو بس الاهم من كدا انى النشكان الخلفى وانا بصطاد بيها مره لقيتو اتقسم قطعتين لوحدو كدا وعاوز اجيب واحد ياترى موجود عند حد ولو موجود يبقا فين ولو عند حد من الاخوه الاعضاء ياريت يقووولى ارجو سرعه الرد لوسمحتم |
رد: هنا ورشه اصلاح
ممكن تشترية من عند ميشيل عازر او فتح الله
|
رد: هنا ورشه اصلاح
استاز جلال لو سمحت فين مكان المحل دا ويا ترى فيه محل فى الجيزه ممكن يكون فيه النشنكان ولو فيه اسمه ايه ولو سمحت معلش تقلت عليكو بس اعزرونى قليل الخبره فى اعمال الصيانه
|
رد: هنا ورشه اصلاح
ميشيل عازر في العتبة اما ينترال العتبة ام فتح الله في شارع رمسيس بجوار دار القضاء العالي
|
رد: هنا ورشه اصلاح
الف شكر استازى العزييز
|
رد: هنا ورشه اصلاح
اقتباس:
|
رد: هنا ورشه اصلاح
متشكر جدا يا استاذنا الكبير أ / جلال خليفة انا عموما فقدت الامل فيها وناوى اصبر لحد ما اخلص دراسة ( انا فى رابعة بكالوريوس تربية رياضية ) يعنى كلها كام شهر ان شاء الله وبعدين اجيب واحدة نوريكا جديدة ان شاء الله لانى بحب الاسبانى بس يا ريت حد يقولى افضل موديلات النوريكا ايه وسعره كام لانى بصراحة معرفش ............ ويا ترى فى نوع اسبانى اسمه فلاش؟؟؟؟؟؟؟؟؟؟وشكرا
|
رد: هنا ورشه اصلاح
السلام عليكم و رحمة الله و بركاته
عندي بندقية ديانا 35 من غير زناد |
رد: هنا ورشه اصلاح
السلام عليكم جميعا ... فينكم يا اخوة
الموضوع بقاله اسبوع محدش رد عليه اساتذتنا الكبار غايبين عننا ليه !!!!!!! لعل المانع خير ان شاء الله يا ريت حد من خبراء منتدانا الجميل يرد عليا فى السؤال الخاص بالاسبانى واسعاره ولكم جميعا جزيل الشكر |
رد: هنا ورشه اصلاح
اقتباس:
|
رد: هنا ورشه اصلاح
اهلا بكم يا جماعة ممكن استفسر عن اسعار البنادق الفايروخ او الديانا فى مصر
|
رد: هنا ورشه اصلاح
السلام عليكم يا استاز عصام حضرتك انا عندي بندقيه صيني كل لما اجي اعمرها تضرب لوحدها اي الحل اروجو الرد ودا رقمي 0145564654
|
رد: هنا ورشه اصلاح
محدش عبرني لي
|
رد: هنا ورشه اصلاح
السلام عليكم استاذ عاصم انا عندى بندقية جامو اسبكترا
عايز اغير السوستة بسوستة اجمدشويةاية رايك ولا دة ممكن ياصر على البستم |
رد: هنا ورشه اصلاح
اقتباس:
لكن الديانا موجودة سعر ال52 هو 5000 وسعر ال54 هو 6500 هذه هي الاسعار التي اعرفها انت الرميح بتاع السعودية ولا ده اسم حركي بس؟؟ قصدي انت شخص من المحل |
رد: هنا ورشه اصلاح
الأخ thelord1994 أنا كان عندى نفس المشكلة وطلع الزناد مكسور , و لما غيرته بقت البندقية زى الفل
|
رد: هنا ورشه اصلاح
عاندى بندقية صينى نمرة 2 بقالها عمر معايا الحقيقة
اللى حصل انها باظت من فترة قريبة لما تتعمر واجى اضرب معادتش بتخرج الرش تقريبا الهوا بتاعها فيه خلل الماسورة زى الفل المشكلة جوا بس مش عارف فيه ايه لاهل الخبرة ارجو الافادة ضرورى |
رد: هنا ورشه اصلاح
حاجه من اتنين ملهمش تالت اما السسته ضعفت خالص واما وده الاكيد ان الجلبه اتكلت نهائيا والمشكلتين حلهم سهل خالص ولو حضرتك من سكان القاهره او الجيزه تقدر تروح لمحل شريف وعنوانه 100 شارع شبرا هيقوم معاك بالواجب وهو سعره قريب وشاطر فى مهنته وتقبل مرورى
|
رد: هنا ورشه اصلاح
للاسف انى مش من سكان القاهرة
انا من دمياط وفعلا واحد قالى ان احتمال اكيد تكون الجلبة اتاكلت لان السوستة زى الفل البندقية بتاعتى ماركتها b2-2a صينى نمرة 2 وهيا الحالة بتاعتها تعبانة قوى لانها من حوالى 12 سنة ياريت تقولى سعرها يعمله كام دلوقتى واذا صلحتها وبقت تمام ينفع اركبلها منظار ولا لأ والف شكر ليك ياباشا |
رد: هنا ورشه اصلاح
اقتباس:
تم التصليح وزى مانتا قلت يا ريس الجلبة اللى جوا كانت تعبانى على العموم الراجل غير الجلبة اللى جوا واللى برا وبقت تمام قوى وطلعت اصطان النهارده اول مرة من زمان وكانت الغنائم عصوفرين صغيرين :d |
رد: هنا ورشه اصلاح
السلام عليكم
معروض عليا بندقية ديانا 54 الناشنكاة الامامي بتاعها مكسور وعاوز اعرف النشنكاة موجود في مصر ولا لا واشترية منين لو موجود وسعرة كام من فضلكم مع خالص الشكر |
رد: هنا ورشه اصلاح
انا عندي الفايروخ 80 الماسوره بتلألأ لفوق ولتحت ايه العمل ارجو الرد السريع
|
رد: هنا ورشه اصلاح
ارجو الرد علي السؤال
|
رد: هنا ورشه اصلاح
بسيطه اوى ان شاء الله شريف هيسبتها لك وخلى بالك دى بندقيه جميله جدا وقويه جدا فلازم تصلحها باتقان وزى ما قلت عنوان شريف 100 ش شيرا فوق محطه المترو بتاعه دوران شبرا واتمنى انها ترجع جديده ان شاء الله
|
رد: هنا ورشه اصلاح
مش دايما بتكون السوستة او الجلبة هية السبب فى ضعف البندقية زات الماسورة الكسر
ممكن فى احيان كثيرة يكون السبب جلبة التسرب الموجودة بين الماسورة وجسم البندقية والموضوع دة حصل معاية وعالجتة بطريقة ظريفة جدا وهى كما يلى ازلت الجلبة القديمة ونظفت مكانها جدا بحيث انى ازلت الجلبة واى اثر للزيت فى هذا المكان بعد ذلك قمت بتسخين هذا المكان بماكوة لحام كهرباء زات قدرة عالية وبمسدس سيلكون ملات هذا الفراغ وبكاتر ساويت السيلكون بحيث صار مثل الجلبة التى كانت موجودة وواللة صارت البندقية لا تنفس من هذا المكان ابدا مع جزيل الشكر للاخوة بالمنتدى على هذا المجهود الطيب |
رد: هنا ورشه اصلاح
شكرا اخ درويش بس ممكن ترد علي سؤالي بالاعلي
|
رد: هنا ورشه اصلاح
استاز وائل انتة عندك مشكلة فى البندقية وهية تاكل حديد الزناد وايضا حرف الدليل
فك البندقية وروح عند واحد لحام بس يكون ممتاز وخلية يزود الزناد بنقطة لحام بس يكون بسلك لحام رفيع وزود كمان حرف الدليل وارجع للبيت وبمبرد ساوى نقط اللحام دية وهتركب تانى وان شاء اللة تشتغل نفس الموضوع حصل معاية ودفعت فية 75 جنية علشان اصلحة فى ورشة فى الغربية ( طنطا ) وفكيت انا بعد كدة البندقية وشفت عملو اية فيها وعملتها بعد كدة لوحدى وشكرا |
رد: هنا ورشه اصلاح
الجزار
الماسورة بتلالا لفوق وتحت بص يا استازى الفاضل بعد استعمال البنادق زات الماسورة الكسر لفترات طويلة يحدث الاتى فية جزء حديد موجود اسفل الماسورة والذى بدورة ينقل الحركة لاجزاء التعمير بالبندقية هذا الجزء عبارة عن طبقتين يحدث بينهم فتح مع الاستعمال الطويل فيحدث بالطبع تقصير لهذا الزراع كل ما عليك فك البندقية والدق بهدوء على هذا الجزء حتى تكون الطبقتين موازيين لبعض تماما ولا يوجد اختلاف فى المسافة بينهما واعد التركيب مرة اخرى ومفيش مانع ان تربط المسمار الموجود بين الماسورة والجسم شوية وخلى باللك همة مسمارين واحد قصير لازم تفكة الاول وبعد كدة تربط الكبير وتعيد تركيب الصغير تانى لانة موجود اصلا لتثبيت المسمار الكبير وانشاء اللة البندقية تبقى زى الفل وتقبل مرورى وشكرا للجميع على المجهود الرائع بالمنتدى |
رد: هنا ورشه اصلاح
مشكووووووووووووووووووووووووووووووووووور اخوي
|
رد: هنا ورشه اصلاح
السلام عليكم ورحمة الله وبركاته
اخوكم ناجى عضو جديد واتشرفت جدا بانتسابى للموقع الجميل ده والاعضاء الافاضل وليا عندكم مجموعه استفسارات انا لقيت فى وسط الحاجات القديمة بندقية diana 25d cal 4.5 وكنت عاوز اعرف دى نمرة واحد ولا انتين والبندقيه دى حلوه ولا اى كلام وسعرها تقريبا يكون فى حدود كام دلوقت طبعا البندقيه حالتها تزعل جدا اولا ضعيفه جدا والناشنكان الخلفى مطبق والخشب بتعها مجرح خالص كنت عاوز اعرف ان كان ممكن اعملها صيانه ترجعها لأيام زمان ودى تكلفنى كام لكل جزء ممكن يتغير وفين ولا اجيب واحده تانيه واكبر دماغى وشكرا لوقتكم واعذرونى للاطاله اخوكم ناجى |
رد: هنا ورشه اصلاح
اولا اهلا بيك فى المنتدى وثانيا البندقية دى نمرة واحد وهيا بندقية محترمة بس ضعيفة شوية لاكن مش بطالة وانتا ممكن تروح عند واحد بتاع صيانة اسلحة وتشترى سوستة قوية والافضل انها تكون نفس السوستة او سسوستة المانى او اسبانى نفس الطول وعدد الحلقات وتغير الجلبة وتغير النشنكاة الخلفى او يتعمل عمولة وبالنسبة للدبشك دا ممكن يتصنفر و يعاد دهانة بورنيش او جملاكة وان شاء الله ترجع جديدة تانى وافضل واحد هوا شريف 100 شارع شبرا وتقولة انك تبع منتدى الصيد فى مصر وهوا هايقوم بالواجب وسعرة حنين وتقبل مرورى وشكرا .
|
رد: هنا ورشه اصلاح
متشكر جدا جدا
طيب اسعار الحاجات دى تقريبا كام وسعر البندقية دى كام لو جديده وممكن يركبلها منظار بدل ماعمل ناشكان خلفى ولا مالوش لزمه؟ وشكرا مره اخرى ليك ولكل الاعضاء |
رد: هنا ورشه اصلاح
بالنسبة للاسعار السوستة والحلبة مش غالية تقريبا 100 جنية يظبطوها وزيادة كمان وممكن يركبلها منظار لو فى مكان لتركيب المنظار شكلة زى المسطرة او حزرن متوازيين فوق الكانون بتاع البندقية لو موجود يركب لها منظار مافيش اى مشكلة مكانش يبقى تصلح النشنكاة القديم او تعمل واحد جديد والخشب بتاع الدبشك ممكن انتا تجيب سلك مواعين وصنفرة ناعمة وتصنفرة كويس ولو فى اى نقر او شروخ بسيطة تقفلها بالمعجون وبعدين تدهنة ورنيش بالفرشاة عادى جدا وتديلة وش واتنين وتلاتة بس تستنى بين كل وش والتانى لغاية ما يجف ولو فى اى فقاعات تصنفرها خفيف وتدهن تانى لغاية ما يبقى زى الزجاج وممكن تغمق الون او تفتحة حسب زوقك
|
رد: هنا ورشه اصلاح
الف الف شكر على المعلومات الجميله دى وربنا يوفقك
|
رد: هنا ورشه اصلاح
السلام عليكم ورحمة الله وبركاته أنا سعيد جدا باشتراكى فى هذا المنتدى الأكثر من رائع وأريد أن اسأل سؤال بسيط وهو أن دبشك البندقيه الرمسيس النمره 1 عندى مكسور فأقدر ألاقى واحد جديد فين فى القاهره ويتكلف كام وهل ممكن اجراء تعديل فى البندقيه لتصبح اقوى ومعلش سؤال اخير وهو هل ممكن تركيب منظار لها ام لا
|
رد: هنا ورشه اصلاح
مساء الخير انا عايز اغير الجلده الاماميه بتاعت حبس الهواء لبندقيه ديانا 52
هل ممكن جد يقولى ممكن اغيره ازاى وطريقه تفصليه ولا صعب انا جبت الجلده وهيه معايا بس للاسف انا فى بلد غير القاهره وصعب اخد البندقيه من مكان لمكان عشان اغير الجلده رجاء الافاده ضرورى ومتشكر جدا على زوئكم |
رد: هنا ورشه اصلاح
الجلده الاماميه الصغيره السودا مش الزرقا الكبيره ارجو الافاده ضرورى
|
رد: هنا ورشه اصلاح
السلام عليكم .....انا لي صديف كلفني بخدمه ارجو ان اعرضها عليكم ونساعده فيها ... هو عنده بندقيه
اسمه فالك 80 وهو معتز بها جداااا ومحتاجه تغيير سوسته وجلبه ليه وانا اعتقد ان مالهلش قطع غيار فالو ممكن تفيدونه ان يركبله اي نوع اخر تحل محله زي الجامو الاكس بو مثلا نرجو الافاده مع الشكر |
رد: هنا ورشه اصلاح
اقتباس:
لو حضرتك من القاهرة احسن حاجة تاخدها للأستاذ شريف فى شبرا وهوه حيقدر يفيدك وصديق حضرتك له حق يعتز بيها لأنها بندقية قيمة جدا. |
رد: هنا ورشه اصلاح
السلام عليكم دى اول مشاركه ليه بصراحه ومبسوظ ان فى منتدى عن الأسلحه لأنى وقعت فى مشكله وخايف ميبقاش ليها حل
انا معايا مسدس صوت reck pk800 cal المانى ال safety مكسور من جوه والزرار كمان هل ده ممكن يتصلح؟ وفين المكان ويعمل كام تصليحه ارجو الرد لأنه بتاع والدى ومش عايز اقوله يزعل واصلحه انا من سكات |
رد: هنا ورشه اصلاح
الاخوة الاعزاء انا عندى بندقية صينى b2 2a وهى جديدة ولكن ارى ان الماسورة فيها بوش كتير من عند المفصل - وقمت بزيادة الربط عليها ولكن لا فائدة واريد كذلك تظبيط الناشنكاة صح -وشكرا لكم جميعا له
|
رد: هنا ورشه اصلاح
نسيت اقول ان البوش اللى فيها يمين وشمال
|
رد: هنا ورشه اصلاح
انا عندي سؤال مستعجل جدا انا لسه دلوقتي مزيت البندقيه وغرقتها زيت ومش عارف اعمل ايه مكنتش اعرف ان الزيت خطر علي الضغط والجلبه والسوسته و........ اعمل ايه
|
رد: هنا ورشه اصلاح
حد يرض عليا ارجوكم
|
رد: هنا ورشه اصلاح
فينك ياسياده القنصل عايزينك تفيدنا
|
رد: هنا ورشه اصلاح
اقتباس:
|
رد: هنا ورشه اصلاح
الف شكر يا سياده القنصل بس ممكن اعرف الشحم نوعه ايه ولا اي نوع يمشي وعلي فكره انا محلتش السوسته والجلبه انا بس حطيت يجي عشر نقاط من الزيت ماكينه الخياطه في فتحه اخراج الهواء المقابله لفتحه ادخال الرشه
|
رد: هنا ورشه اصلاح
اقتباس:
|
رد: هنا ورشه اصلاح
الف شكربجد
|
رد: هنا ورشه اصلاح
السلام: اخ مصطفى اعتقد ان الكلام فيه لبس لانه من الضروري تزييت الجلبه من وقت لاخر حتى تقلل الاحتكاك وتزيد سرعة الكباس وتستخدم زيت خاص بالبنادق او زيت مكن الخياطه وفي فديو هحاول انزلو
سلام |
رد: هنا ورشه اصلاح
انا عندى مشكلة مش عارف سببها اىه انا معى مسدس اكول 9 ديول جاك ومشكلته انه احيانا بيحشر الطلقات يعنى ممكن انا وبضرب يعلق الطلقه الى فى الماسورة ومش يسحبها والتانيه الى فى المشط تحشر وراها ودا برضه حصل مع وانا بضرب على الاتوماتيك انا عايز اعرف المشكله دا من ايه وايه حلها انا الطلقات الى معى تركى برضه
|
رد: هنا ورشه اصلاح
انا عندي بندقيه norica 56 الماسورة نازلة تقريبا 3 مللي لتحت هل ده عادي ولا البندقيه عندي فيها مشاكل ؟
|
رد: هنا ورشه اصلاح
يا جماعة أنا معايا رمسيس نمرة واحد عايز أغيرلها جلبة، عشان قوتها ضعفت في الفترة الأخيرة، من فييين ياريت حد يدلني أنا من اسكندرية وسألت الأستاذ القنصل قبل كده بس هو من القاهرة يا ريت لو حد يعرف ممكن أصلحها فيه في اسكندرية يبلغني.. ساعدوني لو سمحتم
|
رد: هنا ورشه اصلاح
روح عند فتح الله اللي في محطة مصر
عندهم ورشة هناك بيصلحوا فيها البنادق و المسدسات |
رد: هنا ورشه اصلاح
اقتباس:
24 شارع سعد زغلول-محطة الرمل-الاسكندرية ممكن تقوللي عنوانهم اللي في محطة مصر وشكرا ليك على مساعدتك :):) |
celebrities
A lot of exposure because of louis vuitton shoes the paparazzi photographed celebrities become the focus of attention of the abercrombie and fitch outlet earrings, is the nation’s current chief female hip-hop fashion, sexy sweet fashion moncler outlet design, swept the world and foreign moncler online shop stars, Britney Spears, the Hilton sisters, Madonna ,Cameron Diaz juicy couture tracksuits Lindsay.
|
رد: هنا ورشه اصلاح
السلام عليكم
ياجماعه انا الفبرايا بتاعت المقبض انكسرت وكنت عايز واحده المسدس نوعه ريتاى بورن سيج زارو حد ممكن يدلنى |
رد: هنا ورشه اصلاح
انا عندى مسدس صوت المانى الخزنة بتاعته متعضعضة وبالتالى الاتوماتيك بتاع المسدس بايظ لأن فى طلقات بتتحشر اعمل ايه
؟؟؟؟؟؟؟؟؟؟؟؟؟ |
رد: هنا ورشه اصلاح
السلام عليكم عندى مسدس رش ماركة والتر cp88 فية مشكلة لما بحط انبوبة الغاز مجرد مبقفل الكعب اللى تحت بيتسرف الغاز كلة فى ثوانى اية الحل وشكرا
|
رد: هنا ورشه اصلاح
اخواني الاحباء ارجو المساعدة عندي مسدس تركي ekol firat magnum 9M ان الطلقات النحاس الذهبي بتعلق فيه في بيت النار ومش بترد الأجزاء للأخر فالطلقة بتحشر مع اللي وراها اللي اتسحبت
ماذا افعل |
رد: هنا ورشه اصلاح
السلام عليكم ورحمة الله وبركاتة أنا امبارح فكيت البندقية وغيرت الجالبة وزيتها كلها بزيت اسو بس لما ركبتها أصبح الزناد بيضرب من اول تكة بسيطة بل كدا كنت بدوس شوية ولازم اضغط للأخر علشان اضرب ياريت تفيدونى اية الى ممكن يكون السبب واية العلاجمع العلم انى لفيت شوية المسمار الى خلف الزناد بس مش عارف هوا دة السبب ولا اية معلش طولت عليكو
|
رد: هنا ورشه اصلاح
اية يا شباب الورشة مقفولة خميس وجمعة ولا اية ارجو الرد
|
رد: هنا ورشه اصلاح
مساء الخير علي اساتذتنا جميعا انا معايا بندقيه المعادي لسه شريها صياد مبتدي بس الزناد جامد بيغلي ايدي تهتز اعمل ايه 2) لما بضرب بحس ان الخشب بتهتز من الحديد عند الضرب ارجو الافاده
|
رد: هنا ورشه اصلاح
اخى الكريم انا عندى مشكلة فى المسدس يوماركس ودة نفش الشركة الولتى حتى الخزنة بتاعة والتر ودة مسدس رش لم بركب النبوبة الغاز واقفل الكعب بتتسرب كلها من الاعلى وعاوز اعرف قطعة الغيار بكام ومنين ومين اليصلحة كويس ارجو الافادة
|
رد: هنا ورشه اصلاح
السلام عليكم ياستاذ مصطفى اخوك جاد انا اول مره افك التل المجرى كنت عايز اعرف ازاى اغير الجلبه ازاى احل البرشامه جزاك الله خير
|
| الساعة الآن 02:06 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir