|
الكليه الحربيه
معلشي للاداره والاعضاء علي الموضوع ده لو مخالف
بس انا مش لاقي والله مكان احسن من ده اتكلم فيه انا دلوقتي في 3 ثانوي وربنا يسترها علي السنه الزباله الي انا داخلها ديه ويارب اطلع منها عاقل بس المهم انا ان شاء الله ناوي علي كليه حربيه بس انا عاوز اعرف التأهيل بتاعها عامل ازاي لاني سألت واحد قالي مش ثابته كل فتره بتتغير من حيث الاختبارات البدنيه او التأهيليه او النفسيه يعني من الاخر عاوز اعرف كل حاجه عنها وكمان انا قدامي بتاع سنه اهو عشان اظبط جسمي فيهم عشان ادخل علي طول علي الاختبارات ديه بس المشكله اني مش هعرف اروح جيم عشان الثانوي ديه يارب عديها عليا وانا لسه عاقل ولسه بصحتي وكمان فيها شرط ان لو واحد من العائله لو معموله قضيه او محضر انا مش هقبل علي كده يعني محضر ايه بالظبط الي يخليني مقبلشي كمان لو فيه نظام غذائي وتمارين كل يوم او يومين في البيت عندي اعملها لحد اخر السنه عشان يبقي جسمي كويس ياريت الي يعرف ميبخلشي عليا في الرد مع تحياتي للجميع واسف علي التطويل |
رد: الكليه الحربيه
الاخ الفاضل
اسمع نصيحه اخوك الكبير 43 سنه فى يوم من الايام كنت بحلم اكون ضابط فى الجيش وخصوصا الكليه الجويه كنت بلعب رياضه والحمدلله حافظت على نظرى ورغم ذلك اجتهدت وجبت مجموع دخلنى كليه الهندسه بعد ما قلشت من الاختبارات طبعا مكملتش بمزاجى لانى لو كنت كملت كنت على الاقل دخلت فنيه عسكريه علشان المجموع ربنا اراد بعد ما انهيت دراستى انى ادخل ضابط احتياط 3 سنوات رغم حبى للحياة العسكريه لكن حمدت ربنا انى مدخلتش ضابط حتحبس نفسك طول حياتك ويافرحتى الضابط راح الضابط جه وانت من جواك قرفان من حياتك وولادك رايحين النادى وجايين من النادى وبتشوف الناس من حواليك عايشه حياتها وانت مش عارف تعمل حاجه انا عارف ان فيه ناس كتير هتختلف معايا بس كل واحد حر فى حياته نصيحه اخويه كل واحد فينا بيفضل لحد الثانويه مش عارف هوا عايز ايه وده بسبب فشل سياسه التعليم عندنا احب اقولك انى فى الاخر حتى لم امارس الهندسه وعملت فى مجال الاعلانات وده بعيد كل البعد عن دراستى ولكن توافق مع ميولى والحمد لله ناجح فيه ومبسوط من اللى حققته خلص الثانويه العامه على خير واترك امرك لله وربنا يوفقك للصالح معلش طولت عليك |
رد: الكليه الحربيه
والله العظيم انا من الابتدائي تقريبا وانا نفسي اخشها
وكمان علي حكايه ظروف العيشه فيها والجواز والكلام ده انا متفق معاك فيها بس عشان مكنشي كداب بس ومش هزار انا مش هتجوز لاني مش هربط نفسي بواحده انا مش قريبتي اصرف عليها طبعا انا بهزر بس حكايه الجواز والكلام ديه التفكير فيها بعيد اوي اليومين دول وانا بتكلم في الموضوع عشان احضر نفسي علي الحربيه عشان حتي لو محصلشي نصيب الشرطه موجوده ومع تحياتي لحضرتك |
رد: الكليه الحربيه
اقتباس:
ويعينك على الثانويه العامه |
رد: الكليه الحربيه
اقتباس:
ويارب قدرنا علي الثانوي :pleur1: |
رد: الكليه الحربيه
بص انا هجيب لك من الاخر
لاني لسة مقدم فيها السنة دي وقطعت الورق من الاخر كدة لو معاك واسطة تكون مش اقل من لواء غير كدة متفكرش تتعب نفسك علشان هتتبهدل بهدلة مشوفتش ولا هتشوف زيها وفي الاخر لو نازل من السما هيقولو لك مع السلامة الي معاه واسطة اولي |
رد: الكليه الحربيه
الحربيه طبعا حلوه,و لو جايب مجموع يأهلك انك تدخل فنيه عسكريه هتكون احلي,و التاهيل و الاختبارات علي حد علمي انها ثابته
لكن المجموع هو اللي ممكن يتغير اول اختبار هو اختبار السمات,عباره عن اسئله عامه و اسئله عن شخصيتك,يقال ان بدال اهلك متعلمين و معاهم مؤهلات بتنجح بعد اما تنجح سمات بتبدأ الكشف الطبي,و ده اغلي المقدمين بيقعوا فيه,حتي انت نفسك بتستغرب من السبب السقوط في الطبي.بعد الطبي اختبار اللياقه و بعده النفسي و تقريبا بعده كشف الهيئه اصعب مرحلتين هما الطبي و كشف الهيئه الطبي مفهوش واسطه نااااااائيا,و الهيئه فيه واسطه لو موجوده مش لازم يكون معاك واسطه عشان تلتحق في الكليه الحربيه,الموضوع كله توفيق من عند ربنا بتكتب في الملف اللي بتستلمه من الكليه لما تروح تقدم القواضي و المحاضر اللي اتعملت لحد من العائله للدرجه الثالثه و انت ادعي رينا لو خير يقدمه و لو شر يبعده |
رد: الكليه الحربيه
و دي اختيارات اللياقه
الإختبارات التي يؤديها الطالب إختبار الثقة يعتبر هذا الأختبار شرطاً أساسيا لراغبي الألتحاق بالكليات والمعاهد العسكرية . يجب أن يؤدى هذا الأختبار بنجاح للإستمرار في الأختبارات التالية ويعتبر هذا الأختبار أيضاً شرطا للإستمرار في الكلية حيث أنه يؤدى بشكل دوري . إختبار الثقة هو القفز بالأرجل من برج حمام السباحة "قفزة الثقه" من إرتفاع 7.5 م . إختبارالسباحة السباحة لمسافة 50 متر بأية طريقة من طرق السباحة وهذا الأختبار يقيم بالزمن. أسلوب التقييم سباحة 50 متر في زمن حتى 45 ثانية 50 درجة. سباحة 50 متر في زمن حتى 60 ثانية 30 درجة. سباحة 50 متر في زمن أكثر من 60 ثانية 20 درجة. سباحة عرض حمام السباحة 10 درجات. إختبارات اللياقة البدنية يؤدى هذا الأختبار في سبعة تمرينات تقيس عناصر اللياقة الدنية للطالب . العقلة "الشد لأعلى" 40 درجة تمرين البطن 40 درجة تمرين الضغط "الإنبطاح" 40 درجة تمرين الوثب الطويل من الثبات 10 درجات العدو 100 متر 15 درجة التوازن 10 درجات تمرين الجري المتعرج "الرشاقة" 10 درجات العدوم مسافة 1500 متر 25 درجة |
رد: الكليه الحربيه
اقتباس:
حكايه الوسطه والكوسه ديه يعني هما ممكن ينجحم واحد ميفهمشي اي حاجه بس معاه وسطه جامده ويسقطم واحد ناجح في كله عشان مش معاه وسطه بس برضه كله بالتوفيق من ربنا فوق اي شئ |
رد: الكليه الحربيه
اقتباس:
ومعلشي هتقل علي حضرتك شويه هو الكشف الطبي هو ايه بالظبط |
رد: الكليه الحربيه
اقتباس:
كل جزأ في جسمك هيتم الكشف عليه(عظام و اسنان و جلديه و انف و اذن,,,,,) ده اول يوم في الكشف اليوم التاني بتعمل تحاليل دم و بول و كشف قلب و باطنه عامه و اغلب الناس بتخرج في العظام |
رد: الكليه الحربيه
اقتباس:
مع تحياتي لحضرتك بس هيا المشكله العدو 1500 متر ديه صعبه شويه |
رد: الكليه الحربيه
و متحطش في دماغك خالص موضوع الواسطه خااااااااالص
و حط في دماغك انك تجيب مجموع عشان لو ربنا مأردش تدخل حاجه عسكريه تقدر تدخل كليه مدنيه كويسه |
رد: الكليه الحربيه
اقتباس:
|
رد: الكليه الحربيه
طب هيا تقريبا من 65 % ولا ايه
|
رد: الكليه الحربيه
وبرضه نفس الكلام ده علي الشرطه ولا نظام تاني
|
رد: الكليه الحربيه
علي ما اتذكر حربيه و بحريه من 65 او 70 و جويه من 50%
و الفنيه العسكريه من 90% و الدفاع الجوي مش عارف بس محتاجه درجه عاليه في الفيزياء الرياضيات |
رد: الكليه الحربيه
و الشرطه 65-70%
|
رد: الكليه الحربيه
اقتباس:
ياريت حضرتك تقولنا يعنى إيه يخرج عظام يعنى كدة المشكلة فى إيه |
رد: الكليه الحربيه
اقتباس:
|
رد: الكليه الحربيه
يعني اي حد ممكن يطلع عشان عظام
طب هما بيكشفوا علي العظام ازاي يعني تقوس او حاجات من ديه ولا ايه |
رد: الكليه الحربيه
اقتباس:
وحصلت ادامي واحد معاه والده عقيد نجح في اختبار السمات من غير ما متحن ولا حتي يقف طابور ونص الي واقفين اخدو بعضهم واتوكلو ع الله روحو |
رد: الكليه الحربيه
اقتباس:
|
رد: الكليه الحربيه
اقتباس:
|
رد: الكليه الحربيه
اقتباس:
كل شئ نصيب وكل شئ بقدر لو مكتوب لك حاجه هتشوفها غصب عن الطخين ولكن فى الاول والاخر على المرء ان يسعى ويترك الامر كله لله |
رد: الكليه الحربيه
ونعم بالله
شكرا لكل من رد علي موضوعي ده |
| الساعة الآن 10:21 AM |
Powered by vBulletin® Copyright ©2000 - 2026, Jelsoft Enterprises Ltd. TranZ By
Almuhajir