أرجو تدخل المسؤل administrator وأخذ رأية فى هذا التصرف
 

هذا كان السؤال
ممكن أعرف هل من الممكن أشترى مسدس صوت من أى دوله ( لأنى بأسافر كتير) وأدخل بة فى الطيارة ثم هل أستطيع الدخول بة لمصر ؟

وهذا كان الرد من السيد أدهم
احب انوة لحضرتك ان تداول طبنجات ومسدسات الصوت داخل مصر غير مجرم الا لو تم تعديلها بشكل مجرم قانونا
والقانون اوضح الوسائل القانونية لدخول مثل هذة المستلزمات
ويفضل الا نضع انفسنا تحت طائلة القانون باللجوء الي ادخال هذة النوعية وغيرها بالوسائل غير المشروعة (خلسة)وملحوظة اخري اخي الكريم
مثل هذة الموضوعات (كيفية ادخال ...................بوسائل غير مشروعة للبلاد) من الموضوعات الغير مسموح بطرحها علي المنتدي واكييد حضرتك مكنتش تقصد كدة !!!

السيد أدهم إما أن تكون لم تفهم السؤال أو أنك تفترض وتقرأ أشياء ليست مكتوبة.
فسؤالى هو سؤال قانونى, وذلك لأنة كما هو مكتوب فى هذا الرابط http://www.airsafe.com/danger.htm

بعنوان (Baggage Items Prohibited or Restricted
in Airports and Airplanes

لإنة يسمح بذلك ولكن بشروط

كما إنى لم أذكر كلمة (بوسائل غير مشروعة للبلاد)و (خلسة) كما ذكرت وهذة تهم فى حقى وليس ردا على سؤالى

ثم إنك إنك أغلقت الموضوع (عن عدم فهم وقلة قراْة) حتى بدون الرجوع الرجوع لل administrator

أرجو تدخل المسؤل وأخذ رأية فى هذا التصرف . وكذلك رأى الأعضاء المحترمين

رد: أرجو تدخل المسؤل administrator وأخذ رأية فى هذا التصرف
 

السيد المحترم
اولا حضرتك في مشاركتك قولت انك بتسافر كتير وعايز تجييب الطبنجة معاك
قانونا علشان تستورد سلاح او تجلبة بحوزتك لازم موافقة الأمانة العامة للقوات المسلحة
وكذا الأمن العام بوزارة الداخلية بعد مطابقة مواصفات السلاح والقوانيين المعمول بها في مصر
ولو حضرتك جبت السلاح لحد المطار قبل صدور تلك الموافقات سوف تتعرض للمسائلة وبالتالي سوف تضع نفسك تحت طائلة القانون
وفي قاعدة قانونية مفادها ان ((الجهل بالقانون لا يعفي من المسئولية ))
وتحاسب انك تحاول ادخال سلاح خلسة سواء اسلحة بيضاء او رش او حية مع اختلاف مقدار العقوبة طبعا
وطبعا حضرتك لو معندكش خلفية عن ما سبق اكيد هيبقي وضعك غيير قانوني

ثانيا
لا داعي للحدة في الرد مثال لرد حضرتك (ثم إنك إنك أغلقت الموضوع (عن عدم فهم وقلة قراْة) ))
فأعضاء المنتدي هنا اخوه افاضل واناس محترميين تتسم حواراتهم بالهدوء والأدب في الرد وتبعد عن الحدة والمغالاة في التعبيرات التي لن تسيء الا لصاحبها كما ان هناك قوانيين للمنتدي من المفترض ان حضرتك عند التسجيل في المنتدي قد اطلعت عليها

والرابط دة نموزج ومثال يحتذي به لحوار هادئ ومهذب بين اعضاء محترمين بالمنتدي تحترم قوانيين المنتدي وتحكمها الأخلاق الحميدة في اختيار الأفاظ http://www.egypthunt.net/showthread.php?t=3950

والمفترض انك تعلم هناك موضوعات محظورة لدواعي امنية وحضرتك موضحتش عايز تدخل بيها من المطار قانونا ولا اية بالضبط وكان من الطبيعي اني اقولك انك سوف تقع تحت طائلة القانون لأنك حاليا مستحيل تحصل عي اي موافقة امنية
ارجو ان يكون كلامي واضح
والسلام عليكم

رد: أرجو تدخل المسؤل administrator وأخذ رأية فى هذا التصرف
 

ألآخ ألعزيز ألآستاذ / أبو ألعلا
أنا كنت سأرد على حضرتك و لكنى أثرت ألتريث حتى يرد ألاستاذ أدهم مشرف ألقسم
و يوضح لك و جهة نظره . و للآمانة ألرجل لم يخطئ فلقد أراد أيضاح كل ألجوانب بأخلاص
و بصورة وافية حرصاً منه على مصلحتك أولاً و خوفاً من أن ينصحك أحد بنصيحة قد تضرك
لاسمح ألله أو أن يلتبس عليك ألآمر بالخطأ و تتصرف بناء على ذلك فتقع تحت طائلة ألقانون
و ألآستاذ أدهم من أكثر ألآعضاء ألتزاماً و دراية و حسن خلق
و ظنى فيك أنك لا تقل عنه خلقاً لذا وجب عليك تفهم موقفه و ألثناء عليه أو ألاعتذار له
تقبل تحياتى و تقديرى

رد: أرجو تدخل المسؤل administrator وأخذ رأية فى هذا التصرف
 

الاخ الفاضل السيد المحترم ابو العلا لعلم معاليك ان الاستاذ ادهم هو مشرف القسم ومفوض من الادراه للتحكم فيه وعند الاجابه على اى عضو بيفضل ان يذكر الموضوع مفصلا حتى يكون معلومات عامه لكل الاعضاء وان كان جاوب حضرتك على الخاص فلابد ان ترد عليه على الخاص ولا تنشر رسالته احتراما لمبدأ الخصوصيه اما عن راينا فمدير القسم تصرف التصرف الصحيح من جانبه وحضرتك من فهمت غلط والموضوع انتهى على كده ونحن فى انتظار مشاركات بناءه من حضرتك وتنزل لنا صور المسدس اللى انت عايزه ومعلومات عنه حتى تكون عضو مفيد وتسفيد من حضرتك باقى الاعضاء والرجاء من المشرف غلق الموضوع فورا واتخاذ ما يراه

رد: أرجو تدخل المسؤل administrator وأخذ رأية فى هذا التصرف
 

الاستاذ ابو العلا مغلطش الراجل فى السؤال كان واضح و السؤال دة بالتحديد اتكرر اكثر من مرة على بنادق الرش
و على حجات تانى كتير كل الى كان عايز يعرفة اجابة واضحة و شافية ينفع او لا هو مقالش انا هدخل كلاشنكوف
و بعدين هو مقالش بصورة غير شرعية او شرعية وواضح من سؤالة انة عايز يعرف بالطريق القانونية فمفيش داعى لتكبير المواضيع و تاويلها حسب الاهواء

رد: أرجو تدخل المسؤل administrator وأخذ رأية فى هذا التصرف
 

لا ماينفعش

رد: أرجو تدخل المسؤل administrator وأخذ رأية فى هذا التصرف
 

خالص تحياتي واحترامي للجميع...

رد: أرجو تدخل المسؤل administrator وأخذ رأية فى هذا التصرف
 

رد: أرجو تدخل المسؤل administrator وأخذ رأية فى هذا التصرف
 

رد: أرجو تدخل المسؤل administrator وأخذ رأية فى هذا التصرف
 

يا استاذ ابو سامر
كلنا عارفين انه ده واقع حقيقي بس ياريت تاخد الحياة بشوية تفاؤل على الاقل علشان الجداد في الهواية ده ميحسوش بالاحباط و يكرهوها

و تقبل مروري