الصيد فى مصر - فك البريتا 84 beretta

الصيد فى مصر (http://www.egyhunt.net/index.php)

- الورشة (http://www.egyhunt.net/forumdisplay.php?f=63)

- - فك البريتا 84 beretta (http://www.egyhunt.net/showthread.php?t=39774)

coyote160

13-04-28 09:45 AM

فك البريتا 84 beretta

6 مرفق

بسم الله الرحمن الرحيم

الموضوع قبل أي شئ وللأمانة انا كنت ناوي اعمله من فترة كبيييييييييييييييييييييرة جدااااااااااااااا لكن الظروف منعتني وكمان ان انا مكنش معايا بريتا أصورها عشان خاطركم لكن وانا ببص عالمنتدي القديم بتاعنا:mechan:
شوفتلكم ايه عضو محترم اسمه زيمو 20 حاطط الموضوع بالصور قلت لنفسي أخ :punnch: مش كنت حطيته من بدري لكن معلش عشان متبقاش سرقة احنا ناخد الحلو من هنا عالحلو من هنا ونضربة في الخلاط ههههههههههههه:rir: ورحت واخد الصور وقلت نعملها بتعليقنا احنا القصد ندخل عالشرح

1 - تأمين السلاح العادي نزع المشط وسحب الأجزاء والتأكد من خلو السلاح من الظلقات .

2 - سحب الأجزاء للخلف وتعليقها بسقاطة تحرير الأجزاء .

3 - زي ما هو واضح من تصوير الاستاذ زيمو في سهم بيشير للتيله التيت اياها اللي بتعصلجلنا الفك ومن الأجزاء من جوا هنلاقيها بارزة بمسمار خشابي بوزة عدل عشات ميبهدلش التيله ندقة لبرة فتصبح بارزة في جسم الأجزاء من برا .

4 - تحرير الأجزاء و تحريك عتله الفك ربع لفه ثم سحب الأجزاء للخلف ورفعها لأعلي ثم الي الأمام لتخرج معاك .

ملحوظة لو عايزتعرف سلاحك ماسورة ثابته ولا متحركة هز الماسورة لو اتهزت معاك يبقي متحركة لكنها متتيله في مكانها بتيلتين حوالي 5 ملي من كل جنب والا اعرف ان سلاحك ماسورة ثابته و الشكر موصول لزيمو ولكل من علقناه في حاجة ولا تنسونا من صالح دعائكم

:lov:

coyote160

13-04-28 09:53 AM

رد: فك البريتا 84 beretta

هذا الموضوع مهدي للراجل الطيب اللي ناسي اسمه تقصيرا في حقة اللي صلح ودي مسدسة لحد تبعه في قسم فكهوله وأرجو ميزعلش لأني ناسي اسمه واسف لتقصيري و تأخري عليه في وضع الموضوع ولكل واحد مش عارف يفك برييتته هههههههه

MBadr

13-04-28 10:06 AM

رد: فك البريتا 84 beretta

مشكور ياباشا على الموضوع الجميل تسلم ايدك وربنا يبارك فى حضرتك على الامانه فى النقل

coyote160

13-04-28 10:11 AM

رد: فك البريتا 84 beretta

اقتباس:

المشاركة الأصلية كتبت بواسطة mbadr (المشاركة 499795)

مشكور ياباشا على الموضوع الجميل تسلم ايدك وربنا يبارك فى حضرتك على الامانه فى النقل

يا باشا العفو ربنا يباركلي في عمرك أصل هنكر ليه بس ربك والحق انا كنت سعيد وانا بنقل الموضوع اهو نستفاد من المنتدي التاني في حاجة ومشكور لمرورك الكريم

عادل عبده

13-04-28 12:59 PM

رد: فك البريتا 84 beretta

تسلم ايدك يا باشا وبارك الله فيك ويارب تكون بقيت تمام وسامحنى فى التقصير معاك

coyote160

13-04-28 02:00 PM

رد: فك البريتا 84 beretta

اقتباس:

المشاركة الأصلية كتبت بواسطة عادل عبده (المشاركة 499826)

تسلم ايدك يا باشا وبارك الله فيك ويارب تكون بقيت تمام وسامحنى فى التقصير معاك

منورنا يا باشا أبو الواجب والاحترام كله والله انت علي راسي من فوق شخصية محترمة نفخر بمعرفتها وان شاء الله نلتقي عن قريب بس دعواتك بس نخلص من اللي احنا فيه بس ومنحرمش أبدا من ردودك ومرورك الكريم

samyezzat

13-04-28 07:18 PM

رد: فك البريتا 84 beretta

4 مرفق

تسلم ايدك ياباشا على الشرح الجميل بس انا عندى مسدس صوت بريتا 84bb بس للاسف مفيهوش التيله اللى حضرتك بتقول عليها ودخت علشان افكه مش عارف خالص ياريت لو تقدر تساعدنى اكون شاكر لحضرتك
مرفق صور المسدس

coyote160

13-04-29 03:19 PM

رد: فك البريتا 84 beretta

اقتباس:

المشاركة الأصلية كتبت بواسطة samyezzat (المشاركة 499902)

سيدي الفاضل هناك نوع اخر من البريتا لا يتم فكة بالشكل الذي تم ذكره وهو الذي تكون ماسورته مثبته اعتقد أنه مر علي من مده هذا المسدس كان لاحد الأصدقاء أشار عليه واحد ابن حلال انه يحولهوله وحاول يفكه لم يستطع فقام بتوسيع الماسورةوالمسدس راكب وبهدله فلا نفع لا حي ولا صوت وانا عملتله حاجة عبارة عن طبة قلاووظ صغيرة لتمنع الطلقات ( الصوت ) من الوقوع من الماسورة وخليتهوله 9 ملم بدل 8 لانه كان وسعها علي ال8 ملم القصد فكيتها انا ازاي ؟؟؟؟؟ كان نظامها انها بعد فك المقابض بيبقي الجزء اللي فيه الطارق اللي لما تمسك المسدس بيبقي في بطن ايدك بين الابهام والسبابة بيبقي مش حته واحده مع المسدس بيبقي ثابت فيه بتيلتين بتدق عليهم يطلعوا وتشيل الجزء دا وتطلع بالأجزاء طبعا دي دبكه جامده وبالذات ان واحده من التيلتين مسئوله عن تثبيت سوسته ريشه تسطيح الطارق اللي هيا عبارة عن جزء بيعلق في الطارق ويثبته لما تشد الاجزاء ولما تضغط عالزناد بتحرك دراع في جنب الطبنجة بيشد الريشة دي عشان الطارق يتحرر ويضرب الابره وتركيبها لغير المحترف عذااااااااااااااااب فلو هو من النوع دا ومنتش مضطر تفكه لعطل او ما شابة منصحكش تجرب ونضفه علي وضعه بالنقع في سولار مثلا لمده وتصفية وتنشفه كويس وتبقي تزيته بعدها وفي اخيرا النوع السهل اللي بيتفك بمجرد تحريك عتله الفك ربع لفه وسحب الاجزاء للأمام وتطلع بالماسورة وعمود وياي الترجيع ارجو اكون افدتك ومصدعتكش علي الفاضي وتحت أمرك

coyote160

13-04-29 03:22 PM

رد: فك البريتا 84 beretta

لو عايز تعرف جرب هز الماسورة وانت ماسك السلاح شوفها بتتهز خفيف كدا ولا لأ مش قابله تتهز خالص و قل لي

samyezzat

13-04-29 03:52 PM

رد: فك البريتا 84 beretta

انا متشكر جدا على رد حضرتك
هوه المسدس شغال كويس بس انا كنت عايز اركبله طبة بلى
بالنسبه للماسورة هيه مش بتتهز خالص وهيه حديد يعنى المغناطيس بيمسك فيها وباقى المسدس انتمونيا

coyote160

13-04-29 04:32 PM

رد: فك البريتا 84 beretta

اقتباس:

المشاركة الأصلية كتبت بواسطة samyezzat (المشاركة 500102)

طالما متهزتش يبقي فكه معقد زي ما قلت لحضرتك ولو عايز تركبله طبه بلي يستحسن تفكه متعملوش وهو راكب و يا ريت اللي يفكة يبقي عنده فكرة عنهم عشان ميبهدلوش ولو عايز تاخد فكرة عن كلامي ممكن تفك المقابض وتهز الجزء اللي في الظهر وانت تتأكد من كلامي هتلاقيه بيتهز خفيف و هتلاقي التيلتين اللي بيتفكوا بالذات راكبين في جزء مدور بارز ولو صورت اليد بتاعه المسدس بدون مقابض ممكن اقلك هما فين عالصورة وتحت أمرك في أي حاجة وبخصوص ان الماسورة حديد الماسورة بتبقي انتيمونيا من برة وحديد من جوا شميز في قلب الماسورة مش كلها جديد وممكن تعرف دا باختبار المنشار او بالكاتر تقطع بيه عالماسورة من برا هيشيل معاك من الالومينيوم وبكدا تتاكد انها مش حديد

samyezzat

13-04-29 09:51 PM

رد: فك البريتا 84 beretta

4 مرفق

شكرا ياباشا على الاهتمام وسرعة الرد ومعلش هتعب حضرتك معايا وربنا يجعله فى ميزان حسناتك

coyote160

13-04-30 09:43 AM

رد: فك البريتا 84 beretta

اقتباس:

المشاركة الأصلية كتبت بواسطة samyezzat (المشاركة 500164)

شكرا ياباشا على الاهتمام وسرعة الرد ومعلش هتعب حضرتك معايا وربنا يجعله فى ميزان حسناتك

يا باشا العفو للأسف مش دا اللي بيتفك بتيل بس انا شايف انك طلعت سقاطة الفك والتركيب خالص من السلاح هل برغم دا الأجزاء مبتطلعش برده و هل المسدس دا من اللي مشطة فردي مش مجوز زي اللي انا حاطط صورته لانه لو كدا النوع دا بيبقي البروز اللي في المسدس اللي بتمشي عليه الأجزاء كبير ومبيطلعش بالسحب من ورا لفوق زي التركي مثلا لازم يطلع لقدام وممكن تكون الماسورة المتيله زي ما قلت لخضرتك هي السبب اللي مانعها من الفك وان شاء الله لو عثرت علي حاجة بالشكل اللي كنت اقصده اصورها واحطها في موضوع جديد عالمنتدي هنا في الورشه سامحني انا دوختك معايا وشوف موضوع المشط دا و عرفني ولو هو الفردي فدا اغلبه ايطالي بشغل بلاده نادر الوجود النهارده و نظام أجزائه بالمجاري الطويله دا بيزود في عمره منصحكش تفرط فيه هو احسن من فلوسه و اعذرني لأني مأفدتكش بس أوعدك أحاول ألاقي واحد زية وأقلك حله ايه

coyote160

13-04-30 10:07 AM

رد: فك البريتا 84 beretta

1 مرفق

سيدي الفاضل هذة الصورة هي للنوع اللي كنت اقصده اللي من الممكن يتفك الجزء اللي فيه الطارق بتيلتين ولاحظ البروز الموجود بين الجسم والظهر علي العكس من طبنجتك الجسم مع الظهر بنفس الاستواء والنوع اللي انا حطيته هو اللي التيل اللي بتجمعه قطعه واحده وليس كل مسدس بهذا الشكل أيضا بل فقط ما يكون ماسورته متتيله مع الجسم رغم انها متحركه منعا لفكها وبيعملوا دا عشان يجمعوا المسدس بعد ما اتيلت الماسورة ودا برده موجود في البي 29 مع الفارق انه ممكن ييتفك رغم ثبات ماسورته بعد ازاله سقاطه الفك وان شاء الله اجدلك الحل في النوع اللي معاك وتقبل تحياتي واعتذاري

samyezzat

13-04-30 11:46 AM

رد: فك البريتا 84 beretta

والله انا عاجز عن الشكر وكفاية زوق حضرتك واهتمامك وهوه فعلا المشط بتاعه فردى

coyote160

13-04-30 11:52 AM

رد: فك البريتا 84 beretta

سامي بيه العفو احنا اخوات وربنا يعلم وانا يحزنني اني مقدرتش اساعد في الوقت الحالي وعلي أمل ألاقي زيها واقلك تعمل ايه وتحت أمرك ومنور الموضوع والله

samyezzat

13-04-30 11:55 AM

رد: فك البريتا 84 beretta

والله انا كفايه انى اتعرفت على شخصية محترمه زى حضرتك بتبزل كل المجهود ده عشان تساعد الناس وربنا يجازيك عنا خيرا

coyote160

13-04-30 01:13 PM

رد: فك البريتا 84 beretta

العفو احنا هنا كلنا اخوات وهفنا نساعد بعض و المنتدي ملئ بالأشخاص المحترمه اللي يفوقونا خبرة كمان وانا ارسلت لحضرتك طلب صداقة ارجو تقبله

samyezzat

13-05-01 04:20 PM

رد: فك البريتا 84 beretta

ده شرف كبير ليه انى اصادق راجل محترم زى حضرتك وان شاء الله تكون معرفة خير

الساعة الآن 11:02 PM