|
نرجو الافادة
4 مرفق
صباح الخير على احلى منتدى يوم الجمعه الماضى انا وصديقى الاستاذ ايمن انيس كنا بنصطاد فى العبور واصطدنا حمامه على رجلها حلقه مثبتة بشكل فنى جدا ومكتوب عليهال التالى
Egypt 2010 24336 ياريت لو حد يعرف معنى الحلقة دى والرموز والارقام دى اية يقولنا ولكم جزيل الشكر واليكم الصور ;);););) |
رد: نرجو الافادة
اقتباس:
|
رد: نرجو الافادة
ترررررررررررررررررررررررررن
الو عمليات الكود السرى للعمليه رقم 1050 وقع فى ايد الصياد وليد نوار نرجو سرعه التصرف واتخاذ الاجراء الوقائى رقم 20 هههههههههههههههههههه طبعا بهزر وانا بصراحه معرفش وما اعتقدش انها حمامه زاجله او حتى ده رقم سرى لحاجه بس زى ما استاذ جلال قال هربانه بس انا ليا استفسار عند الاستاذ جلال هو فيه ناس ممكن تركب حاجه زى كده فى رجل الحمام بتاعها؟؟ ولو كده فايه فايدتها؟؟ للعلم فقط ليس الا وفى الختام رحله موفقه للسيد وليد وعقبال كل رحله والسلام عليكم |
رد: نرجو الافادة
بخبرتى انى كنت بربى حمام دية اسمها دبلة وفعلا الحمامة دية مملوكة لشخص ما ومعنى الدبلة دية ان صاحب الحمامة دية بيخش بيها مسابقات رمى اى يعنى بياخد الحمامة ويسافر بيها ويطلقها من مكان وعند رجوعها بيقوم فريق التحكيم باخذ السريل الى على رجلها لاعلان الفائز وبم ان الحمام دة بيسافر مسافات بعيدة فهو بيحط فى اى مكان ومع اى حمام ياكل ويشرب ويريح وبعدين يكمل رحلتة دية معنى الدبلة الى فى رجلة
بس دية صدفة و لما كنت بطلع اصطاد زمان كنت بحاول ارف ميعاد المسابقة علشان ابقا واخد بالى وانا بصطاد علشان الحمام دة بيزعل اوى وممكن يكون الفرد دة مش داخل مسابقة وصاحبة مشترى دبلة من اى مكان للتشهير وسرعة البيع واللة واعلم تقبل مرورى |
رد: نرجو الافادة
اقتباس:
|
رد: نرجو الافادة
للتاكيد اكتر لو لسة عاندك راسها انا ممكن اقولك بس طبعا شكلها مش موجودة ومن راى انك تستغفر ربنا وخلاص لانك مكنش اصدك ومكنتش عارف واكيد ربنا كاتب كدة لصحبها وليها
|
رد: نرجو الافادة
اقتباس:
اقتباس:
ربنا يفيدنا بخبراتكم دايما وما يحرمناش منكم |
رد: نرجو الافادة
السلام عليكم ,,
الفرد ده نوعه رماية وهو المستخدم فى المسابقات بس مش بالضرورة يكون دخل مسابقة لان اغلب الناس الى عندهم غية حمام بيجيبوا دبل ويلبسوها للحمام وهو زغلول لتمييزه واغلب الدبل بيكون مكتوب عليها اسم صاحب الفرد ورقم تليفونه يعني الفرد ده اكيد مش بري واستحالة يهرب او يطفش و يعيش مع الحمام البري ممكن الفرد ده كان طاير عادي زى كل يوم او صاحبه اخده وطيره من مكان بعيد عشان يشوف هيرجع بعد مدة اد ايه ويا جماعه ياريت نتجنب صيد الحمام طالما فيه شك لان والله انت ماتعرف مدي حزن وزعل صاحب الفرد دلوقتى لان ده شيء عزيز جدا جدا عليه وامسح الصورة والرقم من الموضوع عشان ممكن حد تخصه الحمامة يشوف الموضوع ويعملك مشكلة |
رد: نرجو الافادة
الحمام البرى موجود وحلال صيدة ومعروف من شكلة ومن الوانة المميزة ولو حصل صيد انواع تانيه بتبقى غلطة غير مقصودة ولا اية رائ باقى الاعضاء
|
رد: نرجو الافادة
ده حمام زاجل
انا عمى كان بيربى زيه وفعلا الدبلة دى بتتلبس للحمام وهو زغلول وثمن النوع ده من الحمام غالى جداااا |
رد: نرجو الافادة
يا حسرة قلب صاحبها
دة حمام زاجل بيدخل مسابقات على مستوى الجمهورية ولة مسابقات عالمية ودة حمام بتبقى اسعارة غالية جداا جداا |
رد: نرجو الافادة
دى حمامة رمية جمعية ( يعنى الدبلة دى تعنى انها مسجلة فى جمعية مربى الحمام )ومعنى 2010 انها مواليد عام 2010 والرقم هو رقم الحمامة فى الجمعية وده حمام مسابقات وثمنها يتراوح من 30 الى 80 جنيه ليس اكثر
|
رد: نرجو الافادة
السلام عليكم ورحمه الله وبركاته
اخى العزيز فرد الحمام دى زاجل (رمايه) والكود الى عليه دى رقم فرد الحمام و2010دى ميلاد فرد الحمام وعلى فكرة الدبله دى مبتخرجش الا من الاتحاد بتاع سباقات الزاجل والحمام دى للسباقات او التجارة او للاكل فى المستويات الضعيفه فياخى فالله احذر عند اصطيادك للحمام لان الحمام من الطيور المستئنفه وممكن تربيتها فى المنازل فمن الممكن ان يكون ملك لاى شخص حتى ولو كان حمام برى برى برى وفى نهايه الاكلام الحمام البرى معروف من شكله ولونه وحجم جسمه فرجاء من كل الصيادين فى الموقع ان هما بلاش يصطادو الحمام الى اذا كان برى لان انا ساعات بشوف صيد على المنتدى بيكون حمام بلدى الى هو الناس بتربيه للاكل او للبيع فبجد الناس الى بتربى النوعيه دى بتكون ناس غلبانه او بيكون مصدر رزق ليها وعلى فكرة انا غاوى تربيه حمام وطيور زينه اخوكم احمد واسف على الاطاله |
رد: نرجو الافادة
ياالا يا عم ابسط اديك هتاكل حمامة ب 80 جنيه :)
|
رد: نرجو الافادة
السلام عليكم ورحمة اللة
فعلا الحمامة دى حمامة رماية بس من شكلها كدة لسة زغلول صغير لانة نزل مع الحمام البرى _فرد الرماية الجيد والغالى لايمكن ينزل يريح ابدا ياخد المشوار مرة واحدة ومدامت الدبلة على رجلية واخدة سيريال يبقى اكيد من اتحاد الحمام الزاجل وبالرقم د اللى عليها ممكن توصل لصاحبها لو حضرتك عايز_والموقف دة حصل معايا وانا صغير وكان فرد رماية وبردة فية دبلة فى رجلية بس كان كبير فى الحجم قد الفرخة البلدى _وسالت واحد صاحبى بيربى حمام رمايات قالى على المعلومة اللى زكرتها بخصوص الدبلة ان الفرد دة مسجل فى الاتحاد المصرى_وقالى انة فرد حمار وغبى كمان لانة نزل يريح فى المشوار ويستاهل اللى جرالة_بس اللى دايقنى ان الرشاية كاننت فى جناحة وكان صاحى ومكن يتعالج بس صاحبى قالى ادبح ادبح دبحتة وبعد كدة لقيت الدبلة ولقيت الرشايىة فى جناحة وعرفت ان تمنة غالى _قولتلة روح يا شيخ ربنا يعمر بيتك بدل الكلمة التانية_والفرد دة قعد على النار اكتر من 3 ساعات_ههههههه |
رد: نرجو الافادة
السلام عليكم الدبله بتوضع فى رجل الحمام الرميات ودة اسمه او الزاجلمن تانى يوم من خروجه من البيضه
و فعلا عشان يتعلم عن غيرة وتحمل العمر والمكان وبينات عن الحمام ويطلق من اماكن بعيدة عن اعشاشه وبيتعلم انه ما ينزلش يشرب او ياكل من عشه حمام لازم من على الارض ويكمل وبيطير بالليل والنهار حسب التدريب ولكم جزيل الشكر |
رد: نرجو الافادة
ممكن تقدر توصل لصاحبه عن طريق جمعية محبى الحمام ومن الرقم الموجود على الدبلة وتعوضه عنه بالثمن المناسب او يسامحك
|
| الساعة الآن 12:16 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir