الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   استمتعوا مع العملاق الامريكي Fx -airguns (http://www.egyhunt.net/showthread.php?t=4067)

ahmedzedmotorz 10-11-30 11:00 PM
استمتعوا مع العملاق الامريكي Fx -airguns
 
النهاردة عايزين نستمتع مع بعض يا شباب مع العملاق الامريكي fx مش عارف عندكم معرفه كافيه عنها ولا لا لانحلمى صراحه اجيب واحدة بس السعر طبعا هنا غالى جدا لانها بنادق قويه طبعا فوق ما تتخيلوا والفيديو فيه كل الموديلات وشوفوا البنادق الهوائيه بتصيد الاطباق الطائرة والاهداف المتحركه نظرا لسرعتها الكبيرة جدا انا هحطلكم الرابط تبع اليوتيوب ونستمتع مع بعض بالفيديو وحابب اسمع ارائكم وتعليقاتكم

ahmed2101 10-11-30 11:32 PM
رد: استمتعوا مع العملاق الامريكي Fx -airguns
 
بصراحة بندقية خرافة بس أكيد هيبقى سعرها عالى جدا جدا جدا

Consul 10-11-30 11:50 PM
رد: استمتعوا مع العملاق الامريكي Fx -airguns
 
أخي العزيز الأستاذ أحمد...بارك الله فيك أمتعتنا بهذا الفيديو الجميل الذي يعرض مجموعة من البنادق الأمريكية الرائعة...طبعا شغل أمريكاني يعتمد علي الإبهار وإستخدام المؤثرات الصوتية والحسية لشد وجذب الأنتباه...إنسى طبعا مافيش منها هنا وبالتالي لا توجد لها قطع غيار أو خراطيش غاز...بس بصراحة أول مرة أشوف رماية علي أطباق طائرة ببنادق رش سواء هواء أو غاز...وهذا يدل علي أن البندقية خفيفة وقوية وسريعة ودقيقة في الإصابة...أهي دي بقي فعلا اللي ممكن أقوللك تؤخد وتصادر منك في المطار...وليس للحظر أو تطبيق القانون...ولكن لأن من سيصادرها سيأخذها لنفسه لوثوقه وتأكده 100% من عدم وجود مثيل لها في مصر...بنادق تحفة...نصيحتي المخلصة لك...دي بالذات لأ...جرب وهات معاك واحدة رمسيس ونمرة 1 كمان...أراهن أنه لن يسألك أحد...إنت رايح فين...خالص تحياتي واحترامي للجميع...

ahmed tawfik 10-12-01 12:34 AM
رد: استمتعوا مع العملاق الامريكي Fx -airguns
 
بصراحة دى بنادق الخيال بعينة انا اول مرة اشوف كدة
بس طبعا داخل فيها شغل السنيما بتاع الامريكان
وبالزات موضوع الاطباق الطائرة دة شى لايمكن ان يحدث مطلقا ببندقية احادية المقذوف
مهما كانت وخصوصا كمان لو عليها تلسكوب دة شئ مستحيل
لان انا بضرب فى نادى الرماية على الاطباق بالخرطوش ودة صعب الى حد ما ومحتاج تدريب كتير
فما بالك ببندقية ضفط هواء
لاكن هى اكيد بنادق قوية ودقيقة على الاهداف الثابتة
وياريت لو حضرتك تضع لنا عنوان الموقع بتاعهم

wegdan12345 10-12-01 06:27 AM
رد: استمتعوا مع العملاق الامريكي Fx -airguns
 
احب اصلح لحضرتك معلومة البنادق دي صناعة السويد
made in sweden
كمان موضوع الاطباق دة شغل فيديو وكاميرا
الفيديو ده عندي من فترة طويلة
وادي موقع الشركة هتلاقي الفيديوهات اللي تخص البنادق بتاعتها عليه

galal khalifa 10-12-01 08:44 AM
رد: استمتعوا مع العملاق الامريكي Fx -airguns
 
اقتباس:
المشاركة الأصلية كتبت بواسطة wegdan12345 (المشاركة 38378)
احب اصلح لحضرتك معلومة البنادق دي صناعة السويد
made in sweden
كمان موضوع الاطباق دة شغل فيديو وكاميرا
الفيديو ده عندي من فترة طويلة
وادي موقع الشركة هتلاقي الفيديوهات اللي تخص البنادق بتاعتها عليه
تمام وصاحي يا وجدان البندقية fx صناعة سويدي وارشق بندقية فيهم الويسبر مالهاش صوت خالص وهي من البنادق الرائعة والعالية جدا جدا جدا

gasser 10-12-01 11:10 AM
رد: استمتعوا مع العملاق الامريكي Fx -airguns
 
حاجة فظيعة بس امتى يا ترى يا هل ترى هتكون هنا فى مصر

ahmedzedmotorz 10-12-01 04:13 PM
رد: استمتعوا مع العملاق الامريكي Fx -airguns
 
طبعا احب اشكر الاستاذ جمال نصر والاخ احمد توفيق والاخ جاسر على تعلقاتهم الجميله الف شكر ويارب يكونوا استمتعوا بالفيديو و ارجو ان ميكونش خطائ في موضوع الصناعه سويديه او امريكيه يكون قلل من قيمه البندقيه عند اللى شافوا الفيديو واستمعتوا بيه وهسمع كلامك استاذ جمال ولو هشتريها مش هنزل بيها مصر وهجيب رمسيس نمرة واحد وشكرا لكل من شارك بالموضوع

محمد احمد العنانى 10-12-01 05:24 PM
رد: استمتعوا مع العملاق الامريكي Fx -airguns
 
حاجة مبهرة والبنادق من هذا الطراز النصف اوتوماتك والاطباق دى ليست خدعة .وغالبا يتم ملؤها بالهواء او نيتروجين تحت ضغط بيكون مكتوب عليها وتتحكم ف قوة اطلاق الرشة وممكن تعمل اكتر من كدة

شلاطه سكوووب 10-12-04 11:55 PM
رد: استمتعوا مع العملاق الامريكي Fx -airguns
 
بحلم اضرب بيه رشه واحده ... معلش ياجماعه اصل انا خيالي شويتين


الساعة الآن 06:22 PM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir