الصيد فى مصر

الصيد فى مصر (http://www.egyhunt.net/index.php)
-   بنادق ضغط الهواء ومتعلقاتها (http://www.egyhunt.net/forumdisplay.php?f=51)
-   -   الكل ممكن يبقي صياد مع المدفع التركي (كرال) (http://www.egyhunt.net/showthread.php?t=4127)

msa_79 10-12-06 02:33 PM
الكل ممكن يبقي صياد مع المدفع التركي (كرال)
 
اخواني أعضاء المنتدي الاعزاء السلام عليكم ورحمة الله وبركاته،
كثر الكلام في الفترة الاخيرة عن البندقية التركي وبصراحة كنت متشكك فيها ومش مقتنع بيها بس مرضتش اقول حكمي عليها لاني مكنتش شفتها أو جربتها بنفسي
أولا انا سلاحي نرويكا مارفيك نمرة 2
خرجت مع اخي وصديقي أستاذ محمود شلبي وهو معاه البندقية التركي الكرال وتعمدت اني ابدل معاه البنادق عشان اجربها بنفسي ودي كانت ملاحاظاتي عليها:
الوزن ممتاز جدا 2.9 كجم يعني اقل من بندقيتي ب 0.2 كجم تقريبا فرق بسيط بس مع المشي بيها لمسافة طويلة بتحس بيه فعلا.
التجميع ممتاز الناشينكان الفسفوري مع سن النملة الاحمر المضيء بيخليك تجمع النيشان في ثانية بمجرد ما ترفع البندقية علي اليمامه ده غير سهولة الضرب علي اليمام في وسط الشجر الكثيف بسهولة.
القوة بصراحة مدفع ياجماعه انا مصدقتش نفسي وانا بضرب بيها يمامة علي بعد 80 متر علي الاقل ونزلت مقفولة والرشه مخترقاها من الناحيتين.
رد الفعل بصراحة لم أشعر بأي فرق في رد الفعل بينها وبين بندقيتي المارفيك اذا مكنش اقل بفرق بسيط.
الدبشك بتاعها فايبر بس تقفيلة جميل ومسكته مريحه(طبعا الدبشك الخشب ليه جماله ومتعته مقدرش انكر).
فيها مشكلة وهيا مشكلة المسمارين اللي في الامام بعد الضرب الكتير بتحتاج تربط عليهم بس المشكلة دي كانت موجودة معايا في بندقيتي المارفيك لما كانت جديدة برده وكانت تعباني الحد ما رأس المسامير دابت بس حليتها بأني غيرت المسامير والورد اللي معاها.
بصراحة يا جماعة البندقية ممتازة بجد وخصوصا بسعرها الرخيص جدااا بالنسبة لأمكانيتها.
يعني بجد نقدر نقول لكل اخوانا الصيادين اللي مش قادرين يجيبوا بندقية نظرا للغلاء الرهيب تقدروا دلوقتي تصطادوا وببنقدية محترمة هاتحببكم في الصيد بجد.

الصيااد 10-12-06 02:38 PM
رد: الكل ممكن يبقي صياد مع المدفع التركي (كرال)
 
شكرا علي الموضوع ربنا يجزيك خير لكن في استفسار بالنسبة لقطع غيارها متوفر وبالنسبة لسعرها ممكن اعرف كام

عبده ناني 10-12-06 02:45 PM
رد: الكل ممكن يبقي صياد مع المدفع التركي (كرال)
 
ممكن تركب عليها قطع غيار جامو شادو (يعني أسباني) لأنها تقليد الشادو

rock 10-12-06 02:47 PM
رد: الكل ممكن يبقي صياد مع المدفع التركي (كرال)
 
السلام عليكم .....
والله المدفع التركى ده وخصوصا اللى مع استاذ محمود شلبى انا مجربه فى آخر لقاء للمنتدى ....بندقيه جميله وقويه جدا ولقطه بالنسبه لسعرها المتواضع .... تحياتى

msa_79 10-12-06 02:49 PM
رد: الكل ممكن يبقي صياد مع المدفع التركي (كرال)
 
بالنسبة لسعرها في المحلا ياراوح بين 1200 ل 1300 وبالنسبة لقطع غيارها هيا بندقة لسه جدية يعني محدش لحق يغير فيها قطع غيار انما أؤكد ليك انها مع انتشارها هاتبقي قطع غيارها متوفرة

الصيااد 10-12-06 02:52 PM
رد: الكل ممكن يبقي صياد مع المدفع التركي (كرال)
 
ربنا يبارك ان شاء الله الصراحة 1300 جنية سعر مناسب جدا سعر ممتاز بالنسبة لامكانياتها وشكرا علي الموضوع الجميل تقبل تحياتي ........................

msa_79 10-12-06 02:57 PM
رد: الكل ممكن يبقي صياد مع المدفع التركي (كرال)
 
اقتباس:
المشاركة الأصلية كتبت بواسطة الصيااد (المشاركة 38942)
ربنا يبارك ان شاء الله الصراحة 1300 جنية سعر مناسب جدا سعر ممتاز بالنسبة لامكانياتها وشكرا علي الموضوع الجميل تقبل تحياتي ........................
اخي العزيز الصياد شكرا علي مرورك بصراحة أنا كتبت الموضوع بعد التجربة لأأني فرحت بجد لأنها حل لمشكلة ارتفاع اسعار البنادق الفاحش يعني ممكن اي واحد يمسك بندقية جميلة ومحترمة يقدر بيها يضرب اي حاجه نفسه يصطادها وأحنا اصلا في مصر مش بنصطاد غير اليمام والحمام وحتي لو حب يضرب بيها حاجه اكبر أؤكد لك انها هاتوفي بالغرض برده

ahmedzedmotorz 10-12-06 03:26 PM
رد: الكل ممكن يبقي صياد مع المدفع التركي (كرال)
 
شكرا على المعلومات القيمه دي وربنا يهنيك بيها يارب

msa_79 10-12-06 03:28 PM
رد: الكل ممكن يبقي صياد مع المدفع التركي (كرال)
 
(شكرا على المعلومات القيمه دي وربنا يهنيك بيها يارب )

العفو ياباشا وربنا يهني بيها صاحبها هيا مش بندقيتي انا، انا بس جربتها في طلعة بس طلعة طويلة حوالي ست ساعات.

بندق 10-12-06 03:36 PM
رد: الكل ممكن يبقي صياد مع المدفع التركي (كرال)
 
السلام عليكم
الله ينور البندقيه جميله ومسكتها بس عيزين نعرف السعر كام في الاسكندرية ومنين
السلام عليكم

msa_79 10-12-06 03:55 PM
رد: الكل ممكن يبقي صياد مع المدفع التركي (كرال)
 
اقتباس:
المشاركة الأصلية كتبت بواسطة بندق (المشاركة 38947)
السلام عليكم
الله ينور البندقيه جميله ومسكتها بس عيزين نعرف السعر كام في الاسكندرية ومنين
السلام عليكم
اخي بندق بصراحة معرفش سعرها كام في الاسكندرية بس اكيد هاتكون ارخص من القاهرة اكيد هتلاقيها عن السجلابي وأعتقد برده في ابو ضيف او فتح الله في الاسكندرية.

محمود شلبي 10-12-06 09:14 PM
رد: الكل ممكن يبقي صياد مع المدفع التركي (كرال)
 
انا خايف ان شهادتى تكون مجروحه لان انا معايا حته كرال بجد مدفع وبقول للكل كلام صيدنا الجمامد استاذ طلعت بخيت الصياد لازم يكون خبيث خبث محبب وعشان يعرف يضرب صيدة باى بندقيه معاة واكد لكم ان البندقيه عمليه جدا ومش هتخسر فلوس كتير لو جربت عشان ممكن ناس تعقد مقارنه لايمكن ان تكون صحيحه لان البندقيه لم يمر عليها اكثر من عام ونصف على ما اظن وتقبلو مرورى

هشام سمير 10-12-06 09:22 PM
رد: الكل ممكن يبقي صياد مع المدفع التركي (كرال)
 
الكرال بندقيه جميله جداً بالنسبه لسعرها بالمقرنه بأسعار السوق المصرى مع العلم انها غاليه برده عن سعرها الطبيعى بس اهم حاجه المدى البعيد هل خامتها حتتحمل زى الاسبانى ولا حتكون زى الصينى

galal khalifa 10-12-06 09:32 PM
رد: الكل ممكن يبقي صياد مع المدفع التركي (كرال)
 
معني كدا يا جماعة ان البندقية الكورال بتصتاد لوحدها امال الي معاة ديانا ولا بي اس ولا باتريوت ولا هانتر ولا نوركا ولا جامو ولا اية ولا اية يعمل اية يبيع البندقية ويشتري كورال الموضوع غريب شوية يا جماعة البندقية كويسة بس لسة حتي الان مافيش لها خبرات ولسة ما نقدرش نحكم عليها .. حرام عليكم انتم نتظلموا البندقية والبنادق التانية سيبوا الايام والخبرات هي الي تقول ..
البندقية الهانتر 1250 بها سلبيات
الديدنا 52 و ال 54 فيها سلبيات
البي اس فيها سلبيات
الباتريوت فيها سلبيات ولا يوجد بندقية ضعط هواء في العالم ليس بها عيوب او سلبيات ..

osama2011 10-12-06 10:22 PM
رد: الكل ممكن يبقي صياد مع المدفع التركي (كرال)
 
مع الوقت لو البندقية كويسة هتثبت وجودها

محمود شلبي 10-12-06 10:31 PM
رد: الكل ممكن يبقي صياد مع المدفع التركي (كرال)
 
اول السلبيات ان مسامير الجنب بتحل بعد كثير من الضرب والمهم عدم المقارنه مع غيرها لانها لم يمر عليها اكتر من عام

msa_79 10-12-09 08:48 PM
رد: الكل ممكن يبقي صياد مع المدفع التركي (كرال)
 
اقتباس:
المشاركة الأصلية كتبت بواسطة galal khalifa (المشاركة 38976)
معني كدا يا جماعة ان البندقية الكورال بتصتاد لوحدها امال الي معاة ديانا ولا بي اس ولا باتريوت ولا هانتر ولا نوركا ولا جامو ولا اية ولا اية يعمل اية يبيع البندقية ويشتري كورال الموضوع غريب شوية يا جماعة البندقية كويسة بس لسة حتي الان مافيش لها خبرات ولسة ما نقدرش نحكم عليها .. حرام عليكم انتم نتظلموا البندقية والبنادق التانية سيبوا الايام والخبرات هي الي تقول ..
البندقية الهانتر 1250 بها سلبيات
الديدنا 52 و ال 54 فيها سلبيات
البي اس فيها سلبيات
الباتريوت فيها سلبيات ولا يوجد بندقية ضعط هواء في العالم ليس بها عيوب او سلبيات ..
استاذنا الكبير عمدة المنتدي ده شرف ليا مرورك وتعليقك علي موضوعي وارجو ان يتسع صدرك لأبنك أو اخوك الصغير محمد
انا لم اقارن بينها وبين البي أس ولا الديانا ولا الهانتر 1250 فشتان بينها وبينهم ولكن اسمح لي ان اهمس في اذنك لو اتنين صيادين واحد شايل ديانا 54 والتاني شايلك نوريكا 56 خرجو يصطادوا سوا هايصطادوا ايه؟ يمام او حمام طب والمسافات اقصي مسافة ممكن يصطادو من عليها 80 متر ولو اللي معاه الديانا نظره ثاقب وصياد خبره زي حضرتك ممكن يضرب من علي مسافة 100 متر اظن الفرق مش كبير.
المقصود من كلامي زي ما ذكرت ان البندقية علي حسب تجربتي ليها قوية بتضرب من علي مسافات بعيدة يعني فيها كل اللي ممكن يحتاجه اي صياد جديد.
بجد صدقني انا نفسي هوايتنا الراقية تنتشر وكل اللي نفسه يصطاد يلاقي الفرصة انه يصطاد بس لما واحد صاحبي يسألني اجيب بندقية كويسه بكام اقوله 2000 جنية او تشتري صيني الاقيه يخاف ويبعد عن الهواية من قبل ما يبدأ لأ2000 جنية مبلغ كبير والناس فعلا بتخاف من الصيني وصدقني حضرتك انا مسكت البي اس والنوريكا والصيني واخيرا الكرال أؤكد ليك اني لما مسكت الصيني محستش اني مطمئن للبندقية بتحس انك مقلق منها صح أظن حضرتك متفق معايا؟
انما لما مسكت الكرال طبعا فيه فرق بس تحس انك مطمئن للبندقية اللي فأيدك حضرتك اكيد فاهم قصدي يعني ايه تكون مطمئن للبندقية اللي في ايدك او قلقان منها
لحضرتك جزيل الشكر والاحترام.

msa_79 10-12-09 08:55 PM
رد: الكل ممكن يبقي صياد مع المدفع التركي (كرال)
 
كنت عايز احكي قصة ممكن تقرب للجميع وجهة نظري:
مره خرجت اصطاد مع صياد اسمه استاذ علاء انا معايا المارفيك وهو معاه نوريكا 56 قديمة عمرها اكتر من 5 سنوات وشكلها اخر بهدله.
بعد حوالي ساعتين صيد هو معاه اكتر من 20 فرد يمام وضارب من مسافات مختلفة قريبة وبعيده وانا كل اللي معايا 5 يمامات. طبعا مفيش اي مقارنه بين بندقيتي وبندقيته ولا القوة ولا الدقة ولا السرعة انما هو صياد وخبرة اكتر مني بكتير(وقتها طبعا(: ) وواثق من بندقيته.
بأختصار قصدي ان الكرال فعلا بندقية ممكن تثق فيها يعني لما تشوف فرد بعيد عارف ان البندقية هاتجيبه مش تكون خايف او قلقان.
بالنسبة للمستقبل لسه محدش يعرف ايه العيوب اللي ممكن تظهر فبها وزي ما استاذ جلال قال مفيش اي بندقية مفيهاش عيوب احب اضيف إن فيه عيوب يمكن التعامل معاها وعيوب لا يمكن التعامل معاها.

محمد يونس 10-12-09 09:31 PM
رد: الكل ممكن يبقي صياد مع المدفع التركي (كرال)
 
اقتباس:
المشاركة الأصلية كتبت بواسطة msa_79 (المشاركة 39340)
استاذنا الكبير عمدة المنتدي ده شرف ليا مرورك وتعليقك علي موضوعي وارجو ان يتسع صدرك لأبنك أو اخوك الصغير محمد
انا لم اقارن بينها وبين البي أس ولا الديانا ولا الهانتر 1250 فشتان بينها وبينهم ولكن اسمح لي ان اهمس في اذنك لو اتنين صيادين واحد شايل ديانا 54 والتاني شايلك نوريكا 56 خرجو يصطادوا سوا هايصطادوا ايه؟ يمام او حمام طب والمسافات اقصي مسافة ممكن يصطادو من عليها 80 متر ولو اللي معاه الديانا نظره ثاقب وصياد خبره زي حضرتك ممكن يضرب من علي مسافة 100 متر اظن الفرق مش كبير.
المقصود من كلامي زي ما ذكرت ان البندقية علي حسب تجربتي ليها قوية بتضرب من علي مسافات بعيدة يعني فيها كل اللي ممكن يحتاجه اي صياد جديد.
بجد صدقني انا نفسي هوايتنا الراقية تنتشر وكل اللي نفسه يصطاد يلاقي الفرصة انه يصطاد بس لما واحد صاحبي يسألني اجيب بندقية كويسه بكام اقوله 2000 جنية او تشتري صيني الاقيه يخاف ويبعد عن الهواية من قبل ما يبدأ لأ2000 جنية مبلغ كبير والناس فعلا بتخاف من الصيني وصدقني حضرتك انا مسكت البي اس والنوريكا والصيني واخيرا الكرال أؤكد ليك اني لما مسكت الصيني محستش اني مطمئن للبندقية بتحس انك مقلق منها صح أظن حضرتك متفق معايا؟
انما لما مسكت الكرال طبعا فيه فرق بس تحس انك مطمئن للبندقية اللي فأيدك حضرتك اكيد فاهم قصدي يعني ايه تكون مطمئن للبندقية اللي في ايدك او قلقان منها
لحضرتك جزيل الشكر والاحترام.
فعلا انا معاك فى الكلام ده وبعدين مش هتكون اخر بندقيه الصياد هيشتريها بل بالعكس انها حتحببه فى الصيد وتهيئه انه يتقبل نفسيا انه يشترى بندقيه ب5000 جنيه مثلا لما يعرف انها ديانا او بى اس او حتى باتريوت..... المهم انها سعرها مناسب جدا لامكانيتها وبعدين على المدى البعيد ده لو قعدت معايا سنتين مثلا واستمتعت بيها فى الصيد هكون انا الكسبان .
وتقبل مرورى .
والله ولى التوفيق ........................

msa_79 10-12-09 09:34 PM
رد: الكل ممكن يبقي صياد مع المدفع التركي (كرال)
 
أستاذي محمد يونس حضرتك فهمت بظبط اللي انا اقصده ويمكن قدرت توصله بأسلوب افضل مني كمان
شكرا جداا علي مرورك

الجزار 10-12-09 09:45 PM
رد: الكل ممكن يبقي صياد مع المدفع التركي (كرال)
 
عزيزي الكرال التركي جميله وهي جديده مع المحافظه الشديده لمده كام شهر بس وبعد كده بتبقي عامله زي الرمسيس القديمه كمان

msa_79 10-12-09 09:52 PM
رد: الكل ممكن يبقي صياد مع المدفع التركي (كرال)
 
أخي العزيز الجزار أولا احب أسألك هل رأي حضرتك ده عن تجربة فعلية؟
لأأني مسكت البندقية ومن الظلم الشديد أن نقارنها بالرمسيس فخاماتها مختلفة تماما وطريقة معالجة الحديد بها ذات جودة لا بأس بها علي الاطلاق بل ان خاماتها أفضل بالتأكيد من الصيني وليس الرمسيس فقط.
وشكرا علي مرورك الكريم وتقبل تحياتي


الساعة الآن 10:47 AM

Powered by vBulletin® Copyright ©2000 - 2026, Jelsoft Enterprises Ltd. TranZ By Almuhajir