|
هو ينفع البلية دى تتحط على طلقة الصوت بدل البلى العادى
السلام عليكم ورحمة الله وبركاته
لخبراء الاسلحة والذخيرة ينفع الـprometheus pellets تتحط على طلقة الصوت بدل البلى العادى دى صورة الرشة http://www.riflesports.co.uk/lg_imag...77_Pellets.gif http://www.pelletperfect.co.uk/image...py-300x300.jpg |
رد: هو ينفع البلية دى تتحط على طلقة الصوت بدل البلى العادى
اظن انها مش هتنفع لان الرشاية مصنوعه من معدن الرصاص والبلي من الحديد ومن الممكن ان الرشاية لا تحتمل الاحتكاك والحراره العالية عند اشتعال البارود وممكن تسبب تلف السلاح واحتمال تسبب ازي لمستخدمة والله اعلم
بردو في ناس هنا اكيد من الزملاء هيفيدوك اكتر مني بس ده رايي |
رد: هو ينفع البلية دى تتحط على طلقة الصوت بدل البلى العادى
السلام عليكم ورحمة الله
الله ينور يا استاذ وليد هو فعلا مش هينفع بس مش لان المقذوف من الرصاص لان معظم المقذوفات ف الذخيرة الحية بتكون من الرصاص او رصاص عليه طبقة خارجية من النحاس وف مقذوفات رصاص تكون يادوبك مطلية نحاس اما المقذوف ده مش هينفع لانه هيكون غير متزن بعد اندفاعه من ماسورة ملساء بدون شخشان وهيندفع ف مسار متعرج وهنا هيصعب تصويبة هتصعب الرماية ع هدف معين يعنى والمسار المتعرج ده هيقتل المدى المؤثر اما بالنسبة للبلية الواحده اللى هتخرج من ماسورة ملساء او طبة طوييلة اىان كان المسمى هتكون متزنة لان مركز الثقل واحد بالنسبة لاطراف المقذوف الخترجية وهنا بنتكلم عن نقطة منتصف البلية واخيرا تحياتى لصاحب الموضوع |
رد: هو ينفع البلية دى تتحط على طلقة الصوت بدل البلى العادى
لا مش هاتنفع للأسباب اللى ذكرها الاخوه الافاضل
|
رد: هو ينفع البلية دى تتحط على طلقة الصوت بدل البلى العادى
اقتباس:
|
رد: هو ينفع البلية دى تتحط على طلقة الصوت بدل البلى العادى
تنفع بقة و انا بقولك تنفع و وثيق من كلامى
الى الرجالة نسيتة او معظمهم مش متابع الصيد داخلين اسلحة بس ان رش prometheus pellets مصنوع من الحديد او الصلب مش من الرصاااص شوفت بقة كل الى هتعملة انك تقطع البلاستيك ( الى محطوط اصلاا عشان يحتك بالماسورة منعا لاحتاك الصلب بالماسورة و اتلافها طبعااا ) و تكبس الجزء الصلب فى الطلقة و تعيش بس حاول تكبسها جامد ميكنش بارز منها حاجة عشان متصدش فى جسم الخزنة و انتا بتحطها تحياتى |
رد: هو ينفع البلية دى تتحط على طلقة الصوت بدل البلى العادى
متابع للاهميه ......
|
رد: هو ينفع البلية دى تتحط على طلقة الصوت بدل البلى العادى
اقتباس:
|
رد: هو ينفع البلية دى تتحط على طلقة الصوت بدل البلى العادى
السلام عليكم ورحمة الله
مساء الخير ع الجميع حبيب قلبى يا هاشم عامل ايه واحشنى ارقامك ضاعت منى اذا تبعتلى الارقام اكون ممنونك اكيد يا هاشم انا عارف ان البلاستك اللى ع المقذوف عشان احتكاكة بالشخشان الموجود بماسورة بندقية الرش الشخشان ده اللى هيخلى المقذوف يلف حول نفسه بعكس اتجاه الجاذبية الارضية مخترق جزيئات الهواء ف خط مستقيم اما بدون شخشان لا يمكن المقذوف بالشكل ده ياخد غير مسار متعرج ولذلك انا قلت لا ما ينفعش واجابتى لصاحب الموضوع اذا بتهمه انسى مش هينفع الا اذا هتستخدم ماسور مششخنة وما اعتقدش انك هتلاقى حد يعملك الشخشان ف الماسورة وبمقاسات مظبوطة ومش عارف هل المقذوف اصلا بالربر اللى عليه هيناسب فوهة الطلقة الصوت واذا عملت كل ده يراعى عدم نزع البلاستك للحفاظ ع الشخشان الخلاصة ماسورة بدون شخشان يجب ان تكون ملساء تماما ولا يلا يستخدم اى مقذوف الا بشكل الكرة اللى هو البلية يعنى لان ده الشكل الهندسى الوحيد اللى هيشتغل بدون شخشان م. مصطفى |
رد: هو ينفع البلية دى تتحط على طلقة الصوت بدل البلى العادى
اولا لازم تشيل البلاستيك عشان المقاس يوصل ل 4 مم الى هو مقاس البلية رقم 2
ثانيا و دة الاهم تنفع لان الطبة مفيش فيها شخشخان يا بشمهندس و حضرتك نااااسى انة مش بيضرب بحى بيضرب طلق مكبوس يعنى مفيش الكلام دة خاااااالص و مش هتفرق بين الاتنين خاااالص بالعكس ممكن تكون دى اقوى نظراا لوزنها و طولها ثالثاا بقة و دة المهم اووووى مفيش حاجة اسمها جزيات الهواء هيا المفروض تدور حول مركزها لتفادى الهواء و تشتيتة على شكل دواامة تدور حوالين الطلقة لاختراق حواجز الهواء انما مفيش اختراق جزيئات دى خااالص هى مجرد بس انها بتعمل ازاحة للهواء الموجود امامها بطريقة لا تعيق سرعة او اتجاة الطلقة تحياتى |
رد: هو ينفع البلية دى تتحط على طلقة الصوت بدل البلى العادى
شكرا جزيلا يا هاشم وصلنى الرقم
بالنسبة للمقذوف واخد بالى انه هيركب ع ظرف صوت وبالنسبة للطبة اكيد عارف ان مافيهش شخشان ولذلك قلتله ان مش هيلاقى حد يعمله شخشان بالنسبة لمققذوف هينطلق من نقطة ولتكن س هيقطع مسافة ولتكن 1 متر للوصول لنقطة اخرى ولتكن ص هيحتاج لاختراق الهواء للوصول للنقطة الاخرى وع اى حال دى مش نقطة النقاش عشان ما نخرجش برا الموضوع بما ان الحكاية ظرف صوت وطبة او ماسورة اى ان كان المسمى فهنا ببساطة مافيش شخشان يبقى لازم الشكل يكون كروى زى ما قلنا بلية لان ما عندناش شخشان يخلى المقذوف يدور حول نفسة باعتبار ان سنتر المقذوف هو مركز الدوران حد يرجع يقلى طب ما نستعمله وخلاص اقوله يا عم احنا قلنا ان ف حاجة اسمها مركز المقذوف ولازم يكون ف شخشان عشان يحدد اتجاه دوران المقذوف وما يأخدش مسار متعرج يقلى طب وماله اقله ما ينفعش لان حضرتك اخنرت مقذوف جميع اطرافه الخارجية غير متساوية مع السنتر يقلى طبعا مش هينفع نلاقى مقذوف جميع الابعاد بين اطرافه وبين نقطة السنتر واحده اقله الا ف حال الشكل الكروى الشكل الكروى عندنا البلية شكلها كروى وجميع اطرافها الخارجية البعد بينها وبين نقطة السنتر واحد وده اللى هيدينا مقذوف مندفع ف مسار مستقيم مع ماسورة ملساء اما بالنسبة للشخشان والمقذوفات الصلبة زى المقذوف اللى هو اختاره او زى مقذوف الطلقة الخارقة فمش ده موضوعنا اصلا الموضوع بيدور حول شكل المقذوف |
رد: هو ينفع البلية دى تتحط على طلقة الصوت بدل البلى العادى
شكرا جزيلا لكل الناس اللى اهتمت وردت
وجزاكم الله كل خير انا استفدت كتير من المعلومات اللى اتقالت انا اخترت المقذوف ده بدل البلية علشان دقة النشان كلن مكنتش اعرف معلومة ان لازم يبقى ليه مركز دوران |
رد: هو ينفع البلية دى تتحط على طلقة الصوت بدل البلى العادى
بالعكس المقذوف دة حسابيا هيكون اقوى من البلية بنسبة من 20 الى 30 فى المية نظرا لانة هيخترق الكبسول البلاستيك هيكون معرض اكتر لقوة الانفجار فى الطلقة غير كدة المقذوف دة موزون كويس لانة رش و هيدى دقة اكبر من البلية الى هى تعتبر شكل عشوائى فى الهندسة الفراغية
تحياتى |
رد: هو ينفع البلية دى تتحط على طلقة الصوت بدل البلى العادى
اقتباس:
واضح انك مش عايز تقتنع المقذوف ده اقوى ع اساس وزنه اقل اوك بس القوة دى هتتشتت مع عدم الاتزان بدون شخشان المقذوف مع الشخشان هيكون دقيق وهيلف حول نفسه لكن بدون شخشان ما تقدرش تحدد اتجاه دورانه مش ما ينفعش ده مستحيل وهنا هيختل التوازن لان شكل ووزن المقذوف ف المقدمة غير شكله ووزنة عند نهايته ومش مهم تقتنع اذا مش حابب انا حبيت اضيف المعلومة |
رد: هو ينفع البلية دى تتحط على طلقة الصوت بدل البلى العادى
انا فكرت في الفكره دي قبل كده
بس معرفتش اكبس الرشه في الطلقه بس جربتها في رش قصدير بس مجربتش اضرب لاني عارف ان هو هيسيح في الماسوره وعلي فكره مافيش فكره نظريا بتفشل لازم تفشل بالتجربه يعني التجربه هي خير برهاااااان ونصيحه جرب ياباشا مش هتخسر حاجه وانا مقتنع جدا في بالفكره دي بس اهم حاجه انك تكبسها كويس |
رد: هو ينفع البلية دى تتحط على طلقة الصوت بدل البلى العادى
اقتباس:
وملخص الكلام عن تجربة اى مقذوف بدون شخشان بيلف من اسفل التقل يعنى من ادام للوراء عكس المقذوف بشخشان بيلف عكس عقارب الساعة حول نفسه |
رد: هو ينفع البلية دى تتحط على طلقة الصوت بدل البلى العادى
طبعأ لأ يمكن تنفع هبسطها للجميع لما بيتم ضرب طلأقات حية على مسورة ملساء اية الى بيحصل ؟ بيكون ملهاش اى تلأتين لأزمة لأنها بتلف حول نفسها كما قال الاخوة الفاضل علشان تضرب مقزوف لأبد من ان يكون من خامة طرية زى الرصاص و ممكن النحاس الأحمر و تكون المسورة مشخشنة الحل الثانى ان يكون المقزوف نفسة بة تفريزات بدرجة ميل 30 درجة و عند خروجة من فوة المسورة بيلف حول محورة كمل فى الطلأقات التى تستعمل على بنادق الخرطوش لصيد الددبة بيكون بها تفريزات تساعد المقزوف فى الدوران حول محورة |
رد: هو ينفع البلية دى تتحط على طلقة الصوت بدل البلى العادى
اقتباس:
خلاصة الخلاصة وممكن اضيف بقه حاجة ان البلية الحديد شكلها بيحل محل الشخشنات وبتلف حوالين نفسها http://im36.gulfup.com/s4fSa.gif |
رد: هو ينفع البلية دى تتحط على طلقة الصوت بدل البلى العادى
اقتباس:
|
رد: هو ينفع البلية دى تتحط على طلقة الصوت بدل البلى العادى
واضح ان فى اجماع ان لازم الماسورة تبقي مشخشنة
طب متعرفوش حد بيعمل شخشخان فى المواسير؟! :) |
رد: هو ينفع البلية دى تتحط على طلقة الصوت بدل البلى العادى
اقتباس:
|
رد: هو ينفع البلية دى تتحط على طلقة الصوت بدل البلى العادى
اقتباس:
هو حضرتك عارف يعنى ايه شخشان عامة هى بتتعمل ف المصانع الحربية مش مجرد ورشة خراطة هتنفذها او مجرد فنى وخلاص انسى يا اكسلانس |
رد: هو ينفع البلية دى تتحط على طلقة الصوت بدل البلى العادى
اقتباس:
اة فى كتير بص ياكبير معاليك هتروح عند اى ورشة او مصنع تشغيل معادن محترم و تديلة مسورة صلب و تقولة يخرطهالك على القياس الى معاليك عيزة و تأكد عليهم على موضوع الشخشانات دة بالله عليك . و همة هيقومو بلواجب بتوفيق |
رد: هو ينفع البلية دى تتحط على طلقة الصوت بدل البلى العادى
اقتباس:
|
رد: هو ينفع البلية دى تتحط على طلقة الصوت بدل البلى العادى
هو مش برضو اي سلاح به ماسوره مشخشنه مجرم و يعتبر سلاح قاتل و يعتبر جنايه؟!
|
رد: هو ينفع البلية دى تتحط على طلقة الصوت بدل البلى العادى
طب اراهنك بقة انة ينفع على الى انتا عايزة و ممكن احسبلك كمان نسبة الاصابة و التجميع كااام
|
رد: هو ينفع البلية دى تتحط على طلقة الصوت بدل البلى العادى
اقتباس:
موافق يا هاشم دة لو الطلقة دخلت الخزنة اصلأ ;) و الحكم بينى و بينك أ/ عادل |
رد: هو ينفع البلية دى تتحط على طلقة الصوت بدل البلى العادى
انتا اكتر واحد يا مكاوى لازم تكون مقتنع بكلامى لانك مجربها قبل كدة فاكر لما عدت الحبطة و دخلت على الحمام شرخت السراميك !!!
ماهى نفس الفكرة يا معلم |
رد: هو ينفع البلية دى تتحط على طلقة الصوت بدل البلى العادى
اقتباس:
دية كانت بلية و كان الضرب من مسافة 2 متر تقريبأ و نسب البارود مختلفة و المسورة مختلفة مفيش وجة مقارنة ياهاشم لية ؟ ماهو لو جبت بلية قطرها قطر كأس الصواريخ و ركبتها فية و ضربتها على مسدس مفتوح من غير طبة و بعد توسيع ثقب الكأس من 2mm ال 5mm قوة البلية تفرتك ام حيطة اسمنت و قوتها رهيبة بس اية المدى المؤثر 6 متر و يمكن اقل دقة النشان 0 لما المقزوف يلف فى الهواء بيفقد قوتة و اتجاهة دية حاجة معروفة غير ان الرشاية كمان ممكن تلف جوة المسورة اصلأ لأنها غير مستوية السطح هتقولى ما البلية كدة اقولك البلية لها نقطة تماس واحدة فقط مهما لفت مش هيؤثر على اتجاة و لأ قوتها و دة عن تجربة مش كلأم و خلأص البلية ممكن يوصل قوتها الى قوة عيار 19×9 دة لو مرعاة اشياء كثيرة احكام البوش الموجود فى جميع انواع محدثات الصوت للوصول لدقة تصويب عالية بيت النار يكون من خامة صلبة و ملساء و مسلوبة بدرجة سلبية بسيطة جدأ المسورة تكون قياس مظبوط و ملساء ( زات تجليخ داخلى ) احتواء رد فعل الأنفجار المحكم فى بيت النار و لة طرق كثيرة منها تغير سوستة تجميع الأجزاء استخدام مقزوف كروى ( بلية ) لأ يقل قطرها عن 6.35mm و لأبد من زيادة القوة الدافعة للمقزوف لدرجة معينة مع مرعاة اختيار الظرف المستخدم كل العوامل دى لو توفرت هتحصل على قوة و دقة تصويب تعادل العيارات الحية التى تستخدم على الأسلحة الحية تقريبأ ارجع بلتاريخ ياهاشم زمان كان المقزوف بلية صلب و مش من زمن بعيد كان السلأح بيتم وضع البارود بة ووضع المقزوف الى كان بلية سوال ؟ لية ماستخدموش اى شكل هندسى تانى للمقزوف غير البلية تحياتى |
رد: هو ينفع البلية دى تتحط على طلقة الصوت بدل البلى العادى
اقولك انا بقة
اولااا انتا لما بتخرم الطبة بتخرم ببنطة 4.1 يعنى بتنزل بنطة بس او ممكن تنزل ببنطة و بعدها ريمر يظبط المقاس هتلاقى مكان التشغيل عامل تفريزات دة طبيعى لازم منة اكيد مش هتطلع تجليخ يعنى مع ظبط احكام المقاس عشان يكتم الغااز و تكون الطبة طويلة ان امتاكد انها هتكون فعالة بنسبة اكبر من البلية العادية و تاثيرها هيكون اقوى بنسبة 30% تقريبا |
رد: هو ينفع البلية دى تتحط على طلقة الصوت بدل البلى العادى
اقتباس:
ياهاشم ياحبيبى مفيش حاجة فى شغلنا اسمها ربما يظبط المقاس فى الشغل 1+ 1= 2 مش 3 و انتا راجل متخصص رسم هندسى و برمجة يعنى فاهم اولأ فى حاجة اسمها ( الألزوار ) بلجلأش و انتا عارف دة اية وظيفتة ؟ بعد الثقب ببنطة 4.0mm بتنزل بية لأعطاء قياس مظبوط 4.1mm و التنعيم و بعد كدة فى ( الاسبرك ) و طبعأ انتا عارف بيدور كام لفة و اية مهمتة و غير كدة يوجد ماكينات تجليخ مخصوصة كل دة اكتهاد شخصى و توفير فى المصاريف ممكن تجلخ على المحرطة المنيول عن طريق تركيب تجهيزة ( الاسبرك ) و تشغيل سرعة عالية و جر بطيئ و الدخول بحجر ناعم و يكون اتجاة الدوران المحرطة عكس اتجاة الجلخ دة بنسبة للتجليخ . ممكن تطلع من الطبة بس اكيد هتلف فى الهواء يعنى ملهاش لأزمة يوجد فرق بين الطبة الملساء و مسورة بندقية رش مشخشنة دة سبب قوة الدفع و دقة النشان |
رد: هو ينفع البلية دى تتحط على طلقة الصوت بدل البلى العادى
اقتباس:
اقتباس:
الفكرة ان البلية النشان بتاعها مش مظبوط وده اللى قريته هنا فى المنتدى ايه بقى اللى يخلى النشان مظبوط ودى اهم حاجه |
رد: هو ينفع البلية دى تتحط على طلقة الصوت بدل البلى العادى
يا اكسلانس النشان هيبقى تمام صحيح مش هتظبطه بنسبة 100% لكن ممكن يتظبط بنسبة كبيرة قوى قريبة من كده ولو ف نسبة انحراف بسيطة جدا لكن كمان مش لدرجة اننا نقول نشان مش سليم او ضايع وخاصة انك هتكبس بلية ع ظرف بنفس قوته يعنى مش هتلعب ف نسب القوة الدافعة يعنى بتحكى ف مدى مؤثر 10 متر مثلا ومش هى دى المسافة الكافية لزيادة انحراف المقذوف وزيادة احتمال الخطأ المهم يا اكسلانس باختصار النشان هيبقى تمام بس لازم نكون فاهمبن احنا عايزين ايه
عايز طبة طويلة من بعد بيت النار مباشرة تستلم المقذوف لحد خروجه من فوهة السلاح لتفادى ارتطام المقذوف بمقدمة الطبة وفقدان نسبة من قوة الاندفاع والمساعدة ع انحرتف المفذوف تانى حاجة محتاج خامة محترمة عشان تستحمل احتكاك البلية الصلب وما توسعش وده هيدينا نشان بدقة اقل مع الوقت وثالثا لو تاخد بالك من كلام بشمهندس محمد وهو بيقول بنطة 4مم وثقب 4.1 يعنى عايز مقاسات مظبوطة يا اكسلانس بحيث اننا نفدر نوجه البلية ف مسار مستقيم ونقدر نحبس اكبر كمية ممكنة من الغاز خلف المقذوف وهنا هنحصل ع مدى مؤثر اكبر واخيرا يا اكسلانس نشان ضايع ده يا اما ناس بتعمل طبة بالبركة ومش فاهمين بيعملوا ايه يا اما ناس بتستعمل مسدس بدون طبه وف الحالتين دول الموضوع بيبقى عبارة عن حوار فاشل تحياتى ويارب اكون قدرت افيدك |
رد: هو ينفع البلية دى تتحط على طلقة الصوت بدل البلى العادى
اقتباس:
انتا الصيام ماثر عليك يا مكاوى ولا اية !! اية يا عم الكلام الى بتقولة دة !!!!!! 1- الالزوار فى الصنعة و الصنيعية بيقولو علية ريمر 2- الاسبارك دة ماكينة حفر بالشرارة !!! اية الى جاب الاسبارك للمخرطة و هتركب اسبارك على المخرطة و تخليها تلف كمااااااان !! أمنت بالله 3- انا اخدت مقاسات و حسبتها كدة حسابيا نسبة الاصابة هتكون اعلى بنسبة 28% و ممكن اعمل رسم هندسى بكدة علية كل الحسابات ! مقاومة هواء + جاذبية + قوة دفعه + انعداك دوران + احتكاك داخلى بالطبة بالنسبة لنسبة اصابى الهدف هتكون اعلى بنسبى 13% |
رد: هو ينفع البلية دى تتحط على طلقة الصوت بدل البلى العادى
اقتباس:
|
رد: هو ينفع البلية دى تتحط على طلقة الصوت بدل البلى العادى
حد يقولي ال prometheus pellets بيتباع عند مين؟؟؟ ممكن الاقيه عند بينو؟
|
رد: هو ينفع البلية دى تتحط على طلقة الصوت بدل البلى العادى
علي فكره انا جربت الرش في الطلقه الصوت بمسدس ايكون منيجر وكانت شغاله كويس كفايه اني الرشايه خامتها اضعف من الماسوره يعني الماسوره تاثر في الرشايه لاكن ما تتاثرش منها
|
| الساعة الآن 07:04 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir