لالالالالالالالالا هو فيه كده يا جدعان
 

واحد رخم اوي بيفسح خطيبته:

هي :
عطشانة!!!!!!!!

... ... هو :
وأنا كمان

هي :
يعنى ... عايزة اشرب

هو :
أكيد مادام عطشانة يبقى عايزة تشربي

هي :
المفروض بما أن عندك إحساس يعنى إني لما أقولك عطشانة تجيب ليا حاجة ساقعة

هو :
ومين اللي هيحاسب ؟؟

هي :
أنت طبعاًهو :
منين ياحسرة .. ماانتى عارفة الكانز وغطاه

هي :
ماقلتش عايزة كانز .. كفاية إزازة صاروخ

هو :
طب لو هاتجيبى اعزمينى معاكى .

هي :
يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

هو :
عندك الكورنيش كله .. اختاري الرصيف اللي يعجبك

هي :
قصدي تعزمنى في مكان شاعري

هو :
في الحر ده .. ماينفعش
هي :
بلاش دى .. نأخد مركب عالكورنيش

هو :
المراكب بتغرق اليومين دول .. خلينا ع البر أحسن

هي :
بلاش المركب تعالى نأكل ترمس .. أظن ده رخيص

هو :
إنتى تضمني منين إن الراجل غاسل إيده وغاسل الترمس

هي :
أعوذ بالله .. إنت مقفلها كده ليه ؟؟

هو :
بصراحة معييش فلوس

هي :
يا سلام!! .. ماأنت كان معاك إمبارح

هو :
إمبارح دخلت السينما مع بنت حلوة كده فالفلوس خلصت

هي :
بنت حلوه ؟؟!! وبتقولها في وشى

هو :
أكذب عليكى يعنى

هي :
لأ تحرق دمى أحسن
هو :
أنا مش شامم ريحه شياط يعني

هي :
ياساتر علي البرود

هو :
برود إيه ؟؟ ماهو الجو مولع أهو

هي :
إنت اللي بارد

هو :
بارد إزاى ؟؟ دا أنا بشُر عرق

هي :
بقولك إيه .. روحنى

هو :
أروحك ؟! هو إنتى ماتعرفيش تروحي لوحدك
هي :
آآآآه .. طب أنا ماشية

هو :
ليه يا حبيبتي؟؟

هي :
حبك برص

هو :
والله البرص بيفهم عشان حبني

هي :
بجد كده كتير

هو :
كتير إيه ؟؟

هي :
إرحمنى .. واضح إن الحر بيجى معاك بالعكس .. يا بارد

هو :
يعني مصممة تمشى ؟؟

هي :
أيوة وحالاً كمان

هو :
طب استني لما نوصل آخر الشارع

هي :
اشمعنى ؟؟

هو :
أصل أنا ساكن هناك .. و مايرضكيش أروح لوحدى

هي :
لاااااااااااااا ااااااااا (وراحت رمية نفسها في النيل)

هو :
ينفع كده ترمي نفسك في الميه همشـى لآخر آلشآرع لوحدى بقى

الشتايم حرام علي فكره واحنا علي مقارب رمضان

محدش ينسي التقييم بقي :sal:

رد: لالالالالالالالالا هو فيه كده يا جدعان
 

ههههههههههههههههههههههههههههههههههههه

رد: لالالالالالالالالا هو فيه كده يا جدعان
 

شرفني مرورك

رد: لالالالالالالالالا هو فيه كده يا جدعان
 

ايه يا جماعه الموضوع مش عاجب حد ولا ايه

رد: لالالالالالالالالا هو فيه كده يا جدعان
 

رد: لالالالالالالالالا هو فيه كده يا جدعان
 

مشكوووووووووووووووووررررررررررررررر

رد: لالالالالالالالالا هو فيه كده يا جدعان
 

هههههههههههههههههههه تسلم ايدك

رد: لالالالالالالالالا هو فيه كده يا جدعان