|
تنصحونى باية
دلوقتى يا رجالة انا عايز اءقولكم على مدى الحالة النفسية اللى انا بعيش فيها حاليا
انا اولا كنت فى كلية شريعة وقانون جامعة الازهر ووصلت لغايت الليسانس ومخدوش واخدت الدوسية بتاعى من الكلية خلاص الكلام دة من 3 سنين المهم انا دلوقتى عندى 37 سنة ويعتبر معايا موهل متوسط اللى هو الثانوية الازهرية وفى نفس الوقت عمرى ما اشتغلت فى حياتى خالص اى حاجة وطبعا السبب كان ابويا على طول كان يقولى مش هتشتغل الا لما تخلص الدراسة الاول وادينى اهو وصلت لسن 37 سنة ومش عارف اشتغل فى اى مهنة قطاع خاص فانا عايز نصيحتكم اعمل اية |
رد: تنصحونى باية
انا مش فاهم قصدك
تقصد ان والدك منعك من العمل حتي تكمل تعليمك الجامعي حتي الان وانت عندك 37 سنة ؟؟؟؟؟؟؟؟؟؟؟؟؟؟؟؟؟؟؟؟ |
رد: تنصحونى باية
الحل الوحيد انك تفتح مشروع او تتقن حرفة معينة ........ومش عيب علي فكرة الشغل مفيهوش عيب
وربنا يوفقك ويسر عليك |
رد: تنصحونى باية
وجه السؤال لوالدك اولا
|
رد: تنصحونى باية
اولا يا اخى وحبيبى وليد سالم انا بقصد انى من وانا فى الثانوية وكمان فى الكلية كنت بطلب دايما من والدى انى اشتغل اثناء الدارسة وكان بيرفض على طول لانى لو كنت اشتغلت سعتها وكان عندى مثلا 25 سنة كنت هبقى متعود على الشغل لكن اللى حصل غير كدة اللى حصل انى اساسا مخدش ليسانس شريعة وقانون وحاليا انا معايا ثانوية ازهرية وفى نفس الوقت عاطل عن العمل لانى مش عارف اشتغل اى حاجة فى القطاع الخاص لانى مش متعود
|
رد: تنصحونى باية
يعنى المناسب لية حاليا انى اشتغل اعمال كتباية او شئون ادارية بس كل دة لازم وساطة علشان الكادر الوظيفى دة اللى هو بيكون شئون عاملين او شئون ادارية او اعمال كتابية بيكون فقط فى المصالح الحكومية والوزارت وشركات قطاع الاعمال وطبعا عشان اشتغل فى اى حاجة من دول لازم وساطة
|
رد: تنصحونى باية
وعشان موضوع الوساطة دة انا فكرت فى حاجة كدة وتقوليلى اللى انا هعملة دة صح ولا غلط
انى اخدت الملف بتاعى اللى فية الثانوية الازهرية وشهادة الميلاد وشهادة الجيش واروح مثلا واحاول اقابل اى حد من السياسين الكبار زى البرادعى او حمدين صباحى او توفيق عكاشة اى حد واحاول اكلمة انى يشغلنى فى شركة مثلا او مصلحة حكومية او فية حزب من الاحزاب هل ممكن الطريقة دية تنجح فعلان ولا مش هيكون فية اهتمام عايز نصيحتكم برضة يا رجالة |
رد: تنصحونى باية
اقتباس:
انا انصحك تدور علي احد الشباب من اصحاب المشاريع الصغيره منهم اللي استلم اراضي زراعية للزراعة ومنهم من تسلم ماشية بغية التسمين والتجاره ومنهم من تسلم معدات ورش بمساهمة بنكية ابحث عنهم عن طريق النت وهتلاقيهم وكتير منهم بيكون عامل طلبات للمساعده في المشروع كيد عاملة مساعده تداخل معهم لاكتساب الخبره اولا سنة او سنتين وبعدها ابدأ في تأسيس مشروعك بمفردك واكيد هتلاقي حالات زيك كده كتير ولكن لم يقفوا عن هذا الحد بل قاوموا وتفاعلوا مع الظروف المحيطة حتي تغلبوا عليها لا تبحث عن وظيفة تناسب مؤهلك بل ابحث عن عمل تحبة فتبتكر فية وتنجح به ولا اظن ان الذين ذكرتهم من السياسيين او الاعلاميين بتوع خدمات لانني اعرفهم جدا تمام المعرفة وتعاملت معهم عن قرب بطبيعة عملي ونشاطي السياسي السابق لانهم لا يخدمون الا ان وجدوا مقابلا للخدمة ودائما يكون المقابل علي حسابك انت يا صديقي كن علي علم ان دموعك لن تمسحها الا يديك لا يد الاخرين واتمني لك التوفيق والنجاح في شتي مجالات حياتك وانا انصحك نصيحة مجرب فبعد تخرجي من الدراسة الفنية المتوسطة لانني لم استطيع الاكمال بسبب بعض الظروف المادية عملت اول عمل لي .. نجار مسلح لمدة 6 شهور ... وبعدها في ورشة خراطة كبيره كنت مجرد صبي علي مكنة اتقاضي 7.5 في الاسبوع حتي اصبحت يوما ما صنايعي محترم علي المكنة التي كنت يوما صبي عليها .... وبعدها عملت في مصنع للمنتجات الغذائية فني صيانة .... ثم فني مراقب خط انتاج باحد المصانع .... ثم فني تكيف وتبريد ... ثم بائع في معارض للموبيليا ... ثم فني مساعد في وحدة استشارات الطرق والكباري بجامعة عين شمس ... وفني صيانة معدات فنادق في سونستا الغردقة ثم طابا ثم فندق امباسادور الغردقة .... ثم مساعد مهندس ميكانيكا سيارات.... وانا الان اعمل مشرف تنفيذ اعمال ديكورات الفضائية المصرية بوزارة الاعلام منذ 16 سنة كل ما سبق عملت به مع اختلاف المهن وطبيعتها في القساوه وكنت ايام اعمال التكييف اتسلق واتعلق علي ارتفاعات عالية لاتمام عمليات التركيب في اماكن يصعب فيها العمل وهي اشد خطوره ولكن الصبر ومحاولة ايجاد مكان لي علي الساحة جعلني استهين بعبارة ((( لا استطيع ان اعمل بتلك الوظيفة ))) ورغم ان كل ما ذكرتة فيما سبق عبارة عن وظائف وحرف لا تتناثق مع بعضها البعض ولكني تميزت فيها واتقنتها حتي تعلمتها ولكني تركتها لاعمل باخري وده كنت اعتبره طيش ايامها ولكن ما حدث انني اصبحت اعلم الكثير واستطيع ان اعمل باي مهنة مما سبق ذكره اعمل وابحث ولا تطلب من احد مهما كان ان يبحث عنك او لك و 37 سنة مش كتير لسة بامكانك ان تتعب وتجتهد لتجد ما ترتاح له وحب ما تعمل حتي تصل لتعمل ما تحب وانا تحت امرك في اي مشورة متواضعة في اي وقت اتمني لك التوفيق والنجاح //// اخوك وليد سالم |
رد: تنصحونى باية
اذا طرقت باب الوظائف الحكوميه والكتابيه كما تقولون لربما تنتظر اعوام واعوام اولا عليك بالصبر واطرق باب المولى عز وجل واساله سبحانه ان يفرج ما انت فيه لانه الاعلم بالحال والغنى عن السؤال ثانيا ابدا باى شيء وعلى سبيل المثال بياع فى اى مكان وستتفتح لك الابواب بامر رب العباد فيما بعد لان العمل ياتى بالعمل والكسل ياتى بالكسل
وربنا يوفقك |
رد: تنصحونى باية
اخى الكريم ابو سيف ( kiko_2015 ) كان عايز شباب للعمل معاه فى المحل ممكن تكلمو اعتقد انو محتاج شباب للعمل معه |
رد: تنصحونى باية
مهو انا يا اصحابى عارف ان الحل الوحيد هو انى افتح مشروع لكن انا معيش اى فلوس خالص
وعلى فكرة انا فكرت فى موضوع السفر على اساس انى لو سافرت اى دولة عربية بقدر اعمل كويس اجى هنا مصر افتح مشروع وافتح بيت بس السفر برضة لازم يكون حرفى او مهنى يعنى واحد زى معندوش اى خبرة فى حاجة مبيتقبلش فى اى دولة عربية او اجنبية |
رد: تنصحونى باية
اقتباس:
|
رد: تنصحونى باية
طب ياريت والله طب تنصحنى ادور فى انهى دولة يعنى اية الدول اللى ممكن القى فيها فرصة كبياع فى اى مكان عندهم
|
رد: تنصحونى باية
اقتباس:
|
رد: تنصحونى باية
طب فية وظيفة انا شايف نفسى فيها اوى واءقدر عليها
وهى انى اشتغل سكرتير فى عيادة دكتور يعنى لو فية دكتور هنا على المنتدى محتاج سكرتير لعيادتة انا موجود ومش مهم مرتب ضعيف حتى لو 150 المهم انى احس انى بشتغل |
رد: تنصحونى باية
ربنا يسهلك الحال ان شاء الله ... وعلي فكره البحث عن العمل شرف كبير جدا و العمل ايضا شرف كبير ايا كان نوعه
أنوي و أتوكل علي الله و ربنا يسهلك الحال و لو في حد هنا في المنتدي عايز حد يشتغل عنده في محل سلاح ولا حاجه ممكن يقولك و ربنا يعينك |
رد: تنصحونى باية
باشا ليك رسالة علي الخاص
|
رد: تنصحونى باية
بالتوفيق بعون الله يا اخي الكريم
|
رد: تنصحونى باية
اقتباس:
كما قال لك وليد سليم ازهب الى المشاريع الصغيرة و تعمل فى مصنع و تتعلم مهنة يعنى مثلأ لو مصنع تشغيل معادن ممكن تعمل مساعد فنى خراطة او فريزة و مع الوقت بتتعلم بدون ما تشعر و لما يكون معاك مهنة ممكن تعمل فى اى مكان يعنى لو اتقنت مهنة ابواب اكبر الشركات هتتفتحلك . تعرف فنى الخراطة فى الوقت الحالى راتبة كام ( من 140ج فى اليوم الى 200ج ) دة لو هتعمل فى مصنع صغير لأكن لو شركة كبيرة الراتب بيكون محترم . و ايأ كان لأبد من التأمين عليك و هيكون ليك معاش بأزن الله فى المستقبل مثل الوظيفة الحكومية تمامأ و يمكن اكثر تميزأ فى الحافز و رواتب القطاع الخاص محترمة لأكن الموضوع محتاج منك شوية صبر فى البداية لو تحب تعمل فى احدى مصانع الصناعات الصغيرة انا تحت امرك . تمنياتى لك بتوفيق |
رد: تنصحونى باية
لو أنكم تتوكلون علي الله حق توكله لرزقكم كما يرزق الطير تغدوا خماصاً و تعود بطاناً
و بالبلدي أسعي يا عبد و أنا أسعي معاك |
رد: تنصحونى باية
شكرا اخى الكريم محمد مكاوى
بس انا عايز اءقولك ان المصانع عايزة مجهود بدنى يعنى لو شاب صغير مثلا 20 سنة او اكبر ماشى لكن انا بصراحة 37 سنة يعنى شاب برضة بس بينى وبينك اللياقة عندى قلت شوية علشان كدة انا عايز اشتغل فى اى حاجة تتعلق بالورق والدفاتر يعنى اعمال كتابية او ادارية انشالله اشتغل 12 ساعة وكل سنة وانتا طيب وبخير وبصحة يا استاذى محمد مكاوى |
| الساعة الآن 09:30 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir