استشارة من السادة خبراء القانون
 

السلام عليكم
لو قاصر تعرض للطعن بسلاح ابيض من قاصر برضو والشهود الوحيدين قصر برضو
والقضية والمحضر بيطلبوا شهود كبار ...ايه العمل فالحوار دا
افيدونا اعزكم الله :lov:

رد: استشارة من السادة خبراء القانون
 

سيدي الفاضل
الموضوع يختلف هل هيا مشاجره عاديه ولا لا وهل في اصابات تستدعي علاج اكتر من 21 يوم مع وجود كشف طبي معتمد من مستشفي حكومي
ثانيا : بدون شهاده بالغين يعتبر القضيه اهمال وتوجه تهمه الاهمال للوالدي ايهما علي قيد الحياه ويتم الافراج عن القصر بضمان محل اقامه الوالد بعد الضمانات
ثالثا : علشان حضرتك متشغلش بالك اي حاجه فيها اطفال مبتكملش قضيه واالله اعلم

رد: استشارة من السادة خبراء القانون
 

بص ياباشا هو الموضوع ان اخويا كان بيسلك فى خناقة جوا المدرسة وواحد قل ادبه عليه قام اخويا خبطه براسه فتح شفته واتفضت واتصالحوا وكدا ...بعد المدرسة الواد دا تربص باخويا ومعاه مطوة وطعنه فى دراعه و فى الصدر من الخلف اخد حوالى خمس غرز بس مفيش 21 يوم ولا حاجة والتقرير من مستشفى تامين صحى ... اهلى عرضوا الانتقام من الواد وابوه وكدا بس حضرتك عارف الحلول دى مش بتخلص
المهم احنا عملنا قضية ومطلوب شهود كبار عشان الصغيرين مش نافعين
والواد دا عايزين نسجنه ولو شهر لان ابوه عميد سابق فالجيش ومنتهى الوقاحة وقلة الادب ورافض القعدة العرفية واكيد ناوى يدخل الواد دا شرطة والداخلية مستكفية كلاب
غير كدا الواد دا قبل كدا عور زميله بالموس فى وشه بمساعدة اخوه الى هو ظابط دلوقت برضو فالشرطة ...ادت لعاهة مستديمة واهله الهبل اتنازلوا
شكرا لرد حضرتك واهتمامك

رد: استشارة من السادة خبراء القانون
 

اعمل محضر الشرطة وحول اخوك للكشف الطبى وهات التقرير وارفقة بالمحضر ودة محضر ضرب ومدام فية اصابات فى اخوك اكيد هاتدخل جنحة وما فيش حاجة اسمها شهود كبار وشهود صغيرين................الجنحة هاتمشى ومحكمة الاحداث هى المختصةوهاتتدعى مدنى ضد ابو الواد بعشرة الاف جنية وواحد..........مؤقتا ولو الواد اخد اى حكم هاترجع على ابوة بالتعويض المادى والادبى..............بس كان الافضل البلاغ بعد الحادثة على طول لان التراخى فى الابلاغ موش هايفيد فى المحضر لما يتحول لجنحة ضرب

رد: استشارة من السادة خبراء القانون
 

[quote=ابو مروان;500211]اعمل محضر الشرطة وحول اخوك للكشف الطبى وهات التقرير وارفقة بالمحضر ودة محضر ضرب ومدام فية اصابات فى اخوك اكيد هاتدخل جنحة وما فيش حاجة اسمها شهود كبار وشهود صغيرين................الجنحة هاتمشى ومحكمة الاحداث هى المختصةوهاتتدعى مدنى ضد ابو الواد بعشرة الاف جنية وواحد..........مؤقتا ولو الواد اخد اى حكم هاترجع على ابوة بالتعويض المادى والادبى..............بس كان الافضل البلاغ بعد الحادثة على طول لان التراخى فى الابلاغ موش هايفيد فى المحضر لما يتحول لجنحة ضرب[ كلام سلييييييييم

رد: استشارة من السادة خبراء القانون
 

اتعمل المحضر يابو مروان علطول بس كان ضد الواد ماكناش نعرف انه ممكن يتعمل ضد ابوه ...وفعلا النيابة طالبة شهود كبار