|
موقف غريب ومحتاج تفسير بالله عليكم !!
انا النهاردة نزلت انا وواحد صاحبي بعد الفجر نجري علي البحر عندنا في العجمي المهم نزلنا وروحنا البحر وجرينا وكلة تمام وواقفين علي الشط بنستريح وفجأة اتنين شباب معديين ومعاهم كلب جيرمن شيبرد المهم كان ماشي عادي وجة عندنا وراح الكلب طلع جري علي المية تحس انة شاف حاجة وقعد يهو هو جااااامد جاااااامد اوي وصحابة مشيو بيحسبوة هيجي وراهم فضل يهو هو كتييير اوي وبصوت عالي وهو باصص للبحر وصحابة ينادو علية ولا هو هناا فضل يهوهو بتاع 5 دقايق مش راضي يروح لصحابة وفجأة بصلي انا وصاحبي والمرعب اني والله ما كنت شايف نني العين بتاعة عينة والله حمرا دممممممم دممم بمعني الكلمة حمررا خالص النني الاسود كان احمر فضل يبص ليا انا وصاحبي ويقرب مننا ويهوهو جامد برضو انا مش عارف اعمل اية فضلت انا وصاحبي نستعيذ بالله من الشيطان وهو برضو مش بيسكت وانا كل لما ابص لعينة اترعب ماحولتش اجري علشان مايجريش ورايا وفجأة جة لزق فينا وهو بيهوهو وفضل يلف حوليا انا وصاحبي وراح مرة واحدة طلع جري علي صاحبة حسيت ان اتكتبلي عمر جديد والله
انا بقي مستغرب حد يفسر اي حاجة :pleur1: |
رد: موقف غريب ومحتاج تفسير بالله عليكم !!
حاجة غريبة الصراحة
|
رد: موقف غريب ومحتاج تفسير بالله عليكم !!
شكله شاف حاجة او حس بحاجة طبعا محدش هيعرف ايه هى
|
رد: موقف غريب ومحتاج تفسير بالله عليكم !!
طبعا بعد الاستعاذه من االشيطان من الممكن والله اعلم انو يكون انت او صاحبك فيكو مس شيطاني او ما شابه ربنا يعفيكو فالكلب من المخلوقات التي تري الجن او تحس بيه فهذا ما اراه والله اعلي واعلم
|
رد: موقف غريب ومحتاج تفسير بالله عليكم !!
الكلاب عندها حاسه سمع جباره
غير حاسه الشم الي كلنا عارفين قوتها عندهم دا غير انهم بيشوفو الجن الي حصل دا ممكن يكون لان الكلب سمع صوت او شاف حاجه ميقدرش يعرفها غيره انما انه اجى عليكو بالطريقه دي و فضل يهوهو و مهجمش عليكو ممكن يكون بيستنجد بيكو و عنيه ممكن تكون تعبانه اصلا و الكلاب الجرمان عنيها عسلي ممكن في الشمس تبان حمرا رايي الشخصي ممكن يكون سمع حد بيغرق دا مجرد راي مش اكتر |
رد: موقف غريب ومحتاج تفسير بالله عليكم !!
اقتباس:
|
رد: موقف غريب ومحتاج تفسير بالله عليكم !!
مفيش اى حاجة غريبة ولا حاجة
اى كلب جيرمن بيهيج اوى عينه بتحمر عادى جدا و الكلاب بتشوف و بتسع حاجات الانسان مبيشفهاش ولا بيسمعها و ممكن يكون شاف جن مثلا او حس بيه انا شخصيا عندى كلب جيرمن و لو جه جنب البحر بالليل ساعات بيتشد انتباهه ناحية البحر اوى و بيهيج جدا و بيعمل نفس اللى الكلب ده عمله بالضبط |
رد: موقف غريب ومحتاج تفسير بالله عليكم !!
اكيد شاف جن مثلا ومن المعروف ان فية انواع كتيرة من الجن
يعنى فية الجن الهوائى والترابى والنورانى والمائى فممكن جدا يكون شاف الجن اللى بيعيش فى البحر دة راى |
رد: موقف غريب ومحتاج تفسير بالله عليكم !!
طب بالمناسببة صحيح اخى الكريم صاحب الموضوع وكل الاعضاء اصحابنا وحبيبنا المحترمين
فية محل بتاع حيوانات وطيور زينة هو فى شارع جانبى كدة فى روكسى المهم لقيتة عارض قرد الرباح اللى هو الضخم دة اللى على طول بنشوفة فى الجبلاية فى جنينة الحيوانات المهم بقولة بكام قالى بالف ونص المهم كان فية واحد واقف بيتفرج علية فبيقولى انتا عايز تشترية قالتلة اة اية المشكلة خصوصا انة يعتبر رخيص قالى اوعى قلتلة لية كدة قالى لانة عجوز علشان كدة عايز يبعة بالف ونص عشان يخلص منة بسرعة ثانيا قالى انة خطير جدا بصراحة انا بصيت كدة لقيت لية انياب كبيرة فعلان فاية راى السادة الاعضاء |
رد: موقف غريب ومحتاج تفسير بالله عليكم !!
الف شكر علي الردود يا احلي ناس في الدنيا وانا رايح البحر تاني النهاردة وهشوف هيحصل اية :)
|
رد: موقف غريب ومحتاج تفسير بالله عليكم !!
بص يا كبير انا هقولك علي حاجه شفتها في الكتاب بتاعي
البحر ده مسكن لانواع الجن المعين وهو ما يسمي بالجن العوام وده مسكنه البحر وممكن تلاحظ بليل الحاجات ديه بس اما علي حكايه ان الكلب يعمل كل الحاجات ديه تقريبا زي ما الاعضاء المحترمين قالم احتمال شاف جن او ممكن يكون حاسس بحاجه منهم بس علي فكره الجن مش بيخاف من الكلاب الجن بيخاف من الذئاب فقط وان شاء الله خير بس ياريت بلاش تروح البحر بليل تاني بعد كده لواحدك |
رد: موقف غريب ومحتاج تفسير بالله عليكم !!
كمان في نقطه ناس كتير نست تتكلم فيها
ان الكلب بيشم رائحه الخوف في جسم الانسان والكلب لو حس بكده اكيد طبعا مش هيسيبك وكمان الكلب اكتر حاجه تنرفزه وتضايقه انك تبص علي عينه وهو واقف حتي مع صاحبه مده كبيره لان ده بالنسباله انت بتتحداه كده |
رد: موقف غريب ومحتاج تفسير بالله عليكم !!
توضيح بسيط
الكلب مش بيشم ريحه الخوف الكلب بيشم ريحه الادرينالين الي الجسم بيفرزه في حاله الخوف الي كتير ميعرفوش عن حاسه شم الكلاب انها بتفصل محتويات الريحه يعني لو احنا مثلا بنشم ريحه كيكه الكلب بيشم الدقيق و البيض و السكر و كده يعني |
رد: موقف غريب ومحتاج تفسير بالله عليكم !!
الله اعلى واعلم ربنا يستر
|
| الساعة الآن 05:13 PM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir