|
عايز اجيب مسدس من بره
ازيكوا يا رجالة
يارب تكونوا بخير دلوقتي انا والدي مسافر امريكا كمان فترة وكنت بفكر انه يجيبلي مسدس صوت من هناك ايه رأيكم ؟! انا بقا عايز اعرف في اجراءات هناك في المطار او هنا ؟ دي حاجة التانية ايه افضل الانواع اللي ممكن نجيبها من هناك ؟؟ دمتم في رعاية الله |
رد: عايز اجيب مسدس من بره
http://www.replicaairguns.com/posts/tag/925
دي حاجة من الحاجات اللي عجباني جدا ايه رأيكم ZORAKI MOD 925 9MM P.A.K. |
رد: عايز اجيب مسدس من بره
هي حاجة فعلا جميلة يا ابو حميد لكن اظن انه سيجد صعوبات كثيرة في الجمارك في مصر وامن المطار واظن انه من الممكن ان تتم مصادرتة
وان يكون امامة احد الخيارين اما التنازل عنه او فتح محضر والتحويل للنيابة للسلوك للطرق القانونية والله اعلم وممكن حد من الاخوه الافاضل الملمين بالشكل القانوني للموضوع انهم يفيدوك في كده بس يا عم احمد هو احنا عارفين نشتري من جوه لما تروح تشتري انت من بره:rir::rir: |
رد: عايز اجيب مسدس من بره
اسف اني حقولك كده ...بس متفكرش في الموضوع اساسا.....
مسدسات الصوت محظورة تماما في المطارات سواء هنا او هناك .. و جدلا لو جه بيه هنا حتبقي مشكلة كبيرة له و توابعها سيئة ربنا يحفظك و يحفظ الوالد .. خصوصا في هذا الوقت .. اللي ممكن يخش و بصعوبة كبيرة مسدسات و بنادق الرش ( ضغط الهوا و الغاز ) و مش حتعدي بسهولة برده و فيه زميل هنا كان ليه قصة في استيراد بندقية رش من الخارج و كان الموضوع صعب ... الفرق بين الرش و الصوت ان الصوت بيعتمد في تشغيله علي بارود ( مادة قابلة للانفجار ) كما انه قابل للتعديل في بعض اجزائه ... و ده اللي بيخليه محظور خاصة في المطارات ..... |
رد: عايز اجيب مسدس من بره
اقتباس:
تماااااااااااااام يا ابو علي |
رد: عايز اجيب مسدس من بره
شكرا يا جماعة لردودكم
بس انا عايز اعرف لو في حد مجرب اهم حاجة في المطار في امريكا لكن هنا سهلة بس عايز اعرف ايه النظام هناك |
رد: عايز اجيب مسدس من بره
احد المعارف سأل هناك قبل كده و عرف انهم بيسمحوا بالــ BB Gun فقط اللي البلي بتاعه بلاستيك مش المعدن نمرة 1 .. لكن الاكيد ان مسدسات الصوت هناك ممنوعة تماما ... علي فكرة ..الحساسية الامنية للحاجات دي هناك اعلي من هنا بكتير و خصوصا لو مع راكب عربي .....
عموما ..انتظر برضه الزملاء اصحاب الخبرة يفيدوك ان شاء الله و بالتوفيق |
رد: عايز اجيب مسدس من بره
والله اللي انا اعرفة ان في مطارات امريكا بعد موضوع حادث 11 سبتمبر حمل او شحن اسلحة الصوت علي طائرات الركاب ممنوعة وتعرض حاملها للمسائلة القانونية طبقا للقانون الامريكي المعدل في شان حمل اسلحة علي طائرات الركاب بعد الحادث المذكور
فما بالك بان من سيحمل السلاح عربي ايضا .... انا لا احبز الموضوع ده |
رد: عايز اجيب مسدس من بره
السلام عليكم ربنا يحفظ الوالد ويروح ويرجع ومعاه المسدس بالف سلامة
القوانين بتختلف من ولاية لاخرى والخلاصة اذا اشتراه بشكل قانونى يبقى هيخرج بيه من الجمارك هناك عادى بس طبعا هيتشحن مع امتعة الراكب مش هيطلع بيه ع الطيارة وكلنا عارفين الاجراءات دى لو قصافة مش هيطلع بيها ع الكابينه لكن ممكن يشحن طقم سكاكين ع نفس الطيارة ولو هو معاه جواز امريكى يقدر يرخص سلاح حى ويخرج بيه بس هنا هيكون العقبة ف قوانين الولاية او الدولة اللى هيدخلها دخوله مصر بالمسدس ممكن قوى لو ما حدش فتش شنطته اما لو اتفتشت مش هيخرج بيه وف افضل الاحوال هيتحجز لحين مغادرته مرة تانيه برا مصر يقدر ياخده معاه اما لو ف واسطة ف المطار تعتبر المسدس وصل من دلوقت تحياتى وبالتوفيق |
رد: عايز اجيب مسدس من بره
شكرا جدا يا رجالة
بس توضيح صغير هوا اكيد لو جابه هيشيله في الشنطة بتاعت الهدوم فعشان كده بسأل وانا عارف انه ممنوع يطلع بحاجة زي كده علي الطيارة |
رد: عايز اجيب مسدس من بره
اقتباس:
اقتباس:
وبالنسبة للجرابات ؟! |
رد: عايز اجيب مسدس من بره
ممكن لو حتشتري من موقع معين زي replica airgun ممكن تراسلهم و تسألهم تحديدا عن ظروف المسدس في مطار الولاية اللي الوالد حيسافر منها ..اعتقد انهم حيدوك المعلومة المفيدة في هذا الامر .. و اعتقد كمان ان الاسئلة دي بتجيلهم باستمرار...
بالتوفيق |
رد: عايز اجيب مسدس من بره
اقتباس:
فكرة رائعة وتم التقييم :) |
رد: عايز اجيب مسدس من بره
والجراب كمان عادى يا اكسلانس وكل ما هو متاح للمقيمين باميركا ويشتريه بشكل قانونى من محل يبقى يقدر يخرج بيه نن مطار الولاية اللى اشترى منها بس المهم الوجهة اللى هينطلق اليها
تحياتى |
رد: عايز اجيب مسدس من بره
اقتباس:
اتوكل علي الله ولا ايه ؟ |
رد: عايز اجيب مسدس من بره
يا عم اتوكل على الله ولما يشترى المسدس من المحل هياخد فاتورة مختومة من المحل اللى اشترى منه وهيسجلها باسمه وخليه ياخد بيان بقانونية شراء وحمل مسدس صوت بالنسبة لاجنبى مقيم او وافد لاميركا ومافيش اى مشاكل
تحياتى |
رد: عايز اجيب مسدس من بره
عارف المشكلة ف ايه لو داخل اميركا ومعاه مسدس بلاستك مش صوت هنا هيتعب شوية ف المطار
|
رد: عايز اجيب مسدس من بره
بلاش لان ممنوع صعود اي حاجه قابله للانفجار علي متن طائره الركاب
|
رد: عايز اجيب مسدس من بره
السلام عليكم
الموضوع مش بخصوص زخائر الموضوع بخصوص مسدس صوت وهو غير قابل للانفجار يمنع اصطحاب الزخائر او الاسلحة النارية مع شنطة الراكب المصحوبة لمقصورة الركاب كما يمنع اصطحاب ولو قصافة اظافر او مقص ويمكن شحن سلاح نارى محشو بالذخيرة مع اغراض الراكب لمن يصرح لهم بذلك زى واحد مرخص سلاح مثلا انا بتكلم عن سلاح نارى مش ع مسدس صوت اذكر مرة كنت مسافر ووقفونى قبل مرورى للجات الى هنطلق منها للباص اللى هيوصلنى للطيارة وده كان بسبب مقص ف شنطة الهاند اللى طالع بيها وانا ما كنش عندى علم لانه كان مقص ف علبة ماكينة حلاقة للشعر وكانت جديدة ما فتحتش العلبة ف حين انى كنت شاحن 3 سيوف كاتانا وشوية خناجر ع نفس الطيارة الفرق هنا ان تداول السيوف والاسلحة البضاء كان قانونى ف البلد اللى اشتريتهم وانطلقت منها واكيد المقص مش ممنوع هههههههه بس المقص كان ف شنطة الهاند وهنا ممكن استخدمه لانه تحت سيطرتى واقدر اخطف الطيارة او اجرح حد او اعمل بيه شغب لكن السيوف والخناجر اللى كانت معايا ع نفس الطيارة ما كانتش تحت تصرفى طول وقت الرحلة لانها بتتشحن قبلى ع مخزن الحقائب وتحياتى للجميع |
| الساعة الآن 06:30 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir