الصيد فى مصر - إبداعات الرمسيس نمرة 1

الصيد فى مصر (http://www.egyhunt.net/index.php)

- صور وفيديو الصيد ورحلاته (http://www.egyhunt.net/forumdisplay.php?f=47)

- - إبداعات الرمسيس نمرة 1 (http://www.egyhunt.net/showthread.php?t=4160)

dr mohamed kamal

10-12-09 11:07 PM

إبداعات الرمسيس نمرة 1

1 مرفق

هذا الصيد فى عشرة دقائق قبل غروب شمس اليوم الخميس بالعزيزة على الرمسيس نمرة 1 المعدلة بى Gas Ram Air Spring من على مسافة 20 و25 متر وجميع اليمام مقفول ,تقبلوا تحياتى

الجزار

10-12-09 11:37 PM

رد: إبداعات الرمسيس نمرة 1

انا عاوز اعرف معلومات اكتر عن الجاز رام يعني مثلا لما تركب الجاز رام بتتملا الانبوبه طب ازاي وازاي اركبه

Consul

10-12-10 12:02 AM

رد: إبداعات الرمسيس نمرة 1

أخي العزيز الغالي الدكتور محمد كمال...بسم الله ما شاء الله لا قوة إلا بالله...الله ينور عليك وعلي أفكارك النيرة...وبألف هناء وشفاء...خالص تحياتي واحترامي للجميع...

ahmed2101

10-12-10 12:33 AM

رد: إبداعات الرمسيس نمرة 1

بسم الله ماشاء الله ربنا يزيدك ويرزقك

dr mohamed kamal

10-12-10 01:43 AM

رد: إبداعات الرمسيس نمرة 1

أستاذ جمال مايسترو المنتدى لك خالص شكرى فأنت رجل من الزمن الجميل ,كما اشكر الاستاذ الجزار و الاستاذ أحمد على مروركم الكريم ,أما الجاز رام فهو مثل مساعد السيارة فى فكرته

samraghost

10-12-10 01:56 AM

رد: إبداعات الرمسيس نمرة 1

هو موضوع الجاز رام نام يا جماعه ولا ايه انتوا شوقتونا للموضوع وقلتوا هاتعملوه وبعد كده ماسمعناش حاجه خالص

هشام سمير

10-12-10 01:35 PM

رد: إبداعات الرمسيس نمرة 1

الله ينور على الصيد يا دكتور

hoka	10-12-10 01:45 PM

رد: إبداعات الرمسيس نمرة 1

لعلمك يا هيتش تني(ي)مه ناقصه (ى)
هههههههههههه
انا بهزر لحسن تزعل منى
بس عجبنى الكومنت اوى
بس اكيد لسه بيتجرب ولو فيه جديد قولنا انت

rock	10-12-10 01:55 PM

رد: إبداعات الرمسيس نمرة 1

السلام عليكم ....الله ينور يادكتور ..... تحياتى .

محمد احمد العنانى

10-12-10 07:03 PM

رد: إبداعات الرمسيس نمرة 1

تمام يادكتور قناص واللة وفعلا الرمسيس القديم نشانة دقيق وخاماتة قوية وبالهناء والشفاء.

mido_23279

10-12-10 07:19 PM

رد: إبداعات الرمسيس نمرة 1

مساء الفل

بسم الله ما شاء الله و الله ينور على الجاز رام يا باشا

dr mohamed kamal

10-12-10 11:19 PM

رد: إبداعات الرمسيس نمرة 1

شكرا للاعضاء الكرام على مرورهم الجميل ,النهارده ذهبت لنفس المكان قبل المغرب بنصف ساعه لكى أضاعف الحصيلة, أمس قبل المغرب بربع ساعه كانت الحصيله 7يمامات ,لكن حصل شىء غير متوقع بالمره حضر ثلاثة فلاحين من الغيطان المجاوره وجلسوا معى نتبادل أطراف الحديث حتى أذان العشاء ,فقلت فى نفسى مفيش نصيب النهارده ,بس أنا لم أحس بالوقت معاهم ,ناس عيْشه على الفطرة ,وهممت بالانصراف ,فمسكوا فيا و راسهم وألف سيف نتعشا فلم أجد مفر , وتعشينا ,وفاجئة وجدت امام السيارة حزمة شبت 10كيلوجرام ومثلها كزبرة ومثلها خص ومثلها جرجير ومثلها بقدونس ونصف جوال لفت ومثله جزر و 3كرنبات و3 قرنبيطات وكنت مكسوف جدا ووضعوا كل هذا بالسيارة, ولم يتركونى أرحل إلا بعد أن أخذوا منى وعد بالعودة فى الاسبوع القادم يكون الفلفل الاخضر و الطماطم إكتمل نضجهم كرم لم أعهده من قبل, هذا هو كرم المصرى الاصيل لهم منى ألف تحية

القناص2010

10-12-10 11:22 PM

رد: إبداعات الرمسيس نمرة 1

يعنى كدة رجعت بغنيمة محترمة بالهنا والشفا يا باشا والمرة الجاية تضاعف الكمية ان شاء الله

hoka	10-12-10 11:43 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39448)

الكرم بيجذب بعضه بردو يا دكتور
وعلشان انت قلت لعله خير وقعدت مع الناس الحلوه ديه
ربنا عوضك خير وان شاء الله تلاقيهم عون ليك ومعرفه الناس كنوز ومش شرط اى شئ مادى طالما القلب للقلب طوالى
وربنا يبارك فيهم وفى حضرتك

محمد رضا العبد

10-12-11 02:53 AM

رد: إبداعات الرمسيس نمرة 1

الله ينور...وياريت تفيد باقى الاعضاء فى موضوع الجاز رام
وتحياتى ليك

خط الصعيد

10-12-11 02:27 PM

رد: إبداعات الرمسيس نمرة 1

يا سلام عليك يا دكتور محمد بجد تسلم ايدك حضرتك دكونر فى الطب و فى الميكانيا و فى الاخلاق

dr mohamed kamal

10-12-11 05:03 PM

رد: إبداعات الرمسيس نمرة 1

عمرو حبيبى{خط الصعيد وقبلى كله} ,شكرا على مرورك الكريم,و أخلاقك النبيلة,وأنا فى إنتظارك

dr mohamed kamal

10-12-11 05:35 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة محمد رضا العبد (المشاركة 39465)

الله ينور...وياريت تفيد باقى الاعضاء فى موضوع الجاز رام
وتحياتى ليك

وعليك يا أستاذ محمد ,وأنا تحت أمر الاعضاء فى أى إستفسار فنى بخصوص الجاز رام,لك تحياتى

dr mohamed kamal

10-12-11 05:52 PM

رد: إبداعات الرمسيس نمرة 1

hoka شكرا على مرورك الكريم وأحب أقول لك شىء فى أذنك قرب شوية هات أذنك,أنت دكتور لك وضعك الثقافى والادبى والعلمى فالطبيب هو من يختار كليته ولا تفرض عليه من مكتب التنسيق وهو من أذكى العقول ومن الاوائل دائما ,و على القمة دائما ,فهو من أطلق عليه الحكيم, وأعتقد أنك قد فهمت ما بين السطور ,شكرا حبيبى

Consul

10-12-11 08:07 PM

رد: إبداعات الرمسيس نمرة 1

أخي العزيز الفالي الدكتور محمد كمال...هذه المقولة ( وأحب أقول لك شىء فى أذنك قرب شوية هات أذنك ) ماركة وبراءة إختراع مسجلة وحقوق النشر والإعلان والإستغلال محفوظة ومكفولة بالقانون بإسم الحاج جلجل العجوز...طيب الله ثراه...وأسكنه فسيح جناته...لذلك لزم التنوية والتنبيه...ضمانا لعدم ضياع الحقوق...خالص تحياتي واحترامي للجميع...

dr mohamed kamal

10-12-11 08:21 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة consul (المشاركة 39534)

أستاذ جمال حبيبى أنا أطلقت عليك مايسترو المنتدى, الذى يعزف أحلى الالحان التى تطرب لها الآذان ,ولا حرج فى إقتباس بعض هذه الالحان الجميلة ,تقبل تحياتى و إحترامى

galal khalifa

10-12-11 08:25 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39364)

هذا الصيد فى عشرة دقائق قبل غروب شمس اليوم الخميس بالعزيزة على الرمسيس نمرة 1 المعدلة بى gas ram air spring من على مسافة 20 و25 متر وجميع اليمام مقفول ,تقبلوا تحياتى

تسلم ايدك وعيونك وعايزين اكثر من كدا بكتير

dr mohamed kamal

10-12-11 08:38 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة galal khalifa (المشاركة 39538)

تسلم ايدك وعيونك وعايزين اكثر من كدا بكتير

شكرا أستاذ جلال على مرورك الكريم

galal khalifa

10-12-11 09:16 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39540)

شكرا أستاذ جلال على مرورك الكريم

شكرا حاف من غير يمام وحمام ما ينفعش بس مقبولة منك يا دكتور عايزين نتغدي عندك مرة لو سمحت

Consul

10-12-11 09:39 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39536)

أستاذ جلال حبيبى أنا أطلقت عليك مايسترو المنتدى, الذى يعزف أحلى الالحان التى تطرب لها الاذن ,ولا حرج فى إقتباس بعض هذه الالحان الجميلة ,تقبل تحياتى و إحترامى

أخي العزيز الغالي الدكتور محمد كمال...بسم الله ما شاء الله...لا قوة إلا بالله...إيه الجمال والعسل والشرباتات الصوغانتوتات الأمورات الحلوين إللي منورين دول...اللهم صلي علي النبي...تبارك الخلاق سبحانه وتعالي فيما خلق وصور...عسولة صغنطوطة ربنا يخلي...تفرح بيها يا رب وتشيل عيال عيالها وتؤاخيها عن قريب قادر يا كريم...الألحان ودواوين الشعر كلها وإللي كاتبها رهن إشارة العسل الأبيض والشهد المكرر ده...ربنا يحفظها ويحرسها من العين والحاسدين...اللهم آمين...عفونا عنك وتنازلنا عن رفع الدعوى الجنائية وسامحناك علشان خاطرها بس...ومكتبتي كلها تحت أمرك بدون إستئذان...خش وحمل وشيل كل إللي تحبه...خالص تحياتي واحترامي للجميع...

dr mohamed kamal

10-12-11 10:27 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة consul (المشاركة 39552)

شكرا أستاذ جلجل وإن شاء الله أعزمك على فرحها ,وتكون شاهد على عقد قرانها,دى أخر العنقود ,سنها عام و نصف حبيبت قلبى ,الاكبر باهى 9 سنوات و نصف والاوسط رامى 7 سنوات ثم الامورة سلسبيل سنة و نصف

galal khalifa

10-12-11 11:14 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39574)

شكرا أستاذ جلال وإن شاء الله أعزمك على فرحها ,وتكون شاهد على عقد قرانها,دى أخر العنقود ,سنها عام و نصف حبيبت قلبى ,الاكبر باهى 9 سنوات و نصف والاوسط رامى 7 سنوات ثم الامورة سلسبيل سنة و نصف

يعني ها نستنا لغاية الفرح لا يادكتور احنا عايزين في اقرب وقت

Consul

10-12-11 11:37 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39574)

أخي العزيز الغالي الدكتور محمد كمال...بسم الله ما شاء الله تبارك الله...اللهم صلي علي النبي...ربنا يحفظهم ويحرسهم ويخليهم ويبارك لكم فيهم...ويتربوا في عزكم وفي حياتكم...اللهم آمين...تعزمني وأكون شاهد...الله يديلك طول العمر مع العمل الصالح...يا مين يعيش...لو إفتكرتنا أبقي إقرأ لنا الفاتحة وأطلب لنا الرحمة والعفو والمغفرة من رب كريم ورحيم...بارك الله فيك أخي الحبيب...خالص تحياتي واحترامي للجميع...جمال نصر...

أسامه خطاب

10-12-12 02:40 PM

رد: إبداعات الرمسيس نمرة 1

الله ينور يا دكتور على الرمسيس المعدلة
وحكاية كرم الفلاحين بصراحة اسعدتني لأن الدنيا لسه فيها ناس طيبين وكريمين
ممكن تقول لنا الفلاحين دول منين ؟
وتقبل تحياتي

dr mohamed kamal

10-12-12 05:10 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة أسامه خطاب (المشاركة 39654)

الله ينور يا دكتور على الرمسيس المعدلة
وحكاية كرم الفلاحين بصراحة اسعدتني لأن الدنيا لسه فيها ناس طيبين وكريمين
ممكن تقول لنا الفلاحين دول منين ؟
وتقبل تحياتي

شرفنى مرورك الكريم أستاذ إسامه,أنا عندى بندقيةرمسيس منذ 30 سنه ,أما البندقية الرمسيس الحالية فأنا إشتريتها منذ ثلاثة أشهر بمبلغ 50 جنيها من بائع روبابيكيا متجول والبندقية لم تستعمل على الاطلاق وعمرها يزيد عن 25 ل30 عاما والبائع كان خايف منها قوى فجانى البيت وجبهالى ومكنش عاوز يأخذ فلوس لانى لاأتأخر عنهم فى شىء وكلهم يحبوننى جدا انا عندى انتيكات فى الشقة لاتقدر بثمن إشتريتها منهم 10 أو 20 لاتزبد عن 50 جنيها القطعة, فى حين أنها تقدر بألاف الجنيهات,هم طبعا لا يعرفوا قيمتها, لدرجة انهم يجدوا سعادة غامرة عندم يجدوا شىء أنا عيزه و ده دعاء الوالده {ربنا يحبب فيك خلقه ويصلح ما بين إيديك ويرزقك من حيث لا تحتسب} أطلب من الله أن يرحمها ويسكنها فسيح جناته وأن يجعل قبرها روضة من رياض الجنة ....قولوا أمين

Consul

10-12-12 06:03 PM

رد: إبداعات الرمسيس نمرة 1

أللهم إعفو عنها وأغفر لها وارحمها وغسلها بالماء والثلج والبرد ونقها من الخطايا والذنوب كما ينقي الثوب الأبيض من الدنس وأدخلها الجنة بسلام يا أرحم الراحمين برحمتك وبفضلك وبقدرتك لا بعدلك ولوالدينا ولأمواتنا ولأموات المسلمين أجمعين...اللهم آمين اللهم آمين اللهم آمين...

dr mohamed kamal

10-12-12 06:21 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة consul (المشاركة 39677)

اللهم أمين.اللهم أمين.اللهم أمين ,شكرا أستاذ جمال وربنا يجعله فى ميزان حسناتك إنشاء الله

mido_misho

10-12-12 07:34 PM

رد: إبداعات الرمسيس نمرة 1

ما شاء الله صيد موفق

dr mohamed kamal

10-12-12 07:45 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة galal khalifa (المشاركة 39590)

يعني ها نستنا لغاية الفرح لا يادكتور احنا عايزين في اقرب وقت

إنشاء الله حبيبى فى أقرب وقت

HANINIE

10-12-13 12:28 AM

رد: إبداعات الرمسيس نمرة 1

ربنا يزدك علما وخلقا يا دكتور

ابو الشوق

10-12-13 12:59 AM

رد: إبداعات الرمسيس نمرة 1

يا دكتور احنا عايزيين موضوع عن التعديل بالصور ويا ريت يكون مفصل
ولك منى كل التقدير

أسامه خطاب

10-12-13 06:17 AM

رد: إبداعات الرمسيس نمرة 1

أطلب من الله أن يرحمها ويسكنها فسيح جناته وأن يجعل قبرها روضة من رياض الجنة ....قولوا أمين
آميـــــــــــــــــــن
اللهم إرحمها وإرحم أمواتنا وأموات المسلمين واغفر لهم وانزل عليهم رحمتك وعفوك ورضوانك
وصل اللهم على سيدنا محمد وعلى آله وصحبه وتابعيهم بإحسان إلى يوم الدين

خط الصعيد

10-12-13 11:55 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة dr mohamed kamal (المشاركة 39508)

عمرو حبيبى{خط الصعيد وقبلى كله} ,شكرا على مرورك الكريم,و أخلاقك النبيلة,وأنا فى إنتظارك

فى اول فرصة هنتقابل انشاء الله

Oonyx

10-12-14 02:55 AM

رد: إبداعات الرمسيس نمرة 1

بسم الله ما شاء الله يا دكتور جمييييل جدا
ممكن حضرتك تدينا نبذه عن التعديل ؟
عامر حسني

dr mohamed kamal

10-12-14 07:01 AM

رد: إبداعات الرمسيس نمرة 1

اقتباس:

المشاركة الأصلية كتبت بواسطة Oonyx (المشاركة 39832)

بسم الله ما شاء الله يا دكتور جمييييل جدا
ممكن حضرتك تدينا نبذه عن التعديل ؟
عامر حسني

أستاذ عامر تحياتى ,التعديل هو إستبدال السوستة بى Gas Ram Air Spring و ده مثل مساعد السيارة المملوء هواء نيتروجين, مميزاته {1}-لايضعف أبدا حتى لو تركت البندقية مكسوره أيام {2}-يقلل إهتزاز البندقية أثناء الضرب بنسبة 50% {3}-يقلل الصوت بنسبة 60% {4}-دقة النشان {5}-العمر الطويل جدا مع ثبات القوة { 6}-زيادة قوة البندقية {7}- ليس له عيوب حتى الان

ابو الشوق

10-12-14 01:51 PM

رد: إبداعات الرمسيس نمرة 1

طب يا دكتور حضرتك جيبتة منيين وكان فية تعديل على البندقة ولا بيركب مكان النابض وبس
وفية طبعا انواع منة متعددة ازاى حضرتك قدرت تحدد النوع الى يركب على الرمسيس
وشكرا

dr mohamed kamal

10-12-14 03:24 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة ابو الشوق (المشاركة 39915)

شكرا على مرورك ,بيركب مكان النابض بدون أى تعديل ,بس لازم تعرف طول مشوار البستم عند كسر البندقية وقطر النابض ,هو ده كل شىء ,أنا أشتريته من ألمانيا فى إحدى سفرياتى ,لك تحباتى

محمد سعيد ج

10-12-14 03:39 PM

رد: إبداعات الرمسيس نمرة 1

بصراحه الله ينور عليك بس تعرف ان انا نفسى اشترى رمسيس نمره واحد لانى حاببها بصراحه ولانها اول بندقيه اصطاد بيها وللاسف الى عندى مسورتها اتقطمت لانها بصراحه من 25 سنه وليها انجازات مع والدى معلش طولت عليكم بس انا مش عارف حتى اجبلها مسوره ونين ولا اشترى واحده كامله مش مهم تكون جديده حتى انا سلاحى دلوقتى نوريكا73
وشكرا.

dr mohamed kamal

10-12-14 04:16 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة محمد سعيد ج (المشاركة 39922)

محمد بك شكرا على مرورك الكريم ,أما بخصوص الرمسيس1 ممكن تروح لواحد إسمه شريف بشارع شبرا رقم 100 بجوار محطة المترو بدوران شبرا ممكن تلاقى عنده ماسورة مستعمله,لك تحياتى

dr mohamed kamal

10-12-15 06:49 AM

رد: إبداعات الرمسيس نمرة 1

اقتباس:

المشاركة الأصلية كتبت بواسطة ahmed2101 (المشاركة 39378)

بسم الله ماشاء الله ربنا يزيدك ويرزقك

شرفنى مرورك الكريم أستاذ أحمد لك تحياتى

dr mohamed kamal

10-12-15 05:02 PM

رد: إبداعات الرمسيس نمرة 1

اقتباس:

المشاركة الأصلية كتبت بواسطة محمد اخمد العنانى (المشاركة 39424)

تمام يادكتور قناص واللة وفعلا الرمسيس القديم نشانة دقيق وخاماتة قوية وبالهناء والشفاء.

شرفنى مرورك يا عنانى لك خالص شكرى وإحترامى

الساعة الآن 08:25 AM