طائر موجود وبنسمية الزرزور طلع موش زرزور
 

السلام عليكم
فى الشرقية عندنا طائر ما عنديش صور لية بس على قد ما اقدر هاوصفة احنا بنسمية الزرزور بس ما طلعش زرزور_هههههه(كبير الحجم اقل من حجم الغراب قليلا_بطنة لونها برتقالى والظهر والراس والاجنحة اسود_بطىء جدا فى الطيران وبيطير منخفض وبيتنقل من شجرة لشجرة_الزيل طويل ومفرود_وشفتة مرة واخد عصفور فى منقارة وطاير بية_بيعمل صوت زى دوران الماكينة مرتفع جدا _ودودودودودودود_الطائر دة يا جماعة اسمة اية ؟ افيدونا
ملحوظة متواجد طول العام فى مصر

رد: طائر موجود وبنسمية الزرزور طلع موش زرزور
 

أيوة بالظبط هو دة اللى انا كنت بسئل علية انا بردو من الشرقية من منيا القمح وعاوز اعرف اذا كان الطائر دة بيتاكل ولا اية ظروفة

رد: طائر موجود وبنسمية الزرزور طلع موش زرزور
 

أن لم أكن مخطئ لأن الموضوع صعب شوية بدون صورة ده وصف يشبه وصف الموك أو غراب الغاب وهحاول أشوف لكم صورة وأرفعها

رد: طائر موجود وبنسمية الزرزور طلع موش زرزور
 

رجليه طويله شويه

رد: طائر موجود وبنسمية الزرزور طلع موش زرزور
 

شكرا استاز طلعت على الاهتمام_فعلا هو الطائر دة رجلية طويلة شوية_اعتقد انة ما بيتاكلش لانى شفتة مرة واخد عصفور ميت فى منقارة وطاير بية

رد: طائر موجود وبنسمية الزرزور طلع موش زرزور
 

انا كمان من منيا القمح
انتى من اى مكان فيها

رد: طائر موجود وبنسمية الزرزور طلع موش زرزور
 

ده اسمه كناريا البر
او الكناريا البرى
وهو منتشر فى مصر وبيبنى عشه بخلط الطمى ومواد بناء العش بلعابه
ويبنى اعشاشه قرب اسقف البيوت والجبال ممكن تلاقيه على السلم او فى اوضه مهجوره على السطوح

رد: طائر موجود وبنسمية الزرزور طلع موش زرزور
 

تقريا انا كمان شفته في الفيوم وضربته بس هو جري واختفي وسط الزرع
هو حجمه تقريبا قد الغراب وبطنه لونها برتقالي وبيجري علي الارض وبيقفز علي الاشجار بخفه من فرع لفرع

رد: طائر موجود وبنسمية الزرزور طلع موش زرزور
 

كلامك مظبوط يا باشا هو قد الغراب كدة وبيقفز على الاشجار بسرعة وخفة وبطىء فى الطيران بس اسمة اية ما اعرفش_وهو موش الكناريا المصرى دة انا عارفة بيبنى عشة فى ركن بالاخشاب والطين_لا موش دة اللى قصدى علية

رد: طائر موجود وبنسمية الزرزور طلع موش زرزور
 

أيه ياجماعة محدش عارف ايه الطائر ده يعني كلنا شفناه وده معناه انه منتشر ومحدش يعرف هو إيه بظبط

رد: طائر موجود وبنسمية الزرزور طلع موش زرزور
 

لغاية دلوقتى ممكن نسمية الطائر الخفى على وزن اللهو الخفى

رد: طائر موجود وبنسمية الزرزور طلع موش زرزور
 

منا قولتكوا اسمه هو محدش قرا المشاركه بتاعتى ولا ايه؟

رد: طائر موجود وبنسمية الزرزور طلع موش زرزور
 

رد: طائر موجود وبنسمية الزرزور طلع موش زرزور
 

فعلا هو ده الطائر ياتري اسمه ايه وياريت أي معلومات تانيه عنه

رد: طائر موجود وبنسمية الزرزور طلع موش زرزور
 

رد: طائر موجود وبنسمية الزرزور طلع موش زرزور
 

شكرا جزيلا أستاذ طلعت علي المعلومات القيمة

رد: طائر موجود وبنسمية الزرزور طلع موش زرزور
 

الف شكر يا استاز طلعت هو فعلا دة الطائر اللى قصدى علية_وماعدش اسمة الزرزور خلاص اسمة_(غراب الغاب)الف شكر يا موسوعة

رد: طائر موجود وبنسمية الزرزور طلع موش زرزور
 

رد: طائر موجود وبنسمية الزرزور طلع موش زرزور
 

باشمهندس طلعت أنا كنت اتكلمت مع حضرتك قبل كده على الطير ده قبل كده
وهوا بيتاكل وصيده مش سهل قوي كده :(
وبنسميه بالبلدي فرخة غيط --غير فرخة المية-- ومفيهوش أي مشكلة لانه مالهوش مخلب ولا ناب

رد: طائر موجود وبنسمية الزرزور طلع موش زرزور
 

يا جماعة الطائر دا ما بيتاكلش انا اصطته مرة قبل كدة وعشان اتاكد انة بيتاكل او لا فتحت فتحة بالطول فى جسم الطائر زى التشريح وبحثت عن حوصلة ما لقتش لقيت عندة معدة على طول وعملت شق فى القناصة لقبتها كلها نوع من الحشرات شبة الخنافس لونها اخضر يعنى ما بيتغذاش على الحبوب فهوا حرام والله اعلى واعلم وشكرا

رد: طائر موجود وبنسمية الزرزور طلع موش زرزور
 

واللة انا شفت الطائر دة اللى اسمة زى ما الاستاز طلعت قال غراب الغاب ماسك فى منقارة عصفووووووووووور وطاير بية وكان الوقت قبل المغرب وكانت اعداد العصافير رهيبة_اكيد هذا الطائر لا يؤكل_واللة اعلم

رد: طائر موجود وبنسمية الزرزور طلع موش زرزور
 

(الوقواق السنغالى)هو الاسم العلمى لهذا الطائر وصورتة موجودة بالموضوع الموجود فى انواع الطيور فى مصر_واتاكدت انة لا يؤكل

رد: طائر موجود وبنسمية الزرزور طلع موش زرزور
 

رد: طائر موجود وبنسمية الزرزور طلع موش زرزور
 

الكلام ده سليم دي فرخه الغيط كما نسميها نحن وبصراحه انا معجب بالاهتمام الملحوظ باستفسارات الاعضاء ودا شيء جميل بجد

رد: طائر موجود وبنسمية الزرزور طلع موش زرزور
 

في عندي استفسار بخصوص طائر شبيه بابو قردان ولاكن بني شويه مش ابيض ورقبته مش طويله ذي ابو قردان اسمه ايه وهل يؤكل ولا لا شكرا للجميع

رد: طائر موجود وبنسمية الزرزور طلع موش زرزور
 

لا دة موش فرخة الغيط دة غراب الغاب ولا يؤكل_الطائر اللى حضرتك بتشوفة دة ممكن يكون ابو قردان وهو لسة صغير لونة بيكون مائل للبنى ولنا بيكبر بيكون ابيض او نوع طائر تانى بنقول علية بلشون بس دة لا يؤكل وبيكون على جسور الترع والانهار واعتقد انة بياكل اسماك صغيرة

رد: طائر موجود وبنسمية الزرزور طلع موش زرزور
 

معلومات قيمة جدا